楚撚記大排檔

營業中

休息中

性價比極高嘅大排檔，已經encore咗好多次（全自費！）！環境、食物、員工服務都👍🏼👍🏼原隻脆皮炸豬手 （$166）皮脆、肉質🍖唔會靭，配埋啲芥末/甜酸醬好食！黃金椒鹽粟米 （$76）鹹蛋配埋啲粟米🌽，鹹同甜剛剛好中和，食落好香口！必叫！西檸煎軟雞 （$108）個醬酸酸甜甜，食落都好開胃，而雞肉好脆嫩！正常發揮～😎小炒王 （$108）材料好豐富，有蝦、魷魚、白飯魚、腰果、韭菜等，炒得香，不過就冇乜鑊氣～飛天通菜煲 （$92） 味道正常發揮～紅豆沙 （Free) 食完飯會贈送糖水，每期嘅糖水都唔同，每次都有兩款揀～～今次就係紅豆沙同綠豆沙🥰環境乾淨企理，有別於一般嘅大排檔～而員工服務態度都好好，因為餐廳嘅位置只有樓梯上去，而員工見到有老人家都介紹咗個秘道去搭𨋢🫶🏼

📍楚撚記大排檔 (荃灣)荃灣川龍街118號百悅坊地舖至1樓晚上時間九點…越夜越熱鬧 座無虛席用餐時間90分鐘 必須提早book位 ✨白灼鵝腸 鵝腸鮮味 有口感 值得一試✨黃金炸魚皮 鹹香酥脆 略嫌整體不夠乾身✨飛天通菜 份量略嫌有點少✨脆皮BB鴿 乳鴿外皮薄香脆 肉嫰多汁 嫩滑又juicy✨菠蘿拔絲咕嚕肉外脆內軟 肉粒嫩滑多汁 ✨鑊氣豉椒炒蜆 夠晒鑊氣 非常有食慾整體用餐體驗✨味道(3/5)✨環境(3/5)✨服務(3/5)
✨抵食(3/5)

哩個名聽咗好耐，終於都book位去食喇🤭大排檔係時代嘅回憶，餐廳裝修還原度極高，同細個媽咪帶我去嘅差唔多，不過而家有冷氣舒服好多🌬👑楚撚豬油撈飯 $25好少喺出面見到有哩隻飯，一定要試吓！砵仔飯當然有別於一般白飯，好似煲仔飯咁多咗啲焦香，飯粒亦更加粒粒分明，加埋豬油同豉油就更香更滑，就算知道好邪惡都抵擋唔到😈✨七味黃金炸一口金磚豆腐 $78一上枱就見到粒粒金黃色🤩 外皮香脆內裡豆腐滑捋捋，一口size夠方便，一啖一粒😋 加埋七味粉同椒鹽調味，味道一流👍🏻✨古法涼瓜炆魚雲煲 $138涼瓜炆得好入味而且唔苦，份量都唔少，可惜魚雲有啲啲乾，美中不足。✨香煎黑松露手打蓮藕墨魚餅 $118一咬落去就係香濃黑松露味，墨魚餅好彈牙，入面仲有粒粒爽脆蓮藕粒，口感豐富🤤✨蜜椒薯仔牛柳粒 $118牛柳粒肉味香夠腍滑，薯仔一樣好入味，黑椒味濃再加少少甜味，食多啲都唔會膩😆✨家鄉炒銀針粉 $86係我好喜歡嘅銀針粉，唔係好多地方有得食。份量唔少，炒得好香好惹味，我自己食咗半碟🤭🔍整體感覺：裝修好有氣氛，還原傳統大排檔感覺，環境乾淨衞生，仲重要哩度係有冷氣嘅大排檔😌 上菜速度好快，食物質素同味道都好好，餸菜夠鑊氣

已經食過好多次，但每次都好多人，預約左都要等，不過而家好小小，唔使等咁耐，隱藏係街市區入面，估唔到咁僻嘅地方都有咁多人留意到入面環境好有大拆檔feel，地方比出面大排檔乾淨，冷氣充足，幾岩一班人食飯傾偈黃金椒鹽粟米粟米幾甜，沾滿椒鹽幾惹味楚撚沙拉骨送飯幾好，酸酸甜甜炸得幾脆香煎黑松露 手打蓮藕墨魚餅有黑松露香味，熱辣辣幾香口，墨魚餅加左蓮藕，彈牙之餘帶點爽口，唔算好油原隻脆皮炸豬手份量好大，豬手炸得好脆，D肉唔會太乾，好香口，一班人唔經唔覺食晒，隊啤一流

