星海．譽宴 (鱷魚恤中心)

營業中

休息中

呢間酒樓主攻中西式婚宴市場👰所以食物定價為中上水平。今次悲傷小姐就揀咗$318/位嘅午市行政套餐，既可以每樣試到少少，又可以慳番時間諗食咩😁💗點心拼盤4款點心包括：🦐蝦餃嘅水晶皮都算薄，裡面啖啖蝦肉，配上爽脆筍粒，食落彈牙鮮甜。🍄燒賣包咗偏瘦嘅豬肉，冇咁肥淋淋，仲有彈牙嘅蝦仁同冬菇粒，咬落爽口鮮滑。🥟潮州粉果內餡有豬肉碎、蝦米、沙葛、菜脯等，非常有口感，而外皮亦口感煙韌🍰穀麥糕口感有d似白糖糕，軟糯得嚟好有彈性，食落帶微微白糖嘅清甜，但燕麥味就較淡。💗燒味拼盤🥓明爐叉燒肥瘦適中，入口軟腍，食落肉味香濃，帶蜜汁香甜。🐷燒腩仔，外皮香脆，三層肉肥瘦分明，唔會肥膩，味道鹹香d就更好。🌶涼拌海蜇，口感夠哂爽口彈牙， 帶淡淡嘅麻油同香辣。💗豐料老火湯猴頭菇雪耳紅蘿蔔豬骨湯🍲性平味甘，有健脾養胃功效，適合所有人士飲。湯料非常充足，所以飲落特別清甜唔燥熱，完全冇味精，而且清澈唔油，連湯渣都好好食🥕💗杭州香醋一口骨排骨炸至外皮香脆，內裡肉質少油脂但唔會硬，鮮嫩肉味濃🍖掛上濃稠嘅香醋汁，拉起有拔絲嘅感覺，香醋汁唔會過份嗆口，帶醇香嘅甘味，酸甜比例平均，食落非常開胃，仲伴有炸薑絲減低油膩感😋💗乾隆石鍋炒飯

近日因限聚令關係出外食飯都唔可以太多人一齊食平日中式酒樓多數都係一圍圍咁食晚飯的為了今次的限制令酒樓都改變左 推出左2人晚餐想食中餐的朋友可以來譽宴食個2人set dinner頭盤有燒腩仔，海蜇和叉燒一人份量好合適我最欣賞就是燒腩仔 個皮好脆好香 肉質又唔肥 到了湯品 點了黑蒜響螺雞湯個雞湯一上檯已經聞到好香 響螺配雞是經常見的組合 再配上黑蒜又是另一番滋味黑蒜經過長時間的烹調後是有一種甜香味 加到雞湯裏令成碗湯勁香更甜雞味更出眾小菜方面點了2款一款是牛仔粒 另一款是一口骨牛仔粒好軟身配上雞脾菇和薯粒炒香後很好食另外一口骨也不錯 而且份量好足 一定夠飽而飯方面點了石鍋炒飯炒飯粒粒分明 又金黃配上雞蛋，小柱等食材令個炒飯更加有特色最後甜品當然要食紅豆沙粒粒紅豆都大大豆 加入了陳皮的紅豆沙令人食完再想食多一碗

好耐冇去酒樓啦😭今日同媽咪去飲唐茶🥢譽宴 • 星海响觀塘APM一出好易搵，搭lift上二樓...嘩！12:30已經好多人要等位（仲以為市道唔太好冇訂位添😛）一入門口就見到瑰麗堂皇嘅水晶堂🤩好懷念熱鬧嘅氣氛😌希望香港快啲好返啦😌今餐食好啲！二人套餐先嚟個老火湯🥣一煲每人都有三碗，正👍🏽點心拼盤有蝦餃燒賣粉果，皮薄餡靚！燒味拼盤有燒腩仔海蜇同叉燒，蜜汁好好味😋乾隆石鍋炒飯，鍾意食飯焦嘅朋友一定要食！再整多個杭州香醋一口骨...脆炸排骨再用鎮江醋輕炒，開胃又惹味🤤🤤最後值得一提，呢度全日午市晚市都有糖水送㗎！可惜飽到食唔落...我哋就唔好浪費嘞😊

