楚撚記大排檔

營業中

休息中

ෆ 楚撚記大排檔 ෆ 約朋友邊食飯邊傾計💬大家都好中意食大排檔🩵呢間真係出晒名排晒長龍～今次好彩朋友有book位 抵讚😋▪️脆皮BB鴿真係好脆皮 好耐冇食過乳鴿🙈▪️菠蘿拔絲咕嚕肉真係拉絲 個皮係好脆做到外脆內軟嘅咕嚕肉～▪️黑椒牛仔骨煲有冇人同我一樣好鍾意「損」骨🦴勁惹味🩷▪️杞子龍眼菊花蜜呢個真係每次都必點！！@chor_land ෆ 楚撚記大排檔 ෆ 荃灣川龍街118號百悅坊地舖至1樓 #楚撚記大排檔 #楚撚記 #土瓜灣美食 #荃灣美食 #西環美食 #大排檔 #香港大排檔 #香港美食 #港式餐廳

預早咗半個月book 7:00 ，之後唔知咩原因店員打過嚟話要將我哋嘅Booking時間改做7:30 ，雖然唔大影響，但係唔知道點解會有咁嘅安排，一入座啲侍應同我哋講9:30就要交枱大約食咗一個鐘頭之後，見我哋啲餸食得7788，就已經問我哋食咩糖水，跟住即刻上，明明仲有一個鐘頭食，但係好似吹緊我哋走咁，同埋啲侍應態度勁差叫極都唔應人！唔會再嚟幫襯啲冷氣又唔夠勁！😅😅😅😅😅😅😅😅😅😅😅😅😅😅😅😅😅😅😅😅😅😅😅

朋友想約去大排檔食鑊氣小炒兼啤啤佢，雖然我都想，但天氣實在太熱，大排檔真係頂唔順，所以我反建議佢去楚撚記，一樣有大排檔鑊氣，仲有冷氣，超正！同朋友去咗荃灣分店，分店裝修得好靚，好有80,90年代的香港懷舊風味，經典又好適合打卡，朋友都大讚好有特色。平日都坐無席，好彩有預先訂位，果然大家都好識食👍🏻🌟楚撚記脆皮燒BB鴿好耐無食乳鴿，見到立即下單！BB鴿好大隻，但依然皮脆肉嫩，金黃香脆，而且食時還肉汁滿滿，鮮嫩多汁，　啖啖肉食完超滿足🌟香煎黑松露手打蓮藕墨魚餅一上枱就滿滿的黑松露香味，正，而且份量充足，每一塊都煎得金黃色，墨魚餅彈牙有口感，啖啖的墨魚鮮味，食時仲有蓮藕粒，口感滿分🌟香爆黑椒牛仔骨煲黑椒與牛仔骨係絕配，牛仔骨啖啖肉，配上惹味黑椒，味道香濃，仲要以煲仔上枱，夠晒鑊氣又保溫，連D配菜都非常美味，配飯一流！🌟楚撚豬油撈飯黎到楚撚記當然一定要點出名的豬油撈飯啦，2碗蒸飯立即送到，再另上豬油、豉油及香蔥芫茜，非常窩心的安排，各人可安自己的喜好調配，正！豬油香，再配上特配豉油，配著熱辣辣的飯，香軟好味，豬油香氣充斥口腔，味道非常🍻啤酒(大支)黎到當然要啤一啤一佢，叫咗支啤酒，夠凍，仲用埋

