極尚大瀛喜日本料理

營業中

休息中

今日去到觀塘嘅大商場行街， 諗起都有成兩個月冇食過日式放題，睇開飯網知道附近有呢間放題， 見啲評價都唔錯， 所以過嚟試下。餐廳嘅裝修好華麗， 唔知係唔係因為樓底高嘅關係餐廳望落好大， 好光猛。餐廳都設有幾個自助區， 例如沙律吧，甜品櫃， 飲品櫃等。刺身類刺身我哋當日叫咗兩轉， 第一轉叫咗三文魚，油甘魚，帶子， 三文魚刺身好肥美， 新鮮爽口， 油甘魚同帶子都好鮮甜。 第二轉叫咗三文魚，北寄貝，帶子，象拔蚌刺身， 北寄貝和象拔蚌刺身都 夠新鮮爽口。壽司類壽司方面都有幾個選擇， 壽司嘅份量都係偏細件， 相信餐廳係刻意咁早做， 因為偏細件嘅好處係唔會咁快食到咁飽，可以試多啲其他款式。 所有壽司嘅質素都幾高。燒物類和豉汁炒蜆(自助區)燒物叫了燒蝦，烤羊扒， 燒蝦有少少鹽少調味，蝦大約叫了10隻，10隻都爽口，冇霉。 烤羊扒用了孜然粉調味，特別香口，唔騷。豉汁炒蜆係喺自助區嗰度拿， 食咗大約十幾隻蜆都冇沙， 個豉汁味都調得好好， 個味道近大排檔嘅炒蜆都有八九成。今次用餐體驗都唔錯， 侍應收碟和上菜嘅速度都好快， 冇漏單和刻意扣份量嘅情況， 呢餐放題都幾滿意。

今日想介紹一間幾高質素既放題，相信大家都唔會好陌生，就係極尚大灜喜啦！上到去好快就已經可以食野，地方座位都坐得幾舒服佢係用手機app去落單 有時要等侍應過黎收紙仔都要等好耐 依家唔再需要填紙仔 慳左好多時間餐牌好多種類 基本想食既野都有，飲料方面有汽水，茶仲有啤酒比大家選擇係等緊野食既時侯可以出去自助區，食個沙津同飲碗湯暖下身先我地嗌左既壽司有芒果龍蝦沙律卷、鰻魚壽司、花之戀最值得推介既係 蒜香極上牛肉火炙壽司！牛肉都幾有肉味 食得出係有返咁上下質素 再經過火槍燒至微微既焦香 好味！仲嗌左d串燒、天婦羅芝麻雞翼外表炸得金黃酥脆，加埋芝麻非常香口最後後仲叫左個蟹粥，粥低煲好綿軟，蟹有好多既黃同膏，食哂咁多野真係大滿足。

觀塘亞太中心成棟大廈都好多好野食今次黎既呢間極尚大瀛喜已經係黎過好幾次價錢合理 食物跟足落單數量黎 上菜迅速綜合總總因素 呢間放題都係回頭率高既選擇餐廳裡面唔係普遍見到既日式裝修而係現代化既設計 好靚呀飲品自助區有好多選擇相入面只係其中一部分餐廳仲有咖啡呀 梅酒呀連熱既盒裝飲品都有刺身厚切 既新鮮又肥美壽司都上得好快轉眼間就黎左3大碟帆立貝壽司 極尚花之戀 呢2款我覺得係必叫既帆立貝好大件 望到都覺得好滿足花之戀壽司蟹籽多到滿瀉芒果龍蝦沙律卷都好fresh夏日炎炎最岩食呢d款既卷物手卷方面 推介大家叫迷你海膽手卷細細份唔會用你好多quota之餘海膽又唔會腥又唔會臭甜品區都有好多唔同既選擇我都食左唔少總括黎講 呢間真係可以一試大家如果去開觀塘都可以去幫襯下不過都建議大家先book位因為我當日去都幾full下