來喝茶，平日也要等一段時間。一場來到什麼都叫一下，先來一個點心拼盤，店員細心詢問我們要不要豆瓣醬，果然配上燒賣、蝦餃等點心一流。燒味拼盤最欣賞海蜇，爽脆又開胃。燒肉的皮也夠香脆，整體不錯。杭州香醋一口骨酸酸鹹鹹的，很香口。至於乾隆石鍋炒飯也炒得乾身，足料。吃了那麽多我們也來點老火湯。佛手瓜可利尿排鈉，有擴張血管、降壓之效，足料也夠味，我們把湯都喝清光了呢！最後再來一碗紅豆沙作結，家人開心，我們也吃得滿意，最重要還是服務也是很不錯呢！

同媽咪去飲茶，呢個午市套餐包哂茶芥，點心小菜炒飯老火湯甜品乜都有，媽咪好鍾意，Yeah!環境舒服，天氣涼d坐室外好開揚，一定好正。燒味拼盤有半肥瘦叉燒、脆皮燒腩仔、彈牙海蜇，水準幾高。豐料老火湯，乜東東湯呢？有藥材味，好多湯料，似媽媽靚湯，媽咪都話好飲。點心拼盤有蝦餃、燒賣、粉果、燕麥糕，料足，尤其是蝦餃，好大隻蝦，燕麥糕味道似似地白糖糕，煙韌口感，好味！乾隆石鍋炒飯，材料有乾瑤柱、貝柱、脆肉瓜等等，石鍋保溫之餘，令到炒飯乾身又有少少飯焦，唔錯。不可錯過呢味杭州香醋一口骨，外皮脆糖口感包圍住排骨肉香，size適中，上碟精美，超級勁飽又好味。及後先醒起唔記得叫人上甜品就埋單走左，佢d甜品好精緻架，蝕哂😭！

婚宴專門店中，有不少選擇，不過走高檔路線的，非要提譽宴不可譽宴長期樹立婚宴台，所以每次去吃飯都有種在飲宴的feel 食物：$468一人的套餐有先上的是燒味拼盤，燒肉五層腩層次分明，皮脆肉嫩，烤得很好叉燒也是半肥瘦，入口軟稔帶甜，瘦的部分不柴不鞋，不俗！黑蒜螺頭燉雞湯這個就非常出色！燉雞的濃烈味道釋放到湯品中，加上味道強勁但又帶甜的黑蒜味，豐富的層次，根本超好喝！杭州香醋一口骨一口骨果真一口一啖，而且是剛煮起所以頗香脆，只是有點略甜黑椒金蒜牛仔粒是大排檔小炒傳承下來，只要爐氣夠就好吃。一顆烤薯，一片青椒，一粒秀珍菇，一塊牛柳，超好吃乾隆石鍋炒飯是壓軸好戲，這份量真的是一個人吃？賣相精緻但份量甚多，但這份量兩人根本吃不完喔最後的甜品是紅豆沙，比較甜而且濃度很高～

今日我哋去咗觀塘分店嘅譽宴飲午茶，估唔到呢一間茶樓咁受歡迎，去到只係等左一陣位，就可以入座呢間茶樓有室外同室內可以選擇，室外仲有一個小花園，如果日後有機會係道搞婚宴都係一個唔錯嘅選擇翻開餐牌，見到原來呢度除咗傳統點心之外，仲有二人餐等等嘅不同人數嘅午市套餐，一於試吓首先我哋叫咗一個點心拼盤同埋燒味拼盤點心拼盤有四款中式點心組成，有蝦餃、燒賣潮州粉果同埋穀物糕，穀物糕非常鬆軟彈牙，蝦餃皮薄，蝦肉非常爽口。燒味拼盤有三款，有好肥美又重蜜汁味嘅叉燒，又脆又香口嘅腩肉同埋海蜇然後仲有一個足料老火湯，呢一個湯真係份量非常之多，而且非常足料，飲完非常滋潤喉嚨跟住我哋叫咗一個杭州著名嘅小菜，香醋一口骨，份量非常之多，而且一啖一粒，帶有香醋味，酸酸甜甜非常之開胃最後仲有一個石鍋乾隆炒飯，呢一個炒飯係由石鍋盛裝，石鍋非常之熱，能夠做到有飯焦嘅效果，飯粒粒粒分明，加上帶子粒、瑤柱粒同埋翠玉瓜設成粒狀，令到整個飯非常富有口感，炒得非常乾身，估唔到茶樓都有咁出色嘅甜品方面係桂花糕同埋椰果奶凍，食埋甜品之後呢一餐豐富嘅午餐已經食到非常飽肚， 十分滿足

