極尚大瀛喜日本料理

營業中

休息中

之前食過幾次都係晚飯時間，已經覺得非常抵食。今次因為晏左食飯，忽發奇想走去食個放題，晚上9點後入座既宵夜時段價錢就更加抵。唔好以為宵夜時段，野食供應就會減少，佢地既貨量仍然充足，即時宵夜時段都唔洗驚會無曬野食揀。每次一去到一定先攞飲品，佢地既飲品種類非常多，但我通常都會選擇茶類，貪佢可以消濟😂。如果唔想飲凍飲，亦都會有常溫飲品同熱茶，比有唔同需要既人。而飲品區後面就係自助食物區，有多款前菜/沙律，熟食，仲有成十幾款甜品，任君選擇，真係齋食呢d 都飽曬。今次去已經轉左用APP落單，唔需要再用落單紙，非常環保，但如果無smartphone 都唔需要擔心，有另外提供落單紙，照樣可以手寫落單交比職員。除左刺身，呢度既熟食亦都有一定水準，每次黎到必點羊架，今次黎到仲多左個醉雞添。

«酒店質素級自助餐»第一次去亞太中心食野，平時都冇留意到，原來三樓仲有得再上，今日book左5/F食中式自助餐， 平時晚餐時間去元氣食都一人200， 所以今次貴少少去咗食日式嘢自助餐。« 平價食酒店式自助餐»呢個晚餐包括有自助甜品，自助飲品吧eg. 梅酒， 自助小食， 自助沙律，自助前菜， QR code 即時下單叫刺身， 湯煲， 小菜。« 下單又快又準»而家個個人都有手機，嘟下QR code 就可以點算自己要食嘅嘢仲要圖文並茂， 上菜嘅時候一件都冇上漏« 一口氣食咗幾條雪條»喺雪糕自助區可以自己拎甜品，雪糕，冰條，雪糕，食左幾支mega 雪條，已經值 40蚊左右。« 生牛肉火鍋»牛肉上枱嘅時候，仲係生嘅，只要輕輕浸入火鍋之中就好快熟曬，湯底幾鮮甜。下次一定會再到

街上收到傳單 去咗食兩個鐘晚市放題 所以揀咗同媽媽一齊去食提早慶祝母親節閒日食比較平 又未到母親節價錢六點食到八點 費用係二百三十八蚊 加服務費24蚊餐廳好大間坐得舒服成層都係佢傾偈都容易傾連隔離枱講嘢有時都聽得到餐廳有獨立廁所員工數量好多服務非常 周到一食完碟上最後一件食物員工就已經喺隔離等準備收食物上枱速度準確快速 刺身擺設精美我最鍾意食火灼三文魚一連食咗十幾件行行哋都食咗約一百蚊刺身一個人都一口氣叫咗20幾30件最後亦都點咗我最鍾意食嘅 bbq牛柳粒一口細細口 烤到香熱眼闊肚窄最後 兩個人都食唔曬食淨少少刺身不該不該

是咁的，大食鬼朋友最近生日，聽聞好耐亞太中心嘅放題好高質，今次就帶咗佢去食費事食窮我哋。刺身拼盆好有份量，每種都大大件又新鮮肥美好好食。牛肉燒得啱啱熟好嫩唔韌居然有淨鰻魚唔駛連飯食，燒得好香味道唔錯燒得太乾，蝦肉有啲'霉'燒得有啲韌麻麻地聞落好香但食落無乜味燒得皮脆肉滑仲有少少肉汁好好食湯底係壽喜燒，牛肉好足料，金菇同大白菜吸咗湯底好滋味成碗熱辣辣好足料，椰香味濃好滋補上菜快又無漏單，食物質素又唔錯，整體嚟講幾抵食。

