極尚大瀛喜日本料理

營業中

休息中

絕對談不上極尚，座位很窄，食物非常一般，服務不到位。👎👎👎我地一行6人坐卡位，因為座位太窄，冇空間放手袋，只好放地下，否則要整整三小時抱住手袋食。。。刺身非常一般，冇牡丹蝦，蟹腳等較高級的刺身，雪糕冇Haagen Dazs ，只是雀巢貨色。比起另一品牌極尚，價錢相差不多，但食物選擇少很多。有些食物不是很新鮮，帶子刺身有腥味，鮑汁花膠有沙，咖喱蟹，蟹粥，沙律虎蝦都是霉的。服務員甚少收拾枱面的垃圾。

新年前訂座2月15日(星期五)吃自助午餐放題,已說明有數位較肥人士,希望可以給予較多空間座位,如五人坐六人座,但被經理一口拒絕,說什麼一人一座位,完全無適量餘地。昨天到達時看見座位空間竟然系祇適合苗條身材人士坐,十人座位要坐十二人,六人座位要坐八人無位置放袋,無位置放外套,(其他放題餐廳座椅下有籃或座位下可揭開放袋和外套),令到我們坐得非常擠迫,極之唔舒服,咁樣吃餐,吃龍肉都無味,向餐廳職員反映情況,他們就唔理你,聽完後急步離去。現場所見,有部分客人要把隨身物品放在地上,以騰出地方來坐,真是吃得委屈。食物方面,祇有魚生新鮮,羊架和牛舌較美味,其他食物都是普普通通,自家制甜品太甜 無特色。

餐廳雖然在樓上，但距離apm很近，交通算是非常方便。有訂位所以不用排隊，很驚訝居然人挺多的，被安排坐下後就到自助區域轉一圈。現成食物冷熱盤種類不少，還有自助糖果區，蠻有趣的。一大排飲料櫃，有自家製飲料，有酒精無酒精任選，居然有「Howgaarden」，頭一次放題有這個啤酒，還是大罐裝，先拿一罐。剛點的「刺身拼盤」先到，有赤貝，油甘魚，吞拿魚，三文魚，榮螺片，帶子等。刺身新鮮度高，都是入口即化，基本上不用沾醬油也夠鮮味。之後的燒物有「芝麻雞翅」，雞翅炸得非常香口，雞肉非常嫩滑又能鎖住肉汁，調味剛剛好；另外一款「香草雞翅」也是非常香嫩，雞翅狂粉如我吃得很滿意。特別推薦的有「比目魚西京燒」，魚肉嫩得沒話說，不得不讚他們的燒物調味本身沒有蓋過食材原味，恰到好處，證明食材有夠新鮮。這個比目魚只下了鹽，已經把魚鮮味提升，我們再多點了幾份。

呢間放題可以用好大嚟形容，全店金光閃閃裝湟，豪華又有氣派，又有咁大的自助區，我地揀放題，揀大D豪華D重正啦!呢間刺身有驚喜，貴價魚如油甘魚有提供，當晚油甘魚貨色幾新鮮，希靈魚，吞拿魚，帶子，榮螺，虎蝦係好食，只係三文魚麻麻地。炸物好好食，椒鹽豆腐，吉列蝦餅，榴蓮炸蛋，芝麻雞翼，全部都好有水準，唸住叫炸野會好耐到，點知都好快，要讚係叫7次炸野無漏過單! Main Dish 我覺得好食嘅，同我上次有D嘢唔同咗，好似係有椰汁燉燕窩(呢款我吃飽後勁叫)好食的，燕窩分量OK! 另外有款花雕牛展，D牛展好入味，D酒香啱啱好，推介必食。瑤柱蟹粥，雪花肥牛鍋，D牛肉都食得過，唔差。天婦羅水平平均，都好味，但我覺得一品料理重正，好鐘意食咖喱蟹，咖喱汁做得夠香，唔係好辣，蟹新鮮，入晒咖喱味。鮑汁花膠係必食，D膠只係中價貨，但勝在炆得腍，你起膠的，好食入味。我又幾鐘意佢提供的䥫板炒銀芽炒雜菜，重要係唔算油，好食又清新，食咁多肉有菜食下，健康D。另外有個炸雞軟骨，送啤酒，不錯。燒物個燒新鮮菠蘿，牛舌(好鬆軟)，好正。另外壽司，卷物類係OK，至少飯係實的，最拍一㚒D飯就散，另外出面飲品好多㨂，我都愛有自助雪糕机

