極尚大瀛喜日本料理

營業中

休息中

今次同朋友喺下晝嘅時候食放題講真真係第一次 去到嘅時候覺得幾靚 裝修特別一入門口已經見到好多飲品選擇 不過自助bar嘅選擇就唔算好多 第一輪就叫咗好多刺身同埋壽司 之前食放題都按人數比例但呢一間就真係叫幾多出幾多 咁就唔會造成浪費 幾好刺身唔算最新鮮 甜蝦都有小小腥味 不過三文魚腩就好厚身 壽司就正正常常 火炙壽司嘅選擇唔算好多 冇火炙三文魚有少少失望 不過火炙左口魚都好好食熟食就唔錯 燒牛脷同埋燒菠蘿都叫多咗一輪 炸物都幾脆 食得出係新鮮炸好 最出色嘅當然係榴槤波波 好濃郁嘅榴槤味之餘又好鬆脆 鍾意食榴槤嘅朋友一定要試！飲品來講選擇就好多 不過全部都係凍野為主 如果女仔唔方便就可能淨係可以飲麵豉湯 或者室溫嘅紅茶 甜品就麻麻哋 我哋叫嘅兩個糖水都偏甜 而且心太軟唔流心當係普通朱古力蛋糕食就OK嘅

上星期先食完buffet，媽咪可能食大左個胃，又話要食放題於是就近近地帶佢黎觀塘呢間大瀛喜試下。我之前係銅鑼灣食過同集團之後都好耐冇食，記得質素都唔錯，今次就試下觀塘分店味道如何~專登book左星期三諗住冇咁多人啦，點知一去到真係嚇一跳，6點已經坐左8成人，到左一陣已經全場坐滿哂，所以提議大家一定要book位，walk in真係隨時冇位。坐低就即刻點野食先啦，呢度落單模式係用電話app落單既，夠環保!一黎就叫左d刺身同壽司先。呢度既三文魚好新鮮，係鮮橙色，脂肪分佈均勻，雖然而家好多人唔敢食三文魚，但我都唔理咁多食左先算啦!壽司都好多選擇，全部細細件唔會塞飽你搞到你食唔到其他野~最推介蒜香極尚牛肉火灸壽司，蒜香味好濃，牛肉薄薄一片燒得好香!我前後encore左5次~其他火灸系列都好好食!超級推介呢度既壽司!!!燒物都叫左好多唔同款，推介燒鰻魚同鹽燒鯖花魚，燒得好香一d都唔腥，不過有D骨，老人家小朋友要小心D食。炸物全部新鮮炸起熱辣辣，蝦天婦羅同蟹棒天婦羅都encore左幾轉!芝麻雞翼好香口，佢有另一款冬蔭功雞翼，不過試完覺得芝麻雞翼仍然係no.1!另外不得不大推呢個鮑魚粥!好入味仲真係有

首先呢間既位置好就腳，係地鐵站附近，放工去食個放題都好方便！餐廳地方又大，感覺好寬敞，有卡位坐，唔會好逼。然後出面自助區有好多選擇，除左有一大排飲品櫃令人心心眼之外，仲有好多甜品俾係揀，另外有沙律吧同小食！真係想食咩都有😍講返重點！刺身壽司好新鮮，選擇都幾多。我就最喜愛三文魚，又厚又鮮！而甜蝦都好唔錯，encore左幾碟😋仲有平時屋企唔會整到既燒菠蘿，好juicy，d汁多到食三碟都唔夠喉！另外壽司唔會好大件，可以留返d位食多d野！我就最中意呢個芝士玉子鰻魚壽司，好有層次好好食🤤甜品來講選擇都唔少架，我就揀咗木糠布甸、tiramisu同埋抹茶芝士蛋糕，味道都好濃郁。我好欣賞呢度既職員，上野食既速度好有效率，仲有個落單程式出咗問題佢哋都好快咁樣幫我地仲有個落單程式出咗問題佢哋都好快好有效率咁樣幫我地處理。

小朋友九歲也當成人成人收費 嘢食還可以刺身好好味只係價錢的問題不清不楚, 本來個小朋友好期待來放題特登帶佢嚟但原來過咗140個收費就係成人嘅收費有乜理由一個九歲嘅小朋友會唔過140啦

