楚撚記大排檔 (日富里百好大廈)

營業中

休息中

楚撚記原隻脆皮炸豬手 $166豬手炸得超級脆口、連皮帶肉咬落去層次好豐富！炸到金黃酥脆，一啖入口皮脆肉嫩，仲帶有少少油香，一啲都唔覺得肥膩，覺得單調仲可以配芥辣醬或者甜甜醬添！-菠蘿拔絲咕嚕肉(梅頭) $119個樣顏色好靚，菠蘿同蜜桃酸酸甜甜，咕嚕肉又嫩又香，可以沾埋佢個醬汁食，簡直好食滋味。隔離仲拉左一舊拔絲，成道菜個賣相即刻好有立體感，睇得又食得。作為一個粵式經典，真係難得一見嘅水準。-飛天通菜煲 $92通菜整到特別滑嫩，仲吸收到湯汁嘅鮮甜味。加埋幾粒蒜泥進去，就更加爽口開胃，食起嚟非常清新爽口。-楚撚豬油撈飯 $25/碗豬油撈飯看似平凡，實為最經典粵式小吃。用砵仔裝住夠晒懷舊味道。飯粒完全吸收到濃郁嘅豬油香，雖然好邪惡，但係真係好好食！豬油、豉油、蔥、芫荽全部另上，鍾意加幾多可以自己控制。

七一從銅鑼灣走到西環為的就是感受逐漸消失的香港情懷數到最有本土風味的地方怎少得盡港式大排檔室內環境舒適乾淨，可於酷熱天氣下享受冷氣九十年代流行金曲糅合八十年代舊式裝修，氣氛滿滿飛天通菜煲與蝦乾、辣椒、蒜頭等大火快炒，香噴噴鑊氣豉椒炒蜆濃郁惹味，隻隻乾淨爽口不帶沙西楚霸王雞半隻用上大量炸蒜香蔥及椒絲再配上秘製醬油楚撚豬油撈飯連豬油、豉油、葱花及芫荽加在一起，油脂濃郁白粥煲至米粒開花，綿滑夠米味，下火、清熱氣

今日心血來潮同姐妹們食大排檔（女仔通常都食café /韓國野果d 🙈🙈)。即日WhatsApp 預約居然有位，市道真係麻麻啦。是日MVP 椒鹽黃金粟米 黑松露墨魚餅西檸軟雞同飛天通菜煲就不過不失啦心心念念既腐竹白果冰第一啖好驚艷 食到尾就漏漏地 三個女仔既戰鬥力係弱d 多人share 應該比較好雖然話就話食大排檔 不過都係喪叫煎炸野 （一口豆腐，椒鹽粟米，炸大腸）😆😆😆不過咁樣食 又聽下懷舊金曲都幾好feel 女仔聚會都可以試下食 有冷氣環境都乾乾淨淨ps: 自費的啦

《🌟推介 😋晴晴港飲港食 #misshcfoodie》其實我除咗鍾意食fine dine之外，有時都會麻甩啲同frd去食大排檔😏呢間新派大排檔裝修充滿香港懷舊味道，各種撚手小菜都好有鑊氣而且價錢又抵食，唔怪得人氣爆登🔥楚撚豬油撈飯 $25👍豬油撈飯聽就聽得多，食就第一次😲聽落好肥，但難得黎到點都要試吓🤭點知一食就停唔到口🫣除咗豬油外，仲可以撈豉油、蔥粒同芫茜，食落一啲都唔油膩仲有陣陣豬油香，減緊肥嘅我唔小心成碗食唒😮‍💨香煎黑松露手打蓮藕墨魚餅 $118👍食大排檔一定要食啲最考功夫嘅菜式😏呢個手打蓮藕墨魚餅份量都幾多😲煎到金黃香脆一定要趁熱食，食落好有口感、蓮藕同墨魚膠嘅比例啱啱好，仲有散發黑松露香氣香爆黑椒牛仔骨煲 $128一上菜聽到啲聲已經知好夠鑊氣😍牛仔骨啖啖肉，仲好腍好入味，用嚟送飯最啱😋楚撚記脆皮燒BB鴿 $68細個去酒樓好鍾意叫燒BB鴿食，估唔到呢度都有得食😲燒到皮脆肉滑，特別係對翼夠唒香口😋可樂 $15人均價錢：$200味道：8.5/10環境：8/10服務：7.5/10回頭率：8.5/10👍=必食*所有價錢以餐廳為準#misshcfoodie_西區📍 楚撚記大排檔 (日富

