板神鉄板燒日本料理 (駿業街)

營業中

休息中

和老公補祝情人節，專程嚟觀塘呢間板神食鐵板燒，鋪頭位置近海邊，由地鐵站行過嚟幾分鐘時間。一入去先招呼我哋喺壽司吧度坐低，然後比Menu我哋揀，鐵板燒同廚師發板都有幾個選擇，低至$880 /二人起，難得可以兩口子出來慶祝，決定食個好少少嘅，點了鐵板二人前$2200 /二人（另加一）。跟住店員就帶我地入房坐，鐵板前面有大概八個位，已經有兩位客人用膳中，我哋就乖乖坐好等食啦。先食前菜沙律，一邊食一邊睇師傅表演，佢先將我哋點嘅龍蝦放上鐵板燒，雖然見着一隻生嘅龍蝦被燒熟是帶點殘忍的。師傅幾下手腳已經可以起肉，龍蝦殼就攞入廚房熬湯。龍蝦膏加上用龍蝦頭熬出嚟嘅汁一齊炒，最後連買龍蝦肉同蔬菜一起品嚐，鮮甜無比，肉質爽嫩彈牙，可以選擇點岩鹽和黑椒，但原汁原味也很好吃。第二道菜是銀鱈魚，分量有差不多一隻手掌的大小，魚皮煎得香脆，魚肉滑嫩，魚油甘香，非常可口。第三道菜是鵝肝，厚切之餘仲要相當大件，師傅將佢慢慢咁煎熟，同時烘一塊麵包墊住索油，每人可以有兩件鵝肝多士，香噴噴，口感一流。第四道菜是A5日本宮崎和牛薄燒，好大張「被」呀！在鐵板上快速燒好，師傅加上大量乾蒜和蔥花，用牛肉卷着然後

友人知道我近排工作繁忙，特登在網上找到這間食日式鐵板燒的餐廳，利用美味的食物忘記煩惱！這間餐廳位於工廈地下，只是看門面已經覺得是高貴的食物！餐廳內分有燒鐵板的位置和整壽司的位置，也有分有房間，而我們安排坐於壽司師博的bar枱！看看餐牌，有一人餐和二人餐可以揀，也有廚師發辦款式選擇，而我揀選了廚師發辦-梵一人餐！前菜、沙律，前菜就是日式醃菜，酸酸地好開胃！沙律是拌上日式柚除醋的沙律菜，還有腰豆和粟米，非常健康醒胃！刺身5款，這天的刺身包括有眼仁奈、鯖魚、牡丹蝦、帶子和鰤魚！眼仁奈包了紫蘇葉，還有柚子汁蘿蔔蓉，口感彈牙！鯖魚平時食開有調味的，今次師博作沒有任何調味，但是沒有吃到有魚腥味，反而吃到有魚的鮮甜味!牡丹蝦已稍作調味，不用點上任何醬汁更能吃到蝦的鮮甜味!帶子用上兩款不同的調味，一款是檸檬汁，一款是綠茶鹽，前者清新鮮甜，而後者咸咸的，更能提起帶子的鮮味!鰤魚油脂較豐富，味道有點像油甘魚，魚上還有柚子胡椒，能減去油膩感。蔥吞拿魚蓉飯，這個飯用上茶碗盛裝，很特別!內裡吞拿魚蓉較飯多，魚味濃郁，再加上有蔥花，令味道更突出。壽司三件，分別是八角魚、海膽和鰹魚，八角魚口感爽口，魚味濃郁。海膽是