觀塘都算多嘢食可以揀，但係太多選擇又真係唔知點揀好唔想煩食啲咩，就索性揀放題，咁就咩都有得食呢度幾環保，可以直接掃qr code，想食咩用個電話撳一撳就得飲品種類都幾多，除咗基本嘅飲品，仲可以飲埋啤酒呢度有啲即食嘅前菜，眼見有泡菜、醃蘿蔔等等除咗醬料係自助，連夾糖都可以自助甜品見到有蛋糕同布甸等等，旁邊仲好細心有個熱飲櫃嚟到肚餓想即刻食嘢，仲有葡撻同八爪魚丸等等可以揀食放題第一時間要叫刺身首先叫咗三款試一試，三款都好新鮮好好味，尤其帶子非常鮮甜壽司種類都非常多，所以差唔多每款都叫咗一件試下啲壽司嘅款式都好特別，入面配咗炸蝦同埋牛肉等等嘅餡料除咗生嘅食物，羊架同埋鹽燒蝦都幾有質素壽司通常都係細細件一款，咁就可以樣樣都試下，唔怕食到好飽最後食埋甜品就係完美嘅一餐

今日難得公司收早，相約媽咪去食晚餐，經商討後決定去屋企附近一間日式放題食晚餐。因為提早嚟到所以唔使等好耐位就入得，價錢都好合理抵食👍坐低之後見到自助吧有好多不同種類食物，熟食，甜品，湯類及大量不同款式飲品等等....刺身款款新鮮，三文魚件件厚切肥美，象拔蚌新鮮爽脆，帶子厚肉鮮甜👍迷你海膽手卷，份量不會太大啱啱好，一啖食晒，紫菜脆卜卜，海膽鮮甜無比👍泰式鳳爪酸酸地辣辣地好開胃👍榴槤媽媽最愛，外皮炸得脆卜卜，榴槤香濃好好食😋燒菠蘿-咬落多汁，好甜👍黑椒牛柳粒-肉質鮮嫩入味，食吾停👍鹽燒蝦-燒得啱啱好，肉質不會大鞋😋食飽飽飮返支解茶消化下，正👍好細心仲有熱飲飲品添😋😋😋

星期日假期想食好d！揀左觀塘呢間放題料理大吃大喝！12點鍾黎到亞太中心地下已多人到要排隊上去，上到去dow左大瀛喜的落單apps先，每次落單係部電話度揀野食就得，好環保！一開始睇下自助區有咩選擇先首先飲品已經非常之多選擇，除左有樽裝罐裝飲品外，連梅酒都可以任飲！另外有糖果自助區，可以配落啲雪糕度又有熱湯同碗仔翅. 炸薯條。單係自助區已有好多野食，食到飽！揀好前菜麻辣杏鮑菇和中華沙律後，反埋位等壽司到！好喜歡大瀛喜每件壽司都非常少顆，食多幾件都吾會有飽感,！每件壽司都好新鮮，有水準！熟食方面鰻魚同芝麻雞翼都好出色， 燒菠蘿亦都好甜唔會有好勁的酸味，非常多汁。我哋仲叫咗蟹粥， 粥煲得幾綿密，而且有蟹膏同粟米，幾鮮甜！炸野方面 天婦羅就比較多油，相反芝麻雞翼 炸得脆口又唔會太油膩！西京魚有少量骨，但好滑！到最後叫左熱鮮奶燕窩，牛奶香濃重有大量燕窩，好喝！

有時諗食咩諗到悶，就會去食吓放題，等自己嘅大腦放一放break，等啲豬朋狗友唔駛睇價錢，自己揀食咩😆觀塘呢間極尚大瀛喜質素一直穩穩，而且款式選擇多，淨係刺身都已經有13款。由於太多嘢食，以下點評幾款～刺身拼盤 除了吞拿魚刺身較一般外，其它都好滿意，厚度十足，而且夠鮮甜。壽司 基本款最喜歡帆立貝同赤貝壽司，赤貝平時出面幾十蚊一隻㗎🙊，帆立貝大大隻，啖啖肉。香蔥鴨肝帶子亦要試試，雖然鴨肝比起鵝肝嚟講無咁肥美，較為遜色，但味道仍然係出色😋天婦羅同炸物 熱辣辣上枱，雖然爆場，但都唔會畀啲預先整好嘅嘢食你，芝麻雞翼超香口👍🏻場內自助區好大，除咗有多款飲品拎外，仲有咖啡、梅酒等任飲，唔止啊，仲有沙律吧、夾糖區、多款甜品雪糕任揀😆當日係weekend午市，可以食3個鐘，食到我同朋友都超飽🤰🏻🤰🏻🤰🏻🤰🏻需加一服務費，埋單4人約$870。如果你鍾意睇我嘅食評，不妨關注我，支持吓我，謝謝你☺️💕