放題係我的至愛，每逢放假一定約埋三五好友一齊去香港唔同地方食放題。今次又來觀塘呢間食飽之後重可以行下觀塘工業區或者APM買下野，位置上十分方便！午市放題平日每位$188，價錢合理。餐廳環境高雅，唔知重以為自己入左西餐廳，樓底十分高，沙發卡位設計，坐得非常舒適！自助區有大量新鮮小食，有沙律菜，水果及日式前菜。當中最吸引我的係麻辣雞脾菇。充滿芝麻香味及麻辣醬汁，十分惹味！好辣的朋友都可以試下韓式泡菜及蘿蔔，十分爽脆，不會放得耐而過酸。飲品有大量選擇，飲品一字排開，一目了然。啤酒有hoegaarden，比其他放題，算是比較好質素的牌子。可惜，雪糕種類不太吸引，一款都沒有試。甜品款式相對比較好，我最鐘意食泡芙！刺身新鮮，解凍處理十分好，不過過冰。三文魚厚切，滿意！壽司有最愛的左口魚，十分十分好味！必食推介。香蒜炒雞腎，薄片入口爽脆，不會過咸，食得過！香茅燒雞翼，外皮燒得十分香脆，香茅味濃。椒鹽雞軟骨，新鮮即炸，可惜比較細粒，椒鹽比較多，似食椒鹽多過雞軟骨。椰奶燕窩，小小一碗，有大量燕窩碎，放題有燕窩食，總不能要求過高的!餐廳員工有禮，十分積極指導大家使用手機下單，人手充足，收碟換碟十分迅速。下

已經食左好多次啦，環境唔錯，食物出得快，而家有埋電子落單👍🏻 食物既質素好啊其實，佢既牛舌、蟹粥、 小食區都好正啊！最重要！我最鐘意既既 鰻魚好好食啊！食返幾塊抵返曬😂其實要講好多食物有幾好，可能可以打好長，有興趣就得閒同朋友嚟試啦 ，每人差不多$250左右一個人，職員態度都好好啊，見到有唔少青年人，估不到佢地服務都好用心，要讚一讚佢地👏👏唯一我想建議呢d放題餐廳可唔可以做多一步：花點錢 做一d回收既工作，因為我見係每日都極多鋁罐、樽裝用左係放題餐廳，問過職員話無回收，覺得可惜。知道要花錢既 ，但相信都有唔少盈利，希望極尚可以做多一點小環保行動🙏

放假行街睇戲食飯係常識吧~一訓醒就去食好東西，選了觀塘放題，平日一至四$188一位，價錢都幾抵喎。其實中午放題同晚市通常差不多，有時間梗係食中午啦。十二點準點入位，所以影左好多靚相。一入門口，甜品由左至右排列整齊，款式十分多，十分吸晴！之後有個小自助式沙律吧，有枝豆、提子、經經日式前菜和西式沙律菜和醬汁。整體乾淨衛生，沙律新鮮冇爛，清洗乾淨！後方位置有糖果區，自助日式味噌湯、黃金薯條、蘿蔔牛腩和飲品區。飲品款式十分多，有熱有凍有啤酒。還有自助即磨咖啡、清酒、熱菊蜜和橙汁，總有一款啱你的！刺身新鮮，款式也不少，三文魚油脂豐富，高質！希靈魚和象拔蚌新鮮爽口，食得過！串燒牛舌薄切最好食，燒得剛剛好，配上檸檬汁和黑椒碎，令人回味無窮！串燒蝦燒得剛好，不過過乾，蝦身偏小，不過新鮮彈牙。燒菠蘿必食，微酸多汁，正！炸物有我最愛的榴槤炸彈和香芋小丸子。新鮮即炸，食的時候要小心，外脆內軟。餐廳環境舒適，座位寬闊，枱面大。員工服務十分好，收碟9秒9，抵讚！

