星海．譽宴 (鱷魚恤中心)

營業中

休息中

今日同屋企人嚟觀塘飲茶，疫症嚴峻，依然排山倒海咁多人等位。輪後時間好短，好快可以入坐了。場地環境好舒適，仲有戶外小花園，絕對是擺酒好地方。今個午餐好豐富，「點心拼盤」有齊蝦餃．燒賣．粉果．白糖糕。「燒味拼盤」都好正，叉燒勁多汁．燒腩仔外皮脆卜卜，仲有海蜇👍🏻「豐料老火湯」呢盅湯真係好正，勁足料，好耐無飲過咁正嘅老火湯😋「杭州香醋一口骨」呢味小炒真係好醒胃，酸酸甜甜，脆卜卜，即炸熱辣辣。「乾隆石鍋炒飯」大大窩，足夠4人份量。炒到一粒粒好乾身，又唔會油，仲有原粒帶子，好好味😋最後仲有壓軸甜品「桂花紅豆糕」「椰汁糕」賣相好精緻，又唔會太甜，每道菜都好滿意😍譽宴旗下分店，食物果然有質數。下次要再嚟試埋晚飯小菜。

要同一位尊敬的長輩午膳當然要 選質素好的茶樓，譽宴·星海，觀塘開源道79號鱷魚恤中心2樓。我們點左燒味拼盤有叉燒、燒腩仔、海蜇，叉燒肉質軟腍，蜜味香甜，燒腩仔的皮極鬆脆，五花腩肥瘦勻均，超正。點心拼盤有蝦餃，晶瑩通透的外皮，蝦肉爽口彈牙。真好吃。潮州粉果、燒賣，材料豐富脹卜卜，真不錯，白色鬆糕，不太甜米味很香很可口。猴頭菇🐒雪耳紅蘿蔔🥕豬骨老火湯，味道 清香清甜，一入口就知無味精夠火候。杭州香醋一口骨，排骨用薄炸粉漿，非常香脆可口。乾隆石鍋炒飯，用石鍋熱烘烘盛著上抬，米飯粒粒分明，真爽口，有鮮帶子、瑤柱絲、翠肉瓜粒，極香口美味。桂花糕很清香，中層夾紅豆蓉，色彩繽紛的椰汁糕，真是完美組合。這餐我們都很滿意，下次會回頭再吃。

裝修同其他分店一樣够靚，呢度仲有室外用餐區，可惜去時人多，已full，雖然坐唔到室外坐室内，但可見到啲熱帶魚在牆上游走都好治愈啊。宜家晚餐好多停市，咁見呢度有老火湯，午市當晚市食。嗌咗個霸王花粟米蘿蔔煲猪骨湯，擺明係潤肺湯水，好啱疫症時期飲，飲多幾碗都唔怕。燒味拼盤内有叉燒4片，肥瘦適中品質高，而燒腩肉4粒，好似東坡肉，細細粒好的式，吃落没有罪惡感，淺嘗即止，加埋少許海蜇，吃得開心。點心拼盤有雜糧糕，潮州粉菓，燒賣，蝦餃，满足哂我哋的需要，唔需要散嗌咁麻煩。杭州香醋一口骨，香脆鬆化易入口乾隆石鍋炒飯，飯就炒到粒粒分明不油腻，仲有好多带子，瑶柱絲，蔬菜粒，飽肚得來又健康。

有時去酒樓食中餐lunch唔一定每次都係食點心,其實lunch time都可以好慢活咁食一餐.今日襯住有多少少空閑時間就約左朋友黎食個lunch,咁多時間當然係想傾耐少少,所以我同朋友揀左份2人餐慢慢enjoy邊食邊傾.先上係是日老火湯青紅蘿蔔粟米湯,唔會燥熱又清甜,係咁濕又悶熱既天氣飲啱晒.燒味拼盤有必食孖寶叉燒同燒腩仔再加涼拌海蜇.雖然係瘦叉燒但入口香而且肉質軟腍,叉燒醬好香甜.燒腩仔個皮超級脆,咬落脆卜卜,中間夾雜肥肉,三重口感好香口.點心拼盤有4款點心,蝦餃皮薄內餡蝦肉彈牙而且內有筍粒令蝦餡鮮味更出.潮州粉果內餡好足料十分滿足.當中有款穀麥糕入口好似鬆糕同白糖糕之間既口感,帶微微白糖既清甜同微Q軟口感.杭州香醋一口骨炸得夠薄脆既排骨上加上香醋汁,一夾起排骨,杰身香醋汁伴住排骨拉起帶點拔絲感,香醋汁唔會過醋有陣醇香既醋甘味.乾隆石鍋炒飯原石鍋上枱,上枱時熱辣辣,石鍋夠晒熱超保温.就算隔左陣夾起炒飯仲冒緊煙.飯粒分明入口爽身而不糊,加上帶子粒,瑤柱粒同翠肉瓜粒夠晒惹味,拌拌下炒飯發現內裏仲隱藏住金不換令成鍋飯更完美.最後鍋底下既飯焦先係最精彩,有陣焦香同脆卜卜.桂花紅豆糕中間爽住紅