觀塘apm旁的亞太中心餐廳林立，今次黎到在5樓全層的尚大瀛喜食日式放題lunch，時間由中午12點開始任食3小時。呢度環境寬敞好多sofa位，坐得舒服。呢度設有自助沙律吧，有中華沙律、海蜇等前菜小食。亦有花膠補身湯同任飲梅酒，而且飲品雪櫃好大，選擇非常之多。呢度選用電子下單方法，既方便又環保。用WeChat掃個qr code就得。食物種類繁多，可惜吞拿魚刺身一早就售罄了。電子落單速度好快，食物好快就到。刺身都好新鮮肥美，特別是牡丹蝦同北寄貝刺身。另外都有必點既海膽手卷，我自己好鍾意食海膽但平時好少食，手卷size唔會好大舊，我食左4-5舊以上另外呢度既天婦羅都炸得唔錯，唔會話好厚粉。而且仲有比較少見的炸鮮奶天婦羅。好食口感特別，有興趣可以嘗試下。星期日午市放題任食3個鐘真係好抵食。最後我同朋友真係飽到上心口但好滿足咁離開。

今個星期六唔駛ot, 終於可以約朋友出黎聚一聚，catch up下近況.今次我地黎左極尚大瀛喜到食日式放題, 一入到去就見到座無虛席, 好彩朋友有訂到枱🙊呢到weekend lunch每位成人$198, 任食3小時.客人係透過餐廳集團既app落單, 環保之餘, 亦都好容易睇返自己既落單記錄, 一目了然, 夠哂方便. 落左單大約5分鐘野食就開始黎, 而且無漏單既情況.魚生多款式, 而且好新鮮, 一片都無黎少.壽司不論普通, 火炙, 卷物, 甚至手卷都好ok, 飯唔易散, 飯量適中炸物唔算油膩, 新鮮熱辣, 唔錯！今次無試到煮物, 下次再黎會再試下.呢個價錢有高質既刺身, 料理, 而且包左咁多款式既飲品, 甜品, 仲有夾糖, 對於星期六, 難得可以忙裡偷閒一下既打工仔 (如我), 都算是一種平價既享受~人均消費$220

今次黎到極尚大瀛喜食午市放題，佢地安排咗我地一行四人坐六人枱👍🏽 地方闊落。而家仲係喺電話到落單，好方便，而且Overall黎講啲野食都嚟得齊同埋快！呢到壽司種類比起其他放題地方多，所以我地都嗌得唔少壽司～另外唔少得刺身啦～三文魚好厚身！！厚身得黎又無乜筋，好少有！抵讚👏🏽所以要再Encore厚身三文魚👇🏽👇🏽蒲燒鰻魚好多片，都唔會有鯹味！接住有天婦羅～～熱辣辣係新鮮炸起，亦都唔會好乾身。順帶一提，天婦羅Sauce要係自助吧自己斟，佢個Sauce都係熱辣辣架，點落就更好味啦～芝麻雞翼好香口！又唔會太重味道！榴連波波我就嫌佢唔夠榴連味，再重啲榴連味就仲好😆臨尾都係再Encore左壽司哈哈最後！一定要講！我無影到相，但係佢個比目魚西京燒好鮮甜！極力推薦！！

