橫綱

營業中

休息中

呢間拉麵店喺香港好長時間,十幾年前都見到,真正有幾耐就唔知喇。食過咁多次我竟然一直無寫呢間, 我最愛既拉麵店之一,因為經常性排隊,所以我都數8點半後先黎,唔洗等咁耐。今次都係,9點唔知食咩好,10點半又要去機場接人, 咁就黎食拉麵啦, 好彩唔洗等位,今次點左博多屋台風拉麵。一如既往,水準穩定, 叉燒,配料,湯底,拉麵,每一樣都咁穩定, 雖然唔係驚為天人, 但就係咁穩定地好食, 豬骨湯底濃郁, 唔會油膩, 差唔多飲晒,拉麵軟硬適中, 配合埋個湯簡直一絕。

橫綱既門口永遠都係有好多人等位 每次都會諗住下次先再食 所以上一次食已經係幾年前雞蛋肉粒飯🍚跟餐既飯細細碗望落普普通通 但蛋同肉既香好濃郁 拌埋酸薑絲一齊食 甜甜地好有屋企既感覺元祖拉麵(醬油湯底)🍜湯底濃郁唔會過咸 叉燒肉同脂肪平均 香口入味 拉麵煙韌 每次食拉麵最鐘意自己再加芝麻 將香味昇華 朋友既豬骨湯底好濃郁 而且唔會好油 佢食完麵後成碗湯飲晒😝大熱天時係街等足半個鐘 下次再食應該會係有涼意既時候黎試佢個期間限定既柚子沾麵!

好幾年前路經此店已經大排長龍，一直未有時間嘗試，今日巧合經過唔洗排隊，就去試下。但感覺味道同麵質…唔太合適口味，由其是麵，好似包裝既辛辣麵…服務可以話好好…一入店倒茶，細節上做得好好

夜晚黎食都full 哂同埋要出面拎飛等位，仲要答枱。不過姐姐知我地等位辛苦就會沖茶水出黎比人飲。好期待。 朋友帶我黎食， 位置係街轉角既斜路底。1場黎到就梗係試佢招牌魚豚骨拉面啦。 除左有我最愛既糖心蛋，仲有條筍筍呀。 十分期待 . 一埋牙就夾左佢既糖心蛋食。 嗯。。。。食落口係凍既有d突然。 因為我鐘意熱食既蛋蛋。 條筍冇咩味。個湯底係濃同油份重但係就做5到我想像既魚豚骨味。塊紫菜上面既魚粉冇突別加到分。湯底味道5鮮明。 d肉肉ok既。 如果話係香港拉面鼻祖但係味道甘樣我會失望。 個面都偏軟，5係彈牙。

去完栢裕cmhk sc centre下一站要過佐敦，唔知點解突然想行過去。本身無帶遮，個天又勁黑，但都無懼風雨咁行過去途經油麻地見到一間叫橫綱既拉麵店，自己又未食lunch，好奇心驅使下走左入去。可能過左lunch，唔太需要等位，一坐底店員就俾左一杯冰凍既玄米茶俾我但店內座位真係幾逼下，搭枱非常唔方便拉麵種類多，仲有飯類定食，冷麵，小食，我只求飽肚，要左一份豬骨湯叉燒拉麵。落單時店員問我要唔要辣。。。日式拉麵店黎講有點怪吧正常每款拉麵都有自己既湯底，呢度竟然可以揀辣湯?我要左清湯算。大6，7分鐘左右拉麵就上了。個湯真係好清好似水咁，湯面只浮起幾滴油，好誇張既清湯。。。。入口一試，好濃味!味精湯咁唯一好少少既係叉燒，厚身既五大塊，無太多既醃製，所以食到油脂同肉香。拉麵既質感一般，唔會好腍但絕對唔係彈牙，掛唔到湯，可能湯太稀吧。。。食完係勁口渴

橫綱日本湯麵店 // 魚豚骨拉麵 Double Soup Ramen (Tonkotsu Soup and Bonito Soup)-▶ 麵條：橫濱選用的是幼身麵條，番數比拉麵來、大風堂、魂、拉麵台風等店少，較之一蘭則多，麵身容易掛上滿滿湯汁，一口一口吃下來，易咬入口肚皮又不會脹得太快-▶ 高湯：高湯是麵的靈魂，魚湯與豚骨湯的配合剛好起了互補作用，洗去豚骨湯厚重油膩的口感同時加入魚湯的淡淡鮮甜，唯奉上時湯身溫度只屬溫熱，較一般拉麵店溫度較低。-▶ 豚肉：大塊厚切的火炙豚肉是全碗麵的重點，脂肪比例高的豚肉加上恰到好處的火喉造出豚肉油脂在嘴裏化開的奇妙口感-▶ 其他：店內供客人伴麵的是一杯常溫的麥茶，配上只屬溫熱的拉麵，店家沒有打算給客人一冰一火冷熱交替的嚐味之旅，倒是帶點清甜的麥茶，在空碗之後帶來了回味。處理過的白葱和青葱也給麵條帶來額外的清爽口感。-▶ 綜合：★★★★☆

