影片
更多
2020-03-22
35 瀏覽
星期六午餐同媽媽黎食譽宴，疫情下全場滿座，真係難得一見，呢度上黎前，同埋入餐廳前都需要量體溫。更有用電子爐煲滾嘅滾水用黎消毒餐具，非常周到。今日我地食嘅有以下：燒味拼盤，包括叉燒、腩仔、海蜇，除海蜇比較鹹之外，都非常唔錯，叉燒係半肥瘦，肉質嫩滑，腩仔又啱啱好，唔鹹。黑蒜螺頭燉雞湯，黑蒜係抗炎良物，呢碗湯有一大粒黑蒜，真係不得了！玉環鮑魚盅，鮑魚唔算大隻，不過賣相十足！西施蛋白蝦球，蝦超大隻，爽口彈牙，蛋白則有芡汁，略帶鹹味，蒸蛋蒸得剛好又唔散。乾隆石鍋炒飯，勁大碗，我地食完咁多嘢，都食唔曬了。有乾瑤柱、帶子等等，因為係石頭鍋飯，都落左適量油。紅豆沙，粒粒紅豆，味道唔會爆甜，係最佳中式飯後甜品。食完呢餐，外面已經大排長龍等下午茶入座！
更有用電子爐煲滾嘅滾水用黎消毒餐具，非常周到。
今日我地食嘅有以下：
燒味拼盤，包括叉燒、腩仔、海蜇，除海蜇比較鹹之外，都非常唔錯，叉燒係半肥瘦，肉質嫩滑，腩仔又啱啱好，唔鹹。
黑蒜螺頭燉雞湯，黑蒜係抗炎良物，呢碗湯有一大粒黑蒜，真係不得了！
玉環鮑魚盅，鮑魚唔算大隻，不過賣相十足！
西施蛋白蝦球，蝦超大隻，爽口彈牙，蛋白則有芡汁，略帶鹹味，蒸蛋蒸得剛好又唔散。
乾隆石鍋炒飯，勁大碗，我地食完咁多嘢，都食唔曬了。有乾瑤柱、帶子等等，因為係石頭鍋飯，都落左適量油。
紅豆沙，粒粒紅豆，味道唔會爆甜，係最佳中式飯後甜品。
食完呢餐，外面已經大排長龍等下午茶入座！
張貼
