有鑊氣-酸菜魚 (大全街)

營業中

休息中

這間位於大角咀的【有鑊氣-酸菜魚】，主打四川菜，多款特色的川菜及有鑊氣廣東菜式，而且沒有加一茶芥收費。凡於晚上7:30前結賬及離座，更可享全單85折優惠。生磨杏汁潤肺湯杏仁香味濃郁且幼滑，加上豬肺及雞腳，鮮甜味十足。老壇酸菜鱸魚即叫即做的酸菜魚，已經去骨切片，魚片雪白且嫩滑，魚肉新鮮，入口有淡淡泡椒麻香，另外還有芽菜及粉皮墊底。乾隆鹽水鵝皇鹽水鵝肉質嫩腍，而且很入味，另外還有鵝腸、鵝肝及鵝腎，是必食之一。家鄉炒米粉米粉加了蝦乾、菇、大頭菜等，新鮮熱辣且份量十足。

放工約咗大角咀見，小白兔話想食酸菜魚。一於就嚟試下。全店滿座，幸好還有二人枱。坐低睇下餐牌先 老壇酸菜魚例牌鱸魚每台都有一盤，雖然想叫大碟啲，但係得兩個人，叫住例牌先。酸菜魚賣相靚，色香味俱全 ，湯頭甜而小辣，酸菜多，還有芽菜， 滑溜薯粉，魚片多， 絕對堪稱為招牌菜乾隆鹽水鵝皇 例牌鵝肉咬落唔韌，配上沙薑醬令鵝肉味道更提升。底下還有鵝肝鵝腎。魚香茄子有鑊氣，上枱時醬汁還在翻滾，香氣撲鼻，味道惹味冰凍檸檬茶勁大一杯，透心涼，絕對夠兩個人飲

大角咀區大全街食肆林立，今個晚餐楝「有鑊氣酸菜魚」，因為7:30前結帳可享八五折優惠。乾隆鹽水鵝皇~鹽水鵝雖然比不上燒鵝那麼亮麗耀目，但食味一點兒也不遜色，鵝肉味甘平、補陰益氣、暖胃生津，用鹽水鹵鵝皇鹹香入骨又不油膩，還越吃越開胃，送酒下飯也兩佳宜。冰鎮咕嚕肉~好吃的咕嚕肉，造型圓咕碌，外層香脆，咬落肉質嫩滑，酸甜味道得宜；冰鎮效果又好看，雙贏！大澳蝦醬通菜炒鮮魷 ~大澳的蝦醬採用銀蝦製造，味道鹹香得宜，通菜和鮮魷，配合夠鑊氣，又是一道美味可口的家常小菜。豉油王炒麵~鮮美的豉油與爽口幼麵，食材簡單，但要配合大廚有鑊氣的廚藝，才顯得不簡單的味道，我們都滿意這碟豉油王炒麵。生磨杏汁潤肺湯~豬肺湯清潤強肺，杏汁具美肌滋潤，湯水裏還有豬肉和雞腳，口感非常香濃幼滑，喝畢滿口杏香。珍寶凍檸蜜~份量夠多，足味道，很棒！我們7:30前結帳，享用八五折優惠，而且沒有加一服務費，性價比高，值得再次幫趁。

大角咀真係有好多低調高質餐廳‼️呢個「有鑊氣」小炒一直都聽朋友推介話好好食，今晚終於都可以嚟食喇～～ 不過大角咀泊車真係唔容易，坐低一陣就有人抄牌！好彩老闆非常警覺，通知得切我哋見到每檯都必定會叫「酸菜魚」 or 「冰鎮咕嚕肉」我哋就2樣都order哂「老壇酸菜魚」酸菜金湯好好飲，酸辣味道好balance，唔會過濃，飲完唔會口渴鱸魚肉質好細滑，唔會有幼骨，食嘅時候好輕鬆 仲有寬粉、花菜！「冰鎮咕嚕肉」放左乾冰係低，散發着仙氣，忍唔住要影下相！有外在，亦都有內在喎❤️入口真係外脆內軟，外面有啲似冰糖葫蘆，但又唔會好硬好痴口，味道甜甜酸酸勁開胃醬汁唔會太多，岩岩好包住每一粒咕嚕肉裏面嘅肉係爽軟，唔係果啲軟到冇晒口感嘅肉，呢個冰鎮咕嚕肉真係好有驚喜呢度仲有豬油撈飯已經唔係好多地方可以食到

