極尚大瀛喜日本料理

營業中

休息中

今日倍父母親大人去牛頭角探亞姨，好耐冇一家出街了，問吓表弟附近有乜食，佢話觀塘會多D選擇，有間放題都幾掋，又多野食。都好喎！好似好耐冇同父母食放題！間餐廳叫極尚大瀛喜，響APM隔離楝亞太中心，好近地鐡站，非常方便，成棟大廈都係餐廳，所以要排隊等lift，上到5樓，幸好不是太多人等位，好快安排到入坐！餐廳有一個位置自取飲品、甜品和小食，都幾多選擇，頗欣賞餐廳细心的是有冷熱飲品外更有些常溫飲品和花膠湯供客人選擇！讚！此餐廳更可用智能手機落單查單，方便之餘亦非常環保！細佬好快手已經點左一D食物，唔知係咪因為手機落單快好多，好快已有食物送到，嘩～！D刺身好新鮮喔，甜蝦同元貝都好正，好鮮甜！之後其他食物好快到齊，亦沒有漏單，服務亦好好，收碟好快亦有禮。個人覺得熟食都好好食，蒲燒鰻魚、西京燒比目魚好好味，燒得剛好，唔會太乾，燒過的菠蘿，更甜美，燒牛舌好嫩，好香，調味又好，唔會太咸，最特別是日式放題竟然有炆花膠食，而且味道都唔差。牛肉煱甜甜的，牛肉又嫩充滿油香！最後當然要食個雪糕當甜品，但比我發現有豆腐花，細細盒，不會太飽肚，太好了！

之前有去開都覺得味道幾好，所以今次朋友生日我哋都專登過去再食過放題，去到依然都十分之多人，食物方面選擇都不少，當然食慣嘅我們當然不會放過這裡的三文魚，夠新鮮。蕃茄、芒果卷物微酸帶甜十分開胃，芝士火炙海鰻蛋都十分鮮甜。帶子解雪幾好鮮甜厚肉，芝士烤蝦好惹味，雞翼面脆入面足料好味道。普通雞翼煎得都吾錯，當然有我最愛烤菠蘿，燒得少許乾身又甜，當然仲有甜甜牛油粟米啦。刺身一來到都驚喜，三文魚都幾厚切夠新鮮，蝦鮮甜，吞拿魚質素不錯，希靈魚味濃和鮑魚都幾甜美。炸物就叫了雞軟骨、芝麻雞翼芝麻炸得香口雞肉嫩，一堆炸物夠新鮮夠熱又吾油身，味道剛好，榴槤都幾濃郁味吾太甜。飲品選擇不少，最後飲了汽水和橙汁，食到差不多當然叫熱食炒菜啦，都十分新鮮。甜品細細件岩晒可以食到唔同味，這裡的味道都不錯。

之前去過銅鑼灣分店 今次再去觀塘分店encore😁佢嘅自助區非常多款式 又有飲品又有甜品 仲有小食冷盤 首先點左放題必食嘅刺身先刺身都好新鮮雖然款式唔多 但刺身勝在夠新鮮鯖魚魚皮燒得好脆羊架冇騷味 而且肉質好嫩滑 雞軟骨加咗炸蒜 非常惹味最正嘅就係呢個雞湯雲吞花膠鍋一鍋係二人份量 有兩隻大花膠 花膠好大隻好入味 呢個真係必點嘅食物 點左兩款軍艦吞拿魚茸軍艦唔錯 吞拿魚好新鮮另外仲有雞翼釀糯米呢個又係好好味 雞翼外表燒到金黃色燒完亦都唔會覺得好乾 仍然保留好多肉汁 而入面釀左糯米一口咬落去好有口感 好啖啖肉嘅感覺而且好想讚下呢度個執枱姐姐佢好細心 見到我地點左個花膠雲吞鍋主動問我地要唔要兩個碗仔一般嘅放題 員工都係就咁放低嘢食就走但佢好貼心 而且佢不停收到我哋枱面嘅空碟 仲好好禮貌 抵讚👍🏻👍🏻

