極尚大瀛喜日本料理

營業中

休息中

今時今日，二百幾三百蚊食個西餐可能只係一碟意粉一杯飲品， 所以放題都係呢個價嚟講，真係好抵食，任食又多野食，食到飽一飽。一坐底，即刻點刺身，選擇都多， 三文魚，北海道帶子， 油甘魚，吞拿魚，希靈魚， 北奇貝，甜蝦等， 我覺得當中三文魚，油甘魚，吞拿魚，北寄貝都好鮮甜彈牙。壽司方面，花之戀又好正， 三大塊三文魚包住好細個飯，加埋不多不少嘅 沙律醬好好食。另外，鰻魚都好肥美，好好食，燒得唔錯， 醬汁多調得好好味。講下飲品方面，都係自助形式， 啤酒，汽水，茶，忌廉奶， 韓式飲品， 果汁等等都有。 甜品方面都好多選擇， 芒果布甸好好食，另外仲有得自己整乳酪雪糕，幾正。最後食埋幾個水果， 西瓜好甜，食完好滿足。

老公話好耐冇食放題 難得放假 好好去刷番一餐 近近哋 就 揀咗觀塘區 亞太中心極尚 大瀛喜日本料理 六點零鐘入到去都已經有人等位啦 好彩我哋有備而嚟book定位入到去 地方呢都尚算寬敞環境都好好 另外仲有好多樣小食都好好味道 咁我哋 食咗啲小食就首先點一個啲刺身拼盤先啦三文魚 北寄貝 帶子 仲有其他鱼生 都好肥美泰式生蝦 同埋甜蝦好鮮甜 熟 食非常滿意 食咗一輪 刺身 最後 食番啲熱嘢 蟹粥好清甜正正正仲有好多款汽水 豆腐花都好正 食得飽飽 會去推介畀朋友

放題食得多但有質素既真係唔太多今日估唔到就係觀塘呢到食到一間咁有質素既放題選擇非常多，仲要唔係得Ｄ頹野裝修係我目前為止見過最靚既放題鋪直頭靚到可以用富麗堂皇黎形容仲有自助吧多款菜式仲要唔係得Ｄ頹野竟然有焗蝦食仲要質素都好好架喎最大驚喜係有呢個蟲草花膠魚翅雞腳湯入面真係有大大舊花膠架！真材實料！飲品除左有包裝飲品之外仲有新鮮既飲品，值得一讚當然唔少得甜品同雪糕啦最正就係有即唧既軟雪糕仲有唔同配料任君選擇正呀～然後就推介下食物啦因為食左好多野所以只講下我覺得好食既食物依放題又點可以冇刺身呢基本上黎講佢既刺身都好新鮮當中最推薦大家試下佢既鮑片好鮮味，又唔會乾身，好值得一試牛柳粒炒得好惹味，牛味又十足而且咬落去好軟，唔會韌最重要係佢真係好足料唔會話塞晒其他配料比你就算真係好多舊牛柳鰻魚好肥美食落口食到好香既油脂味極力推薦佢既炒雜菜佢加左少少辣辣，好吊胃而且椰菜又新鮮又爽脆好味到我自己一個人食左兩碟燒翠玉瓜都不得不試燒得好香，食落口會有陣陣燒味而且保持到入面既水分咬落去爽脆甘甜一定要一試

自從大學畢業後已經約有兩年時間無食過放題，呢次可以話係破戒之旅。一入到餐廳，第一下覺得好似去左澳門酒店內的自助餐地方一樣，裝修設計華麗。而係我坐入座位既途中，我經過自助吧，入面有唔同種類既飲品之外，仲有熟食、前菜同甜品。前菜同熟食味道幾好。與刺身開戰之前，我決定夾左唔同前菜同熟食返去，味道拍得住自助餐質素。食完前菜同熟食後，我宣佈刺身大戰正式開始！好耐之前有個習慣：就係食放題刺身前，我都會叫晒所有刺身，試食一次，再根據味道決定個日同咩刺身大戰。最後經我測試後，發現有俄羅斯凍蝦、三文魚同油甘魚係最正，特別係油甘魚，佢個味道什至超越平時最鍾意既三文魚！食到刺身咁上下就叫唔同料理試下。必食之選有兩款，分別是牛油蠔及羊肋骨。牛油蠔味道濃郁，容易滿足本人味蕾的強烈需要。唯一缺點就係佢令我好矛盾，因為食得多，會易飽，但又好食wo。羊肋骨比我想像中彈牙，唔太羶，而肉汁方面，你睇相就知有幾多，無須我多講。最後，呢間餐廳有樣元素係暫時見到最獨一無二：員工的服務態度。負責我坐個區，有位呀姐，員工編號是687，是位友善有禮的姨姨。每次上菜及收碟都會有禮地說句唔該，食到咁上下，又會問覺得d野食點。呢種服務態度

