影片
更多
2020-03-02
221 瀏覽
最後一個婚前情人節，當然要好好慶祝一下，咁岩有個朋友係觀塘附近返工，聽講有一間門面已經好靚，入面食物質素好高既餐廳，早兩日即刻book位了！果然黎到門口真係大開眼界，好大好高級既感覺，入到去有個小小既位置坐人，我仲以為咁細？原來每一個房入面都有一張枱一個廚師，一對六既招呼！第一次食咁高級既餐廳，好期待！裡面既環境好高級，每一樣野都好整齊放係一個位到，今日一早已經睇左餐廳，同男朋友決定，一定要豪食一餐，所以選擇左呢個套餐，仲可以食龍蝦～－前菜＋時令沙律－沙律有一種酸汁，令人非常開胃，另外有個漬物，蘿蔔爽口清甜，岩岩好～－活龍蝦－活生生一隻大龍蝦，每一樣野都好精心分好，龍蝦開一半，龍蝦膏已經分好出黎，唔怕流走曬，廚師即場煮，龍蝦腳仲郁郁下，好新鮮，好吸引呀！！廚師起肉，仲好好禮貌同我講，其他龍蝦殼同入面既肉同膏會拎去煲湯，等左一陣就有得食啦～好鮮甜既肉，爽口彈牙，回味無窮呀！！－鵝肝－跟住就到呢個鵝肝，又厚又大件，濃郁鵝肝味，配上有佢地公司既印花麵包，超好味，一人兩大舊，食到肚飽飽！－龍蝦湯－岩岩龍蝦頭放左落呢個麵豉湯裡面，仲有好多龍蝦肉，仲好鮮甜，好多膏，非常之好味！最後仲有個雪糕送，原
咁岩有個朋友係觀塘附近返工，聽講有一間門面已經好靚，
入面食物質素好高既餐廳，早兩日即刻book位了！
果然黎到門口真係大開眼界，好大好高級既感覺，入到去有個小小既位置坐人，我仲以為咁細？
原來每一個房入面都有一張枱一個廚師，一對六既招呼！
第一次食咁高級既餐廳，好期待！
裡面既環境好高級，每一樣野都好整齊放係一個位到，今日一早已經睇左餐廳，同男朋友決定，一定要豪食一餐，
所以選擇左呢個套餐，仲可以食龍蝦～
－前菜＋時令沙律－沙律有一種酸汁，令人非常開胃，
另外有個漬物，蘿蔔爽口清甜，岩岩好～
－活龍蝦－活生生一隻大龍蝦，每一樣野都好精心分好，
龍蝦開一半，龍蝦膏已經分好出黎，唔怕流走曬，
廚師即場煮，龍蝦腳仲郁郁下，好新鮮，好吸引呀！！
廚師起肉，仲好好禮貌同我講，其他龍蝦殼同入面既肉同膏會拎去煲湯，
等左一陣就有得食啦～好鮮甜既肉，爽口彈牙，回味無窮呀！！
－鵝肝－跟住就到呢個鵝肝，又厚又大件，
濃郁鵝肝味，配上有佢地公司既印花麵包，超好味，
一人兩大舊，食到肚飽飽！
－龍蝦湯－岩岩龍蝦頭放左落呢個麵豉湯裡面，
仲有好多龍蝦肉，仲好鮮甜，好多膏，非常之好味！
最後仲有個雪糕送，原本選擇左抺茶味，但咁岩冇曬，店員非常之好，諗住送多一球補償，
但因為之前Ｄ野食太好味，又好滿足，所以都係要一球夠了，
我叫左牛奶雪糕，奶味勁重，岩岩好唔會雪太硬，可以一下就食到。
超級滿足又滿意既餐廳，多謝你送上婚前最美好的一天情人節！
張貼