今次係我第一次食Omakase😍期待咗好耐！好彩朋友預先訂位，8pm時再有其他客人想walk in都已經冇位了❗️店舖入面比我嘅感覺係好似示範單位，而且有好多獨立房間，而且裝潢都好靚～估你唔到嘅係呢間日本餐廳竟然係廁所擺放左好多比客人清潔用品，連Hand cream都有，勁細心！餐桌擺設好有心思，連擺筷子嘅都係條魚仔，而店員都周不時會幫我地換抺手布，而店員姐姐後來仲換咗日本紅茶比我地，可以消滯～前菜係日本昆布、大根同紫蘇柚泥，個昆布比平時食過嘅濃味，店員姐姐提我地逐小逐咁食～沙律店員比咗wasabii醬同芝麻醬俾我地試第一件上嘅係深海池魚刺身，賣相好靚呀！平時我好怕食魚類嘅刺身因為好多時都會有種腥味，同埋有啲韌，但呢一個唔會，唔會令人反感！之後嘅帶子上面有綠茶鹽，師傅提醒我哋唔洗點豉油，咁樣就可以食到帶子嘅鮮味之後嘅牡丹蝦同樣個表面有蝦粉，都係唔洗點嘢都好夠味！之後係春魚刺身，有輕輕煎煎魚嘅表面，個口感會多層次啲之餘賣相又有少少金黃色，而舊魚有少少肥同有油脂，所以配咗柚子酸汁蘿蔔做伴，令個口感冇咁油膩！壽司三件就有：金線鯛，梳子魚，海立魚加安康魚魚乾，賣相好掂同唔腥！最不得了嘅係呢手卷，

係觀塘收工又想搵啲好野食，就黎左呢間板神鐵板燒，見到個餐廳環境都好似唔錯咁。同朋友叫左一個鐵板燒餐同埋一個廚師發板既一人餐前菜有沙律同埋一啲酸酸甜甜既pickles，都幾開胃。然後就見到我地一陣要食既燒龍蝦好大隻師傅係我地面前燒，好香龍蝦味！師傅知我地兩個人食幫我地分左一半，佢仲有再加左龍蝦膏，包保夠晒味呢到係廚師揀既刺身5款，每樣都好鮮甜，完全冇失望。然後就到蔥吞拿魚蓉飯，雖然話分量唔算多，但咁樣先岩岩好唔會膩，好食啊！然後係壽司3件，賣相好吸引食食下又到番鐵板燒餐，呢個係A5日本和牛，加埋鐵板燒既醬汁，又香又腍，一啲都唔比刺身差啊最後仲有手卷食，好豐富夠晒飽但又食到晒每樣食物既精粹龍蝦頭仲會攞黎煲湯，湯底係麵豉湯，加上龍蝦味好正除左甜品之外仲有雪糕食，真係好豐富既一餐

在觀塘平常都是去一些工廈搵食， 今次來到工廈區的一間地舖吃鐵板燒！餐廳設立獨立房招呼客人，而每間房會有一個鐵板燒的廚師在客人面前即點即燒，因為客人比較多，我們要和其他客人在同一間房…我們點了一個二人餐，非常豐富進食之前會有熱毛巾清潔雙手前菜和時令沙律前菜除了醃蘿蔔還有紅洋蔥和醃牛蒡之後侍應會把我們點的食材送上， 龍蝦很大隻！還有前面的是鵝肝和銀鱈魚配一些自家調製的醬汁燒龍蝦忙著看師傅為龍蝦起肉和調汁忘了拍照 ！ 龍蝦的肉也不少！ 而且果然是新鮮龍蝦肉質非常結實爽口，很有咬口！搭秘製醬汁，少少燒過的鹹味還有點龍蝦膏的味道，非常鮮味！是特濃龍蝦湯的味道！燒銀鱈魚這個是我的大愛！ 明天看著銀鱈魚放在前面平凡地燒著，但一吃落口怎麼這麼好吃！師傅細心地為魚柳起骨，魚柳用牛油去燒，所以帶點牛油的香味，而且外脆內軟！表面是脆卜卜的，吃到入面肉質非常鮮甜，真的有一個甜味湧出來！ 個人覺得值101分！！燒鵝肝鵝肝燒得非常之香，和烤過的麵包一起吃 ，麵包中和了鵝肝的油膩，而且烤過的麵包脆卜卜很容易入口，鵝肝入口即溶， 一點也不漏！燒雜菜燒雜菜有露筍，紅椒和香菇，賣相精美A5宮崎和牛薄燒廚師先將大量嘅蔥和蒜

