棋哥燒鵝餐室

營業中

休息中

美味下午茶燒鵝瀨+燒腩飯本來想要吃肥叉燒飯，員工好好的對我們說，應該冇肥叉，建議我們吃燒腩。唯一不好經歷係聞到煙味，我即時流鼻水🤦🏻‍♀️🤦🏻‍♀️🤦🏻‍♀️ (因為鼻敏感)原來門外有兩張枱，客人食煙。其實，疫情期間，應該禁煙。如果佢有病，會傳播病毒的😱😱😱

之前外賣一隻豉油雞，發現只係得一隻雞髀，諗緊會唔會自己誤會咗，到今日買咗燒鵝下裝，份量少過一隻燒鵝髀，仲要望落隻鵝髀骨俾人斬咗一半，可惜唔記得影相，如果唔係我一定去投訴🤬🤬其實棋哥味道係唔錯，可惜筲箕灣呢間太唔老實，自己一向食開銅鑼灣果間，銅鑼灣棋哥冇呢啲情況（早兩星期買半隻燒鵝，啲份量等於今日x6)，兩次唔老實都發生喺筲箕灣棋哥，過一排再買一次下裝，如果同樣發生我再上嚟貼相，有圖有真相，真係太失望。希望啲職員睇到可以老實啲，人在做天在看。另外衛生環境極差，門口長期倒垃圾，垃圾未傳入餐廳裏面。

我係"棋哥燒鵝"嘅粉絲，每一次行過都會買佢哋嘅燒鵝飯， 或者斬料加餸， 以前放工會買啦 ，而家在家工作 ，午餐都係食佢哋。但佢地似乎越做越差，價值80蚊嘅燒鵝雙拼飯，d 鵝瘦到皮包骨（ 有圖為證）， 肉都冇。 仲要舊舊都係咁， 齋食皮。佢做燒鵝出名嘅， 以前呢啲頭頭尾尾佢哋通常都唔會比出嚟比客人食 ，依家居然做到啲燒鵝出品咁樣 ， 我諗佢真係要檢討一下。 做壞招牌。一直有幫襯開佢地，但今次真係好失望囉。 希望今次係個別事件， 但我諗我要過一排好長時間我先會再幫襯佢地。

行山食矩好方便！位於A2出口行五分鐘內就到，最主要係一出A2出口就會見到個招牌。叉燒意粉配牛油多士：原來想轉其他粉，但都想試下矩地既意粉。味道唔錯，半肥瘦，唔會太實，岩岩好。湯底好味牛油多士，覺得唔太夠牛油，但都正正常常既。燒腩仔飯：哇！呢個真係驚喜！肉與脂肪比例係剛剛好，完美！層皮又薄又脆！色澤弱亮。原本以為呢個燒腩配飯會食落去覺得偏剛。燒鵝瀨：一直都保持水準，湯底好味，食落去好香好滑，濃濃既鵝味！特別想推介既係：燒腩仔飯同埋燒鵝瀨特別一提：筲箕灣冇手撕雞食，尖沙咀分店有！🌟手撕雞好好食

行完山，返落筲箕灣覓食，見到棋哥燒鵝第一時間入去試。無諗過星期日都有下午茶，成日都聽人話佢啲燒鵝好食，今日用$40開心價就可以試到個燒鵝瀨餐，如果要求鵝胸就要加$10。本人味蕾不算敏感，所以吃不出炭火味，但覺得個燒鵝好好食。首先個鵝皮重係脆，鵝皮丶鵝膏同肉都好均勻。肉質唔韌又夠味，成碗粉既鵝有七至八件，真心覺得超值。我平時好少食瀬粉，原來燒鵝配瀨粉真係絕配，加上個淡淡地味既湯，成件事真係一個「正」字。走既時候重買多兩碗比兩老試吓。

之前食過三間棋哥，最like 佢個乳豬，食完會想encore。諗住呢實Ok，燒鵝不過不失，叫普通燒鵝飯，比隻鵝肶。但個乳豬飯好似骨頭骨尾搭出嚟，亦燒唔到位，總之呢間無下次。

