有鑊氣-酸菜魚 (大全街)

營業中

休息中

行過見到門口午餐特價牌見入面都坐唔少人而啲餐大概都係$50+有炒飯、鹽焗雞飯等等…其中一項有酸菜魚米線就叫來試下畢竟呢度主打酸菜魚仲可以㨂辣度$53+$2有可樂味道不錯的魚質幾滑同埋都唔腥估唔到魚份量都幾多唔係得幾塊算係抵食的

人生最開心嘅時間就係可以同朋友暢飲一番加食好野😋呢間位於大角咀地鋪嘅有鑊氣小炒，就係一個好好既推介，佢地有出名嘅招牌菜⭐冰鎮咕嚕骨⭐乾隆鹽水鵝皇次次同朋友嚟都會必叫，特別係冰鎮咕嚕肉，出面好少少食到，好味又有特式☕生磨杏汁潤肺湯都係我既最愛，火候十足，飲完即刻覺得好清潤⭐乾炒牛河，份量十足，而且上枱時熱辣辣，好味又夠鍋氣!最後話明暢飲，一定要叫啤酒，食夠又飲夠，真係人生一大享受!✨以家7:30pm前結脹離座, 享有85折添🤩

之前食過覺得小菜唔錯, 打算星期五跟朋友再去食晚飯, 早一天訂4位, 當天他們也有打來確認. 8:30 準時去到, 職員指著門口一張只放了3張椅的檯叫我們坐, 一個要坐入去收銀個位, 一個要坐路邊, 根本個張檯無可能坐4個人, 我問阿姐訂位是4位, 你估佢點答, 佢話得大檯. 如果係咁不如訂位唔好接. 幾位阿姐對我們愛理不理, 我係門口等埋朋友到终於決定走人.

因為係街坊，所以已經幫襯過好多次，個招牌酸菜魚真係好好食，應該係我暫時係香港覺得最好食嘅一間，夠酸又夠辣，個人比較喜歡鱸魚，比較重魚味啲。今日仲叫左菠蘿咕嚕肉，炸得黎唔厚粉，肉汁又彈牙，仲叫左薑蔥霸皇雞，味道都好食😋 水準每次都keep到，所以黎食一定唔會失望，會繼續帶朋友過黎食

Lunch Time時間撞到間好野，12點左右已經差唔多全場爆滿，果然多Fans。揀咗滑蛋牛肉飯加杯凍奶茶唔洗$60，估唔到有驚喜。驚喜在於個炒飯底，炒得好勻循，飯粒有焦香，雖然個面淋咗個滑蛋汁，但係仍然無損個炒飯嘅乾身度。個飯真係炒得有鑊氣，對得住個招牌，下次有機會要試埋佢啲炒粉麵先，尤其是想試豉油王炒麵。

今日中午經過大全街有鑊氣！見到午食價錢都算合理,所以去試吓,叫了個豬扒飯(炒底)加凍0茶都係60元正都0K,小店即叫即炒,出品都唔錯,豬扒碎上味道不錯,炒飯底粒粒分明帶有蛋香,配上冰凍0茶真係不錯,小店服務用心都算清潔衛生！大家可以去试吓！

朋友生日揀左呢到食，仲抵食同好食過去街市，我地12個人，所以可以叫到多d野食，酸菜魚好正，岩岩好，唔會好辣，冰鎮咕嚕肉好正😋薑蔥炒壕d壕勁大隻入晒味😋薯仔炒牛柳好香，杯野飲勁大杯‼️‼️豬手超級林，骨膠原😋椒鹽鮮尤好夠脆😋炒韭菜，壕餅，臘味糯米飯，豬油渣炒菜心，每一樣都係勁好食😋呢到仲有得叫豬油撈飯，好夠熱，不得了‼️怕肥都要叫‼️一定要食‼️每味餸都好有鑊氣，餐廳名改得好岩🤣下次會再幫襯😋

