楚撚記大排檔 (日富里百好大廈)

營業中

休息中

平日晚上也要等位的中菜館，相信除了楚撚記外實在不多。這間本地港式小炒，價格非常商宜，所以非常受歡迎，晚晚爆場上菜速度非常快，而且侍應服務有禮， 加上具本土特色的裝潢，十分不錯脆皮炸豬手$113店內的招牌菜，皮薄而香脆，豬手肉入口爽口彈牙，不會過韌過稔，肥膩握有有所控制，配上黃芥末非常開胃啫啫唐生菜🥬煲$83上枱時滾燙燙， 熱辣辣的唐生菜鹹香十足，醬汁惹味非常好下飯！菠蘿咕嚕肉$83口感非常稔軟的豬梅肉，夾上新鮮的白桃，菠蘿，非常特色豬油撈飯非常簡單的一道菜， 肥美的自由加上熱辣辣的飯本來就是完美惹味配搭，加上豉油，好吃的就像煲仔飯一樣番薯糖水最後為我們送上甜入心的番薯糖水，番薯非常粉， 澱粉質素不錯， 真是美好的一天！

💭呢間餐廳online booking 長期都好難book，難得依家有節日又可以8人一檯，book到8.30 食飯都照去啦～今日餐飯真系食得好開心同盡慶🥳🥳🥳🌸楚撚豬油撈飯 （HKD 23）🌟🌟🌟🌟🌟豬油撈飯就一定唔健康架啦，不過白飯加上豬油同豉油真系好邪惡但好好食！撈曬d 料同油仲帶有好香濃既蔥油香添！同埋有得自己倒料黎撈，都幾好玩，值得一試！🌸楚撚小炒王（HKD 99）🌟🌟🌟呢個小炒王都有好多唔同既配料，有海鮮有肉有腰果配上韭菜。雖然味道都唔錯，但係我覺得可以再爆香d ～🌸 椒鹽鮮魷 （HKD 103）🌟🌟🌟🌟雖然餐牌上面無推薦既符號，但係呢個椒鹽鮮魷都好好味！新鮮炸起既椒鹽鮮魷真系點都唔會伏！係熱氣左小小姐～🌸菠蘿拔絲咕嚕肉（梅頭）🌟🌟🌟🌟🌟（HKD 113）呢個咕嚕肉除左有菠蘿仲有桃一齊炒！當然啦大排檔既咕嚕肉通常都唔會差得去邊，只可惜呢碟咕嚕肉份量太細唔係好夠喉！🌸金沙黃金白飯魚 🌟🌟🌟🌟🌟（HKD 90）係邪惡既鹹蛋黃炸白飯魚，呢兜野用左超多鹹蛋黃去炒！ 就算食曬d 白飯魚都仲有海量鹹蛋黃碎碎係度可以用黎送白飯！夠曬香！大推！🌸蜜椒薯仔牛柳粒🌟🌟🌟🌟🌟（HKD 113）我覺

食過楚撚記幾次，味道好之餘又唔貴，成日都想約埋班朋友再嚟encore！不過平時經過都要等成個幾鐘，今日早放經過見唔使等位，咁就即刻入咗去食！第一樣就點我最愛嘅楚撚記原隻脆皮炸豬手，會有芥辣同埋泰式辣醬跟埋，個豬皮炸得脆卜卜又多肉，好好味呀真係！仲有叫咗個避風塘鮮魷，配喼汁，香口之餘又唔會太辣，層炸粉厚度適中，魷魚夠哂彈牙！啫啫唐生菜煲，上菜嗰陣仲渣渣聲，再加埋蝦醬蝦乾，好惹味！招牌豬油飯，嚟到楚撚記真係唔可以唔嗌佢，芫茜同蔥分開兩個兜，勁體貼，再加上醬油豬油，好邪惡但我鍾意，真係食兩碗都唔夠皮！飲品就緊係要叫啤酒啦，用戰鬥碗飲勁有風格！兩人隊一支青島，滿足！

