楚撚記大排檔 (日富里百好大廈)

營業中

休息中

位於西環❣︎楚撚記大排檔❣︎主打食大牌檔小菜，店舖裝修得非常有特色👍🏻以昔日懷舊大排檔設計加創新概念，小菜款式非常多，份量相當大碟，價錢相宜，難怪經常滿座。❣︎菠蘿拔絲咕嚕肉❣︎咕嚕肉炸得外脆內軟，配菜有青紅椒，焦糖脆餅同蜜桃，伴碟嘅拔絲金黃亮麗😍入口即溶，當甜品食都得👍🏻相當特別。❣︎椒鹽鮮魷❣︎擺盤精緻😍👍🏻鮮魷好彈牙，香辣惹味，沾埋喼汁來食送啤酒🍻一流。❣︎蒜蓉炒時蔬❣︎想咩菜都有最好就係叫時蔬，嫩嫩綠綠新鮮爽甜，蒜香味濃郁。❣︎老火菜乾煲豬肺湯❣︎湯頭好足料，味道濃郁😋👍🏻絕冇味精🙅🏻‍♀️豬肺仲跟成3件😍超讚。❣︎楚撚豬油撈飯❣︎🌟必食推薦😋👍🏻會跟埋一小壺豉油同豬油比你，另外跟埋蔥同芫荽，比例按照自己口味調教，豬油芳香，加埋豉油鮮味🤤令白飯變得超滋味，入口一啲都唔會油淋淋。❣︎蕃薯糖水❣︎臨尾仲有蕃薯糖水送😍真係好貼心，糖水甜味濃郁，有薑嘅辣味，食落更加暖胃。

同事生日，我哋去咗西環楚撚記大排檔，大排檔出名菜式齊全夠鑊氣，室內環境充滿懷舊風格，每晚都座無虛席，極受食客歡迎。菠蘿拔絲咕嚕肉：用梅頭肉做嘅咕嚕肉炸得外脆肉嫩，味道酸酸甜甜，喜歡比較甜的，可以多捲一點拔絲，入口即溶，味道甜滋滋！椒鹽鮮魷：鮮魷香脆唔油膩，肉質鮮嫩唔會硬，口感彈牙好惹味！楚撚記脆皮燒BB鴿：BB鴿燒到皮脆肉嫩，每一啖都油香豐富而且味道鮮美 ！鮑汁海皇福建炒飯非常足料，飯底炒到粒粒分明，另外將雞肉、蝦、菇粒、等用鮑汁芡汁煮好，淋上飯面，伴均勻後食，每啖都鮮甜美味，層次感豐富！食完飯仲有糖水送，兩款任揀，每人一碗，紅豆入口軟腍，清甜可口。番薯肉質香糯軟滑，味道香甜。

天氣開始熱，最好就是去吃大排檔，是有冷氣的室內大排檔！！腐竹糖水沙冰（細細聲）其實我係為左腐竹糖水沙冰而來，沙冰質地細膩，腐竹糖水味突出，清甜不膩，是夏日解暑的好選擇！楚撚沙拉骨橙紅色醬汁掛滿在金沙骨上，吃起來既甜甜的，加上沙拉醬汁的滑潤奶香，很適合配啤酒！椒鹽九肚魚九肚魚裹上薄薄的粉漿，外皮金黃酥脆，內裡軟嫩，椒鹽的微辣很惹味。飛天通菜煲好有鑊氣，鹹香中帶點微辣，相當下飯！鮮甜鴛鴦雞粥新鮮雞肉和田雞熬成的粥，粥底濃郁鮮甜，米粒煮得綿滑。田雞肉彈性十足，下的也是十足的份量！店家提供蔥花、欖菜、老油條等配菜，自行調配一配心水靚粥！整體環境舒適，食物質素亦不錯！很適合聚會！