不嬲都聽楚撚記好出名，記得疫情嗰陣都曾經試過佢土瓜灣店嘅嘢食，雖然嗰陣係叫外賣，但食物質素都幾唔錯，即使叫炸嘅嘢食，拎到返到公司都仲係好脆仲熱辣辣，印象唔錯。適逢同同事食飯，又諗起佢嘅小菜，就決定嚟試佢西環店嘅嘢食，裝潢陳設我就唔多講啦，大家上網都見到佢裝潢行老香港風格，比返種以前食大牌檔嘅氛圍，而地方環境都企理舒服嘅。睇佢菜單食物選擇都多嘅，因為好想食熱氣嘢，所以一口氣叫咗三樣煎炸嘢食同埋一個菜同湯：1. 香煎黑松露手打蓮藕墨魚餅2. 椒鹽九肚魚3. 避風塘鮮魷4. 飛天通菜煲5. 老火菜乾煲豬肺湯1. 香煎黑松露手打蓮藕墨魚餅：煎得唔錯，落咗適量嘅油煎，咬落去表面焦脆，唔會成口油淋淋。仲有淡淡嘅黑松露味，調味剛剛好，黑松露味唔會太搶。2. 椒鹽九肚魚：唔使講又係炸得香脆，食落熱辣辣出哂煙，同坊間嘅椒鹽九肚魚唔同，佢嘅調味有少少特別，食唔出係咪加咗柚子，但食落感覺輕盈，零負擔。3. 避風塘鮮魷：一如槪往，又係炸得出式，呢碟菜係我地全晚最期待嘅菜式，而佢真係不負眾望，避風塘嘅味道好突出，亦唔係好辣，啱哂唔食得辣嘅我地。而本身無打算叫飯嘅我地，都因為要食埋啲炸蒜，而專登叫一碗飯嚟送，所以

淨係呢間分店都食緊第三次，今次叫咗兩個煲仔菜，一個小菜，果然係一排冇食都仲係咁好味呀，之後都會不停返嚟，一入到去氣氛超，無論情侶、三五知己、定係一大班friend都好適合菠蘿拔絲咕嚕肉呢個都算係每一台必叫，咕嚕肉做咗梅頭嚟做，他們夠肥瘦分明，落去嘅時候除咗有焦糖化妝嘅脆皮外皮，入邊嘅肉都仲好淋滑，除咗菠蘿仲有蜜桃香爆黑椒牛仔骨煲牛仔骨一件都大大嚿，全部都比醬汁包裹住，黑椒超級香口啊，仲熱辣辣㖭，啲醬汁超級好餸飯飛天通菜煲飛天通菜夠晒入味，但係又唔會過鹹，吞咗落去之後後勁都好凌厲，啲辣味浸返上嚟，正呀今次為咗影相仲試埋佢哋嘅豬油撈飯，用完豬油再用豉油撈，勁香口！嗌埋支大啤，真係飽晒

約了先生去大排檔，突然掛起風球又落雨，幸好我們相約在楚撚記，有大排檔的風味卻又環境舒適，坐得惬意。🏅飛天通菜煲（$92）🏅難忘漁港蝦醬骨（$118）🏅香煎黑松露手打蓮藕墨魚餅（$118）🏅楚撚記豬油撈飯（$25）今晚點了兩味蝦醬菜色，滋味濃郁，非常惹味。飛天通菜煲是粵式做法，用了蝦醬、蝦乾和蒜頭放在砂鍋爆炒，一上枱已香味四溢。蝦醬骨又名海山骨，是一道無任何配料的傳統菜，簡單來說就是蝦醬炸排骨，不過現在餐廳多數用豬腩肉片來做，一粒骨都沒有，而且香脆可口，鮮美多汁。香煎墨魚餅也鬆軟彈牙，蓮藕粒切得幼細，黑松露味較重，有點搶了墨魚的風頭。最後不得不讚楚撚記的招牌豬油撈飯，豬油、豉油分開上，另有蔥粒和芫荽碎，非常細心。豬油我只是加了少少，然後加豉油、和蔥粒芫荽，拌勻後非常香，無餸都可以食一碗飯。最後還送每人一碗紅豆沙。