✅好有香港味嘅大排檔即時Walk in，都可以食到，實在太有運了。由於我哋太肚餓，所以叫咗好多嘢食，包括左炸豆腐、豬大腸、小炒王、沙爹牛肉粉絲煲、馳名咕嚕肉。當然仲有啤一啤with 飲勝碗🤭講返先～- 椒鹽炸豆腐炸的好脆，但入面豆腐又好軟，送酒一流。- 豬大腸就洗得好乾淨，雖然我唔好既，但食左一舊，無咩內臟味，合格！- 扮想健康d食綠色食物甘就要食個小炒王啦（其實主要食佢既nuts🤭)- 都係講笑，我地最後都有另外叫一個清清地既菜🤫- 仲有就係好耐無食過沙爹牛肉粉絲煲！佢地塊牛肉好大塊！送飯一流rrrr！ 個汁又多！熱辣辣上台💛- 最後上黎既波蘿拔絲咕嚕肉，個拔絲鳥巢正丫🤭咕嚕肉係厚到好似豬扒咁，啖啖肉的。- 上哂甘多野食，我地喺大排檔，梗係要啤啤佢，食小菜配埋啤酒，咁就Perfect啦🤭

今日同女朋友嚟到西環嘅楚撚記食飯，本身已經聽聞過楚撚記好好食，但一直都冇機會試，機會難得梗係去試吓啦。先講佢嘅環境，雖然佢係有大排檔嘅風味但係佢環境好乾淨而且室內嘅裝修好有氣派，一行入去已經覺得好舒服。咁我哋就叫咗炒通菜同黑松露手打蓮藕墨魚餅，同埋黑椒牛仔骨。先講炒通菜好夠鑊氣而且唔會好油，一上菜已經香到不得了，之後蓮藕餅亦都好好食，炸得好脆，而且黑松露味唔會太出令到個墨魚餅冇咗鮮味，之後個黑椒牛仔骨真係好香而且牛肉唔會太熟煎得剛剛好，同埋份量都唔少。另外真係要提吓佢嘅豬油撈飯，真係好好食而且佢係會比豉油同豬油你自己調較，咁就好方便食客。整體來講真係好出色，係食過嘅小菜類入邊最出色嘅其中一間

終於去咗bookmark已久嘅楚撚記大排檔！一入去已經見到人山人海超熱鬧，餐廳裝修行懷舊路線，環境舒適闊落，嘆住冷氣咁食大排檔風味真係爽皮！🦑香煎黑松露手打蓮藕墨魚餅 $108每啖都食到彈牙墨魚同爽口蓮藕，口感一流！而且淡淡黑松露香，香煎得黎又唔會太油，招牌菜果然名不虛傳！🍖楚撚記原隻脆皮炸豬手 $159百幾蚊有咁份量十足嘅豬手真係性價比極高🤑 豬手外皮炸得香脆可口，肉質實淨夠滑，點芥末/甜酸醬食都得～🥬豆漿杞子鮮腐竹浸時蔬 $86乳白色嘅豆漿、紅棗同杞子增加蔬菜嘅甜味，白菜仔份量大方，健康又好味👍🏻楚撚豬油撈飯 $23Bellofood第一次食豬油撈飯😳 客人可以根據自己嘅喜好倒出適當份量嘅豬油同豉油，並放上葱同埋芫荽～淋上豬油嘅飯真係芳香撲鼻，咁邪惡得唔得㗎🥹

