極尚大瀛喜日本料理

營業中

休息中

放大假無旅行去無野做, 梗係搵放題食啦~ 今次來觀塘呢間分店, 原來已經進化到用app叫野食, 店舖有wifi叫野食都方便, 地方好大, 樓底好高, 裝修都好靚, 坐得都C服~一來到梗係叫盤刺身, 個人都係喜歡三文魚, 甜蝦和帶子, 都好新鮮好味~海膽手卷都ok~雖然係放題食壽司好似無咁抵, 不過喜歡的又點會唔叫幾舊食下, 當然又係必點, 正熟食方面, 燒鰻魚又係我的至愛, 真係食完一舊又一舊, 好好味咖哩煮蛤好在都唔係太細隻牛柳粒好好味, 好惹味, 上菜時仲熱lala~其他熟食仲叫左蟹粥﹑肥牛鍋﹑炸芝麻雞翼等等, 食放題有個好處想食咩就食咩~ 

呢間嘢聽就聽得耐，試就未試過，見佢咁平睇完評價覺得唔錯就走左去試。手機落單，都幾方便。等嘢食其間去拎熟食同飲品，飲品非常多，有幾個雪櫃，另外有果汁先生、咖啡同茶包，仲有熱維他奶同梅酒。熟食就麻麻地，睇評價好似好多款，其實唔多。我剩係拎左螺肉就算。本來想試既小丸子同蟲草花湯都無，剩係得麵豉湯同其他立雜嘢。刺身款式多，放題黎講算幾好。不過叫左一輪就無再叫，因為真係太阻地方，黎左呢個就差唔多放唔落其他嘢。急急忙忙食完都試唔真好唔好食，因為佢上菜好快，食唔夠三分一其他嘢已經排隊咁黎。壽司細細件唔會太飽，可以試多幾款，呢點抵讚。芝麻雞翼同燒菠蘿好食，值得推薦。花膠配菜太多，雖然唔食佢都會照收，不過感覺好似好蹝嘢。海底椰燕窩唔多掂，不過呢個價錢咁平都預左。咖哩蟹就肉比較少，但有好多膏。本來都算幾好，但衰在個鉗無先扑兩野，又無工具開，牙力少啲都食唔到。咁多款之中我覺得最正係個牛柳粒，夠野味我鐘意。整體黎講係又平又抵食，上菜收碟都快無漏單，侍應態度友善。可惜二人位真係太逼，多些少嘢張枱已經滿，無諗過上菜咁快，搞到第一輪食得好趕。如果肥人再加有嘢放就真係大獲。二個人既話絕對唔會再試呢間。不過三個人應該會

一個四星級嘅日本自助餐放題依間就係第一次食嘅認真對放題就一半半㗎啦不過勝在朋友介紹話好食所以去試吓啦首先刺身都算新鮮有少少鮮味至於個炸蝦天婦羅就一半半啦壽司其實都冇乜特別整體來講其實食一次就夠唔使再去

我平時最鐘意食呢間放題，因為環境大食物質素又好食。好過旺角個 d好多。 我地系用手機落單，好方便。佢大部分食物都好食的，而且我發現佢間唔中就會加左d新菜色，咁就唔怕食黎食去都系個幾款咁悶。不過今次食返上次叫過的食物，有一d系變得無咁好食🤔，但整體食物質素還是好的。出面的自助區都有幾多選擇，唯一變左的系以前有部雪糕機，而家就無左了，只有雀巢雪糕可以食同埋之前落單都無漏過單，好好的，但今次食就漏左兩次單。整體比以往食的進步左。

星期六同屋企人食生日飯，好耐未食過放題而今次係第一次午市食，原來午餐係抵好多！雖然話款式比晚市少好多，但係都已經好足夠，因為平時食放題始終都食唔晒咁多嘢，所以午餐嘅選擇已經非常豐富！今次係3小時嘅放題，呢間餐廳提供餐廳app俾客人自己網上落單，可以唔使用傳統嘅點菜紙。而出面嘅自助區亦都有唔少嘅前菜、雪糕、糖、飲品同蛋糕比客人自己拎。食物質素好唔錯，但因為last order緣故，半個鐘頭前就已經閂哂出面個自助區，想拎雪糕嘅時候都已經冇晒選擇，建議大家唔好等臨走前先食雪糕🍦

係亞太中心既co working space 做野到午飯時間就去樓下既大瀛喜試下個午市套餐午市套餐以壽喜燒黎講5係太貴，68蚊送壽司加沙律飲品任食算係好抵壽喜燒湯汁甜甜地幾開胃同好送飯，肥牛片算薄容易入口，成個鍋係幾好食飲品選擇都多，有平時韓燒提供既韓式飲品

