李公館

營業中

休息中

第一次試食李公館 - 飯後感頭盤 - 茄味道濃厚，質感不是太焾，唔錯。杏汁白肺湯 - 足料，本人太喜歡杏汁味太濃，夠味。山賊黑椒牛柳粒 - 牛柳粒鬆軟，配上日本山賊汁，味道很夾。!黑松露帶子蒸肉餅 - 黑松露味很濃，買相ok，沒有想過黑松露可以用來蒸肉餅!大閘蟹蒸糯米飯 - 大閘蟹原隻上蓋在飯面上，糯米飯吸收了大閘蟹的精華，喜歡吃大閘蟹的朋友，推介。腐乳蝦 - 味道濃郁，配料跟主菜配搭得宜。蟹粉多士 - 難得多士熱辣辣送上，配以香滑的蟹粉，口感十足。蒸斑翅 - 魚蒸得啱啱好，沒有過火，好得。

朋友飯敍介紹去李公館試特色菜! 因為菜式名字很有趣，我們都好想試，最後點了烏賊汁墨魚豆腐，海鮮至尊批，山賊黑椒牛柳粒，蟹粉蛋白金苗盞，和腐乳蝦。烏賊汁墨魚豆腐墨魚膠釀在豆腐上，配以烏賊汁，吃的時候要好小心，冷不防全棚牙都变了黑色，頗新穎的配搭。海鮮至尊批個樣望埋去似pizza，沒有甚麼特別。但食落去，原來有很重的海苔味，很香口，唔錯。山賊黑椒牛柳粒朋友們奇怪甚麼是山賊？山賊原來是一款日本汁醬，牛柳粒鬆軟可口，配以洋葱用石鍋上，食到停唔到口!蟹粉蛋白金苗盞金苗盞原來係窩巴，窩巴內有蛋白，剛啱遇着大閘蟹當造季節，喜歡吃蟹粉的朋友，讚。香葉蟹肉煎肉餅 (跟迷你漢堡包)蟹肉餅煎得頗香，配迷你漢堡包，幾特別。腐乳蝦汁醬調教得唔錯，蝦吸收哂汁醬味道，下次一定Encore!

李公館 (灣仔)2014.05.11 母親節飲茶是日母親節，第一年為人新抱，當然要陪奶奶吃餐好~ 李生於網上找到這間李公館，便訂位齊齊來當白老鼠~位置很易找，於集成對面之商廈，也許假日緣故，商廈沒甚麼人，感覺很寧靜很舒服。出電梯後全層均是李公館， 大大幅「李公館」字畫掛於出電梯處，轉彎便看到，於入門口處左右各有兩間貌似房間的大圓檯，被落地玻璃圍著，感覺與外面有點距離，但又不會太局促~ 最盡處似乎是一間大房~這裡不太大，侍應不用很多，但反應很快，亦面帶笑容~ 點心紙上不太多食品，我們同行5人，點了9款食物~惹味厚切茄子 賣相不俗，看似冷盤，想不到茄子入口仍有餘溫，脆漿夠薄，汁醬有點似涼伴青瓜，酸酸甜甜的很開胃，最令人印象深刻是茄子的肉質，一般於街外吃，不是很生便是過熟太林，這碟茄子的肉質是剛好，咬下去很有口感，卻又不會感覺生，當然也不會有草青味，為這餐茶開了一個很好的開始！碧綠活剥蝦餃皇賣相很突出，用菠菜做的蝦餃皮厚薄適中，蝦更是大隻且爽口，沒有腥或不新鮮的味道，最重要，是有筍的，這才算蝦餃呢！原蝦鮑片燒賣皇沒想到燒賣裡的蝦也爽口大隻，豬肉不像坊間般過多肥肉，不錯~黑松露金菇雜菌春卷一向