🍚 | 楚撚記大排檔 |📍西環石塘咀皇后大道西554-560號日富里百好大廈地下1號舖想試楚撚記好耐啦，Booking好Full好Full!!唯一係得西環呢間可以Book到😭•菠蘿拔絲咕嚕肉 ($113)呢個好似係每枱必叫，好受歡迎🤟🏻佢用咗梅頭肉做，所以比較香腍軟滑，啖啖肉！拔絲同麥芽糖我就唔識欣賞，但賣相係幾精緻嘅😆•楚撚記原隻脆皮炸豬手 ($138)豬手偏細隻，外皮脆脆哋，可以配芥末醬同泰式辣醬嚟食，炸豬手無得輸呀，推薦👍🏻•地道港式煎蠔餅 ($90)蠔餅炸得好酥脆，蠔仔同粉漿嘅比例溝得好好🦪蛋香亦好重，一定要襯熱食！•金沙蛋黃九肚魚 ($99)九肚魚炸得香脆可口，魚肉都幾Juicy，但咸蛋黃唔算多，又唔太食到有起沙！•黃金椒鹽粟米 ($69)咸蛋味就唔算特別出色，但炸得幾好食，粟米仲Keep到好Juicy🌽•豬油撈飯 ($23)🍚第一次試，真係好少地方會有🤭豬油真係好香，送飯真係好好食，不過叫一碗Share已經夠，食太多會好膩同埋食幾啖已經好滿足❤️🍠最後會送上蕃薯糖水，不過甜咗啲啲😆幾貼心嘅，但如果定期可以換唔同款嘅糖水就好啦。呢間大排檔賣點係夠多選擇，環境好好，食物都有水準。

成日有朋友來玩都會叫楚撚記外賣返屋企食 但係好少堂食 次次打去都full 🥹 今次特登揀平日! 終於食到!!-黄金椒鹽粟米 ($69)我既最愛 次次食都一定要點! 🥰🥰 出面加左咸蛋黃炸香佢 仲有D椒鹽味 真係會忍唔住狂食 🤣同fukuro既粟米有異曲同功之妙 而且價錢仲要平好多! 有8大舊 好抵食 🤤-香煎黑松露手打蓮藕墨魚餅 ($108)佢唔係超濃黑松露味 有淡淡既黑松露香 黑松露控表示可以再濃味D🤣 佢既墨魚餅打得好彈牙 仲有粒粒蓮藕 增加口感! 有8舊我地2個人都輕鬆清哂 如果佢有埋mayonnaise點就仲正 😋-秘製剁椒大魚頭 ($138)諗住叫D之前無食過既野 無認真睇個名完全唔知原來佢係辣野 一上碟見到D辣椒呆左 🤣🤣 同埋真係得魚頭 而我地又唔係好識食魚頭 真是7了-楚撚豬油撈飯 ($23/1)邪惡之選 但真係 好 好 食! 🤣 個飯撈埋豬油同豉油真係好香 🤤 同男朋友邊食邊感歎邊個發明D咁邪惡既野 仲有一大碗既蔥同芫茜比我地自己加落去!!-楚撚記真係好抵食~~ 食到勁飽再飲埋啤酒都唔洗$200/pp 食物質素真係好好! 最岩一大班人食 咁就可以試多D送! 同埋有

▫️愈黎愈多人移民🥹 其中一位fd子臨走前話想食下大排檔🥢 揀左呢間聽過好多次，但從未試過既室內大排檔，希望為朋友留下美好回憶🫶🏻🐟 椒鹽九肚魚 $94▫️係我食過最好食既椒鹽九肚魚🥹 炸粉又薄又脆，九肚魚滑到有入口即溶既感覺，好amazing🤩 🦑 避風塘鮮魷 $106▫️送啤酒一流既小食🥸👍🏻 炸到好脆但肉質唔會韌，少少辣，惹味得黎唔會太鹹🥰🦑 香煎黑松露手打蓮藕墨魚餅 $108▫️入口好香黑松露味🤤 蓮藕好爽，加落墨魚餅口感層次好豐富🤩🧆 七味黃金炸一口金磚豆腐 $75▫️發覺呢到既炸物真係無得輸😆 豆腐炸得好脆身，但食落好滑，sir一聲就落左喉嚨好c伏😙🥘 啫啫滑雞煲 $106▫️一上枱都熱到吱吱聲出晒煙🌪 雞肉好滑，索晒汁好惹味🤤 仲加左豬潤，又唔會煮得太老幾好😝🥬 飛天通菜煲 $88▫️夠淋又唔會太鹹，正😋🍻 藍妹4支裝 $116▫️原價$33/支，夠4支就會自動幫你轉做4支優惠裝😆 好貼心🥰▫️呢間真係食過咁多間最好食既大排檔😍 加上有冷氣環境又舒適🥰 仲唔收加一，食到成枱都係每人只係二百零蚊，感覺好抵食😝