好耐未食過酸菜魚，喺英國返嚟嘅朋友話想食一間比較地道嘅酸菜魚，搵咗呢一間唔算好就腳，但食物質素非常高❤️❤️❤️🤩老壇酸菜魚鱸魚 ($198)酸菜魚使用新鮮的鱸魚，魚肉鮮嫩❤️❤️搭配酸菜的清爽與微酸，湯頭鮮香濃郁，帶來一種開胃的感受，入面仲有薯粉，好豐富！😍😍🤩乾隆鹽水鵝皇例牌 ($138)鹽水鵝肉質鮮嫩，經過精心調味，搭配特製的醬汁 🥰🥰🥰🤩生磨杏汁潤肺湯 ($40)杏汁的味道自然香甜，潤肺效果佳，既健康又美味🥳🥳🥳🤩星洲炒米 ($75)搭配豐富的配料與香料，味道濃郁🤓🤓🤓兩個人四百幾蚊食到好飽，真係唔錯！

今晚同女友食下飯，吹下水，6半去到坐滿大半人川味口水雞-香氣濃郁，雞好滑，少辣都夠入味，如果加多點麻就更正，配埋香脆花生好味醋撈高山雲耳-雲耳脆嫩，配上小蒜頭，醋。辣椒，呈現開胃感覺乾隆鹽水鵝皇-物超所值，鵝肉美嫩，味道濃郁，有白醋同沙薑各有不同口感，底部有鵝肝，口感超粉，鵝雜出色，加支青島。2個女仔都可以咁爽老壇酸菜魚-份量十足，選用鱸魚，肉厚夠滑，濃底好味，夠酸加小小辣，層次分明，底部吸入芽菜，薯粉，想起都會再去2個人440蚊，滿足😌7點半前結脹仲有85折，我下次要早多小小到好抵呀

大角咀大全街一家中菜館，集粵、潮、川菜於一身，見門前的海報「晚上7時半前結賬有85折優惠（星期一至四）」很吸引，便入內嚐嚐。店舖裝修簡約，整潔光亮。見牆壁上都是招牌菜式的推介，我便點了幾個特色小菜。“乾隆鹽水鵝皇”，大大隻鹽水鵝髀，肉厚多汁，原汁原味。附上砂薑醬及白醋調味，令鵝肉更鮮美。“冰鎮咕嚕肉”，創意菜式，咕嚕肉用冰鎮，泛起一層冰霧，彷彿神仙食物。雖然是冰鎮，即炸咕嚕肉仍是暖暖的，而外皮特別脆口，肉質肥瘦適中，肉嫩多汁。配上大大粒香印提子，清甜可口，果然是招牌菜式。“生磨杏汁潤肺湯”，材料有豬肺、瘦肉、雞腳等，生磨杏汁清香潤喉。“蝦乾肉鬆椰菜粉絲煲”，材料有蝦乾、肉碎、椰菜絲、粉絲，炒得香噴噴，熱焫焫奉上，粉絲亦爽口彈牙。“砂煲白飯”，由砂煲煮成的米飯特別香，口感也不錯，綿軟中帶質感。這裏的廚房廚藝出色，夠鑊氣，下次再嚐試其他菜式。

今次是第二次來，兩次都是9位圓枱，第一次朋友介紹來覺得食物質數好，價錢合理，8人OpenRice 訂座還有四小碟送，真的覺得抵食又好味，所以再帶另一班朋友來吃， 我們8人先到， 跟著叫那位短髮待應：「先上送的四小碟」， 四小碟都好快到了， 之後人齊便起菜，點知食到大半， 另一待應又放下一四小碟， 跟住我地未同佢講：「已經食左了」， 之後佢地竟然話：「呢碟才是送」，意思我地第一碟的是要付費， 我再次解釋我們沒有另外再點多一碟四小碟， 那待應態度超差，好惡咁話是我們點的，我說我訂9位， 餸也留了九位，你們是8人會送四小碟，我們怎會再點呢？ 她竟說「我們點四小碟時人未齊」，難道我們8人已座低都叫唔夠8人，無得送？ 今餐是慶祝朋友生日， 要俾錢仲要受氣，破壞心情…..但食物真的是保持好好水準。