實不相暪，小學時候家住油麻地，讀書又係油麻地，上午校有時放學最開心就係屋企人帶我去飲飲食食。當年未有拉麵店潮流，但一想食日本野，一定非橫綱莫屬。由於住得相當近，通常都會揀啲少人啲嘅時候黎食。（係，橫綱係小妹我小學時候已經要排隊😂因爲由始至終都係得十幾個位🙈）中學都係油麻地，但開始越黎越多人排隊，亦越黎越難就時間，期間都有好多年無食。直到搬離果區，上大學，做野......有日平日放假，心血來潮好想食拉麵，又唔想過海，就決定黎橫綱回憶一下。最愛味玉，叫左碗味玉拉麵。係咪小時候嘅味道已經記唔清楚，不過一碗拉麵，最緊要夠熱，而橫綱絕對做得到。簡單嘅配料，配上熱騰騰又香濃嘅豬骨湯底。食到冒一身汗，驅走曬所有返工嘅悶氣。

次次經過#油麻地，呢間#拉麵 店叫“橫綱”，門口永遠有班忠實粉絲等位，今晚趁住跑完步落去試下有幾好味。拎咗籌，成九點半門口有成十幾個人等，大概等左8個字左右, 有位啦，雖然小店面積唔算大，座位都算多，細細地既bar台坐到8個人，有幾張4人枱，連卡位都有得坐，日式裝修嚟講算幾精緻。 拉麵有幾款湯底俾你㨂，分別係醬油，麵豉，辣味及鹽味，至於麵可以要求軟或硬，除咗拉麵，仲有幾款定食㨂。圖中就係麵豉味叉燒拉麵(左)$79，有4至5塊#叉燒 ，件件都幾厚，仲有粟米芽菜做配料。而右邊係魚豚骨拉麵$79，湯入面舊豚肉好正，廚師係您面前即場燒，聞到好香, 個湯底先係精華，充滿著木魚既鮮味，好香濃。 兩款拉麵湯底很濃，食慣濃味野既朋友要去試下啦。

之前都聽聞呢間拉面唔錯呢日順路就去試下幸運地去多只係等左5mins坐左入去轉頭出門多左十個人排...餃子雖然賣相普通，冇個層醬油煎香一塊既皮, 略嫌唔夠香口面質 唔可以揀軟硬度，不過入口軟硬適中但係感覺梘水味未清😅可能錯覺啦豬骨湯未算好香濃鏗魚湯底比較出色糖心蛋 十分出色！日本國產貨色梗係好香濃蛋味 入口嫩滑煮得入味 唔會太咸 又唔老見住成盤水樣彈彈咁真係好想成盒帶返屋企😆😆下次路過 唔多人既話 都會再食😁

自問都食過唔少拉麵，每次食我都會拎黎同橫綱比較，因為橫綱碗麵係令我最大驚喜同埋食完係真係會想返轉頭既！佢個湯底好濃味，啲麵又有質數，食落好入味，而且溏心蛋又做得比其他店出色，試過係其他拉麵店食隻蛋無味之餘仲要個心係硬既，所以橫綱的溏心蛋我真係要讚一讚！不過舖頭就比較細，每次黎都要排隊，亦試過等個半鐘先有位，但好野係值得等既！呢碗係我每次黎到都必食的拉麵，朋友就叫左沾麵，係柚子味，佢話好特別，仲要味道唔差，睇黎下次到我要試一試。

話說掃雷隊員W係#拉麵怪 所以又係時候為大家報導一下拉麵界嘅資訊啦😂😂呢間1987年就嚟到香港創業的老字號🍜，小女子當然要懷着敬意去拜會啦～--------------------------博多屋台風拉麵🍜（ $73）奶白色的🐷骨湯，論湯底很香很濃，正宗的日本拉麵應當如此～雖說食完會口渴但至少享受了當中過程😌麵條頗幼，有蛋香味，軟硬適中，配埋木耳碎、香蔥同埋惹味的明太子堆，果然對得起咁多年歷史👍🏻～Rating💁🏻:7/10沾汁麵柚子汁🍋($86)好失望好失望好失望😭😭原本見到柚子汁係眼前一亮，但係飲第一啖湯已經好失望🤕🤕因爲一啲柚子味都無⋯⋯⋯淨係有少量柚子碎係面，但其實無柚子味架😭😭唔會再試...Rating💁🏻：4.5/10（如果佢係普通沾麵，係會合格嘅⋯）------------------------------好味指數😋：7/10翻啅指數🙆🏻：6.5/10人均消費💰：10-99服務態度👨🏼‍🍳：7/10乾淨指數🌝：7/10------------------------------