疫情轉趨穩定，想去環境好一點的餐廳慶祝一下，第一時間想起這裡大廳有一道50 呎海洋生態水族長廊，配合型格時尚的設計，營造一股海洋主題的獨特氣氛甫坐下侍應便放下一盤新的熱水和夾子讓我們為食具消毒！更難得的是每一道菜也為我們分好每人一份，防止交叉感染前菜燒味拼盤有叉燒、腩仔及海蜇！腩仔燒得香脆！海蜇惹味！當中最好吃的是甜甜的半肥瘦蜜汁叉燒黑蒜螺頭燉雞湯味道濃郁、甜中帶清！能增強免疫力、滋陰補腎杭州香醋一口骨每一口都酸甜鬆軟有醋香，更伴有薑絲減少油膩感黑椒金薯牛仔粒的牛柳微辣、薯仔粒外脆內軟，口感不錯乾隆石鍋炒飯粒粒分明、 軟硬適中 ，加上貝柱， 十分鮮味飯後甜品陳皮紅豆沙軟腍起沙，清甜帶陳皮香值得一提的是露台有一個小清新庭園，食客可隨時呼吸到新鮮空氣

母親節食飯，叫咗個4人餐6個餸加甜品，點知一坐低唔夠15分鐘已經上咗4個菜，我先剛剛消毒完D杯同碗，連碟花生（飯前小食）我都未食，擺到D餸都凍曬，同侍應講hold住，點知唔夠2分鐘，上埋條魚，我火都嚟，個曲街部長仲話廚房跟order 出，我小佢呀，咁人地結婚擺酒，咁係唔係十幾道菜一次過擺晒上枱....跟本張枱都已經無位，叫佢攞返條魚入去熱住先，又話唔得，喂！依家係冇位擺，咁唔通條魚放地下咩....一心諗住母親節開開心心食個飯，點知俾D間激到彈起！大家真係要慎重考慮呢一間野

平時淨係會喺呢度飲茶，今日見到經理介紹午市套餐，大概$300一位，決定同朋友一試。首先有足料老火湯，非常鮮甜，沒有味精。湯渣亦分開上，方便進食。之後就有燒味拼盤，有叉燒、海蜇同埋燒男仔。叉燒有點兒瘦，但味道不錯。燒腩仔皮脆肉嫩👍🏻點心拼盤就有燒賣、蝦餃、粉果同埋類似馬拉糕的甜糕。最令我印象深刻的就是那甜糕，質地軟糯，甜甜的好好食。之後有鎮江一口排骨，味道甜甜地，炸到個皮好趣熱辣辣好新鮮。最後仲有乾隆石鍋炒飯，賣相非常吸引又好味，完全掛住食唔記得影相。炒飯用了十足，有帶子同埋瑤柱，非常香口，而且用料十足份量非常多。

中菜一向是我最愛，當然也喜歡飲茶今天剛好到觀塘辦公，中午立即約朋友去飲茶。食物：4.3/5怕只叫點心不夠飽，點了二人套餐，結果食物多到要打包▪️燒味拼盤包括燒腩仔(半肥瘦、外皮香脆)、叉燒(蜜糖味較重)及海蜇。▪️霸王花粟米紅蘿蔔湯真材實料老火湯一煲有足足6碗，清甜滋潤，而且飲完不會口渴証明沒有味精！我們一碗接一碗，未到主菜已飽了六成▪️點心拼盤竟然有我最愛的粗糧糕已大加分！另外三款都是普遍港人最愛點心：蝦餃、燒賣及粉果！全部都新鮮蒸好又大件！▪️杭州香醋一口骨酸酸甜甜極開胃雖名為一口骨，但每件都很大要分幾口才吃完外皮炸得香脆，但不會硬，內裡肉質亦不會太乾。▪️乾隆石鍋炒飯其實吃完前面幾款已超級飽但石鍋炒飯一上桌，陣陣香氣又吸引著我炒飯粒粒分明、軟硬適中還有元貝粒、菜粒等，一鍋有4-5碗，最後決定打包▪️桂花糕配椰汁糕慶幸我有另一個胃專門吃甜品兩款糕都甜度適中、值得一讚。超級滿足及豐盛的午餐！