一般想食高價位日式鐵板燒都要出到去尖沙咀銅鑼灣等旺區，今次發現咗一間隱藏喺觀塘工廈區之中嘅高級日式鐵板燒餐廳。決定過嚟試一試，點左最基本嘅二人餐定價$888，加埋一買單九百幾。包頭盤刺身，三款魚同埋帶子魷魚，刺身質素不過不失唔算特別出色。鐵板燒嘅食物質素就唔錯，特別係鵝肝好食，銀雪魚煎得嫩，最好就係鮑魚新鮮彈牙。不過稍嫌份量太少，但以呢個價錢來講合格，又唔使出到去旺區，支持下唔同地區嘅餐廳，可以再食。

好耐冇食過咁高質既鐵板燒首先餐廳裝修高檔，有房間間隔，環境舒適，職員殷勤有禮，頻頻加茶。師傅係客人面前制作，簡直係視覺同味覺上既享受，而且師傅好nice，所以食得好自在。點左套餐，有前菜、沙律，有龍蝦同鮑魚揀，我地揀左龍蝦，除左師傅燒得d龍蝦好香，佢仲加左d用蝦膏整既醬汁係面，為美味既龍蝦再加分！龍蝦頭都唔會嘥，職員會攞去煲湯，所以之後個湯又見返龍蝦頭。本身唔係特別鍾意魚，但師傅將個銀鱈魚燒到表面好香口，而魚肉仲係滑滑，食唔停口。全晚最愛:A5和牛薄燒，好味到暈，師傅仲可以因應客人喜好整生d或者熟d。最鍾意睇師傅整和牛炒飯，每個環節都好認真，整出黎當然亦都好美味！最後食埋個雪糕真係好滿足呀！

2020年2月1日 星期六終於嚟到二月份，雖然一直都喺度放假，不過受到環境影響，心情都好似麻麻哋，好彩我有個體貼嘅女朋友，今晚帶咗我去觀塘食飯，佢話有一間鐵板燒網上面好多人都推薦入到去發現位置唔算太多，因為分開咗一間間房，每間房都大約有八個座位左右，有一位師傅係好大塊鐵板上面燒食物，私隱度好高我地選擇左要呢個餐，貪佢咩都有，而最重要係有得食龍蝦同和牛，好期待師傅會燒成點等左一陣食完沙律師傅就拎好左材料出嚟準備燒，見到全部材料都好新鮮，特別係隻龍蝦，仲係好生猛，師傅就即刻燒左佢先由於燒既過程實在太吸睛，我都無用相機拍低精彩時刻，只係影到製成品燒活龍蝦，龍蝦切成一細細舊，令到每個部位都燒得好平均，而且表面仲有龍蝦膏包住，所以每一啖食落都充滿龍蝦味，調味剛剛好之後有燒銀鱈魚，少少地份量岩岩好，魚肉好嫩滑，但係外皮又好脆，係屋企完全做唔到呢個效果，再問師父點樣燒嘅時候，師傅話唔好不斷反轉條魚，要燒好一邊先再反轉另一邊，咁就可以鎖緊魚肉但又做到外皮脆嘅效果之後係非常邪惡嘅鵝肝，一見到好大舊嘅時候心諗會唔會好滯，但係同麵包一齊食嘅時候又唔會覺得太油膩，可能麵包已經吸收晒鵝肝嘅油份，兩樣一齊食又出奇

早排聽聞係觀塘開咗一間日式嘅廚師發板鋪頭，今日終於抽倒時間book到去食啦！餐廳裝修幾骨緻，同師傅傾計都傾得好開心！我點左一個每位$880嘅omakase,首先先試吓佢啲漬物，分別有蘿蔔、牛蒡、紅酒蕎頭，我特別鍾意佢嘅牛蒡，之前食過好硬嘅，但係呢一度咬落居然係好爽口！之後到刺身嘅部份，我哋試左帶子同赤背，帶子嘅食法引到我好深刻！帶子兩食第一就係師傅一拍即食，我會見到粒帶子都好似識郁㗎，大大粒非常之新鮮！第二就係喺帶子上加綠茶葉，同樣新鮮，不過我比較鍾意第一個食法多啲！非常特別！之後仲食咗珍寶size嘅牡丹蝦，佢有一個好特別嘅裝飾，係松針，唔食得架！哈哈😄我好鍾意佢牡丹蝦嘅調味，係自家製蝦粉，令到蝦嘅鮮味更濃郁更出！之後就食咗個蔥吞拿魚溶飯，睇住師傅blend 開新鮮嘅吞拿魚，美味！終於進入壽司🍣之旅！師傅介紹咗一種我之前未食過嘅魚，係針魚。魚嘅味道淡淡的，再搽左薄薄一層嘅醬油，可以唔駛點豉油，有淡淡的魚香味，唔錯！鰹魚而家種魚師傅話係吞拿魚近親，唔怪之得我咁鍾意食啦！吞拿魚是我的最愛💕安康魚魚肝手卷呢一種手卷我係第一次識嘅，魚肝味好濃郁，加少少青瓜，可以沖淡啲膩味，呢個配合好好！食過都

