橫綱

營業中

休息中

橫綱係十年前親人帶我食既拉麵，當時已經大排長籠，等一大輪先有得食。而親人早已身故，所以有少少物是人非既傷感感覺，麵無變，黎食既人卻不同了！情何以堪！下午三點黎食，星期六都唔使點等位。跟餐凍檸茶，食拉麵有茶啡好似以前係無既，正常西餐廳味道。櫻花蝦拉麵，個湯好濃味，夠咸，櫻花蝦細細隻好脆，溏心蛋做到半液固態，叉燒夠軟稔，麵就好似油麵咁，似係廠拎返黎。辣味拉麵，真係辣得好過癮，又有少少芝蔴，正！每人跟餐加配45蚊鰻魚飯，都係拉麵好食d，依個無咩特別。雞串配上蛋黃醬好夾，燒得幾好，好清新。薯仔雞蛋沙律好味，側面有d脆脆地既薯片，口感好特別。希望親人係天國試到依碗拉麵。食咁多野都係330蚊好抵食。

以往經過經常見到一條人龍，心想有冇咁好食呀? 因緣際會下終於一試，果然一試難忘。舖內坐無虛席，人頭湧湧，侍應們都十分忙碌，師傅則不慌不忙。我則被安排坐上吧桌。今次點了元祖拉麵，或者人多，等上菜的時間較耐，可以理解。拉麵來的時候，吃下來寧舍不同! 鰹魚湯底非常濃香，拉麵口感煙韌，厚义燒也很入味。難怪這家店經常人山人海啦!!

最近去完日本旅行 真係好掛住日本嘅美食 尤其係拉麵 今日就嚟咗油麻地呢間屹立幾十年嘅拉麵店 感受返日本嘅氣息😆店面唔算大 真係好似日本拉麵小店嘅格調😻 之前嚟過門口好多人排隊㗎 不過好彩今日我地早嚟 十二點幾嚟到就唔駛等啦👍🏻Lunch time係有set叫嘅😬 就係拉麵加個迷你丼飯同一杯野飲 大概一百蚊到 咁我揀咗櫻花蝦拉麵 濃蝦湯底 好鍾意櫻花蝦嘅口感🦐 有少少脆 本身湯底好重鮮蝦味 加埋櫻花蝦少少嘅鹹鮮味 味道真係好鮮 拉麵仲有一片半肥瘦嘅叉燒🐷 真係成碗麵做得啱啱好👻燒鰻魚飯 四十蚊加配嚟講就唔算好抵 得兩嚿仔鰻魚🤧 而鰻魚又有啲韌 不過欣賞佢飯面鋪滿咗蛋絲🙂如果大家真係好想食日本風味嘅拉麵 呢間餐廳絕對做到嘅🙊

呢間拉麵店雖然係彌敦道既小巷，位置吾算顯眼，不過經常有好多人排隊，尤其午飯時間，好難有位。今日難道晚上經過，無咁多人，一於試一試！店內格局好有日式拉麵店feel叫左應該係招牌既元祖拉麵，配醬油湯。麵質適中吾會太軟，湯底都好味！另外叫左個set,有鰻魚細飯及鰹魚肉（吾記得全名）拉麵！呢款拉麵有驚喜！個人覺得比元祖拉麵好味！湯底好味之餘，塊肉燒到好出味好香呢到既奶茶用歐式杯裝，有d吾太match😂最後點埋餃子，都吾錯食架！

放工來到旺角油麻地附近，完全無計劃晚餐食咩好，只是定好要去佐敦「佳佳」食糖水 (正餐還未食，已定好甜品食咩好 @.@，什麼玩法)漫無目的，隨意地向佐敦方向行，經過救世軍時，見到平時好多人排隊的拉麵店，竟然無人龍呀﹗﹗﹗好啦，就呢間。去到「橫綱」門口，雖然無人排隊，但店內剛好坐滿，所以要先拎飛，我們排第一，先睇好Menu，好快就安排到位置了。店面不大，坐位有點逼，大家要坐得親密少少。師傅努力準備各款拉麵，無停過手。餐牌不算多選擇，但有拉麵/ 沾麵/ 小食/ 飯類定食，覺得已經好足夠。魚豚骨拉麵 ($85)選用了豬骨鰹魚湯底。湯底的鰹魚香味好濃，飲落質感較厚，豚肉一整塊，比手掌還大塊，好厚，肥瘦適中，燒得剛剛好，入口好淋，帶有少少豚肉油香味，但絕不會過膩，反而好惹味。拉麵軟硬適中，伴住香濃鰹魚湯底一齊入口，吸哂湯底的味道。元祖拉麵 ($79)可以選擇醬油、豆醬、辣味或清湯湯底。某人選了醬油湯底，相對魚豚骨拉麵，這個湯底無咁濃厚，幾片叉燒肥瘦比例剛好。可能因為較偏愛鰹魚湯底，所以覺得這個元祖拉麵較遜色。