一直都聽朋友推介楚撚記好出名今次就同朋友嚟到西環分店最緊要記得book位 真係全場爆滿🔥🥢豆漿杞子鮮腐竹浸時蔬可以選擇當日時令嘅蔬菜揀咗娃娃菜 配淡淡嘅豆漿味道好清新🥢香煎黑松露手打蓮藕墨魚餅墨魚餅好彈牙香口 食到粒粒蓮藕 又重黑松露味絕對出色嘅招牌菜 抵食夾大碟！🥢楚撚記原隻脆皮炸豬手好吸引～外皮炸得非常香脆 無骨啖啖肉 筋肉位超好食食得好爽 配大啤一流！🍚豬油撈飯初嚐豬油撈飯～倒入半枝豬油同豉油撈 加多香蔥芫荽真係超香 我完全可以就咁食晒一碗飯

星期日晚同朋友食生日飯，7點入座，8點開始截單，820叫我地埋單，但係朋友帶咗蛋糕，所以食埋先走。830都未夠就催我地走。星期日其實根本坐唔滿，餐廳內只有幾枱客，門外也只有一張枱客人在等。如果餐廳職員搬動一下枱凳完全可以同時招待客人。作為多次光顧楚撚記既客人，今次體驗實在不可理喻而且令人失望。如此下去貴司倒閉指日可待。Just go to other better local restaurants, avoid this trap at all costs.

🔥楚撚記一直都係我最愛嘅中式餐廳已經食過無數次 都仍然覺得好食😋之前一直都係叫外賣 堂食反而係第一次西環店既裝修 以傳統大排檔同霓虹燈為最大特色 💡空間闊落 坐得好舒服🪑🪑而且所有菜式都係水準之上 ⬆️⬆️絕對係會再訪嘅餐廳👍👍👍***\ 🍄‍🟫香煎松露手打蓮藕餅 / （$118)店內招牌菜之一⭐️🌟一食落口已經感受到濃郁既松露味!!🍄‍🟫墨魚餅煎到金黃香脆🦑加上蓮藕粒 非常有咬口 係個人最鍾意嘅菜式!! 必點推介!!⭐️\ 🐽楚撚記原隻脆皮炸豬手/ （$166)豬皮炸到超級超級脆!! 脆得黎又唔會乾身而肉既部份鹹度適中 唔會過份油膩而且份量超多!! 🤭係非常適合搭配啤酒既下酒菜🍻\ 🌽黃金椒鹽粟米 / （$76)粟米多汁鮮甜 咬開爆汁 💦配鋪滿鹹香十足既咸蛋黃碎 非常適合送飯食!! 🍚\ 🍚楚撚豬油撈飯 / ($25) 食小菜點少得配個靚仔!!😍😍店員非常熱心咁教我哋點撈先好食!!!首先用筷子整鬆米飯加上滿滿既蔥粒同芫荽碎 之後灑上適量豬油同豉油油香味十足 非常邪惡😈 但真係好好味 忍唔住一啖接一啖咁食 🤤🤤非常有驚喜!!! 絕對係必點推介!!! ⭐️⭐️