朋友知我同老虎喜愛食咕嚕肉，介紹我黎李公館，適逢老虎嘅爸爸大人生日，一於大大細細一齊一家十口決定佔領李公館，老實說，完全無抱過咩期望，因為之前喺粉嶺都試過一間出名冰鎮咕嚕肉，但都唔係心目中要既嘢。第一次黎，又成家齊人，而且好肚餓，所以叫左好多嘢食，都幾喜出望外！等我又學下人咁寫下食最特別嗰幾味食評先！      一開波先黎個小食木耳海哲同椒鹽豆腐，海哲較酸，小小辣都幾開胃，而個椒鹽豆腐就好滑同有淡淡既豆味，無出面平時食好既炸到硬掘掘咁，一讚！      踢住黎既都係香口嘢脆皮牛腩，初初望落去以為會好似炸生蠔咁，又油又厚粉，但估到又唔算厚同唔會成口油，而且配合番個叻喱又幾合得來喎！不過可能因為本身我呢排食清左，個人就覺得有小小鹹。 跟住上既係蟹肉肉餅，呢個餸真係幾有FUSHION，我無諗過原來呢度居然會搞個BURGER MODE出黎，再配埋佢個酸酸的醬，頭先既濃味嘢真係FRESH晒，小朋友追住黎食添 第三道上既係紅燒野菌金磚豆腐，豆腐面頭有層好似菜既物體，我初時以為係齌鰻魚？點知食完就知我錯了，好滑，有啲似玉子豆腐，但又唔會好假既味（我唔鍾意玉子豆腐既原因），啲菇蚊得入味，最神奇既係

同事60大壽在李公館設宴慶祝!壽宴以四小碟作序：椒鹽豆腐、惹味厚切茄子、芥香木耳伴海蜇和八味魷魚鬚作為開胃小吃，恰如其分的好。而湯係傳統夏天用作解暑的時令湯品 －八寶海皇冬瓜盅，足料無味精，好味道。招牌菜冰鎮咕嚕肉(特別壽星版)，賣相悅目，應該是每檯皆讚的必吃菜式。咕嚕肉用拔絲包住再加上冰鎮的士多啤梨和蕃茄仔，是健康而味道配搭出眾的新派菜。千絲芥茉墨魚丸，爽滑的墨魚丸內釀着芥茉，外面用千絲包着墨丸，相信包釀也很花時間，起菜前即炸才有脆而不膩的水準。黑松露醬燒鴛鴦蚌，黑松露香味分別滲透入貴花蚌和珊瑚蚌內，配搭得宜，很惹味！欖角滋味骨，味道帶酸甜，比較濃味，肉質可望再鬆軟一點，那就更好了!翠塘海明珠，賣相靚。翠塘是香滑蛋白配以波菜蓉，而海明珠是鮮帶子，好味!清蒸沙巴龍躉，味道鮮美，又滿足了嗜吃魚的朋友們口福。黑松露燴野菌，菌類是比較清淡的食材，但加埋黑松露醬，還要用鐵板上菜，熱騰騰，香味十足。脆皮炸子雞是壓軸環節，皮香肉嫩，值得一試。最後以紫番薯壽飽及長壽麵作結。飯局就是這樣，最緊要係開心和分享美食，而最重要是參與的朋友試到飯店的招牌菜。飯局之後，已收到朋友詢問下次飯聚時間，水準如何，大家

朋友飯聚，第一次來此，見客滿, 滿有期望，結果有點失望而回。訂位時，特地訂了冰鎮咕嚕肉（特別版）。思量良久，也不知是什麼。終於上菜時，大家都忍不住猛影相。原來是用糖做了好像一座糖雕，下面一堆冰塊，冰塊下埋了咕嚕肉。另圍在一旁有冰糖水果，和一些閃燈。問侍者特別版有什麼特別，答案是用來影相。實在有點嘩眾取𠖥。咕嚕肉埋在冰塊下面，不熱，如果外冷內熱會很好吃。杏汁豬肺湯不夠杏汁味，不及富聲。茶香燻雞又不及國福樓。花雕蛋白蒸花蟹，蟹小、不夠鮮味，與蛋白不合比例。黑松露帶子蒸肉餅，肉很大塊、帶子很少，此組合遠不及傳統肉餅。脆皮墨魚丸不及傳統大排檔。薑汁鮮奶麻麻，蟲草花時蔬普通。未有一道菜能令我回來。

捻起蝦餃，真是不得不去李公館，菠菜汁蝦餃。其實都去過幾次晚飯，今晚去竟然有一個菜我係無發現，青芥茉青瓜墨魚柳，見倒朋友食到好開心，就試下，真的好特別，可能因為是青瓜與墨魚柳的配搭，好清爽。仲有個泡飯大家都一定要留肚食。