天氣咁熱又想食大排檔，我一定揀楚撚記！荃灣店樓下成日都聚集咗好多等位嘅人群，我之前淨係叫過外賣，今次第一次入去堂食，感覺正好多！沿着樓梯到餐廳內部都以懷舊香港做主題，現場播著八九十年代懷舊金曲，環境非常熱鬧，好有大排檔風味，又幾有feel～但同時乾淨整潔冷氣夠！食物有水準！套餐性價比仲好高Tim，菜式懷舊味濃，但係有擺盤同符合潮流口味 ，喺呢度仲可以飲到懷舊玻璃樽可樂，服務仲好好，是一間要回頭再食嘅店！今次點咗幾個招牌菜，飛天通菜煲（$92）和香煎黑松露手打蓮藕墨魚餅（$118）都好好味！尤其是飛天通菜煲，上枱熱辣辣，顏色翠綠質感清脆，咸香惹味，屋企比較難整到呢種鑊氣 。煲仔香焗白胡椒蝦（$169）的蝦有先走過油（炸過），所以比較乾身，胡椒味好香 ，粉絲好好味～楚撚豬油撈飯（$25/碗）係我必點推介，豬油同埋豉油都係自己落，份量自控，超香超好吃 。有說豬油其實係最健康嘅食物之一，我自己覺得所有食物間唔中適量攝取都是OK的😋😋樽裝Coke Zero可樂/忌廉 （$15/支）最後仲送咗兩碗糖水，完美！不用加一！整餐下來無論氣氛、環境、食物、服務都很滿意～會再食😋

作為小編嘅飯堂，已經嚟過好多次🤣當然要推介埋比大家。就算平日嚟都記住要book枱啊，因為次次經過都見到好多人等位🙊餐廳免收加一🈹9:30後入座或外賣自取仲有88折雖然叫大排檔，但係裏面環境好乾淨✨亦坐得好舒服，裝潢相當雅緻，充滿舊香港情懷🇭🇰🔸楚撚記脆皮燒BB鴿 $68BB鴿一隻切成4件，外皮燒到脆卜卜，BB鴿肉質鮮嫩🤤肉味香濃多汁，點上少許淮鹽🧂份外惹味🔸黑松露醬爆漿手工乒乓球牛丸 $108 酥炸香口手打牛丸🐮口感彈牙一咬即爆漿😍暖暖的流心香濃巴馬臣芝士🧀及黑松露醬一湧而出，口感非常豐富🔸煲仔香焗白胡椒蝦 $169大蝦有6隻🦐每隻都好新鮮，蝦肉亦十分彈牙配上辛香撲鼻嘅白胡椒，食落更加惹味👅煲仔嘅熱力將蝦殼嘅鮮香同白胡椒香氣一齊混合再升華📈配埋索晒味既胡椒香粉絲，好滿足呀😆🔸豬油撈飯 $25砵仔蒸飯新鮮熱辣辣🍚豬油瞬速溶化係砵仔蒸飯上🐷配上豉油點綴，再加上芫荽蔥一齊撈勻食，香氣撲鼻，真係好邪惡呀😈食完仲有糖水送😚今晚有紅豆沙或者綠豆清心丸

港式大排檔黎講，楚撚記我同朋友都好鍾意食，可以食到大排檔風味，又可以嘆住冷氣，地點又方便，所以一直係同朋友食飯嘅好地方▪️鳳尾蝦多士$88 食落唔會太油膩，偏乾身，原隻蝦身，金黃酥脆，蘸上泰式辣醬好惹味▪️脆皮炸大腸$108 大腸處理得好乾淨，切成條狀，新鮮香脆，火候時間控制得得宜，配啤酒一流▪️香爆黑椒牛仔骨煲$128牛仔骨份量都好多，有成8塊左右，質地軟腍，黑椒汁夠入味，用煲上熱辣辣，非常下飯▪️楚撚豬油撈飯$25/碗食過就明點解啲人話豬油撈飯可以唔使食餸，加少少豉油、豬油、蔥同埋芫荽▪️藍妹$39食大排檔必須配啤酒！！啤酒會跟戰鬥碗～係呢到嘅特色😆食完仲送糖水，可以揀清心丸綠豆湯或者紅豆沙

