李公館

今天承蒙同事才有口福到李公館品嚐這餐farewell lunch飯局。從菜式視覺效果和味覺享受都很滿意，每款菜餚水準都不錯，多謝同事精心挑選每款菜式，讓我們有機會品嚐到各款不同美食，食到個個很飽肚和滿足感，菜式有＜脆皮茶燻雞＞連皮香脆可口，＜紫薯包＞，＜荔枝墨魚丸＞，＜春卷＞，＜冰鎮咕嚕肉＞，＜花膠雞湯＞，＜鰻魚炒飯＞，甜品＜芝麻糊＞，＜痳花蛋散＞等。😃…查看更多

假日晏晝想去飲茶，好多度都要等位，難得呢度有位。一睇點心紙就見到有麻蓉包，而家有呢款包嘅茶樓已經買少見少，見到梗係唔好錯過。食落冇失望，但感覺佢係加梛糖rather than 傳統白砂糖，不過整體嚟講係夠餡，而且有麻蓉香味嘅。仲有另一味都係少見既——荔芋香酥鴨。即叫即整，所以要等30分鐘㗎！上面一層芋角皮，最多係中間嘅芋頭餡，下面一片鴨肉。起唒骨，真係功夫菜。點咗半隻，都幾大碟吓，而且因為佢芋頭偏多，非常飽肚，再加上鴨肉不能避免油膩，所以六七個人應該半隻都夠食。假如你係想食芋頭嘅，呢碟絕對能滿足你，但假如你是想食啲肉，就揀其他啦。仲嗌咗野菌松茸餃、濃湯竹笙浸翡翠、椒鹽豆腐同上湯大蝦炆伊麵，全部都唔伏，但冇乜特別呢度就唔詳講啦。PS 食食吓見到出面好多人排隊，先發現原來呢度下午茶（2:00-3:45）最抵食，55蚊兩款點心，下次再嚟試吓先！…查看更多

一間老舊嘅酒樓已經買少見少，所以可以都幫襯同支持下。佢下午茶選擇都算多。咁當然叫少少懷舊茶式。一個無乜酒樓肯做嘅點心，豬潤燒賣，都幾滑，淮一有一件有少少筋 。叻一舊個豬肉燒賣好好味，有豬味得黎香甜嘅。另一個可以試到師父手勢都係腸粉，勁滑，蝦夠大，唔係蝦爥，條一隻隻大大隻，加埋翠肉瓜，咪脆囉，個蝦新鮮脆口。最後，一個鮑魚鮮蝦米粉，無記錯，四十零蚊。粒鮑魚唔少嘢唔少嘢呀，我覺得呢粒已值回票價。跟住個2粒蝦應該都同蝦腸嘅鮮蝦，呢碗嘢真係值晒。有人話呢到服務麻麻，so far又唔太有問題，一般飲茶，不過入座有少少咁多亂，始終人手都有少許年紀，姐姐都讀好驚比人鬧，不過我嘅體驗又ok喎。百頭食到有質素嘅舊舊點心，值。…查看更多

我哋一去到已經話訂咗枱，個職員搵咗幾次都見唔到我嘅電話號碼，要我幫佢搵先見到，跟住又話我冇訂枱要問另外一個同事，我同佢講你本簿明明寫咗，點會冇枱呀？真係莫名其妙！擾攘左一輪之後，有一位高級啲嘅職員就安排我哋入座。我哋叫左8道小菜，頭3個小菜要每隔20至25分鐘先上一個，到第4個餸竟然再等左半個鐘，即係1個半鐘只食左4個餸，簡直係吊鹽水咁食法，我哋追咗超過10次，啲職員都冇乜反應，又唔去廚房跟進，服務勁差，一定吾會有下次，超級失望，今非昔比了！…查看更多

昨天到此一遊竟然要等枱，環境還是那個老樣子，但已物是人非，食物質素和服務都是上佳水平（個人意見）看到評論都是去年以前的見聞，都係時候要洗下板，不然誤導大眾，期望李公館重新開始，開闢一片新天地。…查看更多