極尚大瀛喜不嬲都係我哋成班朋友好鍾意去嘅一間放題餐廳，當然今次我哋聚會來這裡食放題啦，今次我哋整體來講都學覺得保持到水準味道都唔差而且都十分乾淨。餐紙待應好快拿走，一陣一堆美味食物開始黎到，三文魚，吞拿魚，甜蝦，帶子之類嘅刺身，刺身質素依然都係好好，食落去有魚香，亦都唔會有雪味，十分之新鮮。熱炸物方面，當然叫咗我最愛的炸榴槤，榴槤味濃夠熱，又唔會話好油。而雞軟骨炸得好香口，其他都十分出色。熱食幾新鮮，好新鮮夠熱辣辣，我就最鍾意食釀雞翼，啖啖肉又香而冇骨，同埋雞中翼都不錯，因為這裡嘅雞肉都幾嫩滑，而且煎得都唔會話好乾身。朋友就會鍾意食這裡的鰻魚，因為唔會十分之多醬汁，啖啖肉冇骨，十分之好食。當然沒有錯過叫牛肉火鍋，但今次我哋再叫咗烏冬，烏冬嘅份量啱啱好一個人，而湯底少少甜甜地味道唔錯，烏冬口感都幾好唔會話好淋，當然仲有唔同嘅壽司同埋甜品選擇啦，我哋因為一班人嘅關係每人都帶左少少就可以大家一齊分享。

完sem同朋友想食好d就去左食放題🙈之前都有食過呢間既其他放題 不過觀塘分店就第一次試以為lunch放題會無咩人 但人到去人山人海 坐滿哂咁 好彩地方都好夠大 唔會等好耐然後一入去就見到出邊有勁多小食夾 啱哂最鐘意食冷盆既我🤩 而且refill得好快唔會好似其他放題咁 等n年都未有得再夾飲品都有好多選擇 有酒有汽水又有茶 講到放題 第一樣一定要食魚生😍呢到d魚生好新鮮 同埋切得都好有厚度 d紋都好夠 好肥好正😍特別係個三文魚同個蝦 真係好鮮味而呢間特別在有埋蜆食 鐘意既朋友可一試然後當然有唔好以少既sushi! 呢幾款入面一定要推薦蔥花牛肉!! 牛味好濃 細細舊易入口又唔會太多飯搞到食唔落其他野然後再黎就係呢個海膽手卷首先要讚一讚 個紫菜真係好脆 而海膽夠凍好新鮮 呢個一定要試當然仲有我同朋友最愛既天婦羅😍呢個我地encore左幾次呢間既粉漿唔會太厚 啱啱好 又脆又好食d蔬菜炸得好 好juicy唔會好乾而隻蝦都好大隻 唔似出面個d細過手指尾咁食左咁多其實都幾飽但甜品第二個胃最後當然都要一試個櫃又好多選擇 全部細細杯可以試多幾款要推薦呢個桂花味既布丁 淡淡桂花味唔太漏 好值得試個靚靚士多

初一初二都俾各式年糕淹沒，終於嚟到初三有機會出街搵食老實講我好少食放題，但係突然間又好想食日本嘢，所以揀咗之前食過印象唔錯嘅極尚大瀛喜今次嚟食明顯餐點比上次少咗，冇咗芝麻雞翼，不過我地都照樣叫咗成枱嘢食，其中大推以下呢幾樣：刺身：好新鮮，必點，尤其係我至愛油甘魚同帶子，入口軟嫩，鮮味十足蒜苔炒海鮮：竟然俾我喺自助吧度搵到呢樣嘢，正! (好少喺出面食到蒜苔)蟹棒天婦羅：雖然個粉漿我麻麻地，但係條蟹棒真係唔錯，一定要試椰汁鮮奶海底椰燉燕窩：足料，味道啱啱好，唔會太甜我地仲叫咗燒鰻魚、燒菠蘿、吉列蝦餅、蟹粥...之前食過幾間放題令我對日式放題嘅印象就係 - 食物質素每況愈下，不過呢度依然keep到水準，唔錯而且服務員仲好有心咁介紹我地食佢嘅心水甜品(椰汁鮮奶海底椰燉燕窩本來我地走漏眼冇點)

剛上到去，見到個粉紅衫經理。。。態度極差，想問清楚啲細節，食幾耐，收幾多，望都唔望你，叫你等，叫到位先同你講，咩態度。。。。唔問清清楚點食。。。。我問，唔代表我一定食。。。未食，唔知掂唔掂。。。。

