星海．譽宴 (鱷魚恤中心)

營業中

休息中

難得星期五約到朋友食 lunch，梗係要去飲茶啦～樓下排滿了等升降機的人群，真係唔知要排幾耐，於是行上一層到呢間餐廳用膳。整家茶樓四周很有海洋的格調，確是悉心佈置的。另外，職員很熱情招待，工作之餘也不忘跟我們談天。燒味拼盤叉燒是半肥瘦，很有光澤，食落完全唔 heavy。腩仔同樣是半肥瘦，肥瘦分明，外皮脆卜卜的。海蜇有少少辣之餘又帶爽口。花膠元貝燉螺頭呢個湯飲落非常清新，花膠和元貝夠哂大件，最讚的是燉完的肉仲係好滑，一咬即開。西蘭花炒帶子蝦仁成碟菜炒得好香，帶子和蝦仁大大件，肉質很滑很好咬口。西施龍𧄌球其實係龍𧄌塊蒸蛋，龍𧄌肉蒸完好似蛋咁滑。乾隆石鍋炒飯超大個炒飯，飯米粒粒分明夠乾身，熱辣辣很香口，食完超飽。就算有幾飽，仍有第二個胃容納甜品，仲要係我至愛的紅豆沙呀～紅豆煮得帶沙，又有陳皮味，真係好開心呀～

鱷魚恤中心咁多酒樓，我都試過唔少，之前試過譽宴•星海午市覺得唔錯，呢日就同媽咪嚟食晚飯。呢間酒樓應該都係以婚宴為主，場地裝修得好優雅浪漫，天花有大量閃閃裝飾，營造一片星海嘅效果。⭐️餐前小食一坐低，侍應好快手就set好位，上埋熱茶同香脆花生。花生咸香十足，脆卜卜，食到停唔到口。⭐️燒味拼盤(叉燒、燒腩仔、海蜇)叉燒半肥瘦，蜜汁香甜；燒腩仔外皮香脆鬆化，肉質肥瘦相間，比例適中；海蜇好彈牙，口感爽脆，味道略帶微辣。⭐️花膠元貝燉螺頭燉湯好正！湯底好清，味道濃郁夠火候，花膠元貝好腍身，元貝大大粒，味道好突出，仲有螺頭，瘦肉同雞非常足料，啱哂而家冬天飲，非常滋補，連媽咪都大讚。⭐️西蘭花炒帶子蝦仁西蘭花翠綠爽口，蝦仁大大隻鮮味彈牙，帶子鮮甜嫩滑，仲好有鑊氣！⭐️西施龍躉球龍躉肉結實有彈性，口感嫩滑，龍躉皮煙煙韌韌，食落感受到濃濃嘅骨膠原。龍躉下面嘅蛋白索哂龍躉既精華，滑溜鮮味。⭐️乾隆石鍋炒飯石鍋熱辣辣，裡面嘅炒飯好香，飯粒乾身，炒至粒粒分明，入面餡料仲有小元貝，鍋底有少少飯焦，非常香脆！⭐️精選甜品紅豆沙，煲到起哂沙，好正！

這間APM附近的酒樓，從裝修和點心款式和價格來説，算是有D豪。為咗迎合豪的格調，我哋吃咗豐富既二人餐，味道相當好吃。花膠元貝燉螺頭 夠足料夠火喉！除左花膠，元貝，仲有螺頭，用料相當大氣，上班一族少飲湯黎補下都唔錯。甘岩今日天氣凍，飲完呢碗濃郁既靚湯，好滿足丫.燒味拼盤燒腩仔賣相普通，但皮脆肉嫩，肉質軟嫩融化，燒肉皮脆卜卜，層次分明且入口不油膩！點埋黃芥末醬 更有另一番風味。西施龍躉球魚肉肉質結實，啖啖肉得黎帶少少咬口 ，香口得黎亦保留到魚肉本身既鮮味！蒸蛋白火候控制剛好，入口嫩滑，味道鮮甜，非常特別，好似食緊豆腐花咁！仲有熱呼呼的石煱炒飯及帶子西蘭花最後是我最愛的紅豆沙，唔不算太甜，食落有口感。整體質素優良，沒有什麼挑剔的地方，食得出每一道料理都係用心之作 ，落足心機，用料靚，賣相精緻。如果鍾意食中菜既人，絕對要黎試下！

