橫綱

營業中

休息中

橫綱拉麵 久唔久就回頭食吓……越食越唔掂 忘記了又幫襯 又失望而回今次更差四人卡位 冇背板 同後面張枱嘅客人背貼背 枱面窄 2位對面要坐人 要好小心 免撞倒人义燒拉麵 $85 豆醬湯底 4.5片薄薄嘅 配料唔多义燒切得薄薄(滷豬肉)豬腥味 肉內有血塊豆醬湯底 豆醬味超淡味 (次次都唔同水準 有時炒濃)九洲拉麵 $85 豬骨濃湯底豬骨濃湯底 唔知點解係有魚腥味 (以前食有奶香味) 可取嘅係免費供應“綠茶" 熱騰騰 不斷添加 口渴救星可要求多湯 或 麵淋啲 都得嘅閒日下午有8折 冇咁嗱唎 不過今次麵過過過淋 痴埋一嚿以前會飲晒啲湯 今次真係冇可能 實在太失望啦

成日都想食拉麵，於是俾我哋搵到間老字號嘅拉麵！裏面嘅裝修好似80年代嘅日本，而且嗰度嘅師傅都識日文㗎，都感覺幾地道！鍾意食辣嘅朋友一定要試吓嗰個辣湯底呀！食之前可以人手親自落蒜蓉，過足日式拉麵癮！

其實呢間野好多年前已經食過一次，除左記得好逼之外已經冇其他印象啦，因為次次夜晚經過呢間鋪都多人都暈，所以已經好耐冇食過啦。今次下午經過見門口冇咩人，仲有全單８折就入去食啦！一打開個MENU，二話不說一定係揀我最愛嘅沾麵現櫻蝦麵豉汁熱食，大約等左15分鐘左右就有得食啦。首先要講下粒蛋先，冇味。再黎就夾番住麵去浸湯，個麵好重蛋味呀，個沾汁都好香櫻蝦味，好香好濃厚沾汁掛上麵度一齊食好有滿足感，個湯其實幾特別，食完之後湯得番兩淡，想加湯飲埋佢都唔係好夠了～不過個湯好似冇咩味精，因為食完都唔覺得好口渴～遲Ｄ有機會再食一定等下午先去啦，唔洗點排而且仲有折～

晚上9点路过看到一堆人在这里排队，感觉很厉害的样子，逛完回来9:30还是这么多人在排，拿了号又等了半个小时，终于到我！点了鱼豚骨拉面+一客鳗鱼饭，喝到拉面第一口汤，立即惊艳，加上烤到焦香的叉烧，实在太香，再等到鳗鱼饭上来，我以为太饱肯定吃不下，没想到，一口下去根本停不下来，鳗鱼烤至焦香，酱汁淋在饭上，有特别的香味，吃完立刻还想再来一碗，完全被这碗鳗鱼饭收服，吃过最赞的鳗鱼饭！非常值得排队推荐的一家店，服务也非常好！

呢間嘢，一直都知多人排，但今日都諗住去駁一駁，都好半個鐘！今日三人行，一人一個面加多個叉燒小食！冇得輸！！朋友叫咗一個魚豚骨拉麵湯底好重鰹魚味，正！ 一件厚切豚肉，肥瘦適中，肉同脂肪比例好好！識落五太肥，亦唔會太乾太鞋！櫻花蝦湯拉麵超級濃嘅櫻花蝦湯麵，櫻花蝦味香濃極之好食！櫻花蝦份量都唔少，岩晒我！仲有個最好食嘅小食叉燒！嘩！入口即溶丫，肉質柔嫩，齒頰留香！最後大家都係覺得魚豚骨拉麵最正！下次如果有機會都會再試！

朋友知道我喜歡食拉麵所以刻意帶我到這裏推薦因為之後時間去果欄我們在中午12:45等咗大概半個鐘好彩好天因為本人唔太鍾意戶外等位服務員態度非常友善令人感到非常溫暖和親切下次一定要再來這就是很好的服務態度（因為始終香港是旅遊區這樣態度就值得鼓舞）我倆都安排就係坐係廚師前邊可以觀察到廚師一舉一動相當開心叫咗兩碗拉麵一個餃子好快就已經送到面前熱辣辣餃子都相當好味湯底濃郁黏著嘴巴玄米茶都好香環境相當擠迫不過就好細心櫈下邊可以放手袋值得推薦嘅我下次都會去食嘅不過我覺得非凡忙時間會好少少因為我都好鍾意行上海街果欄我又好鍾意食拉麵所以唔使再周圍搵喺油麻地區多謝你哋的服務態度繼續努力吧