今日同媽媽去左觀塘食放題入口附近有自助bar 好多唔同嘅前菜同甜品有我最中意食嘅枝豆 除左soft drink 仲有支裝嘅茶首先點左刺身有三文魚吞拿魚赤背油甘魚虎蝦同帶子呢度嘅刺身非常新鮮 而且係厚切 啖啖肉 出面食嘅刺身都切得好薄好細片 所以好滿意呢度嘅刺身壽司都有好特別嘅款式點左鵝肝帶子壽司 同芝士鰻魚玉子燒壽司全部都細細舊 唔會佔肚好多位置😁御品鮑汁會花膠真係不得了花膠又林又入味而且仲好大隻！燒鰻魚亦係另一個推介嘅菜式燒得非常香口 新鮮燒熱辣辣 呢度嘅炸物真係唔錯芝麻雞翼又係非常脆口而且仲非常夠味！正

成班食肉獸約食飯, 有咩好過食放題, 一次過可以滿足曬我哋嘅"肉"望喎。呢間大瀛喜我都係第一次 幫襯, 朋友食過話唔錯, 果然有真係幾好喎!坐低第一時間梗係點嘢食啦。勁多嘢揀，樣樣都好似好正咁首先嚟咗一大盤刺身, 見到個擺盤都知佢 “瀛” 喇 , 食落仲肥美到冇得輸。甜蝦勁甜、三文魚勁肥厚、 北寄貝爽呀、象拔蚌鮮甜。。。北诲黃金醬燒海虎蝦不可不試, 芝士夠多, 蝦味重, 大大隻蝦, 口感非常好食肉獸好欣賞牛舌, 味道夠, 帶少少辣, 爽滑, 無得輸比目魚西京燒都幾好, 魚肉好滑, 煎得好夠香蒲燒鰻魚, 魚肉香滑, 吾會林pat pat黃金咖哩炒蟹好得, 咖哩香滑濃郁, 蟹肉好鮮味, 肉質好林第一次放題有羊腩, 正. 羊肉有少少騷, 肉味夠重, 仲有啲啲肥, 驚喜出面吧台有好多前菜, 熟食, 飲味同甜品選擇, 多到試吾晒.都係果句, 有咩好得過放題!

今日就觀塘返工嘅朋友，一班人約咗收工後去觀塘 食飯. 朋友仔帶咗我去極尚大瀛喜，真係喜出望外!往時出油尖旺食放題食得多，次次夜晚都人山人海迫到爆，估唔到原來喺觀塘食 buffet，可以坐得咁舒服, 仲食得好好，招呼又好好我哋提早訂定位，所以都唔使等。七點半去到即刻有得入座，仲畀咗個好靚嘅位我哋坐朋友仔負責點第一Round，我就出去走咗個圈嘩… 出面個自助吧真係唔講得笑，勁多嘢食… …等我返到埋位，朋友仔已經落完單，仲開始上菜啦花膠好正，味到夠濃，超多花膠，件件都咁厚但唔會漿口皮蛋浸豆苗，香口爽脆，都好好味芝士鰻魚玉子燒 cheese好好好好味，蛋味好香又滑，encore 完再encore 同 encore，哈哈全晚咁多款肉我最like羊架，唔會好騷，去到骨位好肥美，羊味十足仲有帝王蟹棒天婦羅，好脆滑，啖啖肉，好有份量，口感十足，都係encore 完再encore 同 encore，哈哈哈哈鹽燒鯖魚都吾錯，少少燶燶地好好味，唔會腥太多正嚠食啦，飽到幾乎連甜味都食吾落，最後成功KO左杯乳酪，滿足~