同朋友一齊喺西環，要搵地方食嘢，兩個人行吓行吓，見到呢間中餐廳，我記得好耐之前去佢荃灣分店食過，幾好味，於是就唔考慮咯，掹咗朋友入去一齊開餐😆-「燕麥金沙蝦球🍤」：蝦仁🍤肉質結實，同大量鹹蛋黃一齊炒，之後再加咗有少少脆嘅燕麥片，食落超級香口😋-「椒絲🌶腐乳炒時蔬🥬」：係通菜，用大量腐乳一齊炒，味道好濃郁😋，仲超級大碟😆-「楚撚記原隻脆皮炸豬手🐷🖐」：豬手皮真係幾鬆脆😋；豬手肉🐷🖐就好有鹹香😆，同樣係大大碟😆-「楚撚記豬油🐷🫧撈飯」：白飯🍚加豬油加醬油加芫荽蔥，眨吓眼就比我哋掃清😆，我本來想再叫多碗，朋友話呢啲咁美味嘅食物適可而止，結果加咗碗白粥😆食得我哋兩個人好飽，超級滿足😆

楚撚記大排檔西環皇后大道西554-560號日富里地下1號舖男人同女人食野架分別是, 男人唔要求打卡環境靚,食過一次好味, 日後都會經常去, 唔洗煩呀嘛。有些餐廳一星期去一次, 每次食同一樣食物, 姐姐見到我行入舖已會自動幫手落單, 是本人的例牌。大排檔小炒夠鑊氣, 幾個小炒餸加碗白飯靚仔, 已經是心中the best dinner燕麥金沙蝦球片是首本名菜之一, 個蝦好彈牙架，麥皮就可以吸下多餘油。個鹹蛋黃醬帶甜，似流心奶皇陣味。楚撚然原隻脆皮炸豬手,個豬皮脆卜卜, 炸過唔會油膩。豆乳杞子浸時蔬，無油中和返隆重介紹豬油撈飯, 香噴噴豬油及豉油自己落, 極品! 間中回味這豬油撈飯啤一啤食豬手，男人架浪漫

一直只聞其名未見其人終於今日可以黎拜訪喇！🤪🤪牆上有多款家常菜確實花多眼亂我地揀左幾味招牌菜試下手勢菠蘿拔絲咕嚕肉佢個拔絲唔係痴住啲肉係獨立一團放旁邊食落非常甜膩😋😋梅頭肉做成嘅肉粒好軟淋唔會炸到硬晒香爆黑椒牛仔骨煲上枱熱辣辣牛仔骨好入味好淋仲有好多件添七味黃金炸一口金磚豆腐少少辣夠惹味金磚豆腐細細粒好易入口外皮又薄又脆內心非常嫩滑超級好味！(自製五星)豬油撈飯古老食物聽就聽得阿媽講得多試就第一次試用砵上嘅飯保持到溫度撈入豬油男朋友即刻話好香再加入豉油真係唔駛餸都可以清左碗飯👍👍👍上菜速度勁快難得的大合照