呢排要清假，多咗好多時間喺屋企，屈都屈到悶，呢日即慶同媽咪落觀塘飲茶。APM隔離鱷魚恤大廈有好多飲茶嘅選擇，之前食過譽宴嘅印象比較深刻，好味又抵食，呢日再同媽咪去食。酒樓做足防疫措施，門外先探熱，再用酒精搓手液潔手先入座，枱與枱之間亦好寬闊，有足夠空間👍🏻⭐️點心拼盤熱辣辣上枱嘅點心拼盤😍有蝦餃/燒賣/粉果/鬆糕。蝦餃/粉果皮薄餡靚，外皮好有彈性，蝦餃入面嘅蝦肉鮮味爽口，粉果足料脹卜卜。⭐️燒味拼盤每人一碟燒味拼盤，有蜜汁叉燒/脆皮燒腩仔/爽彈海蜇。叉燒半肥瘦，口感彈牙，肉味香濃，蜜汁香甜開胃；脆皮燒腩仔一好正！真係食過翻尋味！外皮鬆化香脆！燒肉入味，鹹香適中，肉質肥瘦相間，食到油脂甘香，但又唔會肥膩。海蜇少少辣，彈牙爽脆，食落索索聲👍🏻⭐️豐料老火湯老火湯好足料，夠火喉，湯底非常濃郁，鮮甜👍🏻份量仲唔少，有6碗左右。⭐️杭州香醋一口骨一口骨炸得香脆，香醋汁醋味香濃，酸甜味道適中，好開胃👍🏻⭐️乾隆石鍋炒飯石鍋好熱！店員好好，提我地幾次要小心，唔好掂到！炒飯炒得乾身，粒粒分明，好香口，好足料！啖啖都食到元貝，乾瑤柱👍🏻⭐️桂花紅豆糕/椰汁糕甜品甜度適中，味道清甜，質感Q彈👍🏻

🐷🐷🐷🐷🐷▪️午市套餐 ($318/1)因為政府既新政策下，平時去開飲茶果棟building好多酒樓都執左，所以同媽咪試下依間好似好多好評既酒樓😈 一入到去就跟Openrice啲人叫左個午巿套餐。👉🏻 一黎就上左個燒味拼盤先，份量都幾多，叉燒外脆內軟，咸香得宜。燒肉皮脆，比較咸，食落有口感。海蜇就係頭盤既最愛，爽口彈牙，酸甜醒胃🙆🏻‍♀️👉🏻 老火湯真係好足料，好濃味之餘完全無味精味，飲完成個人暖曬。用啲料點豉油食好惹味🥴 👉🏻 點心拼盤嘅種類比我想像中多，咁岩都係我鍾意食嘅嘢😌 蝦餃同粉果皮薄肉滑，燒賣鮮味重。但最鍾意嘅都係佢白色既馬拉糕，彈牙有口感仲重奶香，係個高級版嘅饅頭😛👉🏻 杭州香醋一口骨，超好味！外皮炸得香脆鮮甜，內裏既肉半肥瘦惹味到不得了。👉🏻 乾隆石鍋炒飯，炒得粒粒分明，而且用咗好多瑤柱，鮮味十足！👉🏻 甜品〰️〰️〰️〰️〰️〰️〰️5/5🐷〰️〰️〰️〰️〰️〰️〰️🔸Overall ($636+1)📍 譽宴 • 星海 (觀塘)觀塘觀塘開源道79號鱷魚恤中心2樓