年初二，開年晚餐。由於大部分店鋪也關門，中午大家不斷研究晚上哪裡吃飯，有營業的又趁機漲價，問了好幾家決定吃日式放題。餐廳雖然在樓上，但距離apm很近，交通算是非常方便。有訂位所以不用排隊，很驚訝居然人挺多的，被安排坐下後就到自助區域轉一圈。現成食物冷熱盤種類不少，還有自助糖果區，蠻有趣的。一大排飲料櫃，有自家制飲料，有酒精無酒精任選，居然有Hoegaarden，頭一次放題有這個啤酒，還是大罐裝，先拿一罐。剛點的刺身拼盤先到，有赤貝，油甘魚，吞拿魚，三文魚，榮螺片，帶子等。刺身新鮮度高，都是入口即化，基本上不用沾醬油也夠鮮味。之後的燒物有芝麻雞翼，雞翅炸得非常香口，雞肉非常嫩滑又能鎖住肉汁，調味剛剛好另外一款香草雞翼也是非常香嫩，雞翅狂粉如我吃得很滿意。特別推薦的有比目魚西京燒，魚肉嫩得沒話說，不得不讚他們的燒物調味本身沒有蓋過食材原味，恰到好處，證明食材有夠新鮮。這個比目魚只下了鹽，已經把魚鮮味提升，我們再多點了幾份。蒲燒鰻魚同樣出色，一般外面下很多醬去燒，導致跟鰻魚塊黏在一起，這裡的鰻魚很厚切，醬汁份量剛好全沾上魚肉，燒得香軟，燒物的味道跟技術都在水準之上。吃放題，多一個高質素地方。

耐到都唔記得上一次食放題係幾時了，以前食放題都係去旺角食，點知原本依家觀塘都有放題食，勁方便，就決定同朋友一齊黎試一試佢既午市放題，貪佢午市平d又可以食3個鐘。我地2個都早左黎，原來有條隊俾人排隊等入座，好有秩序！呢樣抵讚👏🏻👏🏻講下環境先以往食放題，都係d地方好逼、櫈貼櫈坐、坐得唔舒服既，但係呢度環境好闊落，兩個人去食，安排左張sofa 卡位俾我地，勁舒服！拿拿聲落左第一round 既單，即刻出去自助區拎野食，有好多小食、前菜、熱盤同飲品可以揀，真係好掙札，樣樣都想試，但又怕拎得太多野食，食唔到咁多我最愛既刺身。。😜都幾得意，第一次玩可以自己加湯料 (有豆腐粒、海帶同葱) 既味噌湯。勁鐘意海帶，落一匙海帶乾唔夠再落多d，點知加左落湯之後海帶發大左就變左成碗都係。。貪心左！🍣剌身:Round 1 每樣都剔d試下，每款刺身都好新鮮，厚切又有光澤既，個人喜好特別鍾意食三文魚同油甘魚，好肥美鮮甜。🍣左: 燒鰻魚:我相都未影，我朋友已經急不及待要夾塊鰻魚食，呢個好有驚喜，鰻魚皮燒到脆脆地，但魚肉係好juicy既，熱熱地食好正，呢個encore率最高。🍣右: 羊架:又係一樣回本野，平時買番屋企煮

有日中午行經觀塘,見到極尚大瀛喜午市$198唔算貴,加上太耐冇食放題,就自己一個膽粗粗咁入左去.依間放題會提供Wifi, 比食客用app 落order,想落單唔駛再四圍搵waiter. 一班人食仲可以自己點食咩,唔駛再傳紙仔.午市menu 選擇比晚市少, 但種類都算多, cap 左啲圖比大家睇下.第一輪點左啲刺身,三文魚不過不失,最好食係赤貝同油甘魚,赤貝口感爽滑,油甘魚口感柔軟細滑，肉身油分較重,食落口大大滿足感,仲要一啲都唔腥.第二輪點多左堆壽司,個瀛壽司包住啲青瓜,清清甜甜,口感爽脆.牛油果軟殼蟹同芒果龍蝦沙律都OK點左個炸紫薯波同炸牛奶,不過不失.蟹肉粥都OK 多蟹肉紫薯同牛舌花膠湯食完主食就去掃甜品,最愛大腳板比較特別係有個自助糖果區,自己夾糖食總括而言,今次午市放題比預期好,下次會再同朋友黎食