這間裝修十分懷舊的室內大排檔，座位十分舒適，但又相當有氣氛！枱凳也保持港式風味。很適合與一大班朋友來敘舊，炒小菜🫑，喝啤酒🍺｜豆漿杞子鮮腐竹浸時菜豆乳味很香濃，比較創新的菜式，豆漿浸時菜非常特別👍🏻😆｜香爆黑椒牛仔骨牛仔骨爆得很香，鑊氣十足！牛仔骨很腍，而且味道濃郁，！｜鑊氣豆豉炒蜆豆豉炒蜆鑊氣真的很十足，而且醬汁比較特別與一般大排檔的豆豉汁味道有些不同！｜豬油撈飯這個真的要特別推介，除了可以吃到懷舊的味道外，豬油撈飯真的很香，飯也粒粒分明！😍｜陳皮紅豆沙🫘紅豆沙是贈送的，但也亦也有意外驚喜。紅豆沙十分棉，陳皮味突出！😋楚撚記大排檔 (荃灣)荃灣川龍街118號百悅坊地舖至1樓

港島食過一次都心心念念，今日近近地喺荃灣食，試啲上次未食過嘅嘢黃金椒鹽粟米🌽上次已經超級想食，但係人哋話唔好喺度食粟米，今次終於唔使就人哋，可以食我最鍾意嘅粟米佢嘅粟米除咗香之外，仲加咗鹹蛋，食落去出奇地好夾，而且仲要好好味😋鑊氣豉椒炒蜆小小辣，但係食落去好香，炒蜆嘅份量唔少～配飯食一流煲仔香焗白胡椒蝦好香嘅胡椒味，除咗胡椒蝦之外仲有粉絲唔錯，蝦都新鮮楚撚豬油撈飯呢度出名嘅豬油撈飯，食落超級香，撈咗豬油令到飯更加濕滑竹蔗茅根紅蘿蔔馬蹄水大排檔最佳選擇一定係啤酒🍻第二嘅一定係涼茶今日乖乖女唔飲啤酒飲涼茶，清甜好飲足料好少見到除咗放題以外嘅餐廳真係做到一段段時間咁入，佢呢度竟然做到都幾好，而且每一段時間都真係好多人食，環境又舒服又啱打卡，嘢食都好唔錯

ෆ 楚撚記大排檔 ෆ 約朋友邊食飯邊傾計💬大家都好中意食大排檔🩵呢間真係出晒名排晒長龍～今次好彩朋友有book位 抵讚😋▪️脆皮BB鴿真係好脆皮 好耐冇食過乳鴿🙈▪️菠蘿拔絲咕嚕肉真係拉絲 個皮係好脆做到外脆內軟嘅咕嚕肉～▪️黑椒牛仔骨煲有冇人同我一樣好鍾意「損」骨🦴勁惹味🩷▪️杞子龍眼菊花蜜呢個真係每次都必點！！@chor_land ෆ 楚撚記大排檔 ෆ 荃灣川龍街118號百悅坊地舖至1樓 #楚撚記大排檔 #楚撚記 #土瓜灣美食 #荃灣美食 #西環美食 #大排檔 #香港大排檔 #香港美食 #港式餐廳

預早咗半個月book 7:00 ，之後唔知咩原因店員打過嚟話要將我哋嘅Booking時間改做7:30 ，雖然唔大影響，但係唔知道點解會有咁嘅安排，一入座啲侍應同我哋講9:30就要交枱大約食咗一個鐘頭之後，見我哋啲餸食得7788，就已經問我哋食咩糖水，跟住即刻上，明明仲有一個鐘頭食，但係好似吹緊我哋走咁，同埋啲侍應態度勁差叫極都唔應人！唔會再嚟幫襯啲冷氣又唔夠勁！😅😅😅😅😅😅😅😅😅😅😅😅😅😅😅😅😅😅😅😅😅😅😅