疫情下，原本有好多好食嘅燒味食店失色! 也許是貨源或成本問題，令貿素下降了! 但棋哥嘅燒鹅依然保持到水津，肥瘦適中，皮脆肉滑!還吃到陣陣柴火香! 仲要當你熱辣辣買成隻燒鹅，攞住上車，嗰種香味勁到全車嗅到，沒有誇張! 下午茶嘅燒鹅瀨也绝不欺場! 茶餐也做得很好！發覺好多人 捨得食$102 蚊嘅鹅肶飯，我下次一定要試試其實$498 1 隻咁好質素嘅燒鹅一D都唔貴!超推介! 如果真係想試下好食嘅燒鹅，又唔想長途跋涉去深井，去棋哥試下會有驚喜!

只係一個人食，叫一個飯都漏單。叫待應去追就懶懶閒，只係敷衍回答‘等等’追幾次都唔去睇一下。態度好差。直到其他比我遲落單的食客食物都到了，再三追問之下侍應才問我叫咗乜食物，我反問既然已經落咗單，應該可以翻查紀錄。最後待應發覺未落單，又諸多藉口話電腦問題，咁我之前追問時的答覆為何只係‘等等’？根本就無落單，追問時亦都無跟進。 咁嘅服務態度真係難以接受，無心做就唔好開門做生意吧。另外燒鵝的質素奇差，又乾又無味，唔知有乜好炭燒，做好基本先啦。永遠唔會再幫襯。

最近疫情相當嚴峻，外賣暫成主流，勢不可擋。外賣之中，又以燒臘飯最為方便。但除咗方便，大家對味道一樣有要求。講起燒臘飯味道，當然想起我至愛的棋哥燒鵝。棋哥除了燒鵝出名外，其他燒臘亦都有水準，棋哥原隻燒鵝雞髀飯更是小第Dream Rice。今日就喺筲箕灣寶文街海峰中心地下棋哥燒鵝餐廳外賣了兩個燒臘飯盒 ，呢間棋哥除咗燒臘出色外，還有多款下午茶餐、三文治和多士等選擇。對抗疫境，更推出外賣著數燒味組合益街坊。今天是長期糧尾，就經經濟濟叫了一個脆皮燒腩仔飯和棋哥叉燒飯，小弟Dream Rice棋哥原隻燒鵝髀飯就等長期糧頭時再吃。脆皮燒腩仔，脆皮、脂肪、瘦肉層次分明。脆皮香口 、脂肪瘦肉就惹味，飯粒夠乾身，粒粒晶瑩剔透，燒臘飯即是燒臘飯，冇得頂！至於棋哥叉燒飯，厚切叉燒瘦中帶肥，既沒有肥叉燒的肥膩，也沒有瘦叉燒的蠻瘦感覺，肥瘦比例適中，叉燒入口又淋又滑，不錯呢！

今日難得在家工作，因為疫情關係唔想煮啦，決定去食燒味，記得屋企附近有一間食燒味好好食嘅就決定去試吓，地理位置十分方便地鐵站一出行5分鐘就到，因為而家禁止堂食只能夠外賣，就決定斬料返屋企食，我就點左$50叉燒仲要係半肥瘦嘅，$50燒肉，我見出邊啲燒味都燒得好靚而且瘦肉均勻，而且燒肉切得好齊整，侍應都好有心機喺外賣盒剪下角落頭，方便透氣咁啲皮就唔會諗好細心。返到屋企啲燒味仲熱辣辣先講叉燒，燒得啱啱好而且色澤非常亮麗半肥瘦送飯一流加上蜜汁已經無懈可擊足夠二人份量去食，以燒肉方面皮同埋肉個比例亦都啱啱好皮非常趣咬落去索索聲，肉方面唔會過鹹加上皮一齊食簡直係Perfect match，加上芥茉醬簡直係一流，我見舖頭都好多人等外賣就知呢間有信心嘅保證。如果開返糖食一定會捧場試吓其他燒味。