呢間餐廳價錢親民，食物質素高。環境有風味，很滿意！首先菜甫銀魚煎蛋角：蛋角火候控制得宜，外脆內嫩，菜甫同銀魚嘅鹹香融入蛋角，好香。而京都骨以腩排製作，大大件之餘肉質鬆軟，酸甜醬汁入味，令人胃口大開。沙爹粉絲金菇牛肉煲好蔥味，撈飯一流！牛肉嫩滑，金菇爽口，粉絲吸收晒沙爹醬汁，味道濃郁惹味，帶少少辣。叫返個蒜蓉炒芥蘭：芥蘭炒得爽脆，大大碟，蒜蓉香味適中。呢度出名豬油撈飯，熱辣辣嘅白飯配上香噴噴嘅豬油，好香好正！

充滿香港的情懷, 夠鑊氣同價錢貼地👍🏻難忘漁港蝦醬骨 （海山骨） -排骨炸得鬆化，咬落啖啖肉-蝦醬鹹香滲入肉縫，唔會過濃搶喉. 送啤酒一流脆皮燒BB鴿 皮脆肉厚-皮下脂肪層薄而甘香，肉質軟腍唔嚡口-乳鴿size偏細但肉嫩多汁，外皮微焦脆，醃料帶淡淡五香粉味，唔會蓋過鴿肉鮮甜。小炒王 -韭菜花、腰果、蝦乾、小蝦球、魷魚鬚, 鑊氣十足-韭菜爽脆無渣，蝦乾鹹香提鮮，送酒啱晒豉椒鵝腸 -鵝腸處理得乾淨無異味，咬落爽脆彈牙，豆豉同辣椒爆得香小寒手工啤酒 -入口清爽帶柑，仲有少少香甜嘅朱古力味，中和咗大排檔濃味餸菜，飲到尾段有微微麥香，唔會苦澀

西環人氣餐廳，店內充滿大排檔懷舊風味，環境寬敞舒適，適合大伙人聚餐。食物款式多元化，避風塘田雞田雞斬件炸至金黃，肉質嫩滑鮮香，加入大量粒粒鬆脆分明的香蒜，香辣惹味，極具風味！椒鹽九肚魚九肚魚炸得外脆內軟，𥚃面魚肉保持柔嫩多汁，撒上椒鹽和香蔥提味，非常開胃。脆皮乳鴿乳鴿經滷水浸製後再炸，香氣濃郁，入口皮脆肉嫩，食後齒頰留香老火菜乾豬肺湯非常足料，湯頭清甜醇厚，散發菜乾清香。豬肺處理得乾淨，沒有絲毫腥味，口感滑嫩卻不失韌性。頭抽豉油王銀芽炒麵結尾必點的豉油王炒麵，熱辣辣上桌，芽菜挺身爽脆，豉油汁包住每條麵條，炒得夠鑊氣乾身，入口絕不油膩。

西環碼頭附近嘅"楚撚記大排檔"真係一間值得推介！前日去完碼頭睇日落，肚餓就順便入來食晚飯，環境典型大排檔風格，但勝在乾淨企理，氣氛輕鬆又熱鬧，充滿地道人情味。晚飯時間人聲鼎沸，街坊同食客笑聲此起彼落，感覺好似回到咗香港嘅老日子，份外親切。食物方面更加係無得輸！招牌拔絲菠蘿咕嚕肉酸甜開胃，菠蘿+蜜桃甜椒清新、豬肉酥脆，醬汁濃而不膩，每啖都係享受，必點無疑！豉椒涼瓜魚雲煲熱辣辣上枱，煲仔香氣四溢，滿滿鑊氣，涼瓜爽脆，魚雲香口，配上豉椒嘅惹味，味道層次豐富。配一支冰涼啤酒，用戰鬥碗大口喝，真係滿足感爆棚。紅燒豆腐就清淡得黎有豆香，嫩滑入味，簡單卻有功架。飯後還有免費番薯薑糖水，薑味十足好滿足。最正係佢哋唔收加一服務費，碟頭大件夾抵食，份量十足，性價比高！呢間大排檔唔單止食物夠地道夠鑊氣，環境同氣氛仲要加分，價錢公道又冇加一。無論係街坊定遊客，想食餐有滋有味又唔貴嘅晚飯，楚撚記絕對係首選，下次經過一定再黎回味！

