極尚大瀛喜日本料理

營業中

休息中

♡ 放題首選｜極尚大瀛喜 ♡-新年後 都冇乜點樣休息過🥹一定要食返餐放題去慰勞吓自己😍嚟到觀塘 一定要食極尚大瀛喜😝事關佢出餐快、嘢食選擇多、食物質素高 Overall 性價比真係好高 👍 難怪平日都咁墟冚 全場坐滿 😝 - ♡ 自助區 （湯品）♡ 有椰汁鮮奶燉燕窩、 蟲草花膠螺頭湯 ～椰汁鮮奶燉燕窩好滋潤花膠螺頭湯好夠味同足料 👌-♡ 刺身 ♡ 刺身方面，種類都好多。 我揀咗三文魚、油甘魚、劍魚腩、北海道帶子、希靈魚、俄羅斯甜蝦、赤貝同赤蝦。所有刺身都好新鮮，叫幾多件真係黎足咁多件👍抵讚。-♡ 壽司🍣系列♡ 壽司方面 ， 我叫咗平時最鍾意食嘅花之戀。呢個真係冇得輸，encore再encore😝 平時出面食一件真係好貴😂 喺度真係要食返夠。 我仲叫咗最鍾意食嘅油甘魚腩壽司、池魚王壽司、極尚三文魚腩壽司、燒鹽醬和牛肩胛壽司、火炙三文魚腩壽司、火炙鰻魚壽司同醬燒左口魚邊。 最值得一讚嘅係呢度竟然有池魚～ 質素唔錯 肉質鮮甜 。 我仲叫咗三文魚籽手卷 三文魚籽都幾多 手卷好的骰 😍-♡ 燒菠蘿 ♡ 每次放題都係必點嘅 呢度嘅燒菠蘿好大舊而且一咬就彈晒啲汁出嚟💦 勁香甜！-♡ 霸王麻辣

情人節食1900-2100兩小時，第一次來，本身體驗OK，覺得食物好食，缺點只係座位逼，放題都預左20:10有人走黎放低張單，催買單，話20:30 last order，都ok，正常埋單，20:50開始過黎執野催走，連未食完仲食緊既食物都想收走，我話「sorry未食完碟野仲要」制止咗，之後個執枱既員工開始玩針對，企定係張枱隔離21:00拎住塊布執枱掃晒啲食物趕人，我杯雪糕食左兩啖，諗住合返個蓋拎出去食唔阻住佢執，佢就講左句「唔可以拎走，夠鐘就唔可以再食」，然後連枱面支茶都掃走埋，本身最後都會灌埋支茶沖沖個口，真係超級不禮貌，完全唔想再幫襯。 P 第一次openrice發劣評，大時大節，食環對小販都隻眼開隻眼閉放寬執法，執枱小姐何必要搞到氣氛咁僵，我去到𨋢口，剛好由21:01跳去21:02，原來遲左都唔夠兩分鐘。

香港真係好多日式放題餐廳，港九新界都有唔同嘅選擇，但係好多都係劣食究竟邊一間比較性價比高、優質的日式放題呢原來觀塘附近有一間高質嘅放題無論係刺身定係熟食佢哋都應有盡有佢哋嘅刺身都幾新鮮特別推介吞拿魚脂肪比例較少，質感較腍，魚味最濃壽司方面就冇乜點食留返個肚大家可以叫海膽手卷 細細件唔會太飽佢哋呢度嘅放題好特別㗎有中式嘅食物乳鴿就係我嘅最愛拍得住酒樓嘅水準仲有炸物、燒物和鍋物佢哋嘅蒜蓉焗號同埋蒜蓉焗帶子都係我特別推介大家 一啲腥味都冇 食落去仲充滿滿滿嘅蒜蓉香味可以再encore