前幾日去了荃灣食小菜，呢間由樓梯至店內裝修都極有香港懷舊feel，嗰日平日食飯滿哂座，好彩有book定位先唔洗等🫰🏻1️⃣楚撚記脆皮燒BB鴿$68: 外皮炸到脆卜卜，幾多肉而且保持到好嫩同入味，唔錯👍🏻2️⃣菠蘿拔絲咕嚕肉$119: 招牌菜必點之一，賣相已經好吸引🤩用了（梅頭）製成所以啖啖肉，咬落鬆化😋炸漿唔會厚，外脆內軟！3️⃣豉油皇煎封一夜乾（馬友）$138: 魚皮煎得好香脆，魚肉嫩滑鮮味，加了蔥油、蒜蓉，連骨都食得仲入哂味😂4️⃣楚撚豬油撈飯$25: 聽落豬油撈飯好邪惡👿但食落唔會有種油膩感，加埋豉油撈埋一齊好香口。5️⃣醇滑嘉士伯$37: 食小菜當然唔少得叫番支啤酒🍻用戰鬥碗飲夠哂風味！

从深圳来的 看到社交媒體網站介绍 特意来荃湾 想试一下香港的风味 可能呢间实在太多人等位 限时90分钟我们一行三人点了菠萝拔丝咕噜肉$99 但觉得镬气不够肉质不是特别好同普通茶餐厅一样楚捻记原只脆皮炸猪手$166 猪手很柴猪手内面冻慨香煎黑松露 手打莲藕墨鱼饼$118 感觉是人工松露酱前得不香脆 其他菜品也一般没有我们昨天去唐宫食好吃最奇怪的是7:00入座，8：00 服务员走过来说要埋单，8：30 交台 未食完职员开始派账单放在喺台面， 感觉不欢迎游客 不会再来

天氣炎熱 想搵間坐得舒服 環境充滿港式風味嘅大排檔依家餐廳絕對係首選😎🍻菠蘿拔絲咕嚕肉梅頭肉外脆內軟，外層酸甜拔絲，大排檔必點菜式！！！🍻七味黃金炸一口金磚豆腐好耐冇食過咁滑嘅豆腐，外層鬆脆，內裏豆腐入口即溶，好味道一口接一口，出色👍🏻🍻黃金椒鹽粟米第一次接觸椒鹽粟米係喺澳門大排檔，味道一試難忘，估唔到香港都有咁出色嘅做法，外層椒鹽味鹹鹹地，配香甜粟米味道即刻昇華10倍！🌟不得不提依間新派大排檔嘅煎炸類、小炒類食物特別出色，嚟到一定要試🙌🏻

想親身體驗香港本地特色既美食 大排檔系毫無疑問既選擇!!🔥🥢 呢間個名甘鬼型既「楚撚記大排檔」我成日都聽到佢 終於有機會食啦🤩 全港成四間分店 而我地今次黎左荃灣旗艦店😌楚撚記脆皮燒BB鴿 $68超耐無食過 見到menu有即嗌😍 BB鴿外脆內嫩 又多汁 最重要幼嫩可口😋鑊氣豉椒炒蜆 $118鮮嫩既蜆肉 配上惹味十足既豉椒 醬汁包住每一隻蜆 而且鑊氣十足 非常惹味又滋味🤤煲仔香焗白胡椒蝦 $168一上枱 胡椒既香味撲鼻而來🫢 大蝦彈牙既口感 配上香味十足既白胡椒 再加埋煲底舖滿左吸收哂精華既粉絲 超級開胃👍🏻楚撚豬油撈飯 $25香港已經買少見少 勁懷舊😆 油香味十足既豬油 加埋甜豉油 足以令人回味無窮🤤大排檔仲會附送甜品 但我地都吾太喜好綠豆清心丸 所以當晚就無食到😂

🔹️楚撚記大排檔🔹️ 黎到大排檔又點少得飲翻兩杯呢？有得用戰鬥碗飲酒特別有氣勢.. 乾杯懷舊得黎又有儀式感🍻🍺🍻 脆皮燒BB鴿BB鴿放在木制搖籃上好搞笑已切好四小塊，整得外脆內爆汁記得襯熱食呀！凍左口感無咁正 鑊氣豉椒炒蜆大排檔風味夠鑊氣好濃郁既豉汁包裹著每粒蜆，賣相靚仔不得不讚蝦肉既入味又無沙煲仔香焗白胡椒蝦蝦身大隻，炸到脆口，好香白胡椒味底層既粉絲吸晒所有醬汁及蝦既味真係好香又下飯楚撚豬油撈飯第一次食豬油撈飯店員有教我地先落豬油攪拌落豉油調味我手殘😂落得太多豉油但攪拌後都好味既朋友話可以再Encore個撈飯，吾夠喉！