好耐冇食放題，埋到位正想拎紙起勢剔既時候，友人懶醒咁話呢度落單係用電話app嘅，佢一早DL左，個app仲可以睇番自己order過d乜，都幾方便。因為我地都唔係好食刺身所以直接skip左，但見隔離檯叫左一大盆，望落都幾新鮮，我地就叫左d軍艦同卷物食下先。山葵海螺同山葵八爪魚個wasabi味幾夠，但又未至於供鼻果種，讚!牛油果醬蟹柳軍艦同香蔥鴨肝壽司都幾特別，好少放題有得食，值得一試。仲有個鴨肝手卷一定要試，迷你版細細地有兩粒鴨肝係面，味道唔錯。另外鹽燒鯖花魚同蒜片和風汁炒牛柳粒都好食，鹽燒鯖花魚似出面日本餐廳食果d，夠入味又唔會有魚腥，蒜片和風汁炒牛柳粒個汁咸咸地，牛柳粒咬落唔un唔乾。避風塘炒脆肉鯇又係出面好少地方食到既所以一定要點，脆肉鯇打邊爐食得多，原來用避風塘咁炒法都好夾好香口，又幾有新意!天婦羅水準都幾高，但上檯不連醬汁，一問之下原來係要去自助區拎。仲有蘿蔔蓉磨好等客人拎。出到去先見到自助區原來咁大，分開甜品區、前菜區、飲品區，仲有糖可以夾同埋一大個雪櫃放滿雪糕。前菜區有好多選擇，有八爪魚仔、海蜇、酸辣鳳爪、中華沙律、螺肉，沙律果邊都有車厘茄、枝豆、栗米、提子等等，再行過d見到

之前食過銅鑼灣個間覺得好味，放左工就簡左依間食依加已經係用手機落order, 非常易用同方便，上菜快左好多!!!一黎到飲啖花膠湯，好好飲，花膠整得好好~燒有機新鮮菠蘿好甜好香蒜香極尚牛肉火灸壽司味道很好，唔會太生鹽燒牛舌牛舌香口爽身燒紐西蘭香草羊鞍羊鞍肥瘦適中，冇無騷味泰皇冬陰功燒雞中翼中意食辣一定要試~比利時焗心太軟好流心不太甜~比目魚西京燒肉好嫩~好新鮮監燒鯖花魚燒得剛剛好，鯖魚味道鹹香好味黑松露鮮蝦迷你餃子必點黑松露牛油露筍炒帆立貝帆立貝燒至軟身，加上黑松露味道幾好依間食物味道非常好~~~會再黎~~

估唔到觀塘依間放題咁大間，裝修勁靚又好高貴咁，好似酒店入面啲自助餐咁。同朋友兩個人早餐都未食，訓醒就黎食，緊係要叫多啲野食。有照燒牛柳粒，好高質既牛，唔會好多根咬唔郁，拎到黎又夠熱，好好食，而且一碟份量都多，夠哂兩個人食，因為仲要留肚食其他野！然後有我最愛既放題必食，榴槤炸彈，好濃郁既榴連味，如果係榴連愛好者一定唔可以錯過呀！牛舌叫咗兩round超好食 好爽脆好有口感。壽司都叫咗唔少，因為有啲想食既魚同壽司一齊好似好夾，反而刺身做咁食個口感同味道都唔同！有蟹柳壽司、鰻魚玉子壽司、帆立貝刺生壽司、左口魚壽司、燒帆立貝壽司。左口魚超新鮮，無諗過咁好食，以前我都淨係揀三文魚黎食，但依家慢慢發現好多其他刺身其實都幾好味，前提係要夠新鮮！依間放題就做得幾唔錯！刺身就有北寄貝、三文魚、章魚、象拔蚌、蜆同埋帶子，我發現甜蝦都幾鮮甜，另外仲有鮑片！之後又食咗天婦羅蝦同埋另一至愛-燒菠蘿，好似食咗三舊！勁好食！最後緊係要試下啲甜品，叫咗芒果椰汁紫糯米飯同埋椰汁燕窩，兩個都係暖暖地既，我幾中意依啲養生中式甜品，作為放題既完結食物真係岩哂。有得揀係觀塘依邊行街我一定會再食依間放題！價錢又唔算超貴，但食物種類