先來燒味拼盤：叉燒夠蜜汁；燒肉肥瘦適中；個皮幾脆，仲有海蜇，海蜇就偏鹹少少，但好爽口。去酒樓當然要食個點心，點心拼盤有燒賣，燒賣豬肉唔會太肥。另外蝦餃嘅蝦都爽口大粒。粉果都OK，另外有個糕點唔會太甜，食落似馬拉糕，但又帶點煙韌韌嘅口感。再嚟個足料老火湯，煲得夠火喉，而且材料都真係好夠 。呢個杭州香醋一口骨我好鍾意食，因為炸得好脆，而且糖醋味好食，排骨少少肥有口感。石鍋炒飯好多小貝柱，而且炒得夠乾身。係石鍋熱辣辣。最後甜品有桂花紅豆糕及椰汁糕，都相當唔錯。

一踏入酒樓，就覺得同一般茶樓好唔同，裝修好靚呀🥰出面仲有個露天庭院，係度行禮實好靚。.今日同媽媽食好啲，叫左個套餐食，每位$318加一，份量超多一定夠飽🤣.燒味拼盤一人一碟有叉燒、燒腩仔同海蜇，燒腩仔個皮好香脆，海蜇爽口開胃！.點心拼盤有蝦餃、燒賣、粉粿同甜甜地既穀物包，全部大大粒好足料😋.豐料老火湯係蘿蔔豬展湯😍好大煲，我地每人飲到3碗😂好足料，真係煲左好耐既味.杭州香醋一口骨呢個不得了😍香脆肉質鮮嫩既排骨包上鹹甜既醬汁，少許油脂香氣充滿了口腔，係最出色的一道菜.乾隆石鍋炒飯炒飯熱辣辣，好多粒帶子，其實呢個時候已經好飽🤣但都忍唔住食左碗.精選甜品甜品是桂花紅豆糕同椰汁糕，好清爽唔甜膩，作為結尾很適當！

之前試過譽宴係石門嘅分店 屋企人都覺得質素唔錯 今次嚟觀塘分店食完順便行下街 呢個時勢去酒樓食飯其實都安全 因為成場得幾枱客 枱與枱之間隔好遠 仲有酒樓好貼心咁坐低左就拎盤滾水嚟比客人洗餐具 食得安心又放心 呢排都係唔好share野食住 所以叫左個套餐 一人一份 首先有個燒味拼盤 有叉燒 燒腩仔 海蜇 舊燒腩仔好脆好好味呀 海蜇我最愛少少辣好惹味 半肥瘦蜜汁叉燒甜甜地好食 每樣都可以試到少少 跟著有抗疫補身黑蒜螺頭燉雞湯 好足料無落味精 飲落有d似出前一丁隻黑蒜油湯底 玉環鮑魚盅 原隻鮑魚 好厚肉 鮑魚汁配埋節瓜好好味西施蛋白蝦球 燉蛋好滑 蝦大大隻新鮮爽口乾隆石鍋炒飯 入面有好多粒帶子 配埋乾瑤柱炒得好乾身 不過爭咁d飯焦 同埋唔夠味 一人一鍋份量好多 最尾食埋個紅豆沙就飽哂啦可能無咩客人啦 所以服務都好周到 會不停有人收碟同加水 寧靜咁係酒樓食餐飯都係一個唔錯嘅享受

呀媽話呢期唔敢周圍去，但就連屋企附近嘅酒樓都暫停營業，無啖好食😫，所以呢日放假我就近近地帶佢去觀塘嘅譽宴食好西。我之前去過The One嗰間飲非常唔錯～。一上到去發現酒樓勁滿人，仲要未到下午茶時段添，好彩店員好快就安排我哋入座，意外地有得坐露天位，個環境勁正😍，喺到擺酒，都可以有個花園仔。呢日我嗌咗個套餐同呀媽食，每人$468全包，的確唔平，但食物質素絕對對得住個價錢😋，無論食材定烹調方式都好出色；而且份量超多，每人每道菜都各有一份。首先嚟嘅係燒味拼盤🐷，包括叉燒4片、腩仔4粒同海蜇小許，一人食啱啱好。燒味個樣好靚，食落都唔錯，但未到好驚艷；叉燒如果肥啲就好。黑蒜螺頭燉雞湯🐔，哇個湯真係黑色㗎，好少見🙈，應該係用上黑蒜嘅關係。我個人認為味道比較濃，不過呀媽覺得好好飲。湯入面好足料，有螺頭有雞。玉環鮑魚盅🥢，節瓜瑤柱甫就食得多，但配鮑魚真係唔係成日有得食。仲要鮑魚係用上乾鮑，即係比新鮮鮑魚更名貴🤤，果然食落個口感同味道係特別唔同，比較流心同入味。西施蛋白蝦球🍤，大蝦球非常彈牙，正呀。蒸蛋白比起蒸蛋口感更厚，夾埋個芡汁食，味道恰到好處，當中仲搭配咗兩款筍絲。乾隆石鍋炒飯🍚，我完全估唔到個飯

