難得Happy Friday! 緊係要約班朋友出去食下飯啦🤓 平時日式居酒屋就去得多 台式真係少見啲 咁啱有位朋友好中意食蝦，所以就睇中佢有好多選擇喇🤣 我地4位叫呢個餐 另外加個小食啱啱好🫶🏻 抵啲之餘仲可以試唔同嘅招牌菜 👆🏻鹹蜆仔 (飲酒必食!!!) 佢食落鹹鹹地，好鮮味 一食就停唔到口🤣 同埋佢係醃熟左 所以就算唔食生野嘅朋友都一定要試下🙈 👆🏻冷盤油雞 唔好睇佢白雪雪好似冇乜味咁 食落估佢唔到幾嫩😳同埋個麻油香啱啱好! 夾埋薑蔥食仲好香好鮮味🤤 👆🏻烤澎湖墨魚香腸 呢個真係必食😍烤到金黃色咁好脆好香口!!! 食落真係好香墨魚味，同埋好彈牙 真係會忍唔住食完一舊又一舊🤭 👆🏻奶油蝦 不得不說 啲蔥同洋蔥索曬奶油味真係好正😍 強烈建議拎少少汁擺自己個碗 啜完個蝦殻，搣完隻蝦之後點番啲汁 再夾埋洋蔥咁食 真係會好味好多!!! 👆🏻蒜頭蝦 超多蒜🫣🫣食落好香蒜味 比起其他口味，相對地會冇咁惹味 但搣完蝦肉再痴多啲蒜食就夠曬正 👆🏻胡椒蝦 3隻味之中最濃最惹味的😎重口味人士必選 入味到食唔定口，真係好香胡椒味 但係又唔會太辣，好彩揀左要大size🤭 隻隻蝦都好大隻 好實肉，仲勁多羔!!!! 👆🏻燒酒蝦 店員推介我地套餐入面湯品揀呢款，咁就變相可以試多一種口味🙈 個湯充滿住蝦嘅鮮味同時，同有好濃嘅藥材味 所以一飲就有種好補嘅感覺🤣 👆🏻魚汁麵線 店員送上嚟嘅時間重點介紹所謂嘅魚汁其實係傳統類似麵豉嘅一種😯 而並非用魚煮出嚟嘅湯 食落味道都幾特別~ 不過淨飲湯會有啲偏咸，配埋個麵線就幾好 成餐飯食左好多唔同口味嘅蝦好滿足😍 店員仲好有心機咁同我地介紹餐廳嘅菜式 之前去台灣都已經好中意食一品，所以遲啲有機會一定會再encore😆😆

又到左一年一度媽咪嘅生日 作為呢個海鮮控嘅女兒，咁就緊係帶佢瘋狂食海鮮孝敬下佢啦🤣 一入到餐廳完全就係重拾家鄉的感覺🥹尤其是疫情冇得飛，呢種儀式感真的少不了~ 職員仲會即場燒海鮮~好有氣氛 可惜我地被安排左去坐入少少嘅位置 所以比較難望到😢不過職員都好好 話我地想睇既都可以企出去睇👍🏻 餐廳仲會係黑板上面寫當日嘅時令海鮮🙈 粉筆字再加插畫 好可愛🤣成個氣氛感即時🆙🆙 👆🏻鯷魚醬配蔬菜條 前菜食翻啲惹味野開下胃先🤤 就咁食鯷魚醬嘅話會有啲偏咸，但配埋蔬菜條就岩岩好😍 咸香之餘仲夠曬鮮味!! 👆🏻辣酒煮花螺 前菜再嚟一個酒肴😛 花螺食落好濃好入味 份量都幾多下 送酒真係一流🍻 👆🏻活魚海鮮盛合 一嚟到真係夠曬震撼😂全枱人即刻拎定電話影相 職員都好有耐心介紹每款海鮮 仲話比我地影完相之後就會逐一燒完再上碟 每款海鮮都勁新鮮!! 特別係隻鮑魚~ 影相個陣仲不停咁郁🫣 👆🏻海螺刺身 呢個真係超鮮甜!!!🥹🥹 媽咪食落都覺得好正 加上師傅刀功好好 切得夠薄嚟 但又有咬口 唔會靭❤️ 👆🏻刺身盛合八款 有齊各款刺身 岩晒我呢啲選擇困難症嘅人😍 每款各有2件 全部食落都好新鮮 牡丹蝦好彈牙🤤 擺盤仲好靚🤣🤣又一打卡必備 👆🏻活魚海鮮盛合 - 赤鯥魚二食 主角來了😍😍呢個食完真係好有驚喜 師傅先用火槍燒一燒魚皮 迫曬佢啲油脂出嚟 再厚切魚肉 保留翻刺身嘅豐富口感 一食落就知燒過嘅真係唔同啲! 食落有佢本身嘅鮮味之餘 仲多左份魚油嘅香🥹好有層次 👆🏻鹿兒島A4和牛鋤燒 其實我以前食過A5和牛，覺得好肥好油膩好重負擔🫠所以有啲怕 不過今次係到食就覺得A4岩岩好👍🏻 油脂分布均勻得嚟 加上燒過 所以好香口同埋入口即溶😚 真係令我對和牛改觀😂下次再嚟會encore!!! 👆🏻松葉蟹肉蟹膏海膽炒飯 最後用炒飯完結呢餐咁正既海鮮餐🤤🤤 海膽同刺身拼盤嗰個一樣好鮮甜 另外炒飯炒得好乾身好有鑊氣🍚同時啲飯又好有咬口 加上師傅仲要落埋蟹羔，昇華左成個飯嘅咸香同鮮味💕 所以就算前面食到幾飽都好，都忍唔住要食埋碗飯先肯停手🤣