今日返工太忙，忙到晏晝飯都無食，收工已經8點。即刻約老公去屋企附近食日本放題。嚟到極尚大瀛喜時間啱啱好，可以食到平價時段  8：30 開始，價錢再平啲 $278/位，抵食~出面有前菜、熟食、生果可供選擇。飲品方面，選擇極多。凍飲有幾個大個雪櫃，放滿汽水啤酒。熱飲則有咖啡、紙包飲品。另有清酒、梅酒可供選擇。先極快速點刺身～ 呢間刺身種類都幾多，點左：挪威三文魚刺身、日本油甘魚刺身、 吞拿魚刺身、劍魚腩刺身魚類刺身全部都厚切😍 俄羅斯甜蝦刺身、赤蝦赤蝦夠晒大隻，彈牙鮮甜八爪魚刺身、北海道帶子刺身、北寄貝刺身、酒煮榮螺片刺身、赤貝刺身八爪魚刺身口感爽脆；酒煮榮螺片爽口黃金日式炸蝦伴居酒屋他他醬炸物上枱全部熱辣辣，炸粉好薄，好脆口。炸蝦沾上濃郁他他醬，不錯。鹽燒雞軟骨串芝麻雞翼，蟹皇蒜蓉粉絲蒸扇貝鹽燒雞軟骨味道適中，不會太咸。雞軟骨爽脆。雞翼外皮炸得金黃酥脆，配上芝麻，好香口。扇貝底粉絲吸晒味，扇貝配上炸蒜一齊食，鮮味更出。精緻鮑汁花膠盛宴，椒鹽風沙炒唐揚魷魚花膠好大塊，芡唔會太杰。魷魚鬚炸得酥脆。鵝肝壽司，酥炸自家製雲吞鵝肝就比較薄而且細塊，當過下口忍癮。黑椒蜜汁一口牛，松露翡翠野菌炒虎蝦球

位於觀塘亞太中心5樓呢間放題，我已經來第三次😋真係好鬼抵死，我今晚平日08:30來到每位都係$278加一咋，重要入座率有8成滿就知一定有保證啦👍🏻呢到款式選擇超多🤩淨係自助區已經有冷盤，熱盤，湯，雪糕，甜品，糖果區，飲品除左紙包同罐裝飲品啤酒，重玩埋暖飲櫃，咖啡機，清酒梅酒任斟，都未計重有QR Code點單嘅野食，好岩個啲要食好多野先會飽嘅朋友，包你食到回本🤓❤︎︎(•̀ᴗ•́)و(•̀ᴗ•́)و(•̀ᴗ•́)و(•̀ᴗ•́)و(•̀ᴗ•́)و❤︎︎ 除左刺身壽司新鮮肥美之外 怡怡推介以下必食系列👇🏻🐟熱盤嘅鱔 食壽司放題真係好少見到鱔，佢一出呢盤鱔已經比人圍😆我都唔執輸，真係整得超好味，勁肥美重要佢落左重茜😬我覺得重好味過平時酒樓食到個啲🐚蟹皇蒜蓉粉絲蒸扇貝 佢呢到啲料理全部即叫即整👍🏻真心佩服，噤忙啲出品重keep到呢個水準，扇貝唔會over cook，啲蟹皇蒜蓉粉絲入晒味又唔會過咸🦐岩鹽流水燒大頭蝦 啲燒物又係即叫即燒，大頭蝦好新鮮彈牙，我食中個隻個頭重要有膏🤤🐠西京燒銀鱈魚 order一份係來三舊架，記得點啲QB沙律醬來食，好味好多架同無噤膩🐑孜然風碳烤羊𩣑 羊𩣑大大舊，軟稔幼嫩，啖啖肉

無針者N年無食日式放題，放監即刻周圍食😂 觀塘那間極尚大瀛喜好正！大推！出餐快，嘢食熱，魚生鮮！三文魚吞拿魚好肥美！燒蝦即燒又肥美，平時我食唔新鮮的蝦會皮膚敏感，今次食咗好多種蝦都無事。$325食到靚魚生羊架乳鴿鮑魚，超值！食物味道同質素都超正，連牛肉鍋裏面嗰粒凍咗嘅牛丸都好食！蟹粥好食！第一次見放題有車厘子，好甜😋 一order嘢食極速上枱，雖然限食兩個鐘，但食咗一個鐘個口好攰😆 大滿足！好多嘢食都未叫，水煮魚未食，短期內想再去！新會員送環保袋，即時有$20 coupon，限期內消費滿$3000送$300coupon，仲有生日優惠！唯一不滿是7個人坐6人卡位，人多的話指定唔坐卡位好，方便出去拎嘢食又唔洗咁窄

