楚撚記大排檔

營業中

休息中

約咗朋友食飯，今次又book咗楚撚記。一如以往都係要提早book位。今次四個人叫咗五個餸必食嘅有蜜椒薯仔牛柳粒、黑松露手打墨魚餅同埋咕嚕肉！但今次蜜椒薯仔牛柳粒嗰份量略嫌少咗啲。另外仲叫咗一份椒鹽粟米，椒鹽粟米係有啲好似鹹蛋黃咁樣一齊去炸，鹹鹹甜甜，好惹味。另外仲好值得推薦嘅，就係豬油飯同埋糯米飯啦！我哋兩款都叫咗一碗，豬油飯係自己落豬油同豉油撈，可以按自己喜好加份量。糯米飯煲得好香，臘味亦都好好食！最後仲送咗個糖水。埋單每人150。