朋友之前一直係網上留意左佢地個啤酒拉麵好耐，覺得好得意 於是基於好奇心驅使下 佢就捉左我嚟陪佢試😂 由地下攞完位到行上樓，keep住都見到啲裝飾做到好仔細 好似真係去左日本旅行既感覺😆 入到去餐廳 明顯感覺到佢地係以清酒同櫻花做主題🌸 每邊牆都有唔同既壁畫~ 好靚🙈 加上我地坐近門口位 所以就留意到佢地每次有客人入嚟既時候都會敲響門口個鼓 再講”21314”🤣 成件事即刻勁有氣氛!!! 👆🏻天婦羅茄子田樂燒 食落好香口粉漿既厚薄岩岩好 脆得嚟又唔會明顯食到成舊炸粉係口咁 最重要係佢夠!乾!身! 食完都完全唔會油淋淋🤤 👆🏻日本啤酒拉麵（無酒精） 今餐飯既主要目標就係佢😂😂 其實由一開始知要食佢個陣都唔打算對佢有咩期望 當係用嚟打卡為主🤣 一嚟到就見到佢勁大杯 場面十分震撼 點知食落去好有驚喜 真係估佢唔到🙊 開頭就係試左啖面頭既cream就心諗: 竟然係奶蓋🤯🤯平時手搖個啲喎! 完全唔match架麻?!! 然後膽粗粗撈混左佢 鼓起勇氣試下 點知 原來幾好食喎又🤣比起平時既冷麵多左個層次 奶蓋溝落去之後令佢感覺厚身滑身左 多左陣奶香~ 朋友食完餐飯仲話呢杯野係佢成餐心目中既no.2👑 👆🏻龍蝦二食 - 波士頓龍蝦刺身 不得不說 佢真係超新鮮!!! 因為食食下隻龍蝦頭無啦啦係到狂郁 嚇死我😂 啲龍蝦肉好鮮甜彈牙 同埋份量都ok 差唔多有成8舊~ 以咁既價錢仲有得二食算好抵食😚 👆🏻龍蝦二食 - 石鍋龍蝦泡飯 好足料! 除左有我地食完刺身攞嚟煮既龍蝦 仲落左好多菇/瓜/豆腐等等既野去調味 個飯索曬啲味 食落好鮮甜🥰🥰 雖然個龍蝦身比我地當刺身食左 但佢啲鉗同頭都仲有好多肉🤭 個頭有好多羔，超鮮甜啊真係 👆🏻北海道士多啤梨牛乳乳酸 食落去酸酸甜甜好開胃 而且唔會太甜 用嚟解膩唔錯! 而且粉紅色好少女心😆 👆🏻芒果烏龍熊茶 大概係每枱必點既飲品?!🤣隻熊實在太可愛喇 飲落雖然唔太重芒果味，但就好香茶味~ 感覺好清新🍃同埋隻熊仔係茶冰嚟 所以就算飲到尾都仲好濃茶味 睇得又飲得! 必試😍

