極尚大瀛喜日本料理

營業中

休息中

生日當然要來食我最愛既日式放題自取區都已經有好多野飲 野食熟食區 有湯、青口、蝦、豬手、炸餃子、小丸子 ...誠意十足仲有水果、冰品，酒類等等，超多選擇丫！依家直接用手機掃Qrcord落單，即點即煮，唔洗慢慢等人收紙仔刺身&壽司款式豐富，刺身盤非常高質仲放埋乾冰黎擺盤，視覺效果一流。刺身全部厚切，好有口感，正呀三文魚新鮮又肥美，甜蝦，赤蝦，帶子都好大隻，啖啖肉，甘甜爽口，鮮味十足又彈牙北寄貝、榮螺片&海哲好爽口，大滿足鹽燒牛舌 (必點)蒜蓉蒸扇貝 (必點)扇貝大大隻，新鮮又多汁，蒜蓉味夠濃醉鮑魚 (必點)食落口有陣玫瑰露既香味，好MATCH，好好食口感鮮嫩彈牙的，叫過3輪都唔會老&硬老人家都咬到北海道黃金醬燒虎蝦 (必點)醬汁香甜，用芝士焗開邊蝦夠曬邪惡，非常香口惹味，虎蝦肉又夠爽彈芝麻雞翼+炸榴連波波雖然任食，但野食一D都唔隨便，熱辣辣既炸雞翼皮脆卜卜，肉質嫩又爆汁，但完全唔會覺得油膩炸榴槤波波，外脆內軟，煙煙韌韌，夠重榴槤味之餘仲會爆漿流心！雖然依度飲品選擇好多，但我同屋企人真係超愛依度既: 蟲草花花膠雞腳湯養顏又好飲椰汁鮮奶燉燕窩都OK，但我都係中意雞腳湯多D辣酒翡翠螺辣酒翡翠螺

放假約朋友食個慢活午餐提議食放題 12-3點 咩都有得食 比晚餐便宜 自取區都已經有好多野飲 野食熟食區 有湯 糖水 炒四季豆 豬手炸餃子 小丸子 誠意十足 冷盤區 有凍蝦 蜆 日式前菜 泡菜 水果 飲品區 熱飲 凍飲 清酒 汽水 啤酒甜品區 雪糕 雪條 自家制甜品 其他野就可以電話下單刺身 壽司 手卷 炸物 天婦羅 串燒 燒物 料理 煮物 逐樣叫 刺身 壽司都係水準之上 油甘魚 脂肪分布平均 赤蝦原隻上大大隻 帶子鮮甜 雖然係放題 但壽司都整得好有誠意 串燒 即叫即燒 黎到仲熱辣辣 羊肉燒完仲好juicy 煮物方面 估吾到放題都有麻辣牛摩王叫 仲整得幾好味 推薦 夠辣 有牛肉 牛丸 蘿蔔 芽菜 粉絲 未試晒所有都飽晒了所以耐唔耐都要黎覆桌一下

性價比十分高既放題以前一路對放題都好反感，好多都好劣質🧐咁耐冇食，朋友介紹我去觀塘嘅一間日式放題一於去試吓啦😛一上到去已經好有驚喜！以往嘅放題都係比較迫夾但係呢一度嘅位置都比較寛敞環境仲好大添推薦大家金牌紅燒乳鴿皇最鍾意佢哋係除咗有日式食物仲有中式嘅食物😋😋乳鴿大大隻 肥美可口 同出面酒樓嘅差唔多👍🏻燒鰻魚朋友最鍾意食呢款，鰻魚相當柔軟，淋上的醬汁甜而不膩，我哋不停係咁食金湯酸菜魚必點😆拍得住出面嘅中式菜館，絕對誤差褲入面仲有萵筍酸菜魚肉質量都唔錯蒜蓉醬烤扇貝爆多蒜蓉😋😋超級香口沙律醬焗蝦大大隻蝦鋪滿左沙律醬 焗爐焗後 超級香口彈口 正嘅