陪男友去開覆診又想食下放題，上Openrice 搵到極尚大瀛喜，好食指數都好高。而且睇落食物都好多元化，兩話不說就選了這間放題。一入大堂就見到自助沙律小食bar。一眼望下沙律菜都幾新鮮下。燒八爪魚丸真係好驚喜！食落仲好熱辣辣香噴噴，而且味道佳，絕對唔會hea。不過食放題緊係要樣樣都試下，所以都無貪心多食。Bar台仲有各類熟食。而甜品區都係的的骰骰，各樣都係細細件易入口。仲有小妹最鐘意食既乳酪同豆腐花，見到隨手又羅左幾件慢慢食。嘻嘻，小食區都羅了不少食物慢慢試慢慢食。除了食物之外，估唔到自助bar仲有「花膠冬蟲草雞湯」飲，仲要任裝。咁滋補緊係即刻黎返碗啦。飲落都知足料。因為急住出去搵野食，結果就由男友仔發版啦。佢就羅左我地每次食放題都必食既鮑片，以我地多次食放題既經歷不非間間放題既鮑片都好食，好多都係勁乾。不過極尚大瀛喜就無上述問題啦，鮑片唔會乾，睇相都知好味道。當中仲有男友最鐘意既煎蛋同小妹最愛既吞拿魚。吞拿魚新鮮好味，只有新鮮既吞拿魚先會食到陣血腥味。正！不過煎蛋凍上就一般啦。仲有大花膠點架。可以劃紙仔。大大隻又唔會韌，幻想自己塊面滑溜溜。👍🏻👍🏻👍🏻 真係好想再點，不過留肚食其他好

今日約咗好耐冇見既朋友一齊去食放題～ 因為有朋友食過呢間極尚大瀛喜~覺得唔錯所以都推介我哋嚟食~交通又夠方便，係APM行過黎都只係幾分鐘左右~之前我通常都係喺旺角嗰邊食放題多~但觀塘呢間極尚大瀛喜!一入門口我就覺得非常之光猛闊落!!坐得好舒服!而且飲品種類真心多!有成五個大櫃喺度! 冷盤CORNER亦都有好多冷盤可以簡~一嚟到梗係要即刻食我最鍾意嘅中華沙律同螺肉~熟食嗰邊竟然有日式章魚燒同迷你心太軟!!迷你心太軟係我嘅至愛呀!呢間餐廳真心整得唔錯~真係有流心嘅效果~朱古力味好濃~我好鍾意食佢個芝士蘑菇釀雞翼~平時放題我都係狂點狂食芝麻雞翼架!!但係呢個芝士蘑菇釀雞翼~將芝士同蘑菇釀喺無骨嘅雞翼入面~啖啖肉~一啖食到三種滋味真係好開心~ ~仲有呢個海膽手卷真係不得了~紫菜好夠脆~海膽都幾新鮮~重點係細細嚿方便食得嚟又唔會因為食咗一嚿而飽曬~甜品雪糕嗰邊嘅種類都幾多~交通方便，環境又闊落舒適，重要既係冇咩壓逼感，講野大聲少少都唔驚嘈到人，上菜夠快，我唔覺有咩漏單既情況，侍應收碟又快，係會再ENCORE既放題!