其實同朋友都分別好遲起身，11點幾先食早餐，但完全係嘴饞，走左去食水煮魚。由於吾算太肚餓，所以只叫左個水煮魚，加個菜，份量剛剛好。個水煮魚有調教到香港人口味，未算太辣，食得好舒服。魚肉都大大舊，好正！而且lunch 叫小菜還有8折，值得一試！

朋友話食過好食，所以帶我哋嚟食 點知真係好好食😍😍😍😍😍我哋嗰晚嗌咗冰鎮咕嚕肉，酸菜魚海蜇頭同埋花甲酸菜魚同海蜇頭我覺得係正常發揮酸菜魚可以揀要咩魚 當然要無骨嘅魚啦 啖啖肉好開心海蜇頭相對有少少少少油 但都夠爽口但係冰鎮咕嚕肉真係好好食佢係外脆內軟 冰火兩重奏噉重有啲提子喺度 好食程度100分佢個花甲都冇得輸粒粒都好大粒又入味 印象中係要提前同佢講預訂🈯️最搞笑係佢嘅凍檸茶 係珍寶級咁大杯好抵飲一班fd一齊食最啱

朋友推介過呢間小菜好多次終於的起心肝走去食打去book枱嘅時候，老闆娘好細心咁提我要留埋餸，如果唔係會冇得食**********杏汁豬肺雞腳湯可以話係成餐飯嘅最愛所以我都溫馨提示大家，記得留埋湯！杏汁味非常濃郁，飲完一碗都覺得唔夠**********冰鎮咕嚕肉咕嚕肉最緊要就係皮脆，佢用咗冰鎮住，個皮就keep住香十分香脆，又有一個外凍內熱嘅感覺非常特別**********香辣水煮牛我自己就唔係好食辣嘅，所以對我嚟講都幾辣不過四川嘢最引人入勝嘅地方就係愈辣愈想食**********椒鹽竹炭豆腐個人係好鍾意呢碟餸因為嗰豆腐好滑**********招牌糯米飯覺得係非常高質素嘅糯米飯飯嘅油香適中 臘味夠味 質地煙靭**********滷水鵝覺得肉質同埋味道，都剛剛好唔錯**********整體而言係非常值得推介嘅一間覺得好食過好多小紅書推介嘅大排檔添！

7點鐘晚市，本身個場已經無咩人，兩個呀姐喺舖面，啲呀姐十問九唔應，叫落單呀姐行左個圈再覆等陣先，之後又唔知去左邊，五分鐘後先斯斯然返黎，已經唔係高要求，純正廣東話指埋俾你，寫兩餸一飯啫，等多半個小時先黎個錯嘅，原來做樓面個呀姐係唔識字嘅，都唔緊要嘞，等多15分鐘啲野都黎唔到，再問啲呀姐依舊都係唔應人嘅，咁就算嘞，無謂辛苦大家，喺一個場地半滿嘅情況下，浪費左我倆45分鐘時間即共一點五小時時間，永不光顧

今日黎到有鑊氣，叫外賣午餐，門口唔算多人，有一兩個客。最後叫咗個乾炒叉燒烏冬，再加左罐可樂，埋單都只係$48，價錢幾抵。等咗10幾分鐘左右，就拎到個外賣，唔算太耐。一打開盒烏冬，唔知係咪太熱又因為外賣好快冚住蓋，見到個烏冬焗到濕咗少少，睇落冇咁好食。咬落味道都正正常常，烏冬仲加咗啲洋蔥同埋芝麻，少少香口，都唔錯。但係相信如果啲烏冬再乾身啲會好食啲。午餐食完都幾飽肚，一人份量唔會太多，唔會太少，仲送可樂，性價比算高。

