食物不錯👍🏻咸點好食😋甜點好好食😋 High Te 二人餐，抵食！ 雖然包飲品，杯 Ground Coffee 好飲 但都忍不住要加錢叫她的特飲，好睇又好飲，必試之選。 今次第二次去👍🏻可以 encore 好多影相靚景😍

什麼胃口吃晚餐，經過地茂館想起他的甜品不太甜，入去點了一個芒果黑糯米，既可開開胃口又可以填肚子，糯米有益補血。 沒有叫我失望！不太甜黑糯米，讓芒果甜味滲透，配上椰醬，椰子味不太濃。 好味道

被門口介紹的椰汁西米馬蹄爽吸引走入去地茂館， 桌椅相距有空間，坐得舒適。 落單最後選了芒果涼粉小丸子，女人善變😂 再追加 2粉湯丸和紅豆馬豆糕 3樣都好不會過甜，好清香，好好味。 馬豆香好吸引，個糕軟硬度剛剛好。 湯圓甜度適中，個皮好煙韌，正！ 芒果涼粉小丸子反而相比之下冇咁特別 下次再試下椰汁西米馬蹄爽

難得放假 就行街休閒一下 走累了 找間 Cafe 坐下 點了 Lemongrass & Ginger tea 和我最喜歡的 Tiramisu Gelato Tea 的香茅味好重好香 Tiramisu 的啡味不重

當 Coffee shop 無位坐 @eurogogohk 都是好選擇 最驚喜是有我喜歡的法式麵包布甸😋 工作都可以好 Chill 麵包布甸一放在面前，香香的玉桂味飄來 喜歡它口不太甜 外脆內 Juicy

今次試兒時頹飯 「薑蔥豬扒蛋飯」 上枱毫無頹意，眼前一亮 一如既往上碟好靚 每次都眼福肚福滿意離開 豬扒大大頂，少少肥邊，配上薑蔥汁，忍不到不吃 個飯仲有甜豉油汁加上荷包蛋汁🤤好味！ 真係平靚正 要諗定下次食乜✌🏻

我和老公每次到銅鑼灣都到某幾個地方食晚餐，好似試新嘢，今次四圍行，去到 Fashion Walk, 見到牧羊少年咖啡館，佢話要扮文青，我就暗爽，因為我恨食呢間好耐。 去到門口，先被門外大柱上的字吸引，我們坐在近門口的枱，雖然好似店面不大（其實店內有許多枱），每張枱都有私隱度，呢樣就啱我鍾意放空的人。 我很鍾意試小店的薄餅，見到芥末又一定忍唔住要試，「法式芥末雞肉薄餅 」中晒我鍾意嘅嘢，這個薄荷的芥末好醒胃，本來是主菜，卻很適合當我的 appetiser🤤兩人好快 K.O. 薄餅，老公食慣其他地方的”芝心批底”，今次食要佢食薄批底，本來有點意見，點知佢食完芥末雞肉薄餅後，他就愛上了，完全令佢改觀，就好似食了法國餐咁，份量不重，不膩不滯，有品味的感覺😂我被佢笑死。 另外我們點了「香煎加拿大保濕豬鞍配蘋果泥」我哋被佢個名吸引叫來試下。上枱好靚，豬鞍果然保濕😝鎖住肉汁，配上蘋果泥，味道好清。。。其實我豬左，開始時，我只被「香煎加拿大保濕豬鞍」吸引了，以為配平時的薯蓉，一入口發覺有清新味道，才知道是蘋果泥。呢個真心推介，2個味道好夾，連不喜歡試新嘢的老公都話得，佢話下次再叫😬咁即係話我哋 list 上常去餐廳又多一間 Yeah! 其實 2 dishes已經飽，不過我一早被 Menu內的 tiramisu 張相吸引了.... 有傳統的手指餅😍OK 要尊重餐牌上面個名「卡魯哇咖啡酒提拉米蘇」好長。見到甜品上枱，都無暇去研究它的名字，咖啡酒味淡淡的，與甜度好夾，入口幼滑，我知我一定鍾意❤️估唔到平時只吃一口，我幾乎獨佔的甜品，今次老公竟然同我瓜分，「卡魯哇咖啡酒提拉米蘇」好嘢👍🏻 我諗我下次再嚟要食多一次今次嘅 order，要下下次才可以試新嘢😂

初心 - 草莓乳酪 今日同 2個少女一齊食，就點粉紅少女般的 “初心” 不論名或顏色都好切合今晚的飯腳😂 味道有淡淡士多啤梨乳酪味，食到中間，發現有士多啤梨醬，大家已經很開心，再下一層，又有驚喜，見到綠色的啫喱，大家同一時間叫了出來，哇同士多啤梨醬和士多啤梨刨冰味道很夾。好滿足，最最最驚喜，個底仲有椰果😍真係超開心！ 今次再來甜姨姨，多了很多甜品，要快快再來一次。

今日終於可以帶老公食橙象😬我自己食過 4次。。。。就知我有多喜歡這間餐廳，好期待帶他來食😍 我好鍾意食牛肋骨，不過每次來到橙象總覺得牛肋骨不是泰式菜，所以沒有點，好似老公特登點俾我食。 炭燒牛肋骨，好香，肉質嫩，個香料好好味，覺得好特別。配上醬汁味道突出，又不會搶了牛肋骨的肉味，正！ 男人就是要澱粉質😂老公竟然點了蛋網海鮮金邊粉，之前吃過這裏的金邊粉，覺得不錯，建議他試吓唔太喜歡的金邊粉，他選了名字有趣的蛋網😂其實我有少少失望，我以為蛋網，那個網狀真是一格格的，原來是一片很薄很薄的蛋漿造成的但包，不過上碟後一切開蛋皮，金邊粉的熱氣令整碟粉變得給我，再把薄薄的蛋皮配上有鑊氣的金邊粉，好好味。 最喜歡這間餐廳每日都有$1優惠，之前我每次來都會安排在星期四，因為想食他的飛天通菜，今次我選了星期一，就是為了泰式明爐烏頭魚，$1 食泰式明爐烏頭魚，其實真係擔心有啲「伏」，心想會否太細條或者。。。點知得喎！Size ok，味道仲好好，又係個醬汁非常好👍🏻 兩個餸兩個不同的醬汁，味道都很夾，下次試吓再叫其他菜式，看看他的醬汁是否有不同，感覺很有心思。我是不太喜歡掂醬汁的人，不過今次感覺有驚喜。 打算食到近尾才點每次必飲的椰青，怎料竟然售罄，如果大家跟我一樣喜歡野餐的，記得要早點下單。最後我們點了椰汁冰和鹹檸七喜，滿足地埋單。 其實想叫埋甜品，但真的吃不下了，下次下次。

老媽拌麵款式多，一定試我鍾情的麻辣。 今日點了 「地獄麻辣牛拌麵」 食麻辣拌麵最怕味道太咸，這個拌麵一點都不太咸，應該說咸度適中，麻辣味道又夠濃，如果喜歡激辣，那麼這個麵未必適合你，但是它的辣度我很喜歡。 它的牛不是牛展，而是片片牛肉，加上麻辣汁好好味，我估我下次嚟都係點這個拌麵😂可惜星期六、日飲品散叫不跟餐。