臨近月尾都要食餐好嘅 放題就係其中一個好嘅選擇喇 放題最緊要就係食物種類多同食材新鮮🐷今日趁放假 就去咗極尚大瀛喜食午市放題 午市有三個鐘 好似抵啲 我覺得佢同其他放題最唔同嘅地方係佢有得用手機落單 好似環保啲 而漏單嘅情況又完全冇出現👍🏻我地兩個人去 店員安排咗我地坐張二人卡位 都坐得幾舒服 而飲品 甜品同雪糕都可以喺出面自助區度拎嘅🍦刺身有好多種類 我地就嗌咗三文魚 油甘魚 大赤蝦 甜蝦 虎蝦同埋帶子 每樣都好新鮮同好厚 最驚喜嘅係佢有好多種蝦🦐香草羊鞍 呢個係我嘅摯愛 有啲啲羶味 但係唔係好重味 肉質都好好蒲燒鰻魚 每舊都細細舊 完全合乎食放題每樣都試到既原則🐟芝士蘑菇釀雞翼 呢個幾特別 啲芝士好濃郁 不過有少少膩🤧燒牛舌 呢個細細串咁 黑椒味又幾重👅比目魚西京燒 比目魚食落口好滑😻芝麻雞翼 好熱辣辣又炸得好香脆 好大隻 好正😚一口芝士 好啱我呢個芝士怪 好正🧀椒鹽香脆炸雞軟骨 炸到脆卜卜 配埋啲炸蒜更加惹味南瓜同虎蝦天婦羅 南瓜好甜 虎蝦好彈牙🍤仲有試咗個蟹棒天婦羅嘅 不過就一般啦北海道牛乳炸鮮奶 唔知點解我覺得呢個味同一口芝士有啲似淨係食呢啲主食都好飽 所以冇乜試到出面嘅甜品

Blue Monday出街食Lunch，出面落雨又大風，就近近地去APM隔離嘅亞太中心(OPC)揾食，一如既往都要大排長龍等電梯。之前都略聽過極上大瀛喜嘅名，以為午餐都係放題，聽同事介紹先知有set lunch可能因為餐廳主打放題，店內坐位好多，而且都係梳化卡位，可以坐得舒舒服服1:00去到都未full，唔駛等位就可以入座Lunch可以揀放題/Lunch set，價錢都係$50-100，而且選擇好多。今日天氣有啲涼，我地都叫咗《冬日暖意系列》，大家都唔想食飯，就一齊叫咗 - 鍋燒烏冬定食+火炙三色壽司，都係$68(免加一)。落單嘅時候，職員講原來一入門囗見到嘅小食都係免費包埋，可以自取任飲任食我地聽到都唔係好相信，$6x可以任食小食同飲品！？再問咗兩次先敢出去拎野食飲品櫃有好多野飲，完全係放題包嘅飲品！雖然飲一兩支都已經夠，但見到咁多任拎，真係好surprise前菜選擇都好多，目測超過10款日式中華沙律、螺肉、枝豆、燒矮瓜、泰式鳳爪、韓國泡菜、沙律菜、蕃茄仔……真係好多！熟食有薯格同豬手仲有雪糕機同topping任配！可惜我地唔記得咗食每款小食都拎咗啲，螺肉好大粒有囗感，中華沙律爽脆，

之前在觀塘番工一直都好想食這間放題，今日朋友放假就可以一齊去食享受一下☺☺位於觀塘很方便，午飯時間$188 任飲任食放題！好抵食！可以由12點食到15點，放飯時人都會比較多，所以最好先訂位。上菜速度都很快，連接手機點餐廳，很方便又容易操作👍🏻食物方面都好出色，先說說刺身有三文魚、油甘魚、甜蝦、牡丹蝦、帶子都很新鮮美味，引不住再黎多round 正！💕另外壽司點左三文魚籽壽司粒粒都好大粒，而且好鮮味食得滋味十足！海膽手膽手卷都很足料，相當鮮味😋熟食各式各樣的食物，有燒菠蘿、燒紫薯、栗米、芝麻雞翼、炸蝦天婦羅🍤等等，各種都很出色，即點即整夠晒熱，絕對係食放題的好選擇👍🏻

今次同靚靚空姐妹妹去食放題，見觀塘就到大家交通，就黎左依間食放題。以往放題店比我地既形象係好逼，好暗。但我地一入到依間，嘩！好大好闊落，好光猛，好舒服。先望下佢個自取區，有好多飲品，蛋糕&雪糕甜桶。仲有茶包可以自己沖茶，去油膩一流，可以食多幾件:之後放題當然每樣都點黎食下，依度D野全部都OK。所以只好重點推介我比較鐘意果幾樣就算啦！首先推介個人首選：芝士蘑菇釀雞翼佢入邊釀左芝士同蘑菇，味道好夾,而且佢起哂骨，啖啖肉，所以叫左3轉之後到牛舌：牛舌燒得正，唔太乾身，好夾口入味。羊架都燒得好好食，而且佢唔會有一大塊肥肉黏係肉度，唔肥膩。壽司正正常常，無咩特別要注意。一口手卷就真係真得食下。佢真係好迷你，一口就一件，而且紫菜好脆。刺身正常，都新鮮，蝦幾甜。