下面係一篇好長既食評，所以先黎個總結，如果大家鐘意食蛋味重麵，可以黎試下依間，但前題係，你唔介意服務有幾差。今日同男朋友出油麻地食依間搵左好耐都冇機會試既拉麵，見到網上既食評都好似唔錯咁，所以就黎食左個lunch。去到鋪頭門口已經兩點幾，本來以為會冇乜人，但見門口已經有幾個公公婆婆坐左係到，行到埋去睇餐牌就知佢地原來只係想搵個位坐下，所以就坐左係門口既櫈到，心諗覺得間鋪又幾好喎，唔介意比人唔等位都坐下，再加上睇餐牌既時候，店員走出黎門口幫手執走門口既垃圾，未食就已經覺得今次應該冇黎錯喇。開門入到去，就發覺依間果然出名，兩點幾都仲有好多人，我地就被安排左係門口既bar枱到。入到去坐低，男友就係咁摸個枱底，發覺依個位置一d都唔user friendly. 個枱面勁低，張櫈就勁高，個袋放係大脾就已經高過張枱，附近又冇勾仔比人掛袋，最後男友迫住放左個袋落地下。好啦，叫野食喇，個menu望落有幾款都幾吸引，我地最後就分別叫左一碗元祖拉麵同埋一碗九州拉麵黎食。係等緊既同時，因為我地坐門口位既bar枱，面對住就係煮拉麵既兩位師傅，望住佢地兩個一路煮一路傾計，口罩又冇帶，其中一個仲成面都係鬍鬚，真係唔

屋企人放假，想食拉麵，就立即想起朋友曾經介紹過呢間，所以一家人一齊去試😊點左豚肉拉麵，味玉拉麵同沾麵，仲有一份餃子，大家都食得津津有味。湯底淆得不錯，但味精略多左少少;麵夠爽口彈牙，有少掛湯; 湯拉麵同沾麵麵底不同，個人中意粗少少的麵;旦同其他配料都好味;但份餃子就麻麻，太貴了。一樣野唔滿意: 位置太逼😨本身好怕食唔飽，不過份量係足夠的👌

香港人食飯要排隊係常識，自從換工作之後，我就沒有少排過隊，但在煩忙的下班時間，每每在我巴士站對面的拉麵店，永遠都咁多人排隊。引發我超想嘗～咁岩友人同我一樣喜歡吃拉麵，就決定去排下隊，餐廳非常貼心，會在外面排隊倒杯茶給你，超窩心的舉動！等了一小時左右，終於可以入去，餐廳裝修係日式居酒屋，有吧檯，迫迫地，會座得很親密～食物方面主打拉麵、亦有小食和飯，我和友人都喜歡食拉麵，所以點了兩個拉麵，兩客小食～（超飽⋯點太多了）煎餃子$36， 6隻煎餃子，極得推薦，雖然不是什麼特別食物，但煎得外皮香脆，又不會過乾都是一個學問，又不會太油膩，好味道！雞肉串$38，雞肉很軟，照燒汁味道很濃很入味！配拉麵食一流！主菜：九洲拉麵$79，食拉麵我最愛一定食豬骨湯，三片叉燒加配菜， 配菜有很多芽菜、筍，都可以同佢講唔好加～拉麵偏軟身，比較一般，豬骨湯味道未算非常濃郁～有少少失敗～另外，櫻花蝦拉麵$79，有叉燒有菇有半顆半熟蛋，食材豐富，湯底都濃郁，帶少少鮮味～還不錯～餐廳很家庭式，服務也很不錯～食物都👌🏻～價格也合理，難怪咁多人排隊～

第二次嚟幫襯，從未坐過水吧位，咁啱上一檯客剛剛離開，我哋兩個人就可以試吓坐。縱然拉麵店一貫座位狹窄，然而店家貼心地將座位設計成凳底可以擺放隨身物品，一讚。大堆調味料任君自行調味。細飯先上，嗱幾時都係咁話，唔好貪口爽响主打食麵嘅地方點飯食，認真麻麻哋。日式咖哩嘅所謂「甘口」甜味，個人唔係太識欣賞，而只有兩小塊牛肉嚟講，個人覺得小器咗啲。之不過咁，呢個飯絕對係唔難食嘅。所謂嘅「味玉」就即係有調味嘅糖心蛋，蛋嘅熟度恰到好處，除咗勁正嘅日本蛋味之外，佢仲有一啲酒味咁嘅獨特調味，好食！雖然呢個麵冇叉燒，但係佢有一啲疑似係叉燒切片時剩低嘅邊角料，咬落焦香爽口，拍得住叉燒，仲冇咁多肥肉添！個人其實唔建議食醬油味嘅湯底，點解呢？因為佢個湯底好似冇熬過咁，好似只係用醬油溝出嚟咁樣，但係飲落又幾清甜，冇豬骨湯咁滯。麵絕對係爽口靠得住，而且配菜都係清新好味嘅。叉燒更加唔駛講啦！足料油潤香口好味！