位於觀塘既極尚大瀛喜之前都食過兩次，地方夠大食物款式又多，對佢既印象都唔錯，咁岩又去到觀塘，朋友又話好肚餓，一於帶佢上去食放題！炎炎夏日出哂汗，一上到餐廳當然要去拎野飲啦，啤酒汽水都有唔少，可口可樂、樂天飲品、啤酒有hoegaarden，另外仲有鮮揸橙汁、茶類同維他飲品，款式夠多岩哂唔同人既選擇！飲品區旁邊仲有少量熟食可以拎，炸魚皮、葡撻同薯條睇落都唔錯！拎完飲品同熟食後，朋友已經落左order，呢度既上菜速度係超快，好快就擺滿全枱食物。刺身新鮮厚肉，三文魚肥美、鮑片鮮甜、甜蝦大隻，仲有左口魚、帆立貝等等，都十分不錯！呢度有啲特色壽司幾特別，花之戀、芝士鰻魚壽司、蜜糖芥末蝦卷等等，味道幾新鮮，可以一試！熟食方面仲有天婦羅，有蝦、蟹柳、南瓜等等，燒物有芝士焗帶子、芝麻雞翼、燒海蝦、燒牛舌同最值得encore 既燒鰻魚！另外我地仲左個炒雜菜同蟹粥，都非常唔錯！仲有要提既係呢度既服務好快速，食完一碟就好快收碟俾個位上下一碟！放題黎講，極尚大瀛喜都算得上十分高質同高性價比！！

觀塘區尋找美食嘅好地方。。。位於APM旁嘅極尚大瀛喜日本料理放題。。環境寬敞，食物種類繁多！分為自助區及電話點菜，極為方便！刺身新鮮。。三文魚，帶子鮮甜肥厚，甜蝦肉質彈牙！迷你海膽手卷。。賣相細小可愛，一啖一個，最適合女士們享用，不怕失儀。。燒羊架。。調味剛好不太濃，肉質鮮嫩多汁，而且沒有太羶嘅味道！鹽燒蝦好有炭燒嘅味道。。蝦肉新鮮彈牙，蝦殼沾滿鹽香。。真的想連蝦殼都食埋！焗帶子非常惹味。。內餡料有洋葱，菇，煙肉再配上沙律汁焗。。口感豐富！不少得天婦羅。。炸蝦，炸蟹棒，薄薄一層炸漿，外脆內juice，一D都吾乾！而炸鮮奶球滑而不太甜，好好味丫！

原來觀塘地鐵站附近近近地都有間高質放題，朋友食過幾次都話正，今次就一齊黎食啦～閒日夜晚都坐無虛席，睇黎人氣高企～～我哋係食8pm-10pm嘅時段，$248一位呢度已經由傳統寫紙仔落單變成手機影QR code落單，更方便、快捷同埋可以check返order左啲咩食物～餐廳門口有個自助區，除左可以拎各式各樣既飲品，有一般既汽水外，更有鮮橙汁、熱荳奶～自助區有啲炸物同泰式小食睇落唔錯，我拎左啲炸雞鎚、炸魚片、泰式鳳爪、海蝥同枝豆～每樣食少少～先黎一個刺身盤，每款都新鮮～蝦、鮑片、三文魚都係我既至愛，符合預期～～啲壽司的的骰骰細細粒好得意，一口一啖～花枝戀、芝士鰻魚玉子味道都唔錯，壽司款式有好多，每樣都唔會伏～～啲熟食幾好食，芝士焗帶子、燒鰻魚、鹽燒海蝦，芝士焗帶子好juicy,有一大粒原隻帶子係入面～燒鰻魚夠厚肉，燒得香脆～燒雞翼大大隻，yummy~燒牛舌有啲韌～仲有北海道黃金醬燒帆立貝，呢個好食！炸物都唔錯，但炸蝦啲炸粉有啲厚～呢度既鍋物都幾驚喜，牛肉壽喜燒同蟹肉粥～蟹肉粥好鮮甜、肉質嫩滑，如果唔係太飽，我都想encore呀～～最後黎到甜品環節，可惜太遲先去拎甜品，好多韓式雪條都無晒，我就

今日放工同男朋友食晚飯，就嚟咗觀塘呢間係apm隔離既日式放題，未到六點半已經好多人。呢間餐廳幾好，用微信落單就得，唔使用紙夠晒環保😆👍🏻呢到既刺身都好新鮮同鮮甜，三文魚超大塊又厚切好正🤤另外啲壽司嘅賣相都好精緻，啲飯唔會好大舊，唔洗驚太飽海膽手卷就相對普通每次食放題都一定會點牛舌，好香🤤一口牛柳粒，加埋啲洋蔥同其他配料炒好香😝雞腎都幾爽脆😆加埋啲調味粉都幾野味🤤除咗一般放題有嘅雪糕之外，呢度都有好多細細杯嘅甜品，我自己就試咗呢四款細細杯，都幾好味👍🏻