今晚朋友帶我去 西環石塘咀的 [楚撚記大排檔], 果然有驚喜,   店鋪有兩個入門,   從皇后大道西正門, 客入可以先看餐牌. 從正門往右方轉, 便是街坊排隊等位及取外賣的另一個入口.  大排檔招牌, 設計帶點回舊感,  店內有不少光亮彩色霓虹燈牌,  充滿玩味, 攪笑燈箱好欣賞.  充滿熱鬧大排檔氣息,   牆上 介紹了好多款撚手小菜.  我們被安排了坐房座, 佈置古式古香, 好特別啊.  看 QR  Code 自行落單 夠方便, 點了 椒鹽九肚魚.   上檯熱 辣辣.椒鹽九肚魚大排檔風味,  魚肉鮮甜細嫩, 外脆內軟, 濃濃蒜香椒鹽味, 炸工一流, 食得好滋味.菠蘿拔絲咕嚕肉 (梅頭)本來這道菜系經典廣來小菜,  大排檔做了改良版, 加上拔絲效應,   那金黃色糖絲球 同 焦糖脆餅好特別,  還有用新鮮鳳梨及蜜桃, 把這個咕嚕肉名菜陪襯得更出色.  更可口.   梅頭豬肉肉質軟稔, 炸粉薄,  炸得夠香脆, 外層沾滿酸甜汁,  調味正, 開胃好食. 豬油撈飯, 這個飯帶給大家童年回憶. 米飯用瓦鍋仔蒸, 保持熱度,  傳統食法, 加上豬油鼓油, 蔥及芫茜.   吃得有風味.鮑汁花

本身就係為咗佢個鵝腸同埋黃金粟米，結果一入座鵝腸就已經冇晒啦，咁嗌黃金粟米嚟食啦，跟住食到7788先發現個黃金粟米私底下取消咗張單仲要冇同我講，真係零分,黃金炸饅頭個饅頭全部都係腍嘅,想問吓大家食過嘅炸饅頭係點樣嘅?我食開嘅嗰啲都係脆嘅，請問呢個係阿婆炸饅頭？仲有個豉汁炒蜆,得一個字就係鹹,仲有個滷水拼盤我真係寧願食旺角嗰啲肥姐仲好😌,平時都係食開土瓜灣同荃灣嗰間真係冇對比冇傷害😌😌😌

小編今日來到西環一間新派大排檔「楚撚記」，裝修風格還原老香港大排檔餐館，充滿濃厚的舊香港情懷氣氛💈 配搭六十年代常見的綠鐵皮攤檔、及霓虹燈招牌💛「脆皮炸大腸（鳳梨底）」沿用古法大排檔製作方法，大腸原條即炸再切片，外皮非常鬆化夠薄脆，呈橙紅色夠吸引，配上菠蘿片和秘製醬汁🍍味道酸酸甜甜減少油膩感，必食的香港地道街頭美食代表🙌🏻「香煎黑松露手打蓮藕墨魚餅」即叫即炸，墨魚餅鮮甜，黑松露的香氣與鮮甜味相夾，蓮藕口感爽口，中西合壁夠創新，值得推介🦑「楚撚記小炒王」材料足料而鑊氣十足，材料有蝦乾、魷魚、烤魚仔、腰果和韭菜花，韮菜花夠清甜，必食招牌穫氣小炒🥬「菠蘿拔絲咕嚕肉」咕嚕肉為梅頭肉，外皮烤至香脆，酸甜醬汁煮成濃稠，剛好掛上鬆脆的豬肉塊，帶有拔絲效果✨「豬油撈飯」感受懷舊平民菜式，以豬油拌上白飯，再加芫荽、香蔥粒、豉油，加入了豬油將白飯層次提升，味道更香口惹味🍚🍽 ：脆皮炸大腸（鳳梨底）；香煎黑松露手打蓮藕墨魚餅；楚撚記小炒王；菠蘿拔絲咕嚕肉；豬油撈飯👅好味指數：8.25/10；8.25/10；8.25/10；8.0/10；8.0/10💰消費：HK$108；HK$118；HK$108；HK$11