朋友想約去大排檔食鑊氣小炒兼啤啤佢，雖然我都想，但天氣實在太熱，大排檔真係頂唔順，所以我反建議佢去楚撚記，一樣有大排檔鑊氣，仲有冷氣，超正！同朋友去咗荃灣分店，分店裝修得好靚，好有80,90年代的香港懷舊風味，經典又好適合打卡，朋友都大讚好有特色。平日都坐無席，好彩有預先訂位，果然大家都好識食👍🏻🌟楚撚記脆皮燒BB鴿好耐無食乳鴿，見到立即下單！BB鴿好大隻，但依然皮脆肉嫩，金黃香脆，而且食時還肉汁滿滿，鮮嫩多汁，　啖啖肉食完超滿足🌟香煎黑松露手打蓮藕墨魚餅一上枱就滿滿的黑松露香味，正，而且份量充足，每一塊都煎得金黃色，墨魚餅彈牙有口感，啖啖的墨魚鮮味，食時仲有蓮藕粒，口感滿分🌟香爆黑椒牛仔骨煲黑椒與牛仔骨係絕配，牛仔骨啖啖肉，配上惹味黑椒，味道香濃，仲要以煲仔上枱，夠晒鑊氣又保溫，連D配菜都非常美味，配飯一流！🌟楚撚豬油撈飯黎到楚撚記當然一定要點出名的豬油撈飯啦，2碗蒸飯立即送到，再另上豬油、豉油及香蔥芫茜，非常窩心的安排，各人可安自己的喜好調配，正！豬油香，再配上特配豉油，配著熱辣辣的飯，香軟好味，豬油香氣充斥口腔，味道非常🍻啤酒(大支)黎到當然要啤一啤一佢，叫咗支啤酒，夠凍，仲用埋

天氣咁熱又想食大排檔，我一定揀楚撚記！荃灣店樓下成日都聚集咗好多等位嘅人群，我之前淨係叫過外賣，今次第一次入去堂食，感覺正好多！沿着樓梯到餐廳內部都以懷舊香港做主題，現場播著八九十年代懷舊金曲，環境非常熱鬧，好有大排檔風味，又幾有feel～但同時乾淨整潔冷氣夠！食物有水準！套餐性價比仲好高Tim，菜式懷舊味濃，但係有擺盤同符合潮流口味 ，喺呢度仲可以飲到懷舊玻璃樽可樂，服務仲好好，是一間要回頭再食嘅店！今次點咗幾個招牌菜，飛天通菜煲（$92）和香煎黑松露手打蓮藕墨魚餅（$118）都好好味！尤其是飛天通菜煲，上枱熱辣辣，顏色翠綠質感清脆，咸香惹味，屋企比較難整到呢種鑊氣 。煲仔香焗白胡椒蝦（$169）的蝦有先走過油（炸過），所以比較乾身，胡椒味好香 ，粉絲好好味～楚撚豬油撈飯（$25/碗）係我必點推介，豬油同埋豉油都係自己落，份量自控，超香超好吃 。有說豬油其實係最健康嘅食物之一，我自己覺得所有食物間唔中適量攝取都是OK的😋😋樽裝Coke Zero可樂/忌廉 （$15/支）最後仲送咗兩碗糖水，完美！不用加一！整餐下來無論氣氛、環境、食物、服務都很滿意～會再食😋

作為小編嘅飯堂，已經嚟過好多次🤣當然要推介埋比大家。就算平日嚟都記住要book枱啊，因為次次經過都見到好多人等位🙊餐廳免收加一🈹9:30後入座或外賣自取仲有88折雖然叫大排檔，但係裏面環境好乾淨✨亦坐得好舒服，裝潢相當雅緻，充滿舊香港情懷🇭🇰🔸楚撚記脆皮燒BB鴿 $68BB鴿一隻切成4件，外皮燒到脆卜卜，BB鴿肉質鮮嫩🤤肉味香濃多汁，點上少許淮鹽🧂份外惹味🔸黑松露醬爆漿手工乒乓球牛丸 $108 酥炸香口手打牛丸🐮口感彈牙一咬即爆漿😍暖暖的流心香濃巴馬臣芝士🧀及黑松露醬一湧而出，口感非常豐富🔸煲仔香焗白胡椒蝦 $169大蝦有6隻🦐每隻都好新鮮，蝦肉亦十分彈牙配上辛香撲鼻嘅白胡椒，食落更加惹味👅煲仔嘅熱力將蝦殼嘅鮮香同白胡椒香氣一齊混合再升華📈配埋索晒味既胡椒香粉絲，好滿足呀😆🔸豬油撈飯 $25砵仔蒸飯新鮮熱辣辣🍚豬油瞬速溶化係砵仔蒸飯上🐷配上豉油點綴，再加上芫荽蔥一齊撈勻食，香氣撲鼻，真係好邪惡呀😈食完仲有糖水送😚今晚有紅豆沙或者綠豆清心丸