難得放工約左朋友食晚餐~ 所以想揀間舒服啲同好啲環境既餐廳傾下計 朋友住將軍澳，咁啱推介左呢間話幾好坐 所以一於去試下啦🤣 一入門口侍應服務都幾好 我地8pm幾去到都冇乜人~ 所以好岩同朋友嚟食住飯傾計 加上位同位之間都幾闊 所以就算多人都唔會太迫 P.s. Menu啲公仔好可愛😆設計幾有心思 最後我地揀左2同8號餐~~ 👆🏻紅蘿蔔湯 飲落好香好濃 好足料🤤 唔知點解有種屋企既青紅蘿蔔粟米湯既感覺🤣 👆🏻紅酒燴牛肋條闊麵 闊麵煮得啱啱好唔會太淋之餘仲好有咬口 牛肋條都好淋好入味🙈 👆🏻美國封門柳伴紅酒燒汁薯條 我叫左5成熟~ 食落唔會韌 同好有牛味 薯條炸到熱辣辣 仲好脆😍 反而個羽衣甘藍令我好有驚喜😂本身都唔預有咩特別 點知原來佢係炒過調左味！ 從細節上就睇得出間餐廳一啲都唔hea - 整體嚟講感覺都幾滿意！ 有機會都會再約班姊妹出嚟傾住食😆

一直恨左好耐想食但係都book唔到位既牛大人 今次終於比我食到午市放題🤩 嗌左極上和牛吃到飽set，好多選擇，仲可以任食M5和牛🤤食落好香牛味又唔鞋~ 食足90分鐘，走個陣仲差啲飽到行唔郁🤣 入到去見個餐廳環境都幾乾淨舒服，啲位都好闊落！除左有唔少卡位，另外亦有大圓枱同房🙈遲啲完左限聚令最岩同一大班朋友一齊食! 餐廳中間位置同最尾分別都有飲品櫃，想拎野飲都唔洗行太遠，非常貼心🥰 至於火鍋配料自取區就係餐廳最尾。 飲品同食物既選擇都幾多，而且擺得好整齊 加分🌟🌟🌟 除左一般鑵裝飲品，佢地仲有提供自家製既冷泡茶同洛神花茶🌸解渴清熱氣一流！ 桂花同白桃味都好香，仲係無糖，真係好好飲 而且包裝又靚，睇得又飲得😚 👆🏻白桃烏龍&桂花烏龍 除左一般自取區既飲品，仲可以加錢嗌特飲！ 見佢近期新出左黑糖珍珠奶茶，睇落勁吸引🤣 但最後都係對佢個18+冬瓜茶有興趣啲 所以叫左杯試下😎 👆🏻手工啤 - 18+冬瓜茶 飲落好驚喜🤣一開始飲個陣好香冬瓜茶味 飲到後尾就有陣酒味出嚟!不過飲落都唔太濃 同行朋友冇飲開酒都覺得接受到🙈 👆🏻牛大人紅燒牛骨鍋 無論係聞落去定飲啖湯，都feel到個湯底真係好足料好濃郁!! 淥完啲野食唔洗點豉油都夠曬味🤤 食到後期再飲湯個陣，個湯吸收曬啲精華即刻變到好甜🤣🤣 另外個湯底同牛肉都好夾，值得一試👍🏼 需要點餐嗌既野食每份份量都比較少，平均2-3件倒 所以可以根據自己食量調整嗌嘅數量🥰 不得不提既係‼️員工上菜同收碟既速度都好快，服務質素唔錯👍🏼 台灣火鍋必食既鴨血😍😍😍 勁大舊，食落仲好煙韌，encore左勁多次🤣 最後每人會有一份仙草做飯後甜品🥰 食落唔太甜，好多口感 仲可以消濟🤩 成餐飯即時變到超滿足!!! $200可以有咁既質素 真係超高性價比👍🏼 有機會一定會再食‼️

