極尚大瀛喜日本料理

營業中

休息中

Happy Friday💕💕朋友仔book 左我超愛嘅放題💗💗食過幾間放題食店，始終覺得極尚大瀛喜嘅品質最好極力推介燒牛舌，甜蝦帶子都係刺身必選個蟹粥煲得好綿款式多，可惜只有2個鐘頭有d趕，我未試哂d野食就要起身喇唯有下次再見

食過好多次，都係見服務ok又唔漏單～今次約埋屋企人嚟提早食團年飯，放題時間5點半食到7點半，但7點10分，問都唔問就收晒枱面上所有餐具紙墊～問佢做咩咁早收晒d野，那位紮馬尾嘅大小姐黑面唔應人走左去～～～好禮貌到無得頂！！今次仲要係咁漏單，刺身平均寫3次嚟1次……老人家嚟到要慢慢坐低，都要俾個staff "jip"～其實邊個逼你地返工嘅？？

說好的放題終於食到啦, 之前食過極尚既元朗店,今次試下觀塘分店！座位睇落好多密多,都座得舒服,係張枱細啲呢間放題同樣有自助區,有沙律,各式泰式及日式小食,今次見到仲有炒蒜心,章魚小丸子等等平時我食放題,都會先食熱食榴槤炸彈,滿滿既榴槤香炸雞軟骨, 必食吧,香脆美味這個鱈魚片 我個人十分推介,簿簿一片,十分香口 ,會令我上癮壽司每件都細細的,唔會怕好快就食濟了,而且款式很多！廚師十分有心機地將三文魚及吞拿魚切成一朵花刺身唔係得個樣,十分新鮮。值得推介清酒煮螺,味道清甜。當然還有肥美既帶子這個椰汁鮮奶燕窩很不錯, 材料豐富,但味道較甜°當然唔少得各式各樣既雪糕雪條啦！

在觀塘上班， 美食林立，每天lunch都有不同選擇。有次大伙兒上去大灜喜食左個半自助lunch-鰻魚飯，一試難忘。今次決定試下個夜晚放題，睇下水準如何。先放張特寫同環境，驗明正身。先食轉小食，小丸子同蒜心不錯第二轉試下啲熟食，保持一貫水準，特別係炸榴槤球，一股熟悉的夏天味道，為最近天氣冷冷帶一絲溫暖。再黎就係壽司類，款式多，細細件，一口一件，味道不錯。有請今晚主角，浦燒鰻魚。再一次回味難忘既味道，正當然仲有唔少得既剌身，淨係個賣相就贏晒，重點推介吞拿魚腩，油金魚同三文魚，肥美鮮甜。最後食個甜品做個結尾，燕窩鮮奶，足料，不妨一試。充滿期待的來， 幸福滿滿的走，滿足滿足

#MJ觀塘#MJ日式#MJ放題呢間放題都係大型連鎖放題餐廳旗下既店，呢間分店都係幾受歡迎既 唔book位基本上唔會食到正常熱門既時段。🔽場地方面 裝修幾靚 感覺幾貴麗 個場都算幾大，位方面都幾多卡位 唔會過於逼夾。🔽服務方面 上食物既速度都算快既 漏單情況都有既 不過就較少；職員既服務都係麻麻地 可能係好忙啦 無咩服務可言 放低就走 問野都係是但答完就走。🔽食物方面 刺身果啲都係大路野 質素正常 唔太特別，反而佢地既壽司 細細嚿 整得幾靚 味道幾好，仲有鹽燒左口魚壽司 不過就偏咸。對我黎講最正既係有燒鰻魚任食 品味都唔錯 係最吸引既一點， 其他炸物 熟食都一般 無咩特別深既印象，覺得唔錯既燒物就應該係燒牛舌 調味口感都唔算 幾爽口 再厚身啲就更正。仲得一提既係佢地有哈密瓜味軟雪糕 好味好特別。🔽整體黎講都可以黎試下既 價錢都正常價位，但食物令人有印象既唔算太多，所未致於去到必食 同價位可以有其他選擇。📍極尚大灜喜日本料理📍觀塘觀塘道414號1亞太中心5樓#hkig#hkfood#foodpics#foodblogger#instafood#foodies#cuisine#foodsha