訂座記得要約！$238！提醒大家留意訂座時間會較便宜啊⏰⌚️跟朋友慶祝聚會預約了8p, 價錢$248到達時看到傳單才發現8:15p是$238, 只差15mins🙄但職員是不會提醒客人🔔

平時喺觀塘亞太搵開食 今日見係OP book極上有九五折 就緊係揀呢間食🤤 平時都鍾意食呢間 因為嘢食上得快 又坐得舒服唔會太迫太嘈而且最近同其他放題唔同 開始用手機落單 環保啲又唔使成日俾紙 而且最鍾意睇到自己叫咗啲乜可以就住叫嘢食一入到去以為自己去咗便利店 因為有成排飲品櫃 酒精飲品或者普通飲品都有 最特別係有暖嘅維他奶同麥精🥢食放題嘅開胃菜一定係食刺身 呢度嘅刺身多選擇 自己最鍾意食厚切三文魚 虎蝦同生蝦 基本上都好新鮮 唔會話有雪藏味🥢壽司類 最鍾意呢度嘅壽司全部細細舊 可以試晒唔同嘅款 呢度最特別嘅係食到鰻魚加玉子嘅組合 夠哂特別😂🥢燒物類 最推薦一定係芝麻雞翼 外皮燒得夠脆 但係雞翼仲係勁juicy! 另外都好推薦食燒蝦 啲蝦本身夠新鮮所以好彈牙 自己都食咗幾隻🤣 而且放題一定要叫平時自己整唔到嘅嘢食 就係燒菠蘿 呢度嘅燒菠蘿做到焦 菠蘿本身都好鮮甜 必食！🥢甜品類 甜品櫃入面有中西式 都算多選擇 而且同壽司一樣全部細細件可以咩都試吓 不過最推薦係落單叫嘅心太軟 估唔到呢度都做到流心心太軟 唔會死甜先正

好耐都冇食過放題啦！呢間係觀塘既放題我都第一次食，Book左位上到去好快就有得坐低，之後店員就同我地講可以電話落單，真係好快捷方便～落左單既同時，我就出去睇睇飲品同埋小食先，小食既種類都好多，有沙律、冷盤同埋熟食類，飲品方面，竟然見到有啤酒同維他奶，有酒飲好開心🥳刺身拼盤上餐既速度好快，嗌幾多就真係俾返相應嘅份量。 帶子同油甘魚都好鮮甜，油甘魚又多油份，好食！赤貝壽司第一次見放題嘅赤貝壽司有放檸檬係度，細心位加分！比目魚西京燒（左）右只係鯖魚而已呢一條魚可能係我食過放題入邊最好食既魚～～～ 味道係拍得住出邊居酒屋既質素，外脆內滑，油脂豐腴，忍唔住嗌多碟自己食晒佢！超推薦，鍾意食魚既要試試～～泰式鳳爪都好食，夠晒酸辣🤤之後仲食左超多壽司，款式好多，份量適中，幾乎試晒d款，整體都很OK!!唯一不太OK就係個花膠，質感太稠了。雪糕口味都好齊，有d少見嘅款可以試下，仲有榴槤添🥰總結成餐都唔錯的，店員收野速度極快，上餐都冇甩漏，下次多人聚會都可以再戰～

同爸媽黎食個晏，好抵食，$60-$70一個下午，個自助吧好正！任食！冇諗過佢地食極唔飽，係咁拎😂如果星期六日都有呢個優惠就好啦！Lunch set只張星期一至五12:00-2:30