幾年前朋友帶我黎呢間拉麵店..橫綱就成為左我最喜愛嘅拉麵店，全因為櫻花蝦...每一次我都唔捨得試其他湯底，因為一入舖頭，就聞到佢嘅香氣，令我唔捨得轉變其實食左咁多次..整麵嘅人都唔同左，有時味道都唔係回憶中嘅味道，今次食嘅蝦，好林，好似漏左氣咁，以前會脆脆地，成個碗面都係，就係鐘意佢爆多蝦，但宜家唔會了。.但麵師傅嘅細心依然，夾麵落個碗度時如果整濕左碗邊，會抺番乾。.好鐘意坐bar枱可以望住師傅整麵，可以睇到個過程，雖然我知佢地唔想比人望😂每次食都好爆場，師傅忙到不可開交，希望客人耐心等候唔好吹，因為佢地已經好努力

平時見到排哂長龍，咁啱當日放假行完街5 點幾無人排隊，就入去食啦！魚豚骨拉麵 (豬骨鰹魚湯底) $85塊肉超林超好食，雖然會見到好似有塊大肥膏，但食落口唔會食到肥脂，好味溏心蛋啱啱好！好正！湯底有少少油，不過好香每啖麵都夾住湯咁食真係一流

很久沒來，心血來潮，想吃一下。本來係好特式的香港地日本拉麵，味道尚可，吸引可多新舊客人，廚師可記大功！但可惜是樓面似著自己是特式小店，不憂無人幫襯，態度其差無比。根本不知道自己店價其實算貴，我吃的是廚師功勞，但要受樓面氣，可真考慮是否值得！真懷念以往店裏上上下下的親切招待....😓

現在的拉麵店開到成行成市。質素參差。而橫綱卻是最早期由日本人親自操刀把日本拉麵文化帶入香港的原祖級拉麵店，開店超過二十五年，至今仍屹立不倒。店子小小，但人流不絕，繁忙時間，一定要耐心排隊等位。所以我多數選非繁忙時間才幫襯，否則等候的時間往往是用膳時間的幾倍。現在的種類配搭巳越來越多，而價錢仍然保持在合理水平。我每次也選套餐，傳統的叉燒拉麵，半熟流芯蛋,再加一碗全港獨一無異，口感味道都超好食的细碗肉碎雞蛋飯，再加一杯凍檸檬茶。 彷如置身日本當中

話說有間拉麵店係由以前第一年同老公拍拖時開始食，呢間就係位於油麻地嘅橫綱拉麵。吃了快七年，店內永遠坐無虛席，店外永遠充滿人流排隊等食，多年來人氣不減反增今日又想重拾拍拖回憶，所以決定前往等了大概半小時左右便能內進，店外等候區有張小長櫈，但有沒座位便要一看運氣了店內雖小，但充滿日式風格，就像去了小日本似的餃子是必食！多汁又脆！仲有叉燒小食，不會太油，恰到好處我點了味玉拉麵，湯底十分濃郁，配半熟蛋一流！老公點了魚介拉麵，香濃湯底搭配足料叉燒，令人食指大動！埋單只收現金，所以平時look開咭之食客最好帶定現金埋單時店員會送上獨立包裝嘅萬樂珠！好正

魚介豚骨拉麵 $79(8折左姐係$63.2)以鰹魚及豚骨熬成湯底。原本以為湯底會比較鮮甜，但原來係淡淡咸香，而且鰹魚味比豚骨味重。湯底愈食愈濃郁，唔會有膩同口渴既感覺。-溏心蛋未至於流心質地，但蛋白嫩滑，蛋味濃郁，忍唔住一啖食曬🐣而叉燒較厚，一半係脂肪，一半係肉，經調味同火炙後，無論賣相定味道都無可挑剔，入口即融🤤-沙發位置舒適，但冷氣凍左啲。服務態度唔錯，狂幫我斟茶，結帳既時侯仲送糖果。冰涼既茶同拉麵真係絕配👍🏻👍🏻原來下午茶有八折，呢個價錢有咁既質素，唔錯！-

性價比高！每次光顧都大排長龍，雖然如此，店主好細心提供座位和茶水給等候的客人。而且麵條很有咬口，環境乾淨，款式很多，連飯都有提供！裝修後化妝室後大很舒服，所有細節都做得很好！

橫綱一間在香港歷史悠久的日本麵店，好早好早時，我記得是一間日本人開的麵店，在內可見到一位日本師傅細心幫你煮日本麵，在那時香港要去一轉日本是需要成萬幾銀，仲要親身去日本領事館攞簽証，又麻煩又貴隊又長。因此，在當時不是人人能夠去日本走轉，想食地度日本麵，橫岡是唯一一間在港正宗的日本麵店。如果我冇記錯，現時橫岡的老板應該是當年日本師傅的助手。我仲記得他要經常要在麵爐裏攞麵餅出來揈，讓煮麵水走曬，這樣本身的豬骨湯底就不會變味了。推介指數：10/10

成日聽朋友講話好好食，等左一個鐘終於試到！雖然等左好耐，但物有所值！湯底好濃，但食完一啲都唔口渴，而且叫一碗已經夠晒飽，小食都唔使嗌！希望下次同朋友食可以試埋小食啦！