觀塘區唔錯既日式放題，種類多，價錢合理👌🏻午市放題$238 抵！ .✅刺身多選擇，大路既都有，比較特別就有：冰鎮花海蜇✅海膽手卷！任叫唔使排隊，好新鮮呀✅一品料理整得好食又大大份，大部分都直接黎2人份量✅無咩漏單情況，叫幾多黎幾多✅必點紅燒乳鴿皇，岩岩炸起熱辣辣勁正 ✅串燒都係，即叫即燒，雖然要等，但起碼夠熱✅自助吧野食多，好似涼菜、特式卷物都係自取✅ lunch抵食，同夜晚野食9成似，人少啲無咁逼，仲要平幾十蚊，食完之後全日唔食都得😂.❌我食lunch time 但到2點左右出面自助吧已經無再加野食，建議早啲拎晒先❌冷氣好凍，凍到想拎熱飲，但熱飲只係常溫❌lunch time時間趕啲，幾乎坐低無耐就要埋左張單先❌雪糕種類唔夠多，主要係比較平價啲既雪糕雪條

上次試過旺角分店的「大瀛喜」感滿意，今次同男友再嚟到觀塘分店食午市放題由1️⃣2️⃣點食到3️⃣點，平日成人收費$2️⃣3️⃣8️⃣環境寬敞，裝修較旺角店華麗==========QR Code落單，提供刺身，壽司，手卷，燒物，炸物，一品料理，創意料理等設有自助區提供沙律，水果，冷盤，前菜，炸物，熱食，湯品，糖水，咖啡機，軟雪糕機，包裝雪糕雪條，糖果區，凍飲品 (罐裝汽水，茶類，Somersby蘋果酒，嘉士伯，Asahi啤酒等)，及熱飲櫃==========🔹自助區▶️冷盤及前菜凍海鮮提供蝦及青口日式帶子裙邊：口感味道俱佳芒果龍蝦沙律塔：芒果及龍蝦鮮甜；壽司飯灑上芝麻，包上紫菜，青瓜，蟹柳及玉子牛油果沙律塔：牛油果夠creamy香蔥吞拿魚蓉塔：魚蓉夠細緻辣味三文魚卷：辣得滋味▶️甜品綠茶大福及朱古力大福：外皮軟糯椰絲撻：滿滿的椰絲香抹茶蛋糕：淡淡抹茶香香芋雪糕：有食芋泥的感覺，甜度不高易入口另外用咖啡機點咗杯美祿咖啡飲，啡味不錯，同美祿味道夾得來==========🔹刺身三文魚：厚切肥美夠鮮味北海道帶子：鮮甜甘味八爪魚：新鮮，口感爽彈帶嚼勁另外仲試咗油甘魚，吞拿魚，劍魚腩，北寄貝，希靈魚，酒煮榮螺片同俄羅斯甜蝦==

生日食飯，都係揀放題食啦，帶住2個細路，坐係度就有人拎俾你食，唔洗好似自助餐咁行嚟行去，或者燒肉咁睇火燒。呢個算係咁，冇漏單。一落單，5分鐘內送到。叫壽司細細件，食左飯都唔覺好飽。好少食魚生，只熟食多。炸物及串燒都出色，最鐘意個鵝肝壽司，入口即溶唔醒。有細路，都要叫烏冬，個稻庭烏冬都算唔錯，烏冬幻身，係我地鍾意既麵質。細路初初只想食一半，但食下食下就食晒一碗。係出面自取既食物一般，但如呢間舖頭都可以再encore。2大2小都係$1000，合理