港式大排檔黎講，楚撚記我同朋友都好鍾意食，可以食到大排檔風味，又可以嘆住冷氣，地點又方便，所以一直係同朋友食飯嘅好地方▪️鳳尾蝦多士$88 食落唔會太油膩，偏乾身，原隻蝦身，金黃酥脆，蘸上泰式辣醬好惹味▪️脆皮炸大腸$108 大腸處理得好乾淨，切成條狀，新鮮香脆，火候時間控制得得宜，配啤酒一流▪️香爆黑椒牛仔骨煲$128牛仔骨份量都好多，有成8塊左右，質地軟腍，黑椒汁夠入味，用煲上熱辣辣，非常下飯▪️楚撚豬油撈飯$25/碗食過就明點解啲人話豬油撈飯可以唔使食餸，加少少豉油、豬油、蔥同埋芫荽▪️藍妹$39食大排檔必須配啤酒！！啤酒會跟戰鬥碗～係呢到嘅特色😆食完仲送糖水，可以揀清心丸綠豆湯或者紅豆沙

前幾日去了荃灣食小菜，呢間由樓梯至店內裝修都極有香港懷舊feel，嗰日平日食飯滿哂座，好彩有book定位先唔洗等🫰🏻1️⃣楚撚記脆皮燒BB鴿$68: 外皮炸到脆卜卜，幾多肉而且保持到好嫩同入味，唔錯👍🏻2️⃣菠蘿拔絲咕嚕肉$119: 招牌菜必點之一，賣相已經好吸引🤩用了（梅頭）製成所以啖啖肉，咬落鬆化😋炸漿唔會厚，外脆內軟！3️⃣豉油皇煎封一夜乾（馬友）$138: 魚皮煎得好香脆，魚肉嫩滑鮮味，加了蔥油、蒜蓉，連骨都食得仲入哂味😂4️⃣楚撚豬油撈飯$25: 聽落豬油撈飯好邪惡👿但食落唔會有種油膩感，加埋豉油撈埋一齊好香口。5️⃣醇滑嘉士伯$37: 食小菜當然唔少得叫番支啤酒🍻用戰鬥碗飲夠哂風味！

从深圳来的 看到社交媒體網站介绍 特意来荃湾 想试一下香港的风味 可能呢间实在太多人等位 限时90分钟我们一行三人点了菠萝拔丝咕噜肉$99 但觉得镬气不够肉质不是特别好同普通茶餐厅一样楚捻记原只脆皮炸猪手$166 猪手很柴猪手内面冻慨香煎黑松露 手打莲藕墨鱼饼$118 感觉是人工松露酱前得不香脆 其他菜品也一般没有我们昨天去唐宫食好吃最奇怪的是7:00入座，8：00 服务员走过来说要埋单，8：30 交台 未食完职员开始派账单放在喺台面， 感觉不欢迎游客 不会再来

天氣炎熱 想搵間坐得舒服 環境充滿港式風味嘅大排檔依家餐廳絕對係首選😎🍻菠蘿拔絲咕嚕肉梅頭肉外脆內軟，外層酸甜拔絲，大排檔必點菜式！！！🍻七味黃金炸一口金磚豆腐好耐冇食過咁滑嘅豆腐，外層鬆脆，內裏豆腐入口即溶，好味道一口接一口，出色👍🏻🍻黃金椒鹽粟米第一次接觸椒鹽粟米係喺澳門大排檔，味道一試難忘，估唔到香港都有咁出色嘅做法，外層椒鹽味鹹鹹地，配香甜粟米味道即刻昇華10倍！🌟不得不提依間新派大排檔嘅煎炸類、小炒類食物特別出色，嚟到一定要試🙌🏻