今日同朋友去完西環，夜晚想食啲有鑊氣嘅嘢，但係又唔想咁熱，所以就去咗楚撚記。嗰度有冷氣，食完唔會成身汗，而且食物種類款式都好多，款款都好吸引！七味黃金炸一口金磚豆腐 $75我哋一見到餐牌有炸豆腐就即刻叫咗！豆腐炸到金黃色，外脆內軟，表面用咗椒鹽去調味，仲有好多炸蒜，好香口。菠蘿拔絲咕嚕肉（梅頭）$113呢碟菜特別嘅地方係有焦糖脆脆同埋拔絲，焦糖脆脆同埋拔絲都好甜，同菠蘿好夾，酸酸甜甜。而咕嚕肉就用咗梅頭，同平時嘅咕嚕肉比比較長身，而且外皮都係脆脆地，城道菜嘅口感好豐富，亦好開胃。香爆黑椒牛仔骨煲 $113牛仔骨表面充滿醬汁，牛肉本身都好夠牛味。肉質非常軟腍，肉同骨好容易咬到分離。配料有青椒同洋蔥，兩樣都好入味，我哋最後都有食晒。楚撚豬油撈飯 $23@1店員會分開比飯、豬油、豉油、蔥同埋芫荽我哋，所以份量係我哋自己決定。豬油本身好香，令到飯冇咁乾，撈埋豉油蔥同埋芫荽，令飯口感更加豐富，想一啖接一啖食。汽水 $13@1我同朋友分別叫咗忌廉同可樂，兩支汽水都係樽裝，超多氣！！最後仲有糖水送，可以揀番薯糖水或者芋圓綠豆。番薯糖水熱辣辣，薑味重，好暖胃。芋頭綠豆就清清地，芋頭煙靭。

呢間位於西環嘅大牌檔，同隔離嘅火鍋撚係連埋一齊嘅，所以空間十分大，好容易搵位！入面成間餐廳嘅裝修都係用心設計過，每張枱櫈都睇得出唔係求其擺。每張枱都有足夠空間擺嘢食同埋袋，坐得幾舒服丫我地叫咗個啫啫唐生菜煲，滿足咗食菜嘅健康慾望，同時又唔想咁單調。佢落咗幾隻大大隻嘅乾蝦，令成煲嘢嘅味道好香，食菜都可以送倒飯，開心！燕麥金沙蝦球，每雙蝦都大大粒，燕麥令成碟餸食落冇咁油膩，而且多咗啲脆脆嘅口感。作嘅汁仲係甜甜地，配埋燕麥食好得意，我最後都清晒所有嘅燕麥！我哋仲叫咗碟原隻炸豬手，個份量真係好驚人！但佢成碟都熱辣辣脆卜卜，所以好快都清晒成碟豬手，果然係招牌小菜！呢度另一個出名嘅係豬油撈飯，有成大壺豬油同鼓油，任撈唔嬲！好耐冇食過咁香嘅飯粒，每啖都係幸福感覺~最後當然唔少得大牌檔先較常見嘅樽裝汽水，淨係擺起枱面都已經覺得好有feel~

同朋友食飯（特別係男仔）梗係要食大排擋，簡直係男人既浪漫。不過而家天氣咁熱，坐戶外真係會出曬汗，所以最後揀左裝潢充滿大排檔特色既楚撚記🤩七點嘅時候餐廳已經接近滿座，可見其受歡迎程度。- 啫啫唐生菜煲生菜新鮮爽脆，放係熱鍋保持熱辣辣，加左蝦醬令生菜加添獨特鹹香，風味十足。- 豉椒鵝腸我朋友點左豉椒鵝腸，果然係麻甩佬🤣。鵝腸份量幾多，口感煙韌仲好入味，豉椒味非常香濃。- 香爆黑椒牛仔骨煲牛仔骨好大件，肉質鬆軟，熱鍋令牛仔骨散發更濃郁既黑椒香氣，其他配料仲有紅椒、青椒、洋蔥。- 豬油撈飯細細個成日聽老豆話豬油撈飯，今日終於有機會親身嘗試下。餐廳提供豬油、豉油、葱花同芫荽，自己將所有材料撈埋一齊，油脂非常濃郁，令人食慾大增😍最後仲附送番薯糖水。總括而言，裝潢充滿懷舊風，每一道菜都好有鑊氣👍🏻