中午相約了學者朋友午餐，由於都想感謝對方一直以來, 在工作上的支持，所以就在公司附近，訂了呢到既午市商務套餐，因為在OPENRICE上睇到幾多介紹，都好像幾得體，於是就黎試下。呢到既門面好西式，格調比一般的酒家高級，環境都唔錯，有D西餐廳的氣氛。套餐有小吃三款，其中最正的是燒豬腩肉，個皮好脆而且甘香，真係高水平之作。另外的海蜇及蜜汁叉燒都好好味。之後有花膠元貝燉虫累頭，好多料呀~!!真材實料，個湯好清甜，而且真係好大粒元貝。呢個西蘭花炒帶子蝦仁，好大隻蝦同帶子，炒得好唔會太油，而且份量剛剛好。又係另一驚喜，名堂係西施龍躉球，底是一個蒸豆腐，好滑而且好夾魚的味道，係一道好特別的菜式。主食乾隆石鍋少飯，非常之大份，而且係有飯焦架，炒飯好干身，而且不太咸，夠曬健康。呢個套餐的優點係，可以食到好多特別款式既食物，而份量又會剛剛好。甜蜜有經典紅豆沙，好滿足呀。呢個午餐$468已包加一及茶芥，非常滿意，而且學者都食得開心~真係好

第一次嚟食lunch，因為觀塘都好多酒樓選擇，未必會特別諗起呢度，估唔到人都幾多，好彩book咗位，呢度環境好靚有一大個窗比自然光入，感覺好舒服😌花膠元貝燉螺頭 好足料，湯水好好味，雞肉都煲都好腍，火喉啱啱好，飲完好醒神😊西施龍躉球 魚肉好厚肉，肉質彈牙順滑，上面放兩條露荀點綴，下面蒸蛋白吸收晒魚肉嘅精華，蒸蛋白香甜軟滑，無負西施之名，係一道味道口感都好細緻嘅菜式乾隆石鍋炒飯 高質而且驚喜，飯粒乾身均勻，所有配料切成小粒，均衡分布炒飯每處，一口剛好有飯有配料，盛器本身有細心選擇，石鍋能保暖外，食到後面，靠碗身的飯微焦，變得香脆可口除咗場地華麗外，食物質素有水準，好開心今日有個宴會級數嘅Lunch Time，揾機會要嚟晚市試下😋

好朋友生日當然要食餐好，因為佢係觀塘返工就去觀塘揾好野食! 觀塘好多食肆但人流都好多，好食既野都排晒長龍，今日就預早訂左呢間酒樓既商務午餐。先黎燒味拼盤，叉燒好淋，肥瘦適中，燒肉的皮仲係脆既，唯一海蜇偏辣一點。花膠元貝燉螺頭湯係今日重點，湯好濃但吾油膩，湯料好足，除原粒元貝、花膠同螺頭外仲有瘦肉同烏雞，雞肉煲完仲好嫩滑， 飲完好滿足。西施龍躉球的龍躉肉蒸得火喉剛好，吾鞋吾腥 ，配上蒸蛋白非常清新。石鍋炒飯的飯炒得炒得乾身爽口， 熱辣辣上枱，好滋味。套餐份量充足材料又係靚貨，性價比算高，請客或有喜宴都可以考慮!