👉🏻博多屋台風拉麵（豬骨湯底）🍜💲79Hakata yatai-fu ramen (tonkotsu soup)➕燒鰻魚飯（細）💲47一年前我個frd約我食呢間 佢話好好食 一年後終於約得成🤣（耐到間鋪唔再需要排長龍都入到坐😹）拉麵個湯唔算太濃 不過冇咩味精 明太子其實撈咗唔係好食到 淨係覺得鹹鹹地😹叉燒係偏瘦！太好了haha個鰻魚飯一般 燒得唔夠香 冇咩汁 重點係得兩片 會唔會太少😹〰️〰️〰️〰️〰️〰️〰️〰️〰️〰️橫綱 (油麻地)📍油麻地彌敦道466-472號恩佳大廈地下

呢間好耐以前同朋友食過，今日同完個客開會，見時間仲早就入左去食。橫綱位於油麻地，地鐵站行去就非常之快，但夜晚就比教多人，如果7點前黎食就唔駛排咁耐，咁我今日主要係黎食拉麵既，大家一齊睇下menu先有咁多種拉麵實有一種岩你心水，咁我就叫左呢個叉燒拉麵，因為我想食多d叉燒 再加多隻味蛋原來開心幸福就是咁簡單

間舖唔大，大約只可以坐到二十個人左右 其實d坐位有d迫 我去嗰陣要撘枱我叫左個香葱拉麵 佢個湯底要幾款可以揀 我就揀左辣湯佢個湯飲落會有少少辣 但普通就咁食d面就唔覺得辣既 拉麵質地彈牙 有咬口 真心好食 d葱本身有醃過 好多味 夾埋d面一齊食一流 再飲淡湯簡直完美

說真的，已說過真的很喜歡食麵🍜，從小未懂事已經初嚐過這家箇中滋味，原來1987年至今都有幾十年嘅光景，八九十年代真係可說是數一數二嘅人氣拉麵🍜，隨著時代變遷，引入林林總總嘅過江龍，人潮擁擠程度已不複再🤷🏿‍♂️，店面嘅格局沒多改變，服務當然是過去的較好吧🤔。狹小空間吃一碗麵在以前來說是十分雀躍無比，但而家吃到嘅就只是一種「情懷」😢.🍜魚豚骨拉麵。即燒一整塊嘅豚肉，滿滿魚介香嘅湯底，配上木耳、紫菜、溫泉蛋，確實是豐富足料，但為何沒有了一種驚喜感🤔.🍜櫻花蝦拉麵。佈滿大量櫻花蝦🦐、加上叉燒、白菇、京蔥、溫泉蛋，但又為何變得如此的平凡感呢？🤔.別人說：墨守成規，不進則退。始終永遠不能鬆懈，才會繼續進步堅守下去😳

由細到大都鍾意食日本拉麵，試過好多唔同嘅店，香港又正宗又好味嘅日本拉麵嘅唔多，位於佐敦嘅橫綱拉麵應該無人不識。我哋叫咗魚豚骨拉麵$85 、元袓拉麵$79、再加多一個叉燒小食$49。呢度嘅拉麵出名即叫即整，今日真係好想食日本豚肉，所以叫咗好多添哈哈😄魚豚骨拉麵$85湯底係豬骨同埋堅魚，夠香夠濃，質地比較厚身，拉麵質地亦都好彈牙，吸收晒湯豬骨同埋堅魚嘅味道😋元袓拉麵$79幾乎每次都點呢個，揀咗豆瓣醬湯底，質素都keep到，同之前一樣咁好味呀！日本豆瓣醬湯底係第一次試，幾特別喎！最後要推介我最鍾意食嘅叉燒小食$49😋😋好少會成碟叉燒咁食，通常都係食拉麵上面嘅幾快，今次真係食得好奢侈，叉燒肥瘦適中，咬落去成個口都係豬豚肉上油嘅感覺😍真係好滿足呀，而且有好香嘅炭燒味道，呢個推介，下次你都會食！