之前屋企人嚟過，食完對佢地有賺無彈 仲係咁叫我有機會一定要嚟試下😂 今日終於有時間可以去支持下良心小店💛 去到既時候都幾多人 接近滿場咁濟🙊 好彩我都穩陣啲訂定枱😂 👆🏻餐包 Total 3款餐包，款款都唔同口感 佢仲會提供提牛油同士多啤梨jam比你🤤😚 我自己最中意食牛角包💕 “中意食既留翻最後先食”🤫雖然係咁 就算我食完頭2款包先再食佢 佢都依然仲係暖暖地咁👍🏼 佢食落好鬆軟亦幾香牛油味 以餐包嚟講真係好有誠意❤️ 👆🏻海膽松葉蟹膏蟹肉忌廉意粉 哩個十分推介🌟🌟值得一試 我同男朋友食完都覺得好正🙈 海膽岩岩好每人一嚿，食落都好鮮甜👻 而海膽蓋住既正正就係個蟹膏😍 唔好以為佢得好細嚿一定唔夠分 細細啖食佢已經好濃味!!!仲要有埋回甘🤤 配埋意粉食 真係每一啖都好滿足💕 而且佢每條意粉都包住忌廉汁 再加上有好多菇同兩色椒做配料 誠意十足，食落口感更加豐富 👆🏻BBQ蜜糖豬仔骨配炸蕃薯條 豬仔骨勁淋!!!接近唔洗切 啲肉都自動脱骨 而且搽醬既份量絕不手軟 非常惹味🤣 佢一份既份量都幾多下 切開都有成6條 2-3個人share就岩岩好👍🏼 另外一般都比較少餐廳會用蕃薯條取代薯條 食落甜甜地咁好食，而且相對地感覺冇薯條咁滯肚🙈 👆🏻荔枝莫希托 最後嚟多杯Mojito🤤 飲落有荔枝味之餘又唔會太甜 薄荷同酒既份份岩岩好 唔好over 飲落好fresh💕 最岩就係配埋啲比較漏既野食一齊🙈

約左朋友食飯，想揾間好食得嚟又可以有個舒服少少既環境坐低傾下計🙈 最後就揀左哩間！入到去既裝修行歐陸style 每個位之間都相對闊落，有cafe既感覺，坐得幾舒服👍🏼 我地8pm先去，原本見佢個限量嘅煙肉爆漿芝士漢堡好吸引 ，點知賣曬😭唯有下次再嚟試 不過今次整體既感覺都好好，我地2個人叫左2個main 賣單都係$300幾到!仲要叫埋小食同野飲🤪 餐廳性價比好高，好岩約朋友嚟gathering聚下😚 👆🏻鐵板肉眼扒 份量超多，加埋另一個main 2個人都差啲食唔曬 食落好嫩🌟就咁食都好有肉味 再配埋黑椒汁仲正🤤 個汁整得岩岩好 唔會太咸之餘又好香黑椒味! 而且我話要5成熟 就算佢用鐵板都唔會overdone👍🏼 👆🏻牛肋肉配黑醋汁 呢個絕對值得一試🌟🌟🌟 一上枱見到佢個擺盤已經好有驚喜 食落個質素一啲都冇失望!比得上啲高級餐廳🤣 牛肋肉勁淋 好似炆左好耐既感覺 而且好香肉味🤤加埋啲黑醋爆珠 新奇得嚟又酸酸地咁 令個感覺變得更有層次🙈 👆🏻炸香草雞翼 食落好脆💕仲要滿滿既調味粉 雖然好邪惡 但真係好正🤣搞到我地忍唔住叫多左碟 👆🏻雪糕楊枝甘露 超濃郁既芒果味😍又唔會太甜 而且仲有碌柚 好有咬口😚 仲要加埋個雪糕 飲落真係好滿足🤤