一向愛吃日菜和西餐的我，今晚跟長輩吃飯，她多數要吃中菜，結果……今晚也不例外。對於去邊吃中菜，我真的沒有特別的建議，還是聽從長輩的安排。酒樓以紫藍色為主調，裝潢高貴優雅，一邊牆身是一個長長的水族箱，很美！主廳設有多張四人圓枱，地方位闊落，坐得舒適。翻閱餐簿，設計清晰。菜式分別有風味小食、滋養湯水、環球海鮮、海產推介、名廚推介、健康田園蔬、天作之合、石鍋飯粉麵系列、精選飲品、套餐和秋冬時令推介等。不知長輩想吃什麼？左翻右翻，也拿不定主意，部長就推介二人精選套餐（$468/位），已包茶芥和免收服務費，不錯的選擇!******************************長輩點了一壺普洱，茶色相當濃，她大讚味道香濃，很滿足！大家就喝杯茶，吃着香脆可口的花生等各菜式上枱。******************************先上燒味拼盤，有叉燒和燒腩仔各四件，還有一些海蜇。每件燒腩均有紅卜卜的燒腩皮，咬下去又脆又鬆，皮下肥膏和腩肉相隔，比例合宜。兩層油潤的肥膏夾雜嫩肉，最後便是鹹香的瘦肉，吃時蘸些芥末醬，更加滋味。輪到色澤紅潤的叉燒，邊位帶些焦燶。瘦肉比肥膏多，並不肥膩，正合我心意,

約了客人中午在觀塘區食飯， 想搵一間環境舒適的酒樓， 在openrice上搜尋到譽宴星海， 見到有商務套餐， 於是一試。 第一次走進譽宴星海， 店內裝修現代風格， 有一個超大的魚缸， 令到環境 充滿活力。 今次帶客人來這裏， 點的商務套餐有燒味拼盤（叉燒，燒腩仔，海蜇），花膠元貝燉螺頭，西蘭花炒帶子蝦仁，西施龍躉球，乾隆石鍋炒飯和精選甜品。 價錢$468一位， 已包括茶芥和加一。花膠元貝燉螺頭～ 超級足料的燉湯，裏面有花膠，元貝，瘦肉，雞肉，螺頭，紅棗和杞子， 真材實料， 有益又健康。燒味拼盤 ～有叉燒，燒腩仔和海蜇， 蜜汁叉燒肥瘦適中， 燒腩仔皮脆肉嫩， 海蜇惹味爽口， 三款味道都很好。西蘭花炒帶子蝦仁～ 帶子鮮甜和蝦仁爽口大粒。西施龍躉球～ 龍躉頭厚切肉嫩鮮味， 底層還有燉蛋白非常滑口。乾隆石鍋炒飯～ 熱辣辣又香噴噴的石鍋炒飯， 我差不多一個人食曬一鍋， 超好吃的。精選甜品～紅豆沙甜度適中， 紅豆沙煮到有起沙口感， 配上很香的陳皮味道，正！之前都有試過到銅鑼灣的譽宴飲茶和晚飯， 譽宴的食物質素和服務態度一向有水準，今次選擇在這裏見客， 商務套餐大方得體，見到客人食得開心， 絕對沒有

首先有燒味拼盤，有海蜇同叉燒/燒肉各四片。蜜汁叉燒入味又腍，肥瘦適中，燒肉皮燒脆，做得不錯。然後有燉湯-花膠元貝燉螺頭，超足料超濃味，好多湯渣。主菜有西蘭花炒帶子蝦仁同西施龍躉球。龍躉球好厚肉，下面放左蒸蛋白再淋上汁，幾特別有驚喜。乾隆石鍋炒飯係鮑汁海鮮炒飯，用石鍋上熱辣辣好香口，粒粒分明。一鍋超大兜，完全可以打包做埋晚餐。套餐既甜品都唔馬虎，紅豆沙唔會好似溝左水咁，煮到起沙。成個餐承惠每位$468，已包茶芥免收加一。

星期六約咗朋友去觀塘飲茶，朋友建議去鱷魚恤中心譽宴飲茶，咁呢間嘅裝修靚靚，服務又幾好嘅，就去試下啦，等咗一陣就可以入座😁👍🏻 送上來之點心碟碟都熱騰騰，特別是墨汁蝦餃$32 十分正😋咬落多汁好好味。如果2點前落單，還有特價點心-鮮蝦腸粉$18.8 好抵食👍🏻 我哋仲點了蒜蓉斑腩籠仔飯，斑腩新鮮肉質實又好彈牙，我下次去都要點來食👍🏻😋