難得係公司附近(觀塘)搵到正宗既鐵板燒餐廳,當然要約埋朋友去試!一坐低就有服務員遞上熱茶同 熱毛巾,而且佢每張台都有間隔,私隱度較高之餘服務亦都算周到.1️⃣龍蝦超級爽同彈牙！而我好欣賞既係佢個醬汁，雖然冇認真聽師傅講解個醬汁不過佢加入咗龍蝦膏！食落嘅口感多咗一份creamy既感覺2️⃣銀鱈魚整個銀鱈魚都係煎出嚟，所以由內到外都係咁香脆，坦白講佢冇好多嘅調味，但係個魚都尚算滑，加少少隔離嘅岩鹽食味道已經好好3️⃣鵝肝都係一樣，冇乜好多調味，所以就係煎香左嘅鵝肝放上多士，由於冇酸酸既醬汁，食落都有少少膩。不過鵝肝嘅質素好好，好肥美！4️⃣ A5宮崎和牛薄燒和牛加入左啲韭菜同聰蔥花，食落口感幾Rich. 而且牛肉亦都好嫩滑5️⃣龍蝦麵豉湯餐廳將個龍蝦頭拎左去煮麵豉湯，都幾特別，有少少西式嘅龍蝦湯味再配入個麵豉湯～唔錯！今餐都食得幾飽下，另外仲有前菜甜品同埋和牛炒飯👍🏻❤️喺觀塘區搵到呢間餐廳都算係唔錯嘅選擇😝

呢次係我第二次嚟板神食鐵板燒，之前聖誕食咗個一千蚊有找嘅二人鐵板燒套餐，性價比勁高(節日價喎)，仲記得隻鮑魚郁下郁下添！有見及此，今次再嚟食，我就嗌另一個餐試下😜。餐廳設有多個包箱，私隱度高，無論情侶定一班人都好適合，而且更可以近距離望住師傅喺你面前煮，大飽口福眼福😆。由於朋友唔食鵝肝，所以我哋一人叫咗一份鐵板一人前($880/1位)，另收加一！價錢唔平啊，無我之前食個餐咁抵，但食材唔同嘅🤭。前菜嘅醃漬有牛蒡、蘿蔔同用紅酒釀嘅蕎頭！最尾嗰款第一次食，無平日嘅蕎頭咁濃味，我本身仲以為係洋蔥添...🙊，問返個師傅先知究竟。時令沙律🥗，沙律菜上淋上柚子醋同搭配紅腰豆，味道正正常常啦，但我自己唔鍾意紅腰豆☹️。主角出場喇，就係活龍蝦同銀鱈魚。龍蝦真係超生猛，仲不斷反抗！龍蝦應該係劏咗無耐，所以當佢被放喺鐵板上燒嘅時候，啲腳都仲郁緊🙈。我哋見住師傅將隻龍蝦由生煎到熟，再拆肉。拆肉後會切開一粒粒，並用上龍蝦嘅膏同牛油煮，聞到超香😌。當上碟嘅時候，佢嘅造型已經唔係一隻龍蝦😂。龍蝦肉超爽超彈牙，個汁好香濃、惹味，如果有碗白飯就正，哈哈。龍蝦夠哂大隻，所以有好多肉，唔會唔夠喉。跟住就係🐟銀鱈魚，魚肉好滑，