小小的店舖比大企業、大集團式的經營更有人情味，就算每晚店外有多人排隊，都從未想過要搬大一點的店舖，就是為方便熟客。每一晚店外都是大排長龍，幸好當晚早一點去，否則要等好久。拉麵選擇不算多，本想叫沾麵，但可惜是期間限定，結果選了醬油牛肉拉麵、魚豚骨拉麵、九洲拉麵。醬油牛肉拉麵 - 湯頭帶點甜，雖是醬油，但又不會太鹹，麵條爽彈，每一口都有濃濃醬油味道。煎餃子 - 食拉麵都很喜歡點餃子為小食，但要煎得香脆亦不是每間店舖都能做到。雖然小店座位不多，地方亦不是寬闊，但就有種在日本吃拉麵的感覺。絕對值得一試！

由細食到大既店。很久沒有來。星期二中午一個人去光顧。唔洗等。坐吧枱。唔知係咪人大左。覺得地方迫左（同元氣比）。叫左由細到大至愛九州拉麵。湯keep到好味。义燒又正。反而麵冇咁彈牙同少左D。UCC凍咖啡。冇加奶飲正常。一加奶就酸左。換zero coke 又唔夠凍。又冇比冰。環境員工嘈音就慘啦。鋪頭細細2個waitress係咁同個淥麵司傅吹水。身為客人唔係好想知你地D私事。比起以前夜晚個日籍司傅既認真個feel差遠了⋯還有提議不要用洗手間。衞生差過茶餐室⋯⋯總括來說店差了。可考慮踢出由小到大至愛food list ...

💖💖遠近馳名嘅橫綱拉麵，每次經過都必定人山人海👨‍👨‍👧‍👦👨‍👩‍👧‍👦👩‍👩‍👧‍👦👨‍👨‍👦‍👦👨‍👩‍👦‍👦👩‍👩‍👦‍👦👨‍👨‍👧，原因係平、靚、正！！！所以我最喜歡🌃深夜到訪🔙，人流相對比較少，等候時間可以縮短啲，今晚我選了🥚味玉拉麵🍜，濃濃的豬骨湯底，少少🐷叉燒粒加上半熟糖心蛋🥚，水準一流，而我個人喜歡Order麵質林啲另外都要特別讚賞，無窮refill的玄米茶🍵，茶味香濃服務非常貼心♥️，女士們👩‍👩‍👧可以向服務生攞橡筋，將秀髮整理好👱🏻‍♀️，以免跟頭髮分享美食

🍜味肉拉麵😗滑溜溜的流心蛋非常正🤤🤤肉粒有d鞋🤣🤣辣味湯叉燒拉麵🤪個湯好香 唔會太辣叉燒肥瘦融合🤪🤪另外小食叫左個煎餃子🥟普普通通😗味道都ok既 外皮有少少窿😗

對上一次幫襯好似已經係兩年前，今日咁啱路經又肚餓就走咗入去。記得以前去親都要等位，唔知係咪因為今日係平日而且係下午茶時間，店內只有半滿，完全唔洗等位。點了醬油叉燒拉麵，麵未上先上一杯凍水。過一陣碗麵都上埋，可能太肚餓，覺得麵條有點太少，還好叫了叉燒拉麵多幾塊叉燒頂肚。醬油味濃，叉燒也入味，粟米很甜，整體不錯。吃完麵，飲埋杯水，店員立即問我要唔要添水，好貼心。這店不收加一，味道中上，上菜速度快。缺點是座位數量少，有時候要等很久才能入座。菜單上明明標價$85的叉燒拉麵，我結帳時竟然有85折，只收$68！店內外也沒看到相關優惠告示呢。