見到openrice食評驚一驚嘅 不過我本人著重食野唔太在意招呼 睇到其他食評嘅相 膽粗粗試下週末11點半去到無咩人 12點開始坐滿點心係自己整 食蝦餃就知係咪雪藏返蒸貨架喇茶水好熱 初頭熱到飲唔到 點心全部都好熱 腸粉一上枱係唔可以即刻放入口先講蝦餃 靚 好食 對得住呢個價錢啦 新鮮蝦 無腥味 皮靚唔泡腸粉 好熱 皮滑 菇菌腸仲加左脆脆增加口感 抵讚 而家好多師傅做左係果樣野就算 菇菌腸咪菇加腸粉皮囉 好少再去諗下點樣令件事好啲 所以呢個腸粉師傅會諗多層 我係欣賞 尊重🫡鮮竹卷就中規中矩 我有食過好食過佢嘅 就無咩好講 不過起碼個湯唔係死咸味精湯酸梅排骨陳村粉 呢個ok 鮮竹卷係可叫可唔叫 佢係「可叫」嘅程度 唔同一般酒樓係做豉汁排骨 佢用酸梅 所以要睇你鍾唔鍾意酸梅排骨去襯陳村粉底 有啲人可能都係鍾意咸口襯陳村粉 我自己覺得有新鮮感 亦無咁油膩 不過排骨唔係好多肉就是了最後有我最鍾意食嘅焗蓮蓉西米布甸 我唔會話非常好食 但會用食得吓黎形容 佢嘅優點點係香港人對甜品最高嘅評價 就係「唔太甜」😂 缺點呢我覺得唔夠「濃」但廿寧蚊 唔可以要求太多點心黎果陣無影相 食到尾先影左證明真食評 下次再去食再補影相價錢兩人埋單兩百幾 真係無投訴 成餐茶我又無遇到話樓面唔睬我嘅狀態 不過加水就比較唔係太主動 希望可以加強搵次試下晚飯小菜 本人平時飲茶一般去利x 或百x潮x…查看更多

細個成日都同屋企人嚟食，一路都水準唔錯。今日生日諗住好耐都冇食過，咁就帶埋男朋友一齊嚟食。Book咗位，一上到去全場侍應喺度望住，冇人諗住行serve 你。 全部侍應好似NPC咁企喺度，你要自己行埋去觸發任務。好啦，坐低咗之後落單。個waiter 伯伯又會落錯嘢，真心冇歧視成份，但係全場都平均年齡起碼65歲以上，我叫佢地又聽唔到又睇唔到，喺度發吽哣。我坐喺個位度真係好無助。之後嘢食到，真係可以講聲唔好意思冇下次。叫開個幾款望落去都係一樣樣，食落就真係第二回事。我自己覺得啦，起碼唔係我印象中嘅味道。咕嚕肉嚡到咬唔開，個豆腐食落口會回苦，個炒飯好似唔記得落鹽唔咁。啲嘢食嘅品質完全對唔住個價錢，絕對冇下一次。…查看更多

很長時間沒有光顧這間酒樓。 今次再黎，食物水準仍然保持到。 叉燒腸，加左櫻花蝦係面，腸粉香滑，又是另一種感覺。 牛肉大大粒，不過不失， 蘿白糕 蒸得好味，唔會死死實實。 唯一服務員服務相對差左。 如果2點後先到，可以有下午茶時間，相對性價比高好多。 鮮蝦豆苗餃都特別。味道唔錯。 另外 內部裝修唔錯，充滿了中國風。 茶壺好特別，好難攞。 甜品相對有的特色，在其他茶樓食唔到。 紅豆沙湯圓煮得剛好 夠光路。 茶葉味道淡，呢個係另一失色地方…查看更多

倒數回七月初為媽媽慶生的晚飯，選擇在灣仔的「李公館」。事前只去過「李公館」一趟，品嚐過數款點心，最令我難忘是殷勤的服務，加上地點方便，於是便萌生為媽媽帶來新嘗試的念頭！提前寫好菜單，9位享用兩前菜、九主菜、 一湯品及壽桃包甜品，加一茶價全包為HK$4,788，即平均每位 HK$532。最後額外點了幾款甜品，結帳為 HK$4,990。以份量、地區、服務和主動提供了房間而言，實在不算昂貴。唯菜式未予人有突圍而出之感，某些對比預期更有點落差、有提升的空間。兩款前菜是芥香木耳伴海蜇和八味豆腐粒，一清爽帶惹味、一香脆軟滑，兩款皆可口！不只老媽喜歡，夏天飲用消暑的冬瓜盅，令人倍感舒暢！香氣、湯韻來得自然，材料有夜香花、蝦仁、蓮子、瘦肉、帶子和冬菇等，做到了標準！意大利黑醋咕嚕肉亦是老媽的心頭好，雖然賣相一般，但黑醋味足，配上肥瘦比例佳的豬肉，感覺不錯！第一次嘗試用薑米代替蒜蓉的蟹粉薑米蟶子王。要讚的是當晚的蟶子頗大，面層用黃薑粉炒過的薑米飯、加上蔥花，帶出蟶子王的鮮甜美味，富創意及新鮮感。但美中不足是蟶子王有點蒸過頭了，以致蟶子肉略為過硬！特別要求西蘭花要稍為腍軟，方便老媽咀嚼，果然沒有遺忘，讚！至於蝦仁扒西蘭花的味道屬中規中矩，不過不失！香氣四溢的石鍋九層塔胡椒蝦，同樣是老媽所挑選的菜式！蝦隻新鮮、爽彈，吸收了惹味度恰好的胡椒香，令老媽吃得開懷！為肖為妙的荔枝樹，造型漂亮、像真度高， 這道別出心栽的菜式，起初為大家帶來了驚喜！可是，荔枝造型的墨魚丸，入口一點墨魚香也沒有，外內未能兼備，就是這一點點叫人大大的失望！再來的火炙牛肋條，不溫不火、牛味淡然，完全失去焦點！我們一家都愛吃蔬菜，杞子濃湯浸莧菜清爽香滑，能平衡肉類的膩意，叫人吃得暢快！熱騰騰的石鍋臘味飯，香氣和聲音同樣迫人。入口滿滿臘味香及油潤爽糯的米飯，正是難以逃離的澱粉誘惑，大家也吃得滿心歡喜！壽桃包是以低糖的紫薯作餡，相對蓮蓉與鹹蛋黃的來得健康，但人總是偏愛邪惡的！甜甜甜，生日當然不能缺甜！再來的西米焗布甸、陳皮紅豆沙湯丸、椰皇燉桃膠和烏卒卒黑芝麻奶凍，令老媽心甜口也甜！最緊要老媽日日開心、天天健康！…查看更多