每過一排我總係要黎一次如果朋友冇特別指定有想食嘅一間放題我一定帶佢地黎呢度，價錢又公道食物質素又高！不過係度食午市放題又真係第一次。食物嘅選擇並冇比晚市少，質素亦都一樣高，仲要平D tim~ 其實午餐食放題係比較合理，成日夜晚食完都因為太飽搞到訓唔著，但午餐食完之後仲有大把時間消化又可以周圍行下幫助消化。不過係成日覺得晚餐食開心D咁。不過今次之後真係要建議下D朋友下次食午市先雖然我依家已經對魚生唔會再有極大嘅興趣，但每次都係要叫嘅。呢度嘅魚生嘅質素都算係我食過嘅放題之中算係高質嘅，拍得住$4xx嘅放題。冇得一排見到有蜆嘅刺身，即刻叫黎試下，都幾鮮甜～每次黎到少不必狂叫壽司，因為實在太好食，飯量又少，真係停唔到！雖然朋友成日都話我好浪費，黎食放題食咁多壽司，但每次佢地食完之後個個都話好食其實食野最緊要好食嫁姐～食得開心咪抵囉～今次試左醋鯖魚壽司，質地唔係我唔鐘意個種"梅" 嘅質感，幾新鮮～芥辣八爪魚真係辣得好爽！朋友鼻塞都即刻通晒今次呢個鰻魚玉子燒好食過我之前黎食，蛋夠甜，兩者嘅質感好match～Encore左一次海膽手卷細細舊而海膽分量唔少，想食海膽嘅話唔駛怕會食到成肚飯～蒲燒鰻魚邊有

和家人三人於0530到達，見有好多四人卡位，職員強要求我們座非卡位，一轉頭。那職員安只有兩人的，去座四人卡位。全程只有那兩人，不知所謂。這種不知所謂的服務只有趕客，等執笠。食物是有水準但咁的服務無言。

來到觀塘又心郁郁想食放題，上網搵搵就決定試試，可能係午市，不用等候太久，店內樓頂很高，感覺好舒服及寬敞。仲有位置安放BB車又唔阻住條路。由於我比較鍾意食壽司多過食刺身，可提供的種類都算多，其中最愛的是芥辣八爪魚，味道好鮮美蝦天婦羅是必然要點的，外脆脆的，蝦亦很新鮮，放落烏冬就變成蝦天婦羅烏冬。串燒牛舌亦很juicy, 厚厚地，幾有咬口感覺海膽手卷就是一般般，不是十分鮮甜一口牛肉粒非常入味，又夠林。甜品種類都算多，有經典的紅豆雪條炸雞軟骨好有避風塘的口味羊架肉質林身，外皮燒到脆脆的，推介食品除了餐牌外的食物，門口附近還有小食提供。

多款式但唔算平前菜、沙律、甜品和飲品都係自己出去拎的，更有提供軟雪糕機呢。剌身算新鮮  珍寶赤蝦頗大隻，食落鮮甜，蝦肉頗爽，值得食完再食可藉得一試甜品整體不過不失，估唔到連迷你葡撻都有，反而最特別係多選擇

幾個男人食乜好，梗係去食任食放題啦， 依間位於觀塘亞太中心嘅大瀛喜，都好吾錯。去到梗係食啲回本嘢先啦，見到有花膠， 呢個cp值勁高呀 ，花膠好交，又大塊，一碗份量都有三塊花膠，煲得淋又入味，好正，建議早少少嗌，因為都等左一陣。呢個月份梗係嗌埋個咖哩炒蟹啦，因為正係食蟹嘅月份， 咖哩味好香，但又不失蟹嘅鮮味，肉都結實，吾錯。手卷當中有鵝肝手捲我覺得幾特別， 好少放題有鵝肝手捲， 鵝肝都幾大舊， 脂肪多好正，可試試。其他放題有嘅都好好食，刺身，熟食，鍋物等等都唔錯，上碟快，收碟都快，服務幾好，可以再嚟。