星期六午餐同媽媽黎食譽宴，疫情下全場滿座，真係難得一見，呢度上黎前，同埋入餐廳前都需要量體溫。更有用電子爐煲滾嘅滾水用黎消毒餐具，非常周到。今日我地食嘅有以下：燒味拼盤，包括叉燒、腩仔、海蜇，除海蜇比較鹹之外，都非常唔錯，叉燒係半肥瘦，肉質嫩滑，腩仔又啱啱好，唔鹹。黑蒜螺頭燉雞湯，黑蒜係抗炎良物，呢碗湯有一大粒黑蒜，真係不得了！玉環鮑魚盅，鮑魚唔算大隻，不過賣相十足！西施蛋白蝦球，蝦超大隻，爽口彈牙，蛋白則有芡汁，略帶鹹味，蒸蛋蒸得剛好又唔散。乾隆石鍋炒飯，勁大碗，我地食完咁多嘢，都食唔曬了。有乾瑤柱、帶子等等，因為係石頭鍋飯，都落左適量油。紅豆沙，粒粒紅豆，味道唔會爆甜，係最佳中式飯後甜品。食完呢餐，外面已經大排長龍等下午茶入座！

譽宴星海係一間連鎖酒樓，係觀塘銅鑼灣尖沙咀等地方都有分店。其中最特別既地方就係佢精緻既點心同埋有氣派既星海裝修，係令人回味既星海飲茶經驗。✨ 翡翠明蝦餃 ($40)(⭐⭐⭐⭐/5🌟)何謂精緻點心，呢一份翡翠明蝦餃一定可以解釋到，蝦餃皮同平時既唔同，係晶瑩剔透既翠綠色，上面灑上金箔裝飾，外觀非常精緻。蝦肉亦都冇令我失望，食落好彈牙。-✨ 酸薑糖心皮蛋 ($48) (⭐⭐⭐⭐/5🌟)每件皮蛋下面都有兩三片酸薑，而皮蛋係用左糖心既方式去製成。食落外層有酸薑既酸味，內層糖心皮蛋既甜味，感覺酸酸甜甜，幾特別~- ✨ 蟹粉小籠包 ($60)(⭐⭐⭐⭐/5🌟)呢一個係絕對唔小既蟹粉小籠包，咁大件既蟹粉小籠包相信香港唔會有好多地方可以食到。一打開個小籠包就感受到濃濃既蟹黃香味，d汁爆哂出黎，好滿足- ✨ 豉汁蒸鳳爪 ($32) (⭐⭐⭐⭐/5🌟)-豉汁蒸鳳爪同酒樓一般既鳳爪分別不大，個汁調得恰到好處，幾惹味，用黎送飯簡直一流~