已經有一段時間沒有來觀塘的極尚大瀛喜吃放題，大瀛喜係我心目中嘅放題No. 1，知道近日它近日作推廣，所以便來試試啦！這裏的放題有很多選擇，高質又豐盛。店員服務殷勤有禮，採用手機QR code落單，甚少有漏單情況出現，上菜、執枱超級快，環境都坐得好舒服，乾淨企理。自助吧有香甜水果、沙律、海鮮、蔬菜、甜品、炸物、天婦羅、煮物、串燒等，仲有多款甜品、雪糕、熱辣辣嘅糖水、自家製飲品、汽水、湯水、鮮榨果汁。真係應有盡有。最值得推介，當然係王牌任食燒乳皇，揸得又香，又脆，乳鴿啖啖肉，肉質嫩滑，鎖住肉汁，製作亦很香口。鹽燒牛舌吃落很有口感，牛味香濃，入口即溶。刺身，亦好新鮮，最鍾意吞拿魚他他入口甘香棉密，淨係食刺身都夠晒回本。下次等我再試下其他熱門推介item😋😋😋

🍣多款刺身值得欣賞係超厚切😍最中意竟然係三文魚😋😋珊瑚蚌超爽口正！其他質素都唔錯，牡丹單蝦就腥左啲⚠️🐮牛肉壽喜燒小編𝐄𝐧𝐜𝐨𝐫𝐞左2次😋😋好少放題店有得食，一鍋係2人分量，牛質素唔錯架🤩🥳磯燒鮑魚放題仲有得瘋狂食鮑魚😏😏！仲有個鮑魚仔都好好食！ 彈牙👍蒜燒帆立貝🦪蒜燒廣島豪必食蒜燒系列🫶超多蒜🤤🤤勁入味！𝐄𝐧𝐜𝐨𝐫𝐞左2次‼️‼️帆立貝底層有粉絲，廣島豪底層有金菇，吸晒啲蒜蓉辣椒🌶️正👏咸蛋黃炸魷魚圈必試！😋脆卜卜食到陣咸蛋黃味又實係幾過癮🤩🦀蟹粉豆苗以為佢好普通，點知有驚喜，𝐄𝐧𝐜𝐨𝐫𝐞左2次！😂好少菜會𝐄𝐧𝐜𝐨𝐫𝐞，蟹粉又唔係少！好有酒樓風味！👍店！櫻花蝦多士多士應該係韓國牛油蒜蓉包零食，櫻花蝦加埋啲沙拉醬味道又幾唔錯！😲燒乳鴿有機會要試乳鴿～～真係燒得唔錯，厚肉👍燒雞軟骨燒菠蘿燒大頭蝦黑椒一口牛🍦甜品：🍦香芋味雪糕、薄荷朱古力脆皮雪條超濃芋頭味😍😍好好食😋👍朱古力糯米糍煙韌好食😋綠茶味就麻麻地～

🌸高質豐盛日式放題🌸極尚大瀛喜日本料理🍽佳節臨近，又未能到日本旅行而又想相約好友共進高質滋味式放題？今天相約好友到主打高質日式放題餐廳「極尚大瀛喜日本料理」品嚐是日晚餐❗餐廳裝修簡約，上菜速度快，店員殷勤有禮。我們惠顧了晚市放題 $288@：1️⃣🌟刺身、壽司有多款不同類型的新鮮刺身及壽司，而我最喜歡油甘魚、帆立貝、甜蝦、虎蝦及北寄貝。壽司方面，即叫即製的海膽手卷十分濃郁滋味。2️⃣🌟炸物及燒物有多款天婦羅如大蝦、南瓜及蟹捧等，而燒物有雞軟骨串、香甜燒菠蘿、蒲燒鰻魚、香滑西京燒及芝麻雞翼。3️⃣🌟小食除了日式小食外，還有多款特式滋味小食如蒜香烤蠔、蒜香帆立貝、蟹粉荳苗、鮑魚及即燒乳鴿等。4️⃣🌟一品料理有多款一品料理如開胃香辣酸菜魚及暖心香幼蟹粉蟹肉粥。5️⃣🌟自助吧自助吧有水果、雪糕、自家甜品、湯品、凍飲、熱飲、涼拌前菜及冷盤海鮮等，種類包羅萬有。總括而言，此日式放題店的食物種類繁多，而且食物質素高及上菜速度快❗️餐廳鄰近觀塘站，絕對是觀塘一帶的高質日式放題之選❗