一間位於大角咀的餐館，大大隻字寫著有鑊氣，有鑊氣旁邊寫著酸菜魚，相信酸菜魚是它們的生招牌。看一看菜單，它除了有川菜，也有中式小菜，更有泰式生菜包及生炒糯米飯。菜式五花八門，更有隱藏菜式！是一間特別餐館！___酸菜魚（例）HKD 188酸菜魚有「例」及「大」這兩個大小份量選擇，可按人數選擇份量。酸菜魚最重要就是湯、魚和酸菜。一來先喝一口魚湯，魚湯味道出，微微酸香，帶一點鮮甜，將湯汁加入白飯中一同食用，更是冬天一大幸福，必試的吃法！魚肉滑身，煮得剛剛好，不會過熟，口感不錯； 魚肉上的辣椒及花椒爆得香，伴著魚片吃味道更好。最後就是酸菜，酸菜真的好吃，酸酸的不會過咸，夾著魚片放入口中，非常滿足！冰鎮咕嚕肉（隱藏菜式）HKD 178這是隱藏菜式，看了很長菜單時間也找不到，只找到菠蘿咕嚕肉，最後決定問問職員，就發現原來是真的有冰鎮咕嚕肉的！波波型的咕嚕肉放於冰粒上，視覺效果滿滿的！吃上口咕嚕肉微凍，炸粉與一般的不同，微鬆脆的炸粉包著豬肉粒，而豬肉粒選擇上是油脂含量較多，所以一口吃下去整個口感都是軟淋的，的確與一般的菠蘿咕嚕肉不同，所以價錢都有所不同。醬汁方面偏向甜一些，如果可以更酸香一點會更開心。

大角嘴呢間有鑊氣食左幾次, 次次都無令我失望, 小菜有特色,夠鑊氣,大件夾抵食,所以晚晚爆場都唔出奇.乾隆鹽水鵝皇 –味道唔錯, 肉質嫩滑, 配埋佢個蒜蓉醬幾夾不過稍微瘦左d, 無咩肉食既.蒜蓉蒸焗花甲 – 一上抬姐姐煎開時,已經香氣四溢, 花甲肥美多肉, 好少好少有唔開殼既, 時間岩岩好,鮮甜多汁唔老,好好味.菠蘿咕嚕肉 – 呢個真係不得了, 佢同酸菜魚都係有鑊氣既signature,咕嚕肉粒粒都脆卜卜, 外層好似包左層糖衣甘, 咕嚕汁酸甜恰到好處, 無骨,小朋友一定鐘意食.唯一要彈就係份量唔夠, 多人既真係要叫多碟share.豬油渣炒菜心 –邪惡之選. 唔洗講,用得豬油渣去炒, 碟菜一定好白好食好惹味啦, 膽固醇呢方面呢….呢餐唔好諗佢住.老壇酸菜魚 (例) –主角出場, 因為食過幾次, 已經識叫佢加湯,因為本人覺得D湯先係亮點, 老實魚只係一般,應該係雪藏貨色. 所以個湯先係主角. 加埋金黃芝麻真係香到不得了,配埋薯粉真係好滿足.生磨杏汁潤肺湯- 呢個要撞手神唔係晚晚有, 今次終於試到, 味道反而不過不失, 並無小菜甘出色,有D失望.有鑊氣仲有一個特色美食- 豬油撈飯 – 佢會比

今日晏就諗住同男朋友去大角咀覓食，行過見到呢間餐廳有酸菜魚就走咗入去食 先講下環境 入到去都幾滿座 好彩阿姐搵到張四人枱畀我地坐 係行入位條路窄啲啫食物方面，男朋友叫咗椒鹽豬扒伴豬油飯 眼睇份量都好大碟 亦都好入味 我叫咗個酸菜魚泡米線 份量係好足 但食落就一般 完全無正宗酸菜魚嗰隻味 啲酸菜似係街市10蚊一大包嗰啲 米線又唔夠軟熟點知..食到尾 估唔到俾我見到隻 一節手指頭嘅甲甴仔 我以為係咪八角咋？睇真啲 哇有腳嘅痴鬼線 （圖1，2）男朋友即刻幫我叫阿姐嚟睇 阿姐無講到任何野 乜賠償都無 第一次食呢間野 就食到甲甴 間野仲要主打酸菜魚。。。真係搞唔掂囉 我同男朋友食完之後 成晚都無哂胃口