我同個friend都好鍾意食放題，去完佢公司就決定喺附近搵嘢食，見到依家好評都幾多，就上咗去望吓個環境都唔錯！一入到去啲位都迫迫地，不過都慣呀香港有邊度唔迫迫地，呢間有得用Apps落單幾方便、環保，讚！坐低第一時間當然叫刺身，幾新鮮，啲肉唔會梅，仲有我最鍾意食嘅泰式生蝦！！食咗超多！迷你版嘅手卷食多幾舊都唔怕制另外啲熟食都唔錯，花膠大大件，芝士焗蝦都好香，個蟹咖喱蟹都唔錯啖啖肉唔梅食咗都有兩個半鐘六點到八點半，最後埋單加入一個人$300，唔算好貴，但如果要比較嘅話，始終大喜屋嘅性價比更高（尤其係睇到而家做緊優惠OpenRice book位八五折，好似）

吃過觀塘幾間日式放題，也覺得這間極尚大瀛喜是最不錯。那天晚上，和D先生來到，這裡最好的是，不像其他餐廳分成兩段時段，通常只得6時和8時入座，時間頗不就腳，前者又太早下班後趕不切，而後者又太過晏，需要在街上遊盪。而這裡就是給你2小時任食。裝潢頗華麗時尚，用上香檳金作主調，而且不論坐位及環境都感覺衛生乾淨。出面設自助區，可任拎前菜，小食，炸物及雪糕，而飲品選擇亦非常多元化，冷飲有幾個冰櫃，而另一邊也有熱飲。每次最先必點就是刺身了，整體都很新鮮，尤其是北海道帶子刺身，入口鮮甜，加上一口一舊，令人忍不住一口又一口。而北寄貝也非常煙韌。小妹覺得酒煮榮螺片是最好吃之一，質感彈牙有嚼勁。海膽手卷，超級迷你，一口一個，可點多點幾款，而海膽完全沒有腥味，也稱上是新鮮。再點多幾款壽司，蟹柳壽司的蟹柳就大大塊，質感非常好，加上有少量沙律醬，更惹味。小妹就較大愛火炙系列。火炙左口魚入口Juicy，加上尚有微熱感覺，不過刺身就嫌較薄身，一夾即散，但味道就不錯。炭燒和茅雞中翼中規中距，雞翼皮太腍，味道尚可。對比之下，較值得點選就是芝麻雞翼，超級好吃。微熱的溫度，加上外脆內軟，而外皮沾上多多芝麻，令層次感增加之餘，

早些年吃放題都吃厭了，所有好一兩年的時間不再吃日本菜的刺身。這一次去吃，沒有點三文魚，主要想吃一下其他的刺身。除了吞拿魚有筋、切得不好之外，其他的都還好。大概是很久沒有吃了，所以還是挺好吃的。還點了其他食物，例如蟹煲（不好吃）、雞翼（十分入味，但有點咸）、雪糕（已經沒有任食的了）等等。還是有漏單的情況，大家可以注意一下。

突然想食放題，但又唔想去d去過幾次無乜新鮮感既。隨手打開openrice就搵到呢間就一於試下，仲要唔太貴$248+1服務費。雖然係平日，但一上到去已經人山人海 都要等左一陣先安排到入座。一埋位巡下場先，出邊有自助corner 都有唔少自助野食攞。自己就淨係食左章魚小丸子，味道唔錯，野飲係任飲既，種類都有好多選擇！小弟食放題就鐘意每樣都點d黎食而唔係瘋狂點魚生諗點食到翻本，第一輪嗌左刺身同壽司，上菜的速度都好快同無甩漏。通常食放題都唔except d魚生好新鮮，但求中規中矩，但呢到食落又有驚喜，三文魚口感好好。至於壽司就最回味火炙左口魚，來到時也微熱，有入口即溶感覺，非常好食，但和牛壽司就反而無咩驚喜。之後再點左一堆熟食同炸物，全部都熱辣辣，而且炸野保持脆口，唔會冧左。小弟就幾中意個炸南瓜，南瓜仲保留到腍而脆口，唔會只食到一大堆炸粉味。最推介係羊架，非常腍身兼又惹味，加上大大件，又多肉咬！燒牛舌都係有驚喜之一，彈牙軟腍得來，仲好有咬感，加上油份唔會太多，食完唔覺好膩。至於鰻魚，醬汁惹味，味道好濃烈，食落又有挺身軟腍質感，唔錯！鮑汁花膠就中規中矩，可能始終唔係食中菜的地方，食落質感太腍，無

間唔中都會過嚟觀塘區搵好嘢食，今次就揀呢間極尚放題，因為朋友食過番尋味，我地當然要試試。入到嚟即時O哂咀，點可以咁大咁grand，地方好寬闊，d位好舒服，未食都暗暗歡喜。嘢食多得不能盡錄：由大家歡喜嘅各式刺身、到熟食、甜品、飲品。。。連外面大堂都擺滿嘢食，真係大滿足👍🏻👍🏻實在太滿意嘅一餐，樣樣都好味道，唯有重點介紹下食過d乜：刺身類：最鍾意北寄背，夠大塊，又爽身；三文魚好厚，食落啖啖肉咁；帶子必食，size剛好，兩啖食一件，好鮮！北海黃金醬燒海蝦：點解d黃金醬可以咁美味！鋪滿成隻蝦，絕不手軟👏🏻👏🏻👏🏻加埋黃金醬燒，好match🤩🤩燒鯖魚：堅燒唔係焗，香噴噴魚油味，而且無魚骨，啱哂我呢d懶人食🤣勁似花膠嘅湯羹，飲完好膠🤣🤣膠質重👏🏻👏🏻感覺似一碗用料上乘嘅花膠碗仔翅，正。燒菠蘿同粟米係無論幾飽都要食，因為太好食，點解d菠蘿可以咁甜！燒完仲正。粟米又係甜靚正，加埋牛油香，必encore🥳🥳