今日同同事離開觀塘做嘢， 順便喺鱷魚卹中心度望下有啲咩食，同事話想食中菜， 就上咗譽宴睇下有咩食 見到佢有個晚市套餐幾吸引， 仲可以斷位咁樣計， 就嗌咗嚟試下。燒味拼盤拼盤入面有叉燒、海蜇同埋燒腩仔。 燒腩仔外皮炸得好香脆，但肉又唔會話好肥！ 海蜇好惹味爽口，而我最鍾意就係佢嘅叉燒， 燒得好香又好有口感， 嫩嫩嘅肉食到我地食得好和味！花膠元貝燉螺頭個湯係估唔到咁足料，花膠同埋螺頭都好大隻，湯飲落去先甜，應該煲咗好耐而且冇味精，非常健康！西蘭花炒帶子蝦仁帶子好鮮甜，口感爽滑，而且西蘭花煮得啱啱好，唔會太硬亦唔會太林！西施龍躉球龍躉味道新鮮，個汁有少少似濃少少嘅雞湯， 唔會搶咗龍躉嘅味道之餘仲帶出咗佢嘅鮮味！ 嫩滑嘅口感更係加令人停唔到口。乾隆石鍋炒飯石鍋炒飯上到枱仲係熱辣辣冒曬煙， 炒飯簡單炒帶子仔為主菜， 飯炒到粒粒分明而且乾身， 而調味做得唔錯！食完飯仲送咗個紅豆沙畀我哋，相當滿足！

很久沒跟母親大人飲茶，襯著放假陪她。觀塘酒樓眾多，這次再去鱷魚裇大廈2/F這間酒樓最近新裝修成黑夜星海裝潢，有格調又浪漫💕配上牆邊傳統酒樓設計的水族箱，目不暇給。這天豪爽地吃了$468/位套餐🥰前菜有厚切叉燒、燒腩仔和海蜇，叉燒蜜汁香甜軟稔，啖啖肉很好吃😋咀刁的我平常不吃外賣燒腩仔，因為肥肉多外皮又不脆，總不能浪費Quota ，只有偶然吃酒席或是酒樓招牌菜才吃。這份燒腩仔卻令人欲罷不能😍燒得外皮香脆，半肥瘦，入口脆而不膩👍🏻海蜇微辣爽口。花膠元貝燉螺頭：👍🏻👍🏻👍🏻不單有母親大人最愛花膠，還有元貝螺頭，十足海味鮮味，咸淡適中！每碗一件厚身花膠，彈口軟稔度剛好！西蘭花炒大蝦帶子: 西蘭花翠綠爽，剛好熟不過稔唔硬，大蝦🍤爽口，帶子大大粒，酒席必選西施龍躉球- 蒸蛋白： 厚肉龍躉球😍無骨啖啖肉又夠滑，以為只得米白色茨汁，原來底下是嫩滑蒸蛋白😋配上爽口新鮮蘆筍+菇條好好味！乾隆石窩炒飯- 鮑汁海皇炒飯！鮑汁炒飯好入味，用原個石窩上桌，不單保持到水準熱度，窩底炒飯帶少許焦香，配上小貝柱粟米菜粒口感夠豐富😚因為吃得太飽，連附送的紅豆沙也吃不下了！