爽脆海蜇頭 🪼海蜇頭的口感潤滑爽脆,清新雅致,是開胃解膩的絕佳選擇。適量調配鹽、醋、麻油等調料,突出了海蜇本身自然甜美的滋味,是夏日清涼消暑的美味佳餚。乾隆鹽水鵝皇這道菜取材上乘,鵝肉鮮嫩多汁,料理手法講究,既保留了鵝肉本有的醇厚風味,又巧妙地融合了鹽水的鮮美滋味,入口即化,回味無窮。老壇酸菜魚鱸魚這道菜糅合了川菜的酸爽口感和魚肉的鮮美肉質,老壇酸菜提供了層次豐富的酸甜滋味,鱸魚肉質細嫩彈牙,渾然天成的搭配。豬油撈飯米飯煮制恰到好處,鬆軟香糯,配合入味的豬油撈飯,口感極為細膩醇厚。煲仔加熱份外誘人,令人食指大動。生磨杏汁潤肺湯這款潤肺湯以新鮮杏仁為主料,經過精心磨製,湯汁清澈透亮,飄散著淡淡的杏仁香氣,入口滑潤爽口,不但可以潤肺養顏,還能給人以清新舒爽的感受。是養生保健的上佳選擇。

約咗朋友聚舊，佢訂咗位去大角咀食晚飯，有鑊氣-酸菜魚是一間鑊氣小炒店，主打鑊氣小炒、川式料理等，招牌菜有老壇酸菜魚, 冰鎮咕嚕骨, 乾隆鹽水鵝皇。7點半前結脹離座, 享有85折優惠。冰鎮咕嚕肉最令人驚喜，上枱時輕煙四起，襯托顏色鮮艷的咕嚕肉，又係一個打咭菜式，以冰配酸甜咕嚕肉，咬落有去鬆脆外層，外冷內熱，肉質鮮嫩，用咗青提做配角，亦好爽口。乾隆鹽水鵝皇：鹽水鵝鮮嫩爽口、肥而不膩，鹹、鮮，皮白。風味獨特，仲有爽口嘅鵝腎、鵝腸，鵝肝亦好粉嫩。川味口水雞：口水雞的醬汁，集合了鹹、香、麻、辣等味道，雞肉好入味又有口感。星洲炒米：炒得有鑊氣，份量又夠多，大大隻蝦仁好爽口，材料包括叉燒、韮王、大豆芽等，十分足料，米粉夠味好爽口，

今日同同事又嚟呢間lunch，睇個名以為淨係食酸菜魚，其實入邊有好多正嘅小炒。佢中午lunch Menu大眾化，包埋嘢飲，亦多選擇。佢啲炒粉麵飯有鑊氣👍今日食返酸菜魚，叫咗少辣。啲魚好滑，米線份量足。同事就叫咗魚香茄子飯，汁多味濃，送飯一流🤤. 仲有好多小炒想試，可惜每次只能要一兩款。如果多人嚟食佢可以訂位，大家可以試多啲唔同款。不過佢座位真係唔係好多，如果大枱都係得一張，其他都係二人/　四人枱。中午時段比較多人。

想不到大角咀有這麼一間出色的酸菜魚，餐廳的菜品令人垂涎，每一道都充滿了豐富的口味層次。老壇酸菜魚（$198）魚肉鮮嫩多汁，酸菜爽脆可口，酸甜鹹的滋味層次豐富，湯汁濃郁回甘。酸度來自老壇酸菜，辣度來自乾辣椒，鮮香則是來自魚肉本身的鮮甜味。三者完美融合，形成獨特的酸辣鮮味。乾隆鹽水鵝皇（$138）鵝肉經過特殊的鹽水浸泡工藝，使得鵝肉入味、口感極為鮮嫩多汁，加上濃郁的香氣和淡淡的鹹香，搭配極具油香的醬料，更能突出鵝肉的鮮美口感。菠蘿咕嚕肉（$98）咕嚕肉鮮嫩多汁，與爽脆的菠蘿、微辣的紅椒形成完美的口感對比，再加上香甜可口的醬料，既滿足肉食者需求，又帶有清新滋味的開胃菜。生炒臘味糯米飯（$108）糯米飯咸香鮮美，糯實爽口，粘性十足，臘味切片後能保持住形狀，臘味的油脂又使整盤菜品更加入味，與糯米飯相互融合，成為一道色澤金黃、香氣四溢、口感層次豐富的菜品。珍寶凍檸茶（$28）檸檬酸爽的滋味與茶底的甜香完美結合，加上冰塊的低溫感，清香怡人，回甘餘韻悠長，是一道清爽解渴的好選擇。有鑊氣-酸菜魚 (大全街) (大角咀)地址：大角咀大全街41號地舖