今日趁住放假去左觀塘「極尚大瀛喜」食午市日式放題，話時話都有起碼兩三年無食日式放題，本身諗住閒日午市無咩人食放題，點知居然接近全場滿座，非常出乎意料。午市$228/位，呢度採用半自助形式，近門口位置有一個自助取餐區域，包括大量飲品、甜品雪糕雪條、 中西式湯品、熟食如章魚小丸子、熟蝦，以及涼菜如手拍青瓜等等，選擇非常多；另外亦有用手機落單，即點即煮嘅一品料理、刺身、壽司、手卷、揚物，以及麵食等等，基本上多到唔會食得曬。為減低罪惡感，我都係飲餐廳自製嘅無糖冷泡茶算。除此之外，亦有大量不同嘅道地茶飲、樂天忌廉溝鮮奶、可樂雪碧芬達、維他飲品、鴻福堂飲品，擺滿曬四五個大雪櫃。花之戀壽司有大量蟹籽、沙律醬，仲有鮮甜嘅三文魚，幾好食，影落好大件，但其實細細件，飯量唔多，食多幾件都唔驚好快飽，始終係放題，反而愈少飯愈好刺身第一輪仲放埋乾冰黎擺盤，視覺效果一流。刺身普遍厚切，三文魚、油甘魚、吞拿魚等全部都係大大塊又夠厚，三文魚雖然唔係貴野，但就好鮮甜，我自己都食左十塊八塊；油甘魚肉質較爽實，帶微微油香；帶子刺身嫩滑，同樣鮮甜；虎蝦刺身仲蘸左少少泰式醬汁，都幾惹味。壽司選擇都唔少，但由於唔想食咁多飯，所以

而家嘅放題真係越嚟越多元化。除咗基本嘅日本料理，大瀛喜仲加入咗好多中式嘅菜式，就算唔食生冷嘢嘅朋友，都可以有好多選擇！因為人流多啲物去得快，刺身全部都好新鮮魚干同比目魚西京燒燒得好香，甜甜地咁好好食呢個沙律醬開邊蝦酸酸甜甜，好開胃，蝦肉爽口彈牙羊架啖啖肉，醃得好入味除咗日本嘅炸物仲有泰式嘅咖喱軟殼蟹，我覺得一口蒜蓉包點咖喱汁好正櫻花蝦沙律多士，一口size，唔會食到好論盡，我自己一個食咗三件😋😋😋連乳鴿都有得放題，真係好有驚喜🤣平時茶樓食最平都四十幾蚊一隻，食多兩隻今晚就回本點嘅嘢食食得七七八八，我哋出咗去自助食物區行下幫助消化，前菜區好多選擇，除咗壽司薑、枝豆、中華沙律等日式前菜，仲有泰式鳳爪、花雕雞翼尖同橋頭，泰式鳳爪幾好食。海鮮冷盤有蜆同埋蝦，好似酒店啲buffet咁🤣真係冇諗過放題會有辣酒花螺食，佢旁邊仲有中式蒸魚添，越嚟越覺得自己食緊小型自助餐😂甜品嘅選擇都好多，上面嘅雪糕雪條都喺便利店度有得賣，唔係一般放題嗰啲不知名牌子，大大減低中伏機會。$288一位嚟講真係好高質！

刺身/壽司-款式豐富，三文魚肥美。甜蝦赤蝦帶子都好又大隻大粒-好多特色壽司：黑松露赤蝦、鵝肝壽司，炙燒等壽司等等。油香四溢，炙燒芝士嘅料好正又足，encore 再encore~串燒、燒物、炸物-燒牛舌、燒羊架一定要食。啖啖肉之餘，油香重，惹味。蒜蓉fans一定要叫扇貝，濃郁程度100分，而且扇貝仲幾大粒。另外，炸榴連波波都驚喜，重口味之餘仲流心！煮物/鍋物有好多鍋物選擇，特別係有酸菜魚。唔好睇細細個，都幾足料：魚肉、萵筍、芽菜。酸辣度都夠，所有人都啱食一品料理花膠迷可以叫個吉品鮑汁扣花膠食下，大塊花膠而且勁入味！蜜汁牛柳粒拍得上出邊嘅茶記，而且牛肉粒好軟腍。魚湯豆苗量好足同濃郁抵食！小食/飲品/甜品 （自助區）有少量嘅小食前菜拎。飲品樣樣款式全部齊晒，仲有冷泡茶、啤酒等選擇。雪糕、甜點都係自助區可以慢慢揀，款式多。好幾年冇食過放題，今次真係食到捧住個肚走，好滿足。而且好多野食，有機會再去！