成日喺旺角食放題中伏中得多今次有朋友又叫我去食放題我都唔係幾想食㗎啦因為怕中伏但係佢拍心口同我講觀塘呢一間我唔會失望咁我唯有相信佢去試吓啦首先地點都算方便喺地鐵站附近亞太中心姐仲有得泊車對我來講算係比較方便由於我本人唔係太鍾意食魚生所以今次叫熟食比較多叫咗唔少嘅串燒 當中牛舌 食到我回味無窮唔會燒得過老 太un 另外最令我驚訝嘅係居然有蟹粥食我印象中平時食嘅放題好似冇蟹粥食完魚生嘅時候肚好凍食碗蟹粥就舒服晒啦雖然我唔太鍾意食魚生不過魚生嘅質素都唔錯都有好多款選擇好似三文魚鯛魚吞拿魚蝦等等總括來講我覺得呢度嘅選擇都好多壽司嘅種類都唔少有我最鍾意食嘅左口魚壽司仲有啲海膽手卷我最鍾意嘅係佢哋呢度嘅飯量唔會比到好多細細舊咁樣咁樣你可以食多啲款我會盡快飽

因為住喺觀塘附近，所以每一次同朋友想去食放題嘅話，大多數都會直接去呢間食。地點好方便,觀塘a出口一出行到10分鐘就到。環境裝修都比較靚，比起銅鑼灣嗰啲我比較鍾意觀塘一間。至少唔會太迫太嘈。嘢食方面當然一嚟到就即刻係咁點刺身食啦。刺身一貫以前嘅水準，都好新鮮。人哋通常鍾意食三文魚嗰啲多啲，不過我呢就比較唔通我都幾鍾意食鮑片，所以食完第一輪刺身之後都額外再叫多一次包片。另外都叫咗其他熟食，有燒菠蘿啦，牛舌啦，一口牛粒啦等等 。今次都試咗啲新嘢食，當中芝士帶子唔錯我食咗幾次。朋友都好鍾意食我哋兩個一齊要左差唔多三輪。今次另一個推介係燒雞翼，雞翼燒得啱啱好個皮又脆。 嘢飲方便呢都係照舊好多選擇，不過我都係照平時咁樣揀忌廉溝鮮奶。

星期日又係食好西既時候。今日一早係觀塘行街，中途要補給梗係食放題好，貪佢午市可以十二點食到三點。餐廳轉佐用手機自助落單，方便員工同顧客，出菜效率極快，漏單都少佐，抵讚。燒物款式有八九種，普遍都算有水準。比較深印象係牛舌，食完又食。厚切得黎唔會燒到乾哂，加埋檸檬汁勁夾。刺身主要係魚同蝦。油甘魚，三文魚，臉魚腩同蝦都好新鮮，另外北寄貝同帶子都值得推介。其他好似八爪魚同鮑片就無試。天婦羅種類唔算多，蟹柳同蝦值得推介，煮得有水準。粉漿薄，炸得脆口，而且熱辣辣。伊度係由客人自己調配天婦羅汁，仲可以加蘿蔔蓉壽司卷物方面有驚喜，款式多，亦有原創壽司。大部細細舊，可以一啖一舊，蝦卷，鵝肝帶子卷，火炙牛肉，三文魚等好味。友人仲嗌佐啲其他野食。牛柳粒味道還可以，花膠有驚，好林同入味。其實餐廳既自助飲品吧都好正，啤酒有stella，連白可樂都有。絕對會翻啅。

今日朋友中午話去食大瀛喜以為係食放題，原來係尼食普通的lunch，不過原來lunch都有野可以任食，例如D前菜薯條如果可以再脆少少就好三文魚 帶子刺身蛋牛柳粒飯 雖然menu係日式的餐，但個飯係中式，除左個盒係日式.....牛肉好香，好有鑊氣，好易咬不過有青椒紅椒黃椒，日式邊會放ED，但佢係好食生生的窩蛋，撈飯食挺香的蔔牛腩都ok，好林好入味，但如果你食完ED任食的野先再食maindish係會好飽

呢間幫襯左四次。這商厦有三間放題（而家只得兩間），最好最抵食呢間。多嘢食選，多嘢飲（罐裝，梅酒，橙汁，咖啡，湯....)，有一部分熟食可以自己出去攞，order的食物來得快。蟹粥幾好味，刺身算鮮味。應該會再次來食。