今日同老公嚟呢度食放題，最想食嘅魚生，好新鮮，有三文魚、吞拿魚、油甘魚、帶子、希靈魚、鮑片……我哋唔食生蝦，見到其他人食好多甜蝦及虎蝦。原來熟食都唔錯，有蠔皇花膠，堅。熱辣辣燒菠蘿、燒鰻魚、燒釀雞翼，正呀！花之戀壽司、芝士鰻魚玉子好香口、炸豆腐、芝麻雞翼、榴槤炸彈、芋頭波，最喜歡榴槤炸彈，外面香脆，內裏榴槤蓉會流出來，芝麻雞翼也是值得一讚，極香口。串燒牛舌、燒羊架，燒得好香唔韌。天婦羅有蝦、南瓜、蟹柳、牛乳……, 還有一口牛，好入味。鹽燒大蝦及沙律焗大蝦，仲嗌咗燒鯖魚及汁燒比目魚。其實仲有好多壽司、軍艦、手卷，食唔到咁多飯所以冇叫。飲品甜品區包羅萬有，軟雪糕、雪條，也有熱飲，仲有好多熟食小食。店員收碟嘅速度極快，限時兩粒鐘。這裏很受歡迎，食完走嘅時候門口大排長龍。

又去左食放題，其實而家放題質素我覺得可以媲美一d buffet，仲要更多選擇，仲平d價錢，今次呢間係極尚大瀛喜。其實佢都好多回本嘅食物，首先一定要嗌嘅就係刺身， 我覺得佢真係好新鮮，而且切得好好，唔會切到好薄，又細塊，係又大塊又厚身，一啖食落肚，成個口充滿咗魚油香，好滋味， 而且溶雪處理得唔錯，食唔到雪藏味， 三文魚，吞拿魚係我最愛。另外海膽手捲又係好正，我食左兩次， 兩次手捲海膽都好鮮甜， 而且份量都幾多，幾好食。羊架都好正，我本人其實一般喜歡羊架，因為怕騷味， 不過佢今次燒得唔錯，冇乜騷味，肉質都好嫩滑，可以嗌嚟試下。我記得壽司都唔錯，食咗少少，其他天婦羅，鍋物，燒物都幾好，我都食得好開心。

今日 LUNCH 同個同事決定食好DD，成個勁 FULL 既 LUNCH，所以黎食 LUNCH 放題  ! 你都咪話，都全場爆滿架 !真係愈來愈多餐廳用呢 D 手機程式去做落單落 ORDER 程序，都幾好既，真係環保又夠快，同時又有圖片比大家做參考，不過落單果陣就真要注意數量了，唔好叫錯啊 !落完單就梗係出去自助區行個圈睇下有咩正野啦，首先係飲品，只係飲品就已經有超多選擇，全部整齊咁放好曬係個雪櫃到，有D似便利店咁既模式添，真係想飲咩，一齊自己拎啦喂 !係飲品櫃隔離，就有其他食物供應既，例如圖中既甜品區，另外重有一D日式前菜/ 沙律果D供應添架返到埋位，食物都陸續黎到，先黎既有海膽手卷，我覺得呢度既手卷都好有良心，除左當中既海膽質素好，味道一流無異味之外，重點係手卷SIZE細件，唔會令你太飽，從而有其他空位繼續食，值得加分三文魚子手卷都有得你食 !! 你睇下真係唔馬虎架喎，大量三文魚子係手卷上面，感覺食多兩件都回本了....壽司都幾精美，真係唔覺佢馬虎架，大部份既SIZE都係細細件，真係唔夠咪先再叫多幾件囉，好過大大件，其他咪野都食唔到 ! 呢件火炙牛肉都唔錯，口感及味道都好好，值得一

今日去咗觀塘食放題， 其實不到二百蚊就食到任食嘅放題都好抵食， 食物選擇又多，真正唔錯。先點左刺身， 因為其中幾個朋友都唔食刺身所以唔係好多， 但係都好新鮮 三文魚，帶子，吞拿魚， 甜蝦都好鮮甜，好食。壽司中鹽燒三文魚腩壽司， 鰻魚壽司， 帆立貝壽司都好正，好好味，喜歡佢飯吾係大大舊，用料新鮮， 醬汁都調得好好味，幾好。其他大多放題都有得食嘅例如天夫婦蝦，我本人都好喜歡食，雖然好多間放題都有，不過整得好食嘅就吾多，呢間我覺得佢嘅吾錯，吾多粉，吾會食到成口油，又即嗌即整，幾好食，想推介俾大家都試下。整體感覺都吾錯， 又冇乜漏單，服務都幾好，食物選擇又多，下次都會再嚟。