第一次黎食，環境同埋食物都冇令人失望，野食既選擇比出面普遍既放題多，整體上來講都算系比較滿意既。😍呢個芝士蝦幾香，芝士好多但又唔會易濟，食多幾隻都冇問題。饅魚多汁又軟，口感都唔錯。😎一般牛舌都比較大塊但又好煙韌唔好容易咬，個人認為呢度既牛舌唔會太大反而唔錯。菠蘿🍍係現烤，唔會太酸唔會太甜，我自己覺得都唔錯，不過就有少少乾。羊架食落幾軟熟，同埋唔會好燶，平時食羊架都驚會好燶，呢度既比出面好好多。🥰食得肉多當然都要食番d蔬果,呢碟瓜份量都可以，而且d菜唔係好硬要咬好耐果種，啱晒食完一大餐之後幫助下消化。天婦羅個蝦🍤大大隻夠晒滿足，同埋上菜既時候係新鮮炸，熱辣辣幾開胃，好過其他鋪頭間中會上d放到冇咁熱既。

平時工作辛苦，係時候獎勵下自己，同幾個好友食下好野先😋呢份花膠就真系正到不得了喇，舊花膠size 唔細架，食落好軟淋淋，充滿咗膠質，而難得嘅系，佢一啲都唔腥，墊底嘅有少量清甜嘅娃娃菜，用來做個平衡都唔錯。我一個人食左3 4份哈哈😄。蒜片和風汁炒牛柳粒都叫咗一份，家人好鐘意食牛，每次嚟到放題都仲會叫一份炒牛柳粒，都幾入味，未算過韌，再大粒d就好。牛油粟米上到枱仲系熱嘅，睇佢咁細碗其實都夠分2個人食架，不過我就自私地一個人食哂喇哈哈😄邊個叫我咁鐘意食粟米呢？！黎呢度食野，牛油粟米真系必點！甜蝦帶子刺身都幾鮮甜，甜蝦嘅size都唔系太細條，長過一隻手指架，沾上醬油真係好正！另外仲叫左份蟹粥，始終都係要有啲米落肚先夠飽，一鍋粥其實只係一個飯碗多啲，其實一個人都食得晒，個粥煲得都幾綿，都幾有蟹味，如果隻蟹再大啲就好啦。燒物同炸物都唔錯丫。仲有小朋友最愛既自助糖果區同甜品區。維他奶仲有熱既揀，宜家天氣凍飲一流。

星期六中午響觀塘完成咗啲事情，食埋飯先至離開，去咗亞太中心五樓嘅極尚大瀛喜食放題。有一排冇嚟，最大嘅轉變係而家改用電話app落單，一來方便睇返自己叫咗啲乜嘢食，二來都更加環保，唔使用咁多紙，三來可以減輕侍應嘅工作量，做少咗入單嗰部分，可以專心出菜同埋照顧食客其他需要，四來裝咗app仲可以入埋會儲分，可以有更多優惠。餐廳提供免費wi-fi可以即場下載app，速度仲好快。如果唔想裝apps或者唔係好方便用智能電話嘅話，餐廳仍然都會有一本本嘅點餐紙提供。當時隔離坐咗一班傷健朋友，似乎係中心職員帶佢哋出嚟食飯，佢哋唔方便用電話落單，餐廳好迅速提供返點餐紙，所以唔使太擔心冇智能電話或者電話冇電，就冇飯開 LOL除咗落單嘅部分，當然不得不提佢嘅自助飲品區、甜品區同埋熟食區，種類多元化，飲品又提供不同嘅溫度。今日食熱食比較多：御品鮑汁燴花膠，叫咗一碗，份量都幾多，又足料。鮑汁味道剛剛好，唔會太咸。燒有機新鮮菠蘿，唔會燒得好乾，火侯控制得好好；面頭有啲焦香，但果肉仍然好juicy，先至係最難能可貴嘅地方。北海道黃金醬燒海虎蝦，黃金醬味道幾特別，睇顏色以為係芝士，不過食落有啲香，係有特色嘅醬料。海虎蝦夠