同男朋友好耐冇食放題，所以襯閒日食下。一黎到見到座無虛席，好彩有book位餐廳已經佈置左聖誕裝飾。先讚讚呢度既自助吧，飲品、前菜、甜品一應俱全服務員態度超好，負責我果邊檯有個呀姨叫Fandy，超勤快又有禮貌另外，上菜速度好快。係一次愉快既放題經歷先評下刺身先：最推薦呢度既燒鰻魚，燒汁好味，鰻魚肉厚另一推薦係牛柳粒炒到好香口，食唔停口刺身我地一致推薦油甘魚、甜蝦同帆立貝甜蝦超鮮甜！主食我地叫左個蟹粥清清地食下粥都好，消下濟，準備第二round炸物點左天婦羅🍤即炸！蝦肉鮮甜！牛油帶子好香口👍🏻第二round刺身最後，一定要讚下呢度既甜品！心太軟超好食！擺上手仲熱，同埋入面既朱古力仲係流心！好食過好多出面既甜品店

雖然價錢唔平，但極尚嘅刺身係我食過嘅放題最好食同最多選擇嘅因為真係好中意食海鮮，嗌左幾次燒蝦，每隻都好新鮮👍🏻👍🏻甜品同飲品選擇都好多，飲品係多到成幅牆比你揀大食嘅朋友去呢到食係會扺啲！

食放題啦！好多野都好中意食，又要放開肚皮啦！哈哈刺身拼盤見到都心心眼！啲刺身好厚，好肥美！尤其是啲三文魚！正！甜蝦好大只，好鮮甜，啖啖肉，啖啖魚生既鮮味！炸物叫左天婦羅、榴櫣炸蛋。熱辣辣，剛炸起，好脆口！芝麻雞翼好香口，夠入味！壽司壽司飯細細舊，用珍珠米，唔會食到好濟。料就好大件，好好味！炙燒三文魚係我至愛！好多魚油，又有炙燒既香味！鰻魚肉可以逐舊叫，唔洗連飯，正呀！好厚身，用鰻魚汁燒到個皮脆脆地，好香好好味！推推推！牛油粟米好香牛油味，不過落得太多糖，甜左啲啲。壽喜燒好中意個湯！甜甜地，又有啲牛肉味！粉絲同菜吸收晒啲精華！好入味！成煲既送菜都好中意食！飲品種類超多！！凍櫃好大個，仲有熱飲櫃、室溫飲品、咖啡機等！滿足唔同人既需要，貼心，值得一讚！仲有得玩，可以自己唧雪糕，好香蜜瓜味，yummy!沙律同甜品係自己夾的，新鮮，會不斷refill，唔洗驚會無晒！餐廳係用app落單，自己叫左咩野食一目了然！完全無漏單情況！好滿足的一餐！正！

食放題一定要食一間有信心保證同質素好啲既，極尚大瀛喜真係成日都聽朋友講同介紹，個個都話好正，今日終於同友人黎一試真假！環境都幾大間，而且唔係得點紙既任食，仲有自助區，同埋真係好多人！剌身唔好見點解個盤得咁少剌身，因為同行友人已經食左第一round(第一張圖) ，而呢一盤只係叫左張紙剩餘既剌身種類。北寄貝，希靈魚同生蝦，肉質甘甜，肉質鮮美，口感極佳，味道清新。壽司香蔥拖羅蓉軍艦:呢個要特別一提，比較少見拖羅係剁成蓉配壽司上，呢點亦成為較可惜既一點，放入口好鬆散拖羅口感唔算特濃。蜜糖芥末大蝦卷: 正正常常，蜜糖芥末味道可以更加出，可以更好出。熟食雞軟骨，蟹粥，鹽燒海蝦，蒲燒鰻魚，芝士蘑菇釀雞翼，一口芝士。一口雞軟骨，相信大家都見怪不怪，有點兒可惜既係上碟個陣已經冧哂，調味亦略淡。蟹粥：相信用上花蟹但少少失望，因為隻蟹實在太細，而蟹味相比起其他放題餐廳提供的蟹粥較淡。鹽燒海蝦：一份有兩串既海蝦，蝦殻被滿滿既粗鹽包裹住，所以習慣用口剝蝦殻既就會覺得好咸，但蝦肉鮮甜。蒲燒鰻魚：相信港人對鰻魚既熱愛都唔洗多講，cheese 蘑菇釀雞翼，咬開入面有濃濃 cheese 香 蘑菇與cheese 比例 剛