跟同事們食生日飯來到李公館，預訂了茶燻雞及冰鎮咕嚕肉 中菜一向都是同事的最愛，入到去裝潢潔淨古典，感覺優雅, 菜式果然都沒有令人失望!鼓油皇鴨舌鴨舌好入味，好快就比我地食哂招牌咕嚕肉咕嚕肉一上場，閃燈不停淨係買相已經滿分我地選擇了普通版,因為生日同事不愛食太甜,如果大家想食特別版記得早D訂啦!咕嚕肉食落感覺外冷內熱,香脆可口肉既質地出奇地滑,而且不失肉本身的鮮味，感覺很特別再加上冰鎮的士多啤梨和柑桔，果然品質保證，值得推介既招牌菜!!茶燻雞上枱已經聞到雞燻得好香食落雞肉也很嫩，茶燻得入味，唔係每間中菜館都整得好味生日同事最滿意這個菜式紅燒野菌金磚豆腐食左咁多肉都要叫返D菜食下個豆腐煮得夠入味，外脆內軟，配上雜菌味道好夾，唔錯 杞子濃湯浸娃娃菜面層的杞子香味四溢，由於加入了濃湯，所以熱度方面也能兼顧，娃娃菜清甜爽口，值得支持的小菜冬蔭公焗蟹蓋冬蔭公味好香,但食落又唔會蓋過蟹的味道絕對是在水準以上的一餐呀，而且茶具十分型格有特色，環境舒服，服務態度都好友善，是跟家人同事聚餐的上佳選擇，值得再來!

喺同事嘅介紹之下搵到呢間位置方便，座位寛闊，又適合大班人聚會嘅清靜地方。坐落喺集成中心對面，一幢商廈嘅二樓，好易搵。步入餐廳即時感覺一種古雅秀氣，裝修以翠玉為主題，地板門框都透出微微綠光，賞心悅目。設有兩間貴賓房及兩張獨立圓枱，夠唒私隱；普通枱同樣闊落，用上絲絨梳化，夠哂舒服。打開餐牌琳琅滿目，心大心細，全部都係新派菜式。我地緊係聽同事講訂位時，訂定招牌菜冰鎮咕嚕肉，果然名不虛傳，外脆內軟，脆皮帶傳統拔絲效果，肉嫩無骨，冷暖交雜，令人回味。隔離枱叫左升級版咕嚕肉，分別在於多左脆糖裝飾同増量水果，影相效果一流。另一代表作與別不同灌湯脆皮墨魚丸，亦相當出色，香脆外皮配彈牙墨魚肉，丸中間灌以鮮味湯汁，juicy茶香燻雞值得一讚，茶香四逸，外皮燻得脆脆嘅，成隻雞都冇乜肥肉，雞肉出奇咁嫩，正正層層疊係食得架，疊疊煎藕餅甚具鄉村風味，鮮味豬肉碎加爽口蓮藕粒煎得脆卜卜，不錯。玉桂蘋果安格斯牛柳粒，玉桂蘋果粒清新可口，惟獨牛柳粒帶梳打粉味，略為失色。石鍋紅燒野菌金磚豆腐，剛送上枱以為係魚塊，細看那薄薄一層灰黑部分原來係特別鋪滿紫菜絲嘅豆腐塊，就是這一層紫菜令平淡嘅豆腐帶來甘香，見廚師心思。海鮮什菜煲大

想試好耐，之前walk in同早1星期訂都話full 曬，諗緊係咪咁慳呀…之後就直book3星期後星期六有幾款招牌菜係需要訂的，分別係雞湯，貴牌同普通牌冰鎮咕嚕肉等訂左個普通牌，去到食1830，搞搞下1900就開始食，食到2100左右。真係full 場full到…但個場好鬆動，唔會好似平時既酒樓咁局住啲聲好嘈，都可同朋友細聲傾計，讚。呢到既價錢同質素係正比冰鎮咕嚕肉，好大碟，啲冰係面咩都睇唔到，好新奇咁一炒起佢，即試第一舊，好味，好脆，又有少少酸甜味，肉都無老，好入味!!同平時食開既好唔同，鐘意食酸甜野既一定要試試另叫多左2個送，都好足料，平時既海鮮雜菜煲，係唔會有象拔x同珊瑚x，咁當然佢價錢都唔係平時啲價，不過真係好味，可試。