今日又係聚會嘅日子，同家人慶祝過probation!揀左黎呢度食好東西！叫到成枱都係野食😂首先，芝麻雞翼同椒鹽豆腐各叫左2件黎試，芝麻雞翼一如以往，外層非常之脆卜卜！灑滿左好多芝麻，食落非常之香口，內裡雞肉嫩滑，仲保留到肉汁tim！而黃金咖哩炒蟹係新品，當然要叫黎試下啦。目測一份大概有半隻蟹。講真蟹肉並不算太多，但沾上惹味嘅咖哩汁就即時加分，如果有得送飯就仲好😂。椒鹽蒜香脆皮炸雞軟骨亦都係另一新品，當然我哋有叫左黎試啦。雞軟骨非常香脆，果然不出所料，炸蒜頭亦都十分之多，滿口都係卜卜趣！另外仲有蟲草花膠魚翅雞腳湯，聽個名好似好勁，飲落去都真係好勁，花膠煲到好融，感覺到滿口都好似好有膠質咁，雞腳都好入味，我都飲咗兩碗，個肚飽晒！

我覺得香港做餐飲業者真是不可思議竟然連豆腐皮涼拌青瓜都供應而且任點的魚生吞拿魚是fatty 放題午市188$ 加一梅酒任用咖啡屬即磨面豉湯旁邊放上面豆腐粒 蔥花 任加奇怪新秀鱈魚乾十分好吃😋經常看到內地遊客吃放題香港人也捨得一家老小的很開心食亞太五樓這個極尚大瀛喜場面極大可坐400人也是適合攪局⋯⋯如生日和同學聚會記得第一次認識也是因爲同學飯聚我們一致認同抵吃魚生已豐富多彩有吞拿三文巨帶子（勁鮮美）俄羅斯甜蝦北寄貝油甘魚而且水準之上⋯⋯火炙壽司鮮味的左口燒烤的菠蘿香茅雞翼牛舌我們同學都已為食她們都滿意加埋今日見到豆腐皮各式冷飲真是應有盡有的仲有蟹粥呢⋯⋯咖哩蟹鰻魚鵝肝花膠雲吞鍋花雕牛𦟌⋯⋯羊胺 雖然我不食羊但成班同學勢力 我都感受到係 好抵食北海黃金醬燒海虎蝦吃了兩塊「林正」花膠我大呼吃不下去那邊同伴推薦除了榴連炸彈還有紫心香芋丸真攞命甜點方面所有靚女狂熱-椰汁鮮奶海底椰燉燕窩我雖說減肥也吃下一小碗在心裏最正1/ 鱈魚干2/ 燒新鮮菠蘿3/ 吞拿魚生188 加19即208$有時候一個拖羅魚生都要

今日同幾個朋友去開官塘, 四圍都係人, 又唔想食譚仔, 有人提意去食日本野~ 但係好少少既日本野, 叫得多又貴, 叫得少又唔夠飽, 我突然醒起係亞太中心5樓有一間日式放題叫極尚大瀛喜日本料理;, 之前食過200蚊左右, D魚生同熟食都好唔錯~ 重點有啤酒飲添~ 星期五晚8點~ 去到大瀛喜, 都幾FULL~ 8-9成入座, 好好彩我地WALK IN 都有4人卡位~ 實在係太好了~ 坐底見到一本5吋咁厚既ORDER紙嚇一嚇~ 不過唔駛驚~ 佢地而加試緊用電話APP下單~ 快到無朋友~ ORDER哩D粗重野一定由我黎啦~ 刺身種類係多既, 熱食串燒也非常之多~ 係咁二第1 ROUND 剔少少先~ 點知每一張剔少少都剔咗8-9張~ 首先一來就係刺身大併盤~ 材料非常新鮮, 油甘魚好爽口, 三文魚香份好多, 件件都閃閃令~ 甜蝦, 都好爽口好甜, 打卡一流~ 熟食我全打鐵板燒同串燒類, 羊架好林好香, 好勁羊羶味~ 仲意食羊羶味一定要叫, 燒牛脷, 當你食到七七八八既時候, 食返舊燒菠蘿開一開胃~ 又可以重新黎過~ 今次我又飽到碌出去~~~