特別的節日， 今年選擇中菜。 喺疫情之下大家都減少咗外出晚飯， 但是白色情人節， 一定要搵地方慶祝。 選擇了去觀塘晚飯， 之後可以去靚靚海濱公園散步和吹海風。觀塘 譽宴✨星海， 華麗嘅裝修 閃爍的水晶燈， 餐枱之間嘅距離非常寬闊。 為了食客安心， 喺大廳放了一列燒滾的熱水， 供應畀食客清潔碗碟。👍👍👍 非常貼心嘅安排😍燒味拼盤(蜜汁叉燒、 爽滑海蜇、 脆皮燒腩仔)叉燒肥瘦適中, 鬆軟入味。 海蜇非常爽口彈牙， 淡淡嘅麻油 及香醋味。 燒腩仔外皮鬆脆， 肥瘦分明。黑蒜螺頭燉雞湯🐥🐚驟眼睇以為黑色嘅湯，會有苦澀嘅藥材味。非常驚喜😍 湯頭清甜順喉😍😍 用料十足。 獨有嘅黑蒜味道 ，令人一試愛上。玉環鮑魚盅😍鮑魚鮮甜爽滑， 感受就到師傅炆煮鮑魚嘅功力 。底層係節瓜脯， 經過蒸煮嘅節瓜都不會太淋。西施蛋白蝦球🦐🥚如畫般秀麗的擺盆， 嫩滑如豆腐花的蛋白， 配上薄薄的琉璃芡汁， 滋味無窮。 加上彈牙爽口的明蝦🦐和翠綠蘆筍， 顏色配襯突出， 色香味俱全。乾隆石鍋炒飯🍲熱呼呼的石鍋， 盛著爽口不油膩的炒飯 ， 加上瑤柱 和貝柱， 十分鮮味 ， 好味到停唔到口。😋😋陳皮紅豆沙❤完美嘅晚餐，當然要配搭美味甜

辛苦工作了一個星期，終於捱到Happy Friday啦 ，為咗慰勞自己，今餐食好（豪）啲，同家姐去了裝修華麗，又近地鐵站嘅譽宴·星海觀塘店，門面幾高檔，室內有大型水晶燈飾，瑰麗奪目，仲有一個露天花園，作為婚宴場景都幾靚。$468套餐（每位），包茶芥，免+1服務費，包括燒味拼盤、燉湯、鮑魚盅、蛋白蝦球、炒飯和糖水，超豐富。燒味拼盤包括叉燒、腩仔和海蜇，叉燒醃得好夠味，蜜汁甜甜哋，很好食，燒腩仔皮都算脆，海蜇幾爽口。黑蒜螺頭燉雞湯，抗疫時後食黑蒜最適合不過，可增強免疫力，加埋螺頭燉雞，滋補又養生，湯味道很濃，黑蒜沒有大蒜的濃烈氣味，比較容易接受，我一向不吃大蒜，都不抗拒這味道。玉環鮑魚盅，鮑魚咬開，慢慢細嚼，散發著鮑魚香味，餘香令人回味。西施蛋白蝦球，賣相很精緻，蝦球爽口彈牙，蛋白滑溜十分好食。乾隆石鍋炒飯，用石鍋盛載，炒飯更加熱騰騰，帶子、瓜粒，加上蔥粒，炒得很有鑊氣，而且不油不乾 ，香氣撲鼻，食落很惹味。紅豆沙糖水，有微微的陳皮香味，水準不錯。環境、衛生、服務和食物質素都很好，而且價錢比預計中更抵食，不妨試試。

最近好耐無去過樓酒食飯，今晚轉場過黎食中菜。一入到黎先量體溫，仲有煲熱水消毒碗碟都幾安心。呢度環境唔錯，個天花仲好靚，起度擺酒都諗得過。✨黑蒜螺頭燉雞湯：個湯好香黑蒜同雞味，感覺好滋補，煲完湯既黑蒜原來就咁食都幾易入口同埋好食。螺頭夠腍，入邊仲有雞腳，豬肉好足料。✨燒味拼盤：蜜汁叉燒夠肥美，燒腩仔皮脆肉嫩，如果肥番少少更加好，仲有我最鍾意既爽彈海蜇。✨玉環鮑魚蛊： 個節瓜好juicy索晒鮑汁既味道， 呢個鮑魚味道好香同埋幾有咬口，不過又唔會係韌果種👍✨西施蛋白蝦球：蛋白好滑，蝦肉好爽彈，蘆筍同菇都索晒芡汁既味道，簡單又美味。✨乾隆石鍋炒飯：個飯食落煙煙韌韌夠乾身，入面仲有好多瑤柱絲，所以都幾香口。配料有好彈口嘅帶子粒，雞蛋同埋菜頭，食到尾仲有脆脆既飯焦添，真係幾好食。✨最後食埋個紅豆沙真係好飽，個紅豆沙我覺得可以杰番d 同減甜一點，不過陳皮味幾香既。整體食物同服務環境我覺得都唔錯，下次可以再同屋企人黎食。