來了西環探朋友，朋友做響導帶我去楚撚記大排檔，吃地道風味的晚飯才走。我們五時半到達，食店剛開門，已見到有小人龍在排隊入內。入座後，便開始看看餐牌。這裡的菜式非常豐富，除了有招牌推介菜外，亦有多款煲仔菜、煲仔粥、海鮮、湯品、肉類、蔬菜、炒粉麵飯等。我們叫了椒鹽鮮魷、鑊氣豉椒炒蜆，及豉汁蒸魚雲。～ 椒鹽鮮魷：入口酥脆，惹味可口，爽口彈牙，送啤酒一流👍🏻～ 鑊氣豉椒炒蜆：味道濃郁，鮮甜無比，炒出大排檔風吹！～ 豉汁蒸魚雲：魚肉嫩滑，味道香濃，無泥味或腥味，送飯一流！小菜果然高水準，鑊氣十足，食材新鮮，份量亦足，加上裝修地道，很有大排檔feel，座位寬敞，招呼亦好，下次一定會再來。

呢間大排檔出名小炒夠曬鑊氣，菜式選擇又多，而且仲有出邊已經好少見嘅豬油豉油撈飯，真係諗起都口水流😝我哋今日就叫咗🍗菠蘿拔絲咕嚕肉(梅頭)$119- 梅頭肉好滑又唔肥，而且甜甜嘅拔絲再配埋酸甜菠蘿，真係開胃又好食，真心推介!🍲魚香茄子煲$96- 非常足料嘅魚香茄子煲，送飯真係一流!🥘醬爆鴛鴦雞煲$125- 上枱嘅時候已經聞到好香嘅醬爆味道，煲入面有大量嘅滑同田雞肉，一啲都唔欺場!🍚楚撚豬油撈飯(碗)$25- 超級香嘅豬油味，配合埋豉油一齊食，係我最懷念嘅童年味道!🍧華田可力沙冰$38- 食咗咁多濃味嘢，飲翻一杯阿華田冰冰，夠曬港式情懷，真係爽曬!

今晚朋友生日飯, 我哋一齊去試新餐廳, 記住一定要網上訂位如果唔係 有排你等. 餐廳都幾大, 裝修好特別.椒鹽九肚魚$98 九肚魚做得非常出色 外面個皮好薄好脆,內裏非常之濕潤.芥蘭煲 $88正常發揮 ,不錯的菠蘿拔絲咕嚕肉 $119瘦肉偏多比較硬身 ,加上叮叮糖很有創意 ,叮叮糖好好味.黃金椒鹽粟米 $76楚撚豬油撈飯 (碗) $25豬油 +類似煲仔飯用的豉油 撈埋啲熱飯,香味即刻出, 超正一定要試.生炒糯米飯 $42用料十足 ， 炒得恰到好處 ，唔會乾身，濃濃的臘味 和冬菇香味。黃金炸饅頭伴煉奶 ( 每客六個 )$40外面脆脆的 ，內裏鬆軟 ， 一定要點煉奶食。腐竹糖水沙冰 (渣) $89非常有創意的飲料 ,感覺係腐竹糖水走渣加上沙冰，好飲的 ，就系貴咗啲.香煎黑松露手打蓮藕墨魚餅 $118 黑松露唔覺 但係用上大量新鮮墨魚 ， 鮮甜有咬口 ， 喜歡墨魚朋友必食.

….无语呀 豉汁排骨 打翻了酱油罐 没十碗米饭都没法子吃呀 菠萝咕噜肉….太少了 且肉硬的可以 没有这个菜的灵魂. 蒜蓉菜心 可吃。猪油饭 米饭不热 猪油不香豉汁不鲜…………….. 人还不少 不明所以

之前食過呢間1次，食過荃灣果間2次。今次係令我好失望的一次 😵‍💫😵‍💫糯米飯有沙，食咗兩啖都有，本身以為係蝦米乾d嘢，但係個嘴咬到啪啪聲，一定唔係。有幫我退咗乳鴿唔錯的檸雞，一般般，無特別椒鹽九肚魚，非常一般，份量好少生腸係臭的，極失望，紅腸一般，墨魚ok豬手唔錯的蝦球，幾乎無咩鹹蛋黃，完全無必要叫通菜同牛柳粒係好味既我唔會再黎食 ☹️☹️呢d類型餐廳，宜家都好多，如果食物質素越黎越唔好味，環境懷舊都打動唔到人了基本上所有餸份量都好少，不過我地全部都係女仔，又食完tea過黎，所以先夠食