琴日就係情人節,咁岩大家都唔得閒,男朋友即刻補上名貴既一餐!!唔知男朋友係邊到搵到一間,非常非常之靚既餐廳!!黎到門口已經覺得超有氣勢!!入到去更加大開眼界~超有禮貌既對待,感覺自己好似VIP男朋友早早已經選擇左個套餐,所以好快就黎左個前菜~首先有蘿蔔 牛蒡 青瓜等,全部都胃係酸菜,蘿蔔非常之爽口.跟住就係呢個新鮮銀鱈魚,一路望佢廚師去煮,一路流口水,細細一舊仔,估唔到咁好味!!師傅好用心細細去煮,原來係想等到皮脆,入面既肉超級鮮甜,又嫩,內滑外脆,係我食過最好味既魚之後黎個雜菜,有冬茹,南瓜,仲有一個好好味,入面有一粒粒 好特別!!冬茹睇落好似普通冬茹,但食落勁似好大隻個種茹,多汁爽口,好好味~當店員拎黎個一刻,對眼發曬光,男朋友果然唔話得,好記得我鐘意食牛,呢塊A5日本宮崎和牛真係靚到爆,又厚又大塊,仲要有個靚仔廚師係你面前,問你要幾成熟,即埸炒蔥,自製既蒜片,用呢個和牛包住.超級好好味!!我叫3成熟,真係做到岩岩好,肉汁超濃,嫩滑肉汁.最後在黎一個和牛炒飯,和牛切到一粒粒,用上唔同既調味料加材料,炒到每粒飯,粒粒都有齊呢d材料,之後在加上和牛,超級好味,味道岩岩好,最舒服既一餐!

板神今日同女朋友預祝情人節，當然搵間好食既餐廳。門面裝潢典雅，經過玄關進入餐廳，鐵板前用餐，欣賞廚師的手藝。前菜小碟沙律菜，入口清爽新鮮，十分開胃活龍蝦師傳會新鮮屠宰的活龍蝦，用龍蝦膏煮出嚟嘅汁，啖啖肉好惹味銀鱈魚外皮煎到脆卜卜，肉質不會太韌挻香口，幾厚身有魚的鮮味薄燒宮崎牛肉捲着了蔥和炸蒜，宮崎和牛入口即溶。沒有油膩感，牛香味挻重麵豉湯依個湯不簡單，用左龍蝦殼來做這個麵豉湯，感覺很鮮味和牛炒飯細細碗其實很多，不會硬口感不錯， 很怕食油膩的炒飯值得讚既仲有店員的服務， 照顧到客人所需

受疫情影響 都好耐無同朋友出街食飯今日就約埋好姊妹去食好野 調劑下板神離地鐵站大概十分鐘路程 揸車嘅都可以泊附近啲街嘅交通嚟講算幾方便有唔同嘅餐選擇 鐵板刺身或者兩樣都有都得價錢每人由$580-$1140都有 豐儉由人筆者今次同朋友就揀咗$2280兩人用嘅鐵板燒套餐✨前菜&沙律前菜係3款漬物 酸酸地幾開胃沙律個醬汁係醋再加咗啲芥末 幾清新開胃筆者最鍾意佢有紅腰豆haha食完前菜就入正題喇喺開始燒之前 師傅會俾你睇下啲材料先嘅真係見到都流晒口水喇✨活龍蝦龍蝦肉鮮甜爽口彈牙 燒到剛熟就即刻上枱再加埋用蝦膏整嘅汁好夾好好味✨銀鱈魚魚肉嫩滑 魚皮燒到卜卜脆加埋個燒汁一流阿✨鵝肝鵝肝嚟講呢就唔駛點多講都係熟悉嘅鵝肝味 充滿油香嘅✨A5日本宮崎和牛薄燒啲牛嘅油脂好靚 未燒已經好期待啦燒之前師傅會問個牛肉熟度嘅筆者呢個係三成熟牛肉中間夾住蒜片同蔥 減輕肥膩感之餘又唔會蓋到牛肉嘅油香味同肉味 好食😋✨和牛炒飯和牛量都唔少 睇住師傅即場炒然後炒到粒粒分明 都真係一種享受✨龍蝦麵豉湯濃郁嘅麵豉湯再加埋淡淡嘅蝦膏味令到普通嘅麵豉湯帶點不一樣✨日式甜點焦糖多士 - 又甜又脆卜卜嘅多士大概都無人抗拒到㗎喇綠茶蕨