今次經過筲箕灣回家發現棋哥的外賣又平了！半斤脆皮燒腩仔加半隻桂香切雞才$118，好抵吃呀！由於武漢肺炎又因為沒有封關令到再次社區爆發，餐廳全日禁堂食，外賣是唯一選擇了。進店購買外賣也要先量體溫，政府無能靠市民加強防疫了。【脆皮燒腩仔】半斤絕對夠一家四口食，不得不讚店員的細心，在發泡膠盒的兩個剪了洞透氣，回到家燒腩仔仍然超脆皮和堂食口感一樣。每件切得四正，味道亦不錯，不算太咸，而且脂肪和肉的比例各一半，好夾！【桂香切雞】切雞最緊要就是味道鮮嫩，雞肉真的很滑嫩又香味撲鼻，加蔥油送飯一起吃超正，每件又切得均勻！

今日約朋友在家商量暑假大計，聽政府話乖乖地冇出街食飯，外賣燒味，慢慢傾慢慢吃，吃得放心又安全。棋哥燒味絕對是首選，朋友住港島東區，筲箕灣最近最方便。平日食開燒鵝已經要讚，今日朋友指定吃燒腩，見到外賣套餐$118，半隻油雞加半斤燒腩，就這個吧。已過午市時段，見到食客等外賣，也有等位堂食下午茶。店外有兩張小枱，等外賣有需要人士也可坐一坐。我叫咗一個套餐，師傅好快手，五分鐘內便叫號碼有得攞。打開盒時真真有驚喜，排得靚靚的燒腩，砌得滿滿的切雞(半隻)，大家異口同聲叫了一句: 嘩！燒腩肥瘦含量好均勻，唔係即時食，燒肉皮依然十分香脆，咬落啖啖油香，肥瘦層次好分明，一口一件，吃到停唔到口呀！白切雞本身好大隻，半隻份量都多，皮香肉滑，雞件肥得嚟皮下脂肪唔多，肉質鮮嫩，加唔加蔥油都一樣好吃。吃了一半，下層的雞依然靚、依然好食，我的雞背脊出場，有肉有骨我最喜歡。棋哥除了燒鹅及叉燒出色，燒腩也是一絕，下次仲要試埋油雞先得。

放工立刻和朋友去食個下午茶才回家，5:50到達💪🏻趕得切限聚前去聚一聚。一直鍾意棋哥燒鵝的炭燒燒鵝香味😋今日食個燒鵝瀨粉，無失望，連菜心都沾染到炭燒香，燒鵝皮依然脆😍不要以為下午茶燒鵝瀨就隨便，都一樣有肉食👍🏻瀨粉本來無味，只係滑，不過沾上少少鵝油汁，味道就立刻升級👍🏻🥳

今天晚上想不到吃什么，随即想到买些烧味回家再加米粉，简简单单又容易做的晚餐。见到很多分店的棋哥烧鹅，便买了双并(烧鹅加叉烧)外卖。只等了一会便可取走。回到家中打开，发现是烧鹅肶，令人真兴奋，而且叉烧份量也不少。烧鹅肶吃的时候还有微温，皮仍是脆的，啖啖肉，真满足。烧鹅肥美，皮又香口，点上跟着外卖的酱汁和甜酱，令这烧鹅肶更美味，不一会便把它吃光了。厨司把叉烧切得够厚，一口吃下去也是啖啖肉很满足。肉并不很咸，厚肉但仍松软，口感不错。甜甜的外皮同样地点上酱汁，把叉烧味道升华，真好味。

曾經幫襯過兩三次，覺得燒鵝比較好味，今次要了一份燒鵝的例牌，水準依然保持到，皮脆肉嫩又多汁，有一點煙燻的味道，比較與眾不同。另外有叉燒，油雞或燒豬雙拼的選擇 , 叉燒味道及肥瘦剛剛好，甜及鹹味亦十分夠，值得一提玫瑰露洒夠香。豉油雞比我預期中更好味，皮脆肉亂又多汁，生熟程度剛剛好，不會柴柴的，豉油味十分夠香，但不會蓋過雞的鮮味味。燒鵝價錢有點貴$150只有一個例牌，個人推介叉燒或其他油雞價錢較公道實惠。特別一提，如果叫燒味飯位置會比較差沒有淨食來得好食，因為棋哥啲燒味飯比較少汁及淡，飯會有點乾身，燒味的位置，亦會比較差但價錢絕對不建議。