極尚大瀛喜放題🐠🍣.幾個月無食放題，突然好掛住呢種感覺🥹🫶🏻即刻book位食❣️.刺身絕大部份叫左三文魚，兩輪都厚切㗎🐠油甘魚、吞拿魚、帶子、赤貝、甜蝦、赤蝦，來兩輪係基本吧😛.🍣壽司最新鮮嘅係尊貴黑松露赤蝦壽司🦐其餘有醬燒左口魚邊壽司、蜜糖芥末醬燒赤魚、辣味三文魚卷、牛油蒜香帶子壽司、海膽手卷等等，嗌左少量就留肚食熟食啦😌.炸物依舊係食芝麻雞翼、紫心香芋丸同榴槤波波😋要讚呢間有特色嘅位，有牛奶炸饅頭🍼、燒乳鴿🦆、脆炸天婦羅蝦同蟹棒，個天婦羅base係好薄身㗎🙊食完唔會膩！燒新鮮菠蘿清一清味蕾就準備食甜品🍍.甜品有煲熱鮮奶燉燕窩，好岩冬天啊😍有不同甜筒同雪米糍，飽晒😉

觀塘人氣日式放題話說好耐冇食日式放題，今日同朋友去開觀塘想一齊食嘢傾偈，之後食過呢間日式放題乜都有，而且平日晚上都超級多人， 星期一至四 8:30pm入座每位成人$288+1，性價比高😍手機下單圖文並茂非常方便，種類款式都好多，除咗有刺身還有小食。服務都不錯，上菜快收碟快，記得提早book位～任點壽司🍣刺身、炸物、天婦羅等等。出面自助區仲有好多嘢食：熱食、炸物、湯品、甜品、水果、冷盤、雪糕和任拎飲品。刺身方面都算厚切，個人喜歡劍魚腩、帆立貝、三文魚、赤海蝦。壽司推薦、炙燒類的，好香口。推介超級香充滿油分的鵝肝壽司，上面仲淋左甜醬，另外甜甜的千島醬配上脆卜卜零食似的多士😋都好味熟食方面，可以試吓燒乳鴿，外脆內嫩多汁。串燒方面推介雞軟骨，比想像中香口，有驚喜，而炸物例牌 #芝麻雞翼 ，好香脆惹味多肉。仲有酸菜魚好好味，必叫！入面有薯粉同埋嫩滑魚片，少少麻BB辣好夠酸。越食越過癮～甜品必拎牛奶🥛奶凍，一次食幾個🤣直接吸入口，好幼滑。軟雪糕機維修中，所以拎咗啲軟糖食，酸可樂又幾過癮飲品方面，樂天蘆薈飲品都幾好飲，有好多蘆薈粒，幾清新唔會太甜。還有自家製菠蘿烏龍冷泡茶，聞落好香，飲落唔會甜，健康

過左個聖誕日日食大餐，唔可以俾團火熄滅呀😙所以今日就去咗觀塘幫襯一下極尚大瀛喜，怒吃一番！🔥。都一段時間無去呢間分店啦，多咗好多唔同嘅食物選擇，連一啲特色少少既食物都update左😳覺得今次好有驚喜，今次揀左係夜鳥時段食，食8點個段時間無咩人，所以無論拎野定食既過程都好舒服🫶🏻。🐒成人晚市放題💰$288連加一$314當日大概8點上到去都好快安排到入座，完全唔洗等，過程都唔會有人催你走🙆🏻‍♀️咁樣大家都食得舒服。🐟刺身好新鮮！而我最愛都係三文魚😋完全無漏單情況出現，即使係刺身上菜速度都好快反而我好欣賞今次啲壽司，因為除左有普通同火炙，仲有唔同卷物同手卷🍣種類選擇上令我驚喜，每樣都好精緻。熟食黎講竟然麻辣牛鍋都有🌶️而今次啲炸物全部都有正常水準，都件件即刻炸起咁熱辣辣🔥好難抵抗炸物誘惑😝