約大學同學食lunch, 佢地不約而同提議食呢間！Book左位 Lunch去到唔係好多人，環境舒服清靜，地方同點心都甚有特色！3個女仔食量唔大，叫左蝦腸，鮑魚燒賣同瑞士汁黑豚肉炒河！個鮑魚燒賣ok好食，鮑魚薄片多汁，豬肉唔肥膩！蝦腸皮滑，蝦肉爽脆！瑞士汁黑豚肉炒河咸甜適中，又香又好味，河粉夠滑！黑豚肉入味！正！下次要叫多d朋友黎食先可以試多d點心！

今晚再到李公館家聚晚飯，一行十一人安排入房坐。先點了幾款前菜醒醒胃，芥香木耳伴海蜇、椒鹽豆腐、黃金泡菜、厚切茄子個人覺得黃金泡菜味道太酸，質地太濕。除過酸外，其實味道不錯，如果可以乾身一點、酸度減一點會更好每次必食最愛：招牌咕嚕肉【特別版】＊每日賣五至六份，要預訂最愛次點：九層塔胡椒蝦，夠鑊氣，連料頭都掃清切厚茄子爽脆，記得要沾上醬汁藕餅香口但入口比較油，包生菜一同食可減油膩感李公館的豆腐菜式豆味香濃，每次都會點一款豆腐菜式野菌金磚豆腐和椒鹽豆腐都一樣“讚“。本人唔鍾意太杰身既芡汁，如果芡汁再薄一點會更“讚“。冬瓜盅。。。屬清口味之選，雖說是清口味，但材料十足，絕不欺場

公司有Funding吃飯，同事建議來李公館，所以一行10人來試試。一星期前訂位，一天前預訂了炸墨魚丸，茶燻雞，螺頭湯及冰鎮咕嚕肉。環境不錯，因為被安排坐在房間，所以還算“鬆動”，如坐大廳，會比較迫。整體而言，每人HK$250左右，呢個價錢，在灣仔區食中菜，算是抵食了，味道雖然沒有驚喜，但想想去鴻星食飯，起碼都要HK$300per head ，呢個價錢，算是OK了。 所以如果大夥人，可以來試試。今次還有渣打信用卡優惠，有9折。整體而言，都覺得ok, 略嫌有D菜式不夠熱，這次來沒有預訂燻蛋，如果想試的朋友，記得預訂喇。

老公生日最喜歡食中菜,本身唔太鐘意食中菜既我,除非整得好味,如果唔係就唔會有下一次,去食晚飯我最唔鐘意限時,即想坐多一陣都唔得,所以揾到李公館,見食評唔差,book枱時又冇話限我時,所以決定要來試一次,2個人見中菜,叫既款式唔可以太多,於是點了3道菜1)冰鎮咕嚕肉(普通版)2)層層疊煎藕餅,3)冬蔭公焗蟹蓋1)冰鎮咕嚕肉(普通版)我選擇了普通版,如果選擇限定版分別係多咗少少生果,生果會有D糖包住,我同老公都不愛食太甜,所以點了普通版,食落感覺外冷內熱,香脆可口,肉既質地滑,感覺很特別2)層層疊煎藕餅食到蓮藕+豬肉+蝦既味道,油咗少少,都幾鬆化,老公話似炸燒賣,感覺都爽口,味道可以,但因為較油和太多肉,2個人食咗會感覺油膩咗少少3)冬蔭公焗蟹蓋味道不算突出,因冬蔭公味太重,反而食落蓋咗主角蟹蓋感覺

第一次係現場寫食評難得放假，可以同屋企人飲茶，呢間餐廳朋友強烈推介飲茶同晚飯。好，先試下飲茶。11點半去倒，現場已坐滿8成枱。雖然人多，但唔會好似茶樓咁嘈，隔音做得好，抵讚！！！裝修幾特別同坐得舒服。入正題有個著便服既人介紹左荔枝茶比我地，一試便愛上。之後佢仲介紹多款點心同粉麵，1.黑芝麻流沙包外型同茶樓d飽一樣，但係好食又特別2. 醬皇蒸鳳爪哩款係每次飲茶必食，味道比較重，ok3.雪影叉燒飽外型特別，味道超正，家中兩老超讚，即時將流沙包比下去一定要試！！！由於時間關係，要截稿了總結：值得一試，仲有個便服服務生，超好service，一定會再黎。