屋企人生日當然要大食一餐，喜愛食日本放題的他們，就選擇了公司附近極上大灜喜食放題！😊上到去打開電梯門😀，即刻見到自助區有好多不同食物選擇，樣樣吸引，還有糖果🍬，雪糕雪條等小朋友最啱食。刺身種類很多，款款都好新鮮，由其是北寄貝色澤紅潤，帶子咬落啖啖肉，虎蝦非常爽口👍👍🏻迷你海膽手卷-一口可以食晒，份量岩岩好，海膽非常鮮甜，紫菜亦脆口！👍👍👍燒紐西蘭香草羊鞍-火喉剛剛好、肉質鮮嫩多汁，加小小檸檬汁，非常開胃😋焗帶子-焗得香噴噴，加入了沙律醬味道一流，食吾停口😋鹽燒大蝦-蝦肉爽甜，加了小小鹽已經好惹味😋椒鹽雞軟骨-炸得脆卜卜，正👍三文魚壽司-油脂分佈平均，入口非常甘香👍

好耐冇食過放題啦，今日黎到觀塘食，估唔到宜家食放題既環境咁靚，坐得好舒服。 一入到去店員就比左個QR code我地要黎落單，係電話禁就搞掂，上菜速度都好快，5分鐘內就上到黎！選擇都幾多，食到好多想食既野。佢出面都有好多小食可以比人任食，果日個湯係蟲草花膠魚翅雞腳湯，個湯好甜，膠質重，好正啊，女仔飲一流！刺身都幾新鮮肥美，火炙壽司入口即溶，推介！鐘意食海膽既我發現果到只可以叫海膽小手卷，小手卷上面只有兩塊海膽，唔夠喉就要叫多幾件先得啦。果到仲有好多燒物同煮物，炸牛乳好食！另外仲可以叫肥牛鍋或者烏冬等等，唔洗驚唔夠飽。食完之後仲有多款甜品可以簡啊，美中不足既係雪糕雪條係由阿菠蘿提供，種類都夠多，不過就唔太吸引啦，都係食番甜品好

中午放飯搵地方食飯。懶得行太遠就嚟咗附近呢間食日本野😆。雖然話係黎食日本野，但係其實呢都只不過係諗住叫一啲套餐嚟食。咁我就叫咗呢一個壽喜燒牛肉鍋轉烏冬。咁因為其實佢都係一間放題，所以有一啲小食都可以自己去拎。例如番茄仔、薯格、豆同埋其他小食。壽喜燒嘅份量呢其實就唔係好多嘅。入邊主要都係菜同埋有少少既肉。不過因為有主食烏冬、兩件壽司，同埋小食任拎，仲有嘢飲任攞。所以最後啦我都係食到好飽先走嘅。所有嘢食嘅味道都Ok。

今次黎到極尚大瀛喜，一出電梯就見到個氣派出晒黎，入面既環境好靚，位置都好充足，可以比人舒舒服服咁坐低慢慢食，唔似普遍果d放題餐廳，好迫咁。呢間放題係用手機落單，而且上菜速度極快，點咗幾分鐘d野食已經開始陸續送到。一開始先上既係一d壽司同刺身，食落都新鮮，同埋都有唔少既選擇。個人比較鐘意呢度既壽司多過刺身，又好味又多選擇。除咗壽司之外仲想推薦下呢度既燒鰻魚，肥美得黎加埋個鰻魚汁，再燒到岩岩好，簡直就係食唔停口。食到一半既時候，整番個燒菠蘿，落一落隔，回復番d戰鬥力，轉頭又可以食到佢傻。放題都幾鐘意叫個燒菠蘿，酸酸甜甜既開胃，又多汁，又唔會太大份。最後仲有一大個甜品櫃，不過不失，但勝在夠多選擇，另外仲有雪糕雪條供應。