難得去荃灣行街，朋友話想食好啲 見哩間好似幾受歡迎 又多好評🤣就決定試試佢 入到去見到個環境幾好feel 仲有好多貓貓裝飾 好啱情侶或者同朋友嚟食飯傾下計😚 當日廚師推介🌟 全部性價比都好高， 不過去到魷魚筒已經賣曬 好可惜😭😭 💙貼心位1️⃣ 雖然塊牌係擺門口 但侍應會主動提出如果你ok既 佢可以用你電話幫你出去影 咁就唔洗行嚟行去，真係好細心😳 雖然佢地價錢比起一般西餐廳較平民 但一樣有西餐式嘅服務~ 💙貼心位2️⃣ 落完order個陣，侍應問我地係咪share食 我地話係，之後佢即刻拎定左隻碟比我地 仲話如果share食既話 咁我地會輪住上主菜比你地 免得啲野凍曬🙈 一嚟到上餐包同餐湯個陣 侍應會再另外係隻碟到倒橄欖油同黑醋🥰細節位都做得幾足 👆🏻餐包+餐湯(薯仔湯) 一般餐湯都冇乜野好講 不過估唔到佢個薯仔湯做得好濃之餘仲好滑 而且仲有啲薯仔粒係入面，幾有咬口👻 連餐湯都冇hea整，有誠意👍🏼 👆🏻美國安格斯牛板胛 哩個值得一試😍 牛板胛食落好有肉味之餘仲好淋 問侍應攞左啲岩鹽加落塊扒到食之後， 個牛味變得更加香口😚 🌟大家不妨試吓哩個方法🌟 佢個洋蔥汁我攞左嚟配薯仔食🤣食落濃得嚟又唔會太咸🤤 啲配菜一啲都唔馬虎，仲要有曬擺盤咁👍🏼 值得一讚嘅係~ 我叫五成熟 廚房真係煮到岩岩好😍 完全冇overcooked到 哩樣真係唔係間間餐廳都做到🥴 👆🏻明太子蟹肉燴意粉 食落超濃郁!超多蟹籽❤️ 不過一個人食曬既話應該會略嫌有啲漏 2個人share食就岩岩好🤣🤣 意粉既軟硬度適中👍🏼配埋個明太子汁好夾 而且佢蟹籽同蟹肉既份量絕對唔手軟 幾乎食每一啖都有滿滿既餸 真係好滿足🤤🤤🙈

疫情關係已經好耐冇出街放鬆下 今日難得得閒可以同男朋友去嘆個下午茶😍 行過見到哩間歐式裝修風格既茶餐廳好似幾有特色咁，就入左去坐低了🙈 雖然限聚令要2人一枱🤔不過入到去都見到幾full下 2pm入到去，已經有得嗌下午茶👍🏼而且選擇都幾多 👆🏻沙嗲牛炒蛋出前一丁 沙嗲牛簡直就係茶餐廳既精粹去親每間都一定要試試佢 而且見佢哩間都好似幾出名😍 果然一食落去就知點解🤫 食落同一般出面既沙嗲牛唔同，除左啲牛肉食落有咬口得嚟又唔韌 個沙嗲醬應該仲係專登調製!食落好濃好香口🙈 個炒蛋食落都好滑🤤咁既配搭真係好夾 👆🏻麻醬煙三文魚拌烏冬 一嚟到冇諗過佢會係熱拌🤣所以有啲驚喜 麻醬嘅份量一啲都唔孤寒，好夠味 烏冬都好彈牙 食得出唔係劣質烏冬 重點係個煙三文魚食落好濃好香smoke味之外 仲好大塊 份量超多!! 足足有成4塊 切開做2塊都仲得 👆🏻柯華田西多 炸得好香脆、牛油同花生醬既份量超足🌟 雖然好邪惡但食落真係好滿足 除左上面有柯華田脆脆，入面既花生醬仲有粗粒花生 食落脆卜卜好有咬口好正 👆🏻瑞士雞髀+菠蘿油 男朋友太餓兼口痕 加碼要食多隻雞髀🥴 雖然已經好飽，但食落仍然覺得好好味 本身睇落個色都好靚，食落都好入味!! 菠蘿油就表現正常 有機會都可以試下👍🏼👍🏼

聖誕節個陣係海鮮控朋友既生日， 見佢咁中意食海鮮，之前又聽過有人介紹 所以就嚟左試下了🙈 入到去見到成間餐廳既空間好大，座位好闊落 我地被安排坐係吧枱隔離 加埋啲聖誕裝飾 成個環境即刻變到好靚好有feel🤣 一開始就食左啲刺身同壽司~ 雖然刺身既款式唔算好多 但勝在夠新鮮😚 啲蝦都幾甜，同埋三文魚油甘魚都幾夠肥 壽司味道冇乜太特別 一樣都係好新鮮👍🏼 仲有沙律~ 食完生冷野 緊係要飲翻碗熱湯啦~ 碗蜆湯幾足料 每碗都有幾隻蜆 而且濃度岩岩好👅唔會太咸之餘仲好有蜆既鮮味 白酒煮蜆都唔錯~ 食落冇沙 酒既份量都恰好可以帶起蜆既鮮味 最後食埋依個燒乳豬，真係幾正🤤 個皮脆得嚟 啲肉又好嫩 蘸埋個汁食真係好惹味💕