豆漿杞子鮮腐竹浸時菜 $88有幾款時菜可以揀，我哋就揀咗菠菜，特別豆漿湯底，感覺健康啲鑊氣豉椒炒蜆 $105經典大排擋小菜，都好耐無食過囉楚撚記原隻脆皮炸豬手 $166原隻切件豬手，皮超脆，每啖都沙沙聲，配埋兩款醬，泰式辣醬、芥末醬，唔同風味楚撚豬油撈飯 $25平時比較少食嘅豬油撈飯，有埋芫荽丶蔥，豉油丶豬油自己鍾意落幾多就幾多，甘香回味支裝可樂 $15大排擋美食，最啱配啤酒或汽水，難得有支裝可樂，梗係要歎返支啦

今日黎到西環試呢間懷舊大排檔七味黃金炸一口金磚豆腐這道菜烹飪精湛,豆腐外酥內嫩。咬下去即能感受到豆腐細膩綿滑的口感,入口即化。這道菜所用的食材是新鮮豆腐,經過精心炸製每一塊炸豆腐都金黃酥脆,十分誘人燕麥金沙蝦球蝦球外層金黃酥脆,咬下去能感受到蝦仁飽滿彈牙的口感。燕麥的香氣和金沙相互輝映,令人回味無窮。每一顆蝦球都飽滿多汁,讓人垂涎欲滴原隻脆皮炸豬手這道原隻脆皮炸豬手實在是太令人驚喜了。外層酥脆,一咬即能聽到清脆的響聲。豬皮肉質鮮嫩,經過細緻的處理和精湛的炸製技藝,完美展現了大排檔的烹飪功力。每一口都令人回味無窮,難以忘懷豬油撈飯這碗香噴噴的豬油撈飯絕對是大排檔的經典之作。米飯粒粒分明,鋪上香濃醇厚的豬油,散發出陣陣誘人的香氣。每一口都能感受到米飯的軟糯和豬油的滑潤,真是人間美味

5/4/2024移民了英國年半的朋友回香港探親，立即book西環的楚撚記聚一聚。訂了5:30pm , 食到7pm . 叫左：黑松露手打墨魚餅：呢個必食，冇一次會令人失望的。香口、脆口、彈牙。黃金白飯魚：又係口痕必食的炸物，香脆。拔絲咕嚕肉：用梅頭肉整嘅咕嚕肉，啖啖肉，唔會有肥膏。菜乾豬肺湯：呢個今次失色咗少少，好似唔係好夠火喉。啫啫生菜：熱辣辣，好吃腐竹冰沙：呢個又係正，甜甜哋，超級拎涼。另外送咗紅豆沙 （記得以前係番薯糖水，而家轉咗）我自己就食過好幾次㗎喇呢間，都仍然係會繼續幫襯嘅感覺。另外我都幫襯過土瓜灣分店，感覺上好似西環好食啲 （荃灣就未幫襯過，因為本人都係港島區居民）由於我哋去食早嗰輪，所以其實就唔full.不過我哋食完走嘅時候都開始多人。

見咁多食評都話好，就第一次黎試吓….. 叫咗炸豬手，好快就送上，心知不妙，一食就系吾熱吾脆，豬皮仲有啲韌，應該已經炸好一段時間！咁就期待另一味啦…..椒鹽白飯魚就係即時炸，夠熱夠脆，但係炸皮好厚，白飯魚就隱約食到啲啦！！椒絲腐乳通菜，味道吾鹹，剛剛好，呢味係全晚最滿意嘅😅最後叫一個星洲炒米，米粉質地好差，食落口好似有啲漿糊咁，而且咖喱粉都未炒開，咁就拎出嚟俾人食！！一般茶餐廳都好食過佢！！仲要搭枱坐，只係想快啲食完快啲走！！下次唔會嚟幫襯。👎🏻👎🏻👎🏻👎🏻👎🏻

楚撚記小菜係香港都算有名，今日孖住老死兩個入去食返餐隊下啤。老友最愛食豬手，點左個脆皮豬手，外皮炸得勁脆口，份量相當足。之後再追加豉椒鵝腸同炸蠔餅，都係下酒恩物，鵝腸炒得好惹味，蠔餅又係炸得好酥脆，食一啖就忍唔住飲返啖啤酒，真係爽。不過人氣高既代價係入座有限時，食到唔係幾多喉，要再揾地方續攤。