呢間放題店，有次同朋友食過，我覺得多嘢食，咩都有，同D4星酒店自助餐都有得比下，今次又同個老死再嚟食，發覺呢間質素更勝之前，特別係員工的服務態度好，呢點好BUY。D食物質素平均，好似當日刺身油甘魚，吞拿，希靈和北海道帶子都好食新鮮的，上刺身又快。壽司類，我覺得呢間必食係火灸，款款好食，醬燒帝皇蟹棒好好食，我叫了好多 round。串燒類，我覺得最好食係牛舌，薄切，燒得香，牛舌好鬆軟，唔錯。另外磯燒帆立貝也是我心水，加左D蒜蓉和芝士焗，超搶口，又鮮又惹味。鮑汁花膠也很正耶!食食下，我都會走出出面嘅自助揾野食，今次比上次，自助區多咗嘢食揀，有炒蜆，避風塘瀨尿蝦，炒雜菜，日式芝麻八爪魚，章魚丸，薯角…幾正! 重要上次食過的蟹粥，今次又返兜，有蟹膏呀，粥底又加咗D粟米，好鮮帶甜，好食。另外D物我地都有食，都OK，水準Keep到。今次特登留肚食甜品，雪糕，雪條，唔會好似上次咁掛住食壽司，食唔晒D甜品!好開心有有燕窩食，重要韓國雪條，出面野又多揀，D甜品細細杯，可以樣樣食下，我覺得唔使四百蚊位，食到有甜品又有自助區的放題，而且D野係好食嘅，所有我會再幫襯㗎。

食物可以。之前就是見到開飯網話用匯豐銀行信用卡，一行六人，有95折人頭費優惠，可適用於星期一至四，我咪叫屋企人幫手在網上訂6位，諗住享受呢個優惠。點知琴晚埋單，佢收我正價價錢，每位$248 (未包加一)，我跟服務生講我用匯豐銀行信用卡找數，佢話唔得，要係一星期前要用電話預約先享有此優惠。我覺得這種經營手法不妥，因為餐廳無在開飯網講明原來要一星期前用電話BOOK 位，是欺騙食客。所以即時對此餐廳印象大減。所以如果有其他食客要享用此優惠，必需打俾餐廳問清楚，不要受編。

放題之鬼又出動！觀塘亞太嘅放題幾乎都食過咁滯，當我以為食過呢間，上到黎又發現好似冇食過（？）食完呢次我覺得呢間都唔錯！我地係餓住咁上黎，未落單已經係小食區拎咗前菜食住等。跟住可以係手機慢慢落單，好方便，落完唔使叫人收紙仔～一開波緊係食刺身先，三文魚切得大塊唔薄，食落都新鮮冇雪味。其實款每樣都嗌咗少少試下，帶子好甜，可以再嗌～然後就開始要食壽司，真係好肚餓。。。壽司都擺得幾靚，細舊易食，夾起都唔會散開，而且好多款，推薦食火灸壽司。左口魚同三文魚都燒得好香口。有舊係鰻魚+玉子，玉子扮舊飯，唔鍾意食飯嘅可以嗌，幾得意～我最愛而且係必食嘅芝麻雞翼🤗皮脆肉嫩又多汁又香口，近排熱氣但都食咗幾隻🤪嗌埋榴槤炸蛋同椒鹽豆腐兩個都脆卜卜，不過我嫌榴槤炸得太勁，脆到有點硬，所以凈係食中間啲榴槤就算😂出面有小區有時會出啲新野，咁啱見到有新鮮出爐葡撻！！仲係一口size一啖食完，好可愛😂隔離啲軟糖係朋友無啦啦想食😂😂天婦羅：炸蝦、炸南瓜、炸牛奶個炸牛奶幾好食，好似炸雪糕咁，中間係奶凍。個皮都好薄好脆，但係要自己出去拎天婦羅汁🤨🤨大部份食物都唔錯嘅！同埋店員上菜/收碟勁快，就算坐兩人枱唔係好多地方放野，佢地都勁快

同朋友慶祝生日，最後揀左極尚大瀛喜日本料理食放題。一般既放題食物都係粗製濫造，但係極尚大瀛喜日本料理既食物除左款式種類多之外，食物質素雖然未到非常好食，但係以放題黎講屬中上水平。要提一提既係個薯條既味道非常奇怪，牛肉鍋既牛口感唔係同好，同鰻魚有啲硬。野飲方面茶類氣水基本上應有盡有，非常滿意。最欣賞既係佢地彩用手機落單，可以一件件咁加上去非常有彈性，上食物既速度亦都好快，壽司飯量比一般少可以留肚食多啲唔同既食物。除非個別某啲食物之外，其他都唔錯。價錢合理。