由於尋味指數勁高，已經唔係第一次嚟食，鍾意呢度裝修別緻，坐得舒適，而且食品、飲品種類之多，嘩，一次真係食唔哂，因為太多嘢食完又想食🤣🤣必點系列：枱面上樣樣都好食，尤其呢度有呢隻牌子嘅啤酒飲，性價比提高，係咁e飲兩三罐都走唔甩。刺身必食！呢度多人食，食物去得快，件件都新鮮大size，唔使諗，成版刺身tick哂上枱先🤣🤣芝麻雞翼，唔會明白雞翼都咁好食，炸得嚟唔多油，又香口，仲入哂味，用嚟配啤酒，唔覺唔覺又一件。生牛肉河，充滿越式風味，主角生牛肉當然好味，連配角蒜片都好惹味。炸芝士球，流心芝士，一邊食一邊流哂出嚟，證明夠熱又新鮮👍🏻炸物之中，天婦羅蝦同蟹柳真係my favour，薄薄的一層粉漿，食完唔油膩，而且大大件，真好味。除左炸蟹柳，蟹柳壽司都係我至愛～～呢度嘅壽司好好食，個粒飯唔大，但餡夠大，益食客啦☺️為均衡營養，炒雜菜係必食，呢度又整得好食，唔多油，甜甜地👍🏻mini葡撻，細細件一口一件，係街已經買少見少嘅甜點，又係必食之選。

冬天靜俏俏的來臨，午餐自然要適當補充熱量，來對抗最寒冷的天氣。極上大瀛喜午巿定食套餐選擇超多，冬日暖意系列仲款款都好吸引，而且仲包埋半自助沙律吧，保證能填飽饑餓的你。呢度環境係一望無際的大堂，氣氛不錯，略嫌有點嘈。壽喜燒牛肉鍋（$68）凍冰冰的日子食返個暖笠笠的壽喜燒牛肉鍋就最適合不過。呢個壽喜燒鍋肥牛切得很薄，壽喜燒汁甜甜地，打埋隻滑蛋真係暖意無限。套餐加送三色刺身，仲好新鮮添，絕對係抵食夾大件。

我好鍾意食放題，成日去周圍試吓，咁啱有朋友介紹，過呢間放題都唔錯，所以就去試吓，我好彩早book位，不過去到都要等一陣先入得，入到去環境都唔錯，好多卡位，坐得幾舒服，我點野食時就見到好多放題店都冇嘅海膽魚子軍艦，緊係即刻叫10件試吓啦，海膽同魚子都非常新鮮，好鮮甜，粒粒魚子都好飽滿，仲有其他熟食都唔錯，比較特別係有土匪雞翼，以為得米線鋪先有得食，點知放題都有，非常驚喜，佢地冇乜漏單情況，下次可以再黎

因為朋友在觀塘區開店, 等他放工時晚上宵夜時段選擇不多, 他就介紹來這家吃放題, 就來試一試這家放題的質素｡環境: 地方超大，多卡位，裝修豪華自助區:我覺得算大，論飲品種類多，有啤洒供應，不過係KOL HiteD啤酒好過無，但有果汁先生，梅酒飲幾好，另設熱區，照顧到我D唔飲凍野的朋友。自助區有雪糕机玩，幾好，自己裝大杯雪糕，又可加多D配料，呢個我好like! 至於雪糕櫃，比雀巢，好過無得食，反而有雀巢雪條，紅豆係最愛，呢點，我加分。其他自助食品有生果，炸野好似係薯格都幾正，重有D泡菜，海草，熟食，茄子，蒜蓉豆苗幾正。另外，有D迷你甜品，葡撻都人，幾讚，有定時加野，二佰幾蚊，有幾大助自助區。壽司: 我覺得火灸壽司好食，火炙蒜香牛肉，㶼皇帝蟹棒係勁正。炸物: 唔會炸到又乾又油㵉淋，食落香口，榴蓮炸蛋超正，蝦餅好食，有蝦味，唔會一口粉味。煮物:鍋物，烏冬都好食，瑤柱蟹粥，北海牛乳海鮮鍋唔食你走寶。燒物食材正，新鮮，即叫即燒，好好食，比目魚西京燒燒，醂魚乾味道好有驚喜。其他:唔差的也算好，至少有禮，上菜快，無漏野，唔會黑面!