疫情幾年沒有去李公館，今次再去戰戰兢兢。 點了別吃的咕嚕肉以及荔枝樹，水準都能夠保持😋 又可以打卡🤗 今次光顧有一位新經理推介了三款新菜式：包括酸辣魚，芝士龍蝦伊麵及豉油王海蝦，感覺也不錯。 酸辣魚是從來沒有在李工館吃過的，原來他們也可以做到這個味道😋 芝士龍蝦伊麵，在出邊常常吃，但是這間感覺芝士醬味道適中，而且面頭還有焊焗芝士汁份外咸香😋😋 慶幸疫情後，還有這一家經得住風浪的餐廳給我們作點聚腳點。🤗 …查看更多

這幾年一直都有幫襯李公館，無論是私人聚會或是公司部門的團聚。食物水準保持，員工都盡心盡力，態度良好。 最近晚餐試了一些要預定的菜式，雖不便宜，但物有所值。 每次嚟李公館，沒有一次失望…查看更多

Here is the best food and services, we had been eating here 1st time, gave me a very nice meal. since i am not familiar to read Chinese, the manager explained and translated to me and my family very detailed. Finally we ordered “Spicy Garlic Lobster”“Crispy Chicken”“Tai-chi fired rice”BOTH are very delicious. Final we had traditional dessert“SAGO pudding”I would rating ⭐️⭐️⭐️⭐️⭐️⭐️Thanks for Lee House Restaurant gave me and my family a wonderful night.…查看更多

好耐冇去食飯，今次去到有種桃花依舊，人面全非嘅感覺。有個好似經理嘅30+歲男人係咁sale我食海鮮…. 我話等埋其他朋友黎問下再決定啦，佢即黑我面，轉身行開⋯乜唔食海鮮唔得架！之後我哋冇叫海鮮只係叫左d普通餸菜，食下平民野乍。9個字後先黎第一個餸，終於係⋯等左好耐⋯又漏單😓問佢又話check下⋯等到d白飯凍曬（一個餸要等30分鐘⋯！）食到好冇癮！後尾聽到隔離枱都係咁吹d餸，之後聽到佢哋話轉左老闆，唔怪之得冇以前咁多客啦！原來已經轉左手🤦🏽又小左個好去處⋯⋯😓😓😓👎🏽👎🏽喂呀，好失望呀👎🏽👎🏽…查看更多

Cold like a freezer. A few tables complained about the strong AC but the manager didn't adjust the temperature.They never refill the tea for us but only pour hot water.Not vegetarian friendly at all.The toilet is very dirty and small.The Claypot are not hot enuf.The black sesame buns with flowy custard isn't flowy.The desserts such as milk pudding are overly floury. Yhe only thing I appreciate here is the crispy skin rice sheet rolls.…查看更多

好耐無去晚飯，咁岩朋友係外國返來，就約上去食飯。今次自己直接打電話去訂枱，一段時間無上去就唔好意思what’s app老闆訂枱，點知就中伏😞當晚上到來話無我訂座😠咁我訂啲餸呢？話完全無我紀錄，個位員工仲問我會唔會係訂左第二間？無野嘛？我話你地之前一日再打電話比我確認訂座喎⋯⋯你地錯仲賴我問題？？算～咁我問即係有無位，有就照食，朋友老遠返來唔想樣衰😤問老闆唔係度，坐低即刻what’s app老闆😫😫點知原來李公館已經轉左手，唔係以前老闆，佢已經無做😩轉左手我訂既冰鎮咕嚕肉特別版無，得普通版比我😡仲諗住比朋友驚喜❌咕嚕肉覺得較淋身唔夠脆🐔茶煙燻雞肉無咩味咁，但都係唔夠脆皮其他食物都算正常水準😞相都無心機影打卡😩完全影響我呢餐飯心情，叫人加水無人應，問啲餸又咩都唔知一間食店野幾好食都死，一肚氣之前仲諗住母親節訂呢度食飯🙅🏼‍♀️🙅🏼‍♀️🙅🏼‍♀️咪搞嘩～一陣帶老人家來到又話無我訂座咪死真係唔怪得啲人成日講北上消費睇番食評先知原來已經唔止我中伏…查看更多