又係新嘅一年！今日係踏入2019年起身嘅第一餐放題，點都要揀間有質素嘅！今日就揀咗離屋企唔算太遠嘅觀塘極尚大瀛喜，方便屋企人唔使去得太遠。我哋揀咗自選時間嘅六點半入座，一行四人，收費一人$238再加一，要就放工時間就冇辦法啦。一入到去有大概八成人入座，應該唔錯！好肚餓嘅我哋兵分兩路，一啲人行出去攞嘢食，一啲人就係留喺座位慢慢睇餐紙。出面嘅嘢食都唔少，有黃金焗葡撻，癢痛係街買到嘅差不多，不過份量較少，用來做開胃甜品都唔錯！用熱燈照住都仲保到暖，食落口個皮好鬆脆，唔錯！另外仲有枝竹羊腩同埋金銀蛋豆苗，竟然呢兩樣野都會出現喺放題之中，真係令人有啲意料不及！我爸爸又忍唔住兩樣都夾左啲黎食，佢話枝竹羊腩好入味，同出面啲大酒樓味道相比都差不多，金銀蛋豆苗佢就話好新鮮，豆苗好翠綠！另外仲叫咗唔少嘢食啦，比如話燒菠蘿，菠蘿入口仲有少少微暖，而且冇乜渣，頗為爽甜。仲有其他美食都未能盡數，整體來講都好滿意！

近排忙到好冇心機，一於食餐勁嘅黎慰勞下自己！約埋朋友去極尚大瀛喜日本料理放肆吓 首先揀嘢飲，好多選擇啊，有大路嘅汽水同茶，連韓式飲品都有！ 跟住就開始重點嘅魚生啦。上枱已經擺得好靚，放晒乾冰有曬煙咁。魚生都好新鮮，三文魚紋理分明，劍魚腩色澤紅潤，蝦都好大隻鮮甜！熱食方面叫咗燒牛舌、炸生蠔、炸榴槤丸，好好食呀！全部上枱都熱辣辣，明顯係新鮮整，正！甜品都好多選擇，有雪糕雪條，有我最愛嘅榴槤雪條啊！ 仲有mini MAGA食！總括嚟講呢間放題絕對物有所值，一定要試！

一班舊同學聚會，要搵一間個個都啱口味嘅餐廳真係好難，食放題就最好，什麼都有得食：壽司、刺身、燒物、鍋物、小炒、甜品等等，應有盡有！還有唔同既飲品任君選擇。健康選擇有自由配搭既新鮮蔬菜沙律，還有小朋友喜歡的夾糖。刺身新鮮，帆立貝刺身好大同厚身，仲有海膽手卷...刺身的質素都高過一般的放題，壽司一樣用心製作，一看就知 足料飯唔會過多 剛剛好。另外黑松露蝦壽司 黑松露非常香 呢個配搭一流仲有餐廳推介必食既羊架 肉質嫩滑 一啲都唔韌。熱食佢最好嘅係佢有蟹粥，又有牛肉鍋，全部都係熱辣辣，牛肉鍋入邊有粉絲有豆腐有菜，好足料，仲有佢嘅牛柳粒唔會好韌而且好大粒，唔會好咸👍佢甜品全部都好細杯唔會話怕會好濟好飽，而且賣相都好靚，味道都唔差🤩🤩仲有雪糕，雪條。做咗咁多年放題依然屹立不倒真係有佢嘅原因同吸引力，上菜快，啲單跟得足，我地全晚一張單都冇漏，全部食物送到嚟都仲係熱辣辣而且係每款食品都好有質素。

以前起觀塘讀書，今日一早約左班舊同學起觀塘打波，打完當然要食個飯吹吓水啦，成班大食恐龍，最簡單就哽係食放題啦，觀塘地鐵站附近最近的可說呢間放題，而且朋友之前食遇話幾好食！一行6人上到去，因冇book枱要等一陣，好彩餐廳都好大好多枱，等了大約15分鐘就有枱了，打完波勁口渴，立即去取嘢飲先，啤酒、梅酒都有，但都係飲茶同汽水解渴D，順手取埋D餐前小食，泰式鳳爪，螺肉之類返去食住先，返到枱睇吓點食物的紙，都幾多野食喎，正準備點時，朋友說她已用手機落左單了，真快手！食物又出得好快喎。D刺身好新鮮，好鮮甜，特別喜歡帶子、甜蝦和三文魚，而炙燒牛肉壽司亦好好食，油香！肉味十足！海膽和鵝肝手卷都好肥美甘香，朋友飲酒，炸雞軟骨和天富羅香硊非常，送酒最好，牛肉壽喜燒煱，味道正宗又甜又香，西京燒比目魚和鹽燒牛舌火喉都控制得好好，表面脆脆，內裡仲有肉汁，美味！焗大蝦個汁好好味，蝦肉鮮甜又彈牙！足足食足2個小時，今次非常盡興，每人又飲又食都是$220位，呢度絕對可以encore ~!