【荃灣懷舊大排檔｜CP值高打卡鑊氣美食🍻】🐨黃金椒鹽粟米 $76推薦度：⭐️⭐️⭐️⭐️⭐️一碟有八件，對半切開咗嘅粟米，份量好多～黃金粟米顧名思義就真係鹹蛋黃粟米，粟米表面搽滿咗滿滿嘅鹹蛋黃，每一啖都食到，鹹香味好足！！！加埋本身粟米自帶嘅甜味，令你有食唔停口嘅快感🤤.🐨菠蘿拔絲咕嚕肉 $119推薦度：⭐️⭐️⭐️⭐⭐酸酸甜甜嘅咕嚕肉就食得多，咕嚕肉預先起咗骨，每一件都外脆內軟，就連啲肉都係唔韌值得加分！另外，配咗焦糖拔絲喺側邊，小編就認為可以試吓......一絲絲嘅口感配埋咕嚕肉到，增加多咗份甜味，令本身酸味嘅咕嚕肉更有層次～小編大愛，但朋友就話唔加好食啲🙊大家可能自行決定！！！！.🐨煲仔香焗白胡椒蝦 $169推薦度：⭐️⭐️⭐️⭐一上枱煲仔熱辣辣「渣渣」聲，滿足咗視覺同聽覺嘅體驗👂未食已經聞到胡椒香，一煲有6大隻蝦，清潔得好好，切開咗蝦背食落都好方便！最重要就係白胡椒味真係好濃好入味，連側邊嘅粉絲、洋蔥等都同樣食到白胡椒味～.🐨楚撚豬油撈飯 $25推薦度：⭐️⭐️⭐️⭐️好耐未試過有餐廳提供豬油撈飯，佢係俾一個白飯，另外配上豬油、豉油同蔥花俾你自己落，份量就可以自己決定！可能小編落得唔算太多，所以覺得味道係偏

個日約咗一大班大學同學去食飯，大家都遍佈唔同地方，最後決定咗去荃灣西呢一間旗艦店度聚一聚腳！我哋約咗7點，但係7點樓下已經有好多人喺度等緊位；聽聞嗰一日（星期五） Walk in要等食第二輪嘅8:45 （💛溫馨提示，如果想食嘅話就記得要預約啦✨）我哋一行6個人嗌咗一個二至三人套餐（兩湯、兩飯、三餸）同另叫幾個小菜，餐廳環境非常之好，設計亦都非常有特色，環境同設計都同街邊大排檔好似，只不過係呢一個係一個有冷氣嘅「大排檔」。嗰晚交枱嘅時間係8:30 ，我哋快快手嗌完餸之後，等咗大約6、7分鐘左右啲餸就開始上菜，啲餸全部熱辣辣，非常好味！

呢兩年大家興返食大排檔 就一定有聽過楚撚記呢個名🤣咁啱陪我開喺我屋企附近就同同事一班人去食本身我哋九個人諗住嗌九個餸，加豬油撈飯都應該夠飽不過食過呢間嘢嘅大家應該都知道 佢啲嘢食都屬於比較細份 精緻啲嘅🥹🥹所以我哋9個女仔最尾係嗌咗12個餸先夠飽但老實講，佢啲味道係唔錯嘅👍🏻食完之後佢仲送咗我哋一人一碗清心丸入邊嘅裝修都偏復古少少 黐咗好多poster同埋紅綠色調多凳就係普通鐵凳 都坐得唔算好迫食大排檔都係自在成班人圍威喂佢嘅味道都真係ok 不過真係太出名好難book建議大家提早一個禮拜要book定⏰⏰

同3個friend 去食，叫左好似6個餸，份量適中，唔多唔少，食物質素正常唔錯嘅，但某啲嘢價錢貴左啲，可能會揀街市大排檔食Cp值會更高！但佢用個碗飲酒又幾有趣，打卡用！？