🐳這個日式放題是我來完一次又一次的，因為這個價錢能吃到那麼多種類和高質素的食材，是非常超值的。🐳觀塘的大瀛喜分店，餐廳場內非常之寬敞，可以容納200人左右，食物也很多元化，生熟食物分開，甜品區和飲品區也有很多選擇，連雪糕的種類也有很多款。🐳大家可以自行到自助吧選擇食物，也有QR code下單，基本上所有食材都在QR code裏面找到。下單後不用10分鐘，已經送到我們的枱上非常之快，而且刺身都有很多選擇，也非常新鮮👍 絕對不會有不新鮮的味道。最喜歡就是甜蝦，甜蝦也十分大隻，蝦頭也有蝦膏！🐳熟食區方面，我最喜歡就是老火湯，花膠煲雞，湯內有勁多花膠，也有超級腍的雞腳，是我最愛的。🐳甜品區和雪糕區也是我的至愛，欣賞他們做出來的甜品放在一個小小的杯內，雖然很飽，但也可以每樣款嘗試少少，就算不好吃也不會浪費太多。今次有機會嘗試扭紋雪糕，自己再加上不同的配料，非常好吃，是最完美的結束。平日午餐人均消費💰250推介: 甜蝦 帶子 鮑魚 榴連炸彈 軟雪糕

講起放題，我就最鍾意去極尚大瀛喜， CP值極高，各方面都非常出色，總會間唔中去一次獎勵自己，食到飽一飽咁走。😋先講刺身壽司🍣，種類多之餘仲非常新鮮，完全食唔到又淋又霉嘅刺身，反而仲食到鮮甜味；仲有好多款創作料理嘅壽司🍱，喺出面日本餐廳好少見到，味道又出色，特別推介龍蝦沙律多士🦞🥪、芝士鰻魚玉子燒🧀🐟🧈以為食放題就冇高級嘅食材？錯喇！海膽手卷嘅海膽都幾鮮甜，唔會有苦又臭，食完第一輪之後仲encore咗幾次添！💯💯仲有串燒方面🍢🍡,幾乎款款都係誠意推介自選,包括牛舌🐮👅、鰻魚🐟、超級甜嘅菠蘿🍍,都係非常之出色;炸物方面就推介炸鮮奶🍼同埋榴槤炸彈，新鮮炸起熱辣辣！其實今次有好多款嘢食都未有機會試到，因為款式實在太多，下次一定要再嚟試晒其他嘢，滿足下食放題嘅心！😍😍

又係時候食放題，午市時段$228可以食足3個鐘，性價比高！😋呢度環境夠晒寬敞，座位又多，好多卡位自助區冷盤有蝦同青口，仲有不同種類嘅沙律，生果，湯同熱食，當然唔少得甜品，有好多款式….呢度嘅刺身款式有好多，我哋叫咗三文魚、油甘魚、八爪魚、榮螺片、赤貝、北寄貝、帶子、赤蝦、甜蝦、吞拿魚⋯⋯整體質素唔錯，唔會有雪味😋另外炸物、燒物都試咗好多，尤其係炸鮮奶、榴槤炸彈都係必食之選，仲有又甜又多汁嘅燒菠蘿同翠玉瓜、燒鱈魚干脆脆都好正羊架大大件，好入味金銀蒜蓉醬蒸扇貝又係必食😋 encore咗好多次🤤最後食埋甜品、雪條，咁就超滿足喇😌

自從疫情之後好耐冇食過日式放題啦Lunch time 約左朋友食係呢間觀塘亞太中心嘅極尚大瀛喜度食 平日lunch time嚟唔算好多人 等左一陣就入得座佢lunch time時段由12:00-15:00 有成三個鐘任食 價錢平日都係$218 一位 好抵食餐廳出面有自助區 有沙律小食，麵豉湯，炸物，雪糕，甜品，飲料仲有梅酒sake都可以飲🤤全部嘅款式都好多 另外如果要嗌壽司刺身嗰啲就要電話scan QR code 落單好方便 落完單之後好快就送到上嚟我哋叫左啲刺身，本身以為放題餐廳比啲刺身一定好細份同好薄，但係呢間啲刺身都幾高質。 三文魚油甘魚都好鮮甜肥美，象拔蚌都好爽口同新鮮👍🏻壽司啲款式好特別同埋賣相都唔錯推介火炙鰻魚壽司 炙燒完之後 鰻魚鮮味更加出 有入口即溶嘅感覺 呢個我地encore左幾次🙈熟食一定要order佢個壽喜燒牛肉鍋!佢個湯好鮮甜 而且佢啲牛肉肉質係好諗好滑一啲都唔會鞋口因為佢上菜嘅時候 啲牛肉係半生熟嘅 所以唔驚會overcooked鹽燒牛舌都值得一試 燒得好香 而且口感好爽口👍🏻