相信有唔少人系中式菜館食飯，都有叫過咕嚕肉作小菜。但要搵間有特色口感，相信位於大角咀大全街#有鑊氣-酸菜魚 會帶了驚喜。先講餐廳逄行三不主義(全日免茶•免芥•免加一)，而惠顧於星期一至四指定時段，全單可享折扣優惠。建議先與商家訂座，系繁忙時段未必等到枱。冰鎮咕嚕肉-$188一大盤上枱，先講賣相，咕嚕肉以冰底作墊又有青堤作絆，滲出絲絲寒氣。入口外脆內軟，口感外皮凍冰冰，酸梅味十分濃郁，酸香醒胃，拌飯一流。好適合夏天食呀☀️乾隆鹽水鵝皇（例）-$138 滷水鵝各部位滷得入味，不只是咸味。除色澤光亮，鵝肉緊緻有咬口，鵝片肥美甘香。即使屬於例牌，大部份鵝既部位都有得食。魚湯鮮竹泡菜苗-$78點番個蔬菜健康啲啦，魚湯味道毫冇味精，菜苗系娃娃仔，又可清清味蕾。豬油撈飯-$14 飯粒分明，秘製豬油自行調配，飯焦亦冇痴煲底，撈勻後每啖都食香嘖嘖豬油味。

今日同屋企人去大角咀食晚餐 見佢全場爆滿已經估到呢度出品應該唔錯 而食落亦確實係非常有驚喜老壇酸菜魚鱸魚 酸菜魚湯底有水晶粉/椰菜花/大豆芽/酸菜 酸甜辣度味道平均 夠哂味 加埋啖啖肉又夠滑嘅魚肉 係一個好味嘅酸菜魚生炒臘味糯米飯 呢個飯超級足料 基本上每一啖都一定食到臘腸潤腸 非常香口啫啫通菜煲 味道惹味 有肉碎蝦乾同爽脆嘅通菜炒埋 送飯一流金沙四季豆伴脆蝦仁 四季豆同蝦仁配咗脆漿 再用鹹蛋黃醬伴炒 外皮香脆 鹹蛋黃味足 而且蝦仁數量應該有十幾隻 整個菜式非常香口 我哋叫黎送啤酒青島啤酒28蚊支 當日好似仲有另外一隻啤酒做緊買二送一 但係我哋小人飲唔曬就唔叫咁多lu

今日同屋企人去大角咀食晚餐 去咗呢間有鑊氣食酸菜魚 估唔到佢其他小菜同樣美味 難怪雖然佢喺呢個唔起眼嘅位置 但當日平日晚上依然全場爆滿老壇酸菜魚鱸魚 我哋只係叫咗例牌 但係已經好大份 佢有鱸魚同桂花魚選擇 我哋揀咗平啲嘅鱸魚 但肉質同樣嫩滑 而且已經起曬骨啖啖肉 菠蘿咕嚕肉 咕嚕肉外皮薄又脆 肉質爽彈 個汁酸甜度亦啱啱好 側邊仲配咗一嚿燒過嘅新鮮菠蘿 非常香甜Juicy 呢度另外有個招牌係冰鎮咕嚕骨 我相信會同呢個咕嚕肉一樣同樣美味 但嗰個賣相更有睇頭 因為會有乾冰座底乾隆鹽水鵝皇 估唔到我哋叫例牌但係都會跟埋鵝嘅內臟例如鵝腸鵝肝等等 鹽水鵝肉鹹味味道啱啱好 而且依然保留到肉汁 仲配埋醋同沙薑醬畀你點嚟食鑊氣小炒王 有好多料 蝦乾/炸銀魚仔/菜莆/紅椒/魷魚/腰果/韭菜花 炸銀魚仔同腰果都仲係香脆 蝦乾又有鹹香味 魷魚又爽脆 韭菜花就有蔬果嘅爽甜 幾種唔同嘅口感加埋一齊 珍寶檸檬茶 超級巨型Size 幾個人一齊share都可以 裏面我諗都切咗足足一隻檸檬