係觀塘番工，極尚大瀛喜係我同同事經常lunch既地方，不過lunch 得一個鐘時間，通常黎呢度都係食佢既定食餐，貪佢抵食又可以食出面自助區既食物。不過人總係貪心既，成日都有隔離飯香既感覺，因為隔離左右梗有幾枱食緊放題，一枱都係食物好羨慕，決定要搵日放假黎食番次放題。一入餐廳就係自助區，平日食開lunch，都知道晒呢度既格局，冷熱飲品、前菜、小食，但一樣俾到驚喜我，特別係d小食，因為會不時轉款，羊腩、鹵水雞翼、脆脆薯格，連蛋撻仔都見過，如果只係坐定定食放題，肯定會錯過好多野。指定動作，一坐底就叫刺身。因為今次只係2個人食，唔敢叫太多，寧願之後黎多round。剌身厚切，全部都好新鮮，最愛吞拿魚刺身😋用apps落單真係好先進，又可以睇番自己叫左d咩，黎左既order 會有個綠色剔，完全無漏單情況。羊架: 生熟岩岩好無過火，咬落好有肉汁，推介👍🏻三文魚、油甘魚壽司: 雖然知道食放題唔應該食咁多飽肚野，不過壽司飯細細，食多幾件都唔怕！三文魚應該是魚腩位吧，好肥美，正！芝士鰻魚玉子: 3樣都係我鐘意既食材，估唔到可以match埋一齊，仲好好食添！海膽手卷: 海膽都係我最愛，好鮮甜，encore左幾

好耐都無食放題，揾班friend約食，佢地話要嚟呢間，咪玩啦，入觀塘食，但係佢地話揀呢間正的，包我滿意。無計就下佢地。間野大到飛起，超爆人，有自助區，都多野揀，飲品多揀，好多大路野。刺身OK，呢個價無可能係極品刺身，食得過，我覺得當日虎嘏刺身最好食。我最愛食係卷物，軍艦，呢度D唔錯，芒果龍蝦沙津卷超正，一定要叫。創作料理全部match得幾好，好似係芝士鰻魚玉子燒香蔥鵝肝帶子，好食呀! 而串燒，我覺得呢間最好食，燒菠蘿，海蝦，牛舌，鰻魚，蕃薯仔，翠肉瓜都好正，不過多D串燒款重Perfect! 天婦羅，炸物都OK。呢度D雞翼整得好味，有款芝士蘑菇釀雞翼，燒雞翼和炸雞翼好好味。其他野有炒蝦，炒中蝦，花膠，蒜片牛柳粒D中式野食，好正。至於甜品，D芒果布丁，朱古力杯都好正，雪糕我無食，但班friend當飯食，話都食得過。我反而覺得食下自助區D生果都正。

開心的生日，今晚約左好姊妹食日本放題，book左極尚大瀛喜日本料理-觀塘慶祝我生日。極尚大瀛喜日本料理，環境好大，食物種類好多選擇，有熟食區、飲品區、甜品區。點左好多野食，頭盤當然要食刺身，點左三文魚、元貝、蝦，味道新鮮好味。熟食方面點左好多食物，有鹽燒蝦、日本燒蕃薯仔、三文魚壽司🍣、迷您湯烏冬⋯樣樣都唔錯，但講到最好味一定要點燒幔魚同燒芝士海蝦，幔魚燒得香而不乾身，芝士海蝦就啖啖肉😋食完又再點！最後不得不讚，哩度服務好好，出野食快！收野又快手！

是日一行五人去食放題，冇訂位，但一去到已經話有枱。不過佢唔係任食兩小時，幾點入都要準時八點半鐘交枱，八點係last order，我地約7點到，有朋友仲要大遲到，臨完前45分鐘先到，食得好趕急，成個人好有壓力，第一次食放題食得甘辛苦。除左一般落單之外，近住出口有好幾個飲品櫃、一個雪糕櫃，同埋吧台可以攞D開胃小菜、甜品、小小熟食同兩款即汁飲品。比較特別係佢有軟糖區可以夾軟糖。開胃小菜我自己就攞左中華沙律、泡菜、涼拌群帶菜同蒜味螺肉，泡菜醃得唔錯，令我有D驚喜，其他就普普通通。仲有時令生果可以拎，桔仔果然當造，食左三小粒都好甜。食物種類唔算多選擇，先講冷盤。刺身都係大路果幾款，比較要讚既係三文魚係厚切，不過無論係虎蝦定甜蝦都比較細隻，呢到令人有D失望，刺身鮮甜度不過不失，至少冇雪味。而壽司方面，佢係一啖一口既大細，呢樣要讚下，唔會令人覺得食飯食飽左，有幾款壽司我食完覺得比較驚喜，包括鵝肝帶子壽司、松露蝦壽司、和牛壽司同花之戀，其他就比較普通。手卷我冇叫到。而卷物方面，我個人覺得D配搭唔太夾，而且包係卷物入邊既炸蝦果炸皮冧哂，好似食緊粉漿甘，D醬汁又太多，食左3款卷物都覺得唔太好食。整體冷盤都