相識十多年既好姊妹剛為人母，黎梗重會同佢既小寶貝（我契仔xpp）擺百日宴！！佢老公要返工唔得閒，所以呢日就由我同佢上黎試下菜先~~~聽好姊妹講，呢個套餐圍返起就HKd$468一位（包埋茶芥同服務費），當中既菜色湯品都好大睇！！先有燒味拼盤同湯品~~拼盤有叉燒、海蜇同燒腩仔，質素都唔錯，當中既燒腩仔尤其出色，皮脆肉嫩，肥瘦得宜！湯品係“花膠元貝燉螺頭”，呢個燉湯非常足料，每啖都充斥住由雞件同瘦肉帶出元貝螺頭既鮮味~~~接住就係“西蘭花炒帶子蝦仁”，西蘭花脆綠爽甜，而蝦仁大而爽彈，帶子亦為鮮嫩，味道不俗！然後既“西施龍躉球”更係令我喜出望外，甚有驚喜~~龍躉魚片厚切肉嫩，魚皮含住滿滿既膠質！！魚片之下既燉蛋白就係精華所在，滑不留口不在話下，仲要每啖都嚐其之蛋香、魚之鮮，妙極✔✔✔之後既“乾隆石鍋炒飯”作為主食，亦不馬虎~~以石鍋呈上既炒飯既能保温，亦讓底部既飯粒烤至微焦，食落更為香口~~呢個炒飯份量甚多，一鍋已可分成三至四碗！！！幸而飯粒分明，配料同樣不少，既有炒蛋蔥花，也有不少小鮮貝，既是滋味又是惹味，所以在半飽既情况下亦能夠多吃兩三碗xppp宴會之中，最後食既當然係糖水、果盤或者美點雙

上次去譽宴飲朋友喜酒， 無論喺環境食物定係服務都讓我 印象深刻。 故此今餐商務午宴， 就約咗個客去返觀塘嘅譽宴星海， 貪佢食物有質素而且夠派頭， 唔會失禮個客。 觀塘譽宴 喺鱷魚裇中心，由地鐵站經apm行過嚟 只需要一分鐘， 極其方便。 而且餐廳裝修夠華麗夠有睇頭， 首先幾十米長嘅魚缸已經不在話下, 陪襯埋深藍黑色嘅格局， 加埋假天花好似一塊塊閃令令嘅金片， 淨係環境已經覺得舒適一流。 順帶一提呢度仲有室 人造草地可以舉行婚禮 簽紙儀式， 整個環境高尚尊貴。 今餐商務午宴， 叫咗幾客菜式。 燒味拼盤， 有黑毛豬叉燒腩仔同埋海蜇， 叉燒肉質夠淋而入味， 而且半肥瘦，入口即溶。 燒腩仔 以五層腩 入饌， 肥與肉 層層相間， 外皮燒得勁脆。  海蜇酸酸地， 非常彈牙，夠開胃。 花膠元貝鮮雞燉響螺 燉湯超級足料， 湯底以元貝 螺頭 鮮雞 豬肉 花膠等 淆製而成 。 花膠 滋補養顏， 湯頭清甜， 而隔油功夫亦做得好。 整道湯補脾益腎 ， 養顏活膚。 怪不得客人飲到舐舐脷。 西蘭花蝦仁炒帶子 帶子蝦仁新鮮彈牙， 西蘭花爽甜味美。 西施龍躉球 龍躉入口嫩滑，魚味濃， 最不得不提

有外國朋友來香港咁就梗係要帶佢哋去食中菜啦！呢間酒樓好近地鐵站，大概4分鐘嘅步行距離。酒樓裝修亦都好高級，喺度擺酒嘅話感覺好華麗。每一道菜都好精緻，擺碟好有心機，食物味道又好高質。食中菜又點少得點呢個燒味呢！海蜇彈牙，少少酸辣，好開胃！燒腩仔外皮超級脆！有兩隻花膠同埋一大粒元貝，味道甘甜，好滋補，餐廳並沒有吝嗇任何食材！無論蝦球定帶子size 都比較大。蝦球彈牙爽口，帶子軟熟，伴碟嘅蔬菜稍嫌略鹹最欣賞係呢一味蒸石斑。估唔到佢竟然以蒸蛋白作為伴碟，味道甜甜地，再配上魚嘅鹹香，令人回味無窮！呢個炒飯分量驚人，仲要用石鍋裝住，所以上菜嗰陣仲係熱辣辣嘅！ 一個人冇可能食得哂。炒飯粒粒分明，味道都唔錯！紅豆沙都幾綿蜜，食到淡淡的陳皮味！