不得不試下花雕鲍鱼，虫草花煲鸡脚，所有嘅炸物:炸榴莲、炸地瓜、炸南瓜、仲有炸蟹柳丶炸虾、炸牛奶都好好味！🥰🥰🥰最最吸引我嘅就系芝士焗扁贝同芝士焗虾，真心推荐！❤️❤️不忘来返杯梅酒

同媽咪去觀塘行街，打定電話約左位先🤭-佢有個位置係自助式，有好多野自己攞，有前菜、炸物、飲品、甜品、凍野，酒類等等 超多選擇丫！-先黎個刺身拼盤，有挪威三文魚刺身、日本油甘魚刺身、北海道帶子刺身、希靈魚刺身、酒煮榮螺片刺身、虎蝦刺身、俄羅斯甜蝦刺身🤤-好多手握壽司🍣好食既呢幾款，蒜香牛肉火灸壽司🍣 醬燒極尚帝皇蟹棒火灸壽司👍🏼👍🏼-燒紐西蘭香草羊鞍，又香口又好食🤤膽膽肉-鐵板蜜汁蒜香牛柳粒，呢個係必食推介，佢將牛柳粒煎到粒粒都有蜜汁味好好味😋-吉品鮑汁扣花膠，好多鮑汁 花膠夠滋補👍🏼-金湯酸菜魚，又夠辣又酸夠多魚 好好食整體座位夠大夠舒服👍🏼

同朋友去完沙灘玩想食放題於是訂了這分店是很不錯的上菜也10分快手價錢也不貴都是中等的雖然說刺身是必吃的但是我覺得這個酸菜魚也很不錯鮑魚也是任食的花膠湯也很不錯！可以再食

-🔸5:30-7:30pm成人特價放題 $246@-今日收早就同男朋友食放題，有特價時段每人二百幾蚊真係超級抵食，食物超多選擇又高質，非常推介！大部分刺身同炸物等等可以用電話掃QR code落單，環保又方便快捷。而自助區就可以拎飲品、甜品、水果、同埋小量熟食、仲有湯品，選擇好豐富，竟然仲有日式章魚小丸子呢！我哋食到捧住個肚仔走，好多款食物都值得encore，我最愛嘅赤蝦刺身、海膽手卷、酸菜魚鍋物。仲有男友最愛火炙左口魚裙邊壽司、蒜蓉蒸扇貝、一口牛柳，都好正呢！

每隔一段時間就想食放題大食一餐，今日就約埋屋企人嚟到位於觀塘「極尚大灜喜」喜歡這裏環境寬敞，食物種類又多選擇👍店員安排入座後就用QR code落單十分方便，食物未到之前可以到自助區先取食物，自助區有冷盤、熟食、湯、沙律、水果、冷熱飲品、甜品及雪糕等，未食主食已經有兩三成飽😋刺身刺身係食放題必點之一，三文魚刺身厚切肥美，帶子刺身雖然細細粒但肉質好清甜，牡丹蝦鮮甜爽口，仲有泰式生蝦加入咗少量泰式辣醬好美味！蒜蓉蒸扇貝扇貝即叫即蒸，每一隻都加入了大量蒜蓉，好香好惹味，每人都食了三至四隻😋一品瑤柱滑雞粥熱辣辣嘅粥底軟綿綿好鮮甜，雞肉好嫩滑。金湯酸菜魚酸菜魚賣相不錯，酸辣度適中，魚肉好滑，酸酸地好開胃。殿堂宴客醉鮑魚鮑魚每一隻入口都帶點好香嘅酒味，煙煙韌韌口感不錯👍紫心香芋丸/榴槤炸彈香芋丸又香又爽脆，榴槤炸彈一咬開流心即時流出，又香又濃嘅榴槤味，非常吸引。燒鱈魚千脆脆鱈魚每一片都好薄好香脆，一片接一片食唔停口。燒菠蘿一咬開好鮮甜嘅菠蘿汁即時流出，正😋最後當然食埋最愛嘅甜品雪糕雪條，這一餐非常滿足！