話說早前跟老公食過晚市，佢覺得好回味。但疫情未止，要出外食晚市真係唔容易，所以今次轉食午市。而在限聚令生效底下，枱與枱之間的距離係明顯加闊咗，而且大枱都無哂。職員立即奉上一大盤滾水讓我們為餐具消毒。飲茶當然少不了點心，所以我們來個點心拼盤。有蝦餃、燒賣、潮州粉果和糕點，款款熱呼呼的，食落十分彈口。老公喜愛食燒味，燒味拼盤 必定是要 encore 吧~半肥瘦的叉燒，很有光澤，食落完全唔 heavy。腩仔同樣是半肥瘦，肥瘦分明，外皮脆卜卜的。海蜇有少少辣之餘又帶爽口。原鍋上的老火湯，湯水火喉十足，而且好多湯渣，舊舊咬落好腍，飲完成身暖笠笠。杭州香醋一口骨 帶點脆口，味道是酸味味的，越食越開胃，用來拌 乾隆石鍋炒飯 一齊食真的非常搭配。最後，享用過美味的糕點真係又飽又滿足~

屋企人齊齊放假話想飲茶，咁就上左黎呢度！可能最近疫情好左，食肆都多返人流，個日都等左陣先有位~~因為大家都肚餓，所以點心小菜同主食都有嗌左d，價錢都適中，唔會太貴：）去得酒家飲茶，點都要食下點心既~~所以我就剔左個點心拼盤，貪佢一份有齊幾款點心，可以share食多d唔同口味！！蝦餃外皮q彈蝦夠爽，唔錯唔錯~~呢個燕麥糕既質感好煙韌，仲好香燕麥味添♥大帝中意飲啖湯，所以叫部長落左個老火湯！個湯都好足料，湯渣都食得xppp呢碟甜醋一口骨味道酸甜，肉質鬆化，愈食愈開胃~~我地驚唔夠飽，所以叫左個石鍋海鮮炒飯！！估唔到份量超多，加加埋埋有成5-6碗架~~因為用石鍋盛載，所以個飯食到最尾都熱辣辣，正！！！最後女皇仲叫左碟又靚又好味既彩虹椰汁糕添啊✔✔✔

疫情期間去酒樓食，其實都令人安心的，因為每木台之間的距離好大。今次同客人來官塘譽宴，兩個人坐了在台前的2人枱，真係好好的安排。午餐時間都唔少食客，不過空間足夠，所以空氣流通而且坐得舒服。午市套餐$318/位全包，見都幾多野食，就費時傷腦筋了~先來一個點心拼盤，都幾精緻，而且都有四個款式。熱騰騰都好好食，特別蝦餃做得唔錯，皮薄蝦好爽。之後來個燒味拼盤，好似西餐咁分了兩份，有燒腩仔、海哲及叉燒，我最愛燒腩仔，個皮好脆。而且唔太肥，好食。再來一個豐料老火湯，哇有花旗參味呢，另外有大雪耳，好滑而且湯又唔油，午餐有個湯飲，即刻升格左好多。杭州香醋一口骨，酸酸的好好送飯，排骨香脆可口，而且味道好開胃，配上乾隆石鍋炒飯，令人好滿足呢~呢個就是乾隆石鍋炒飯，好大鍋~而且都好多料，炒得好干身，飯好爽口，而且元貝又多又甜，高質的炒飯~!實在太大份，為免浪費我地打包了~~~甜點有椰汁糕，輕輕的剛好中和了之前食的炒飯。捧住肚子，呢到好坐食物質素都高，是午餐宴客好地方。

之前吃過銅鑼灣的譽宴，很是喜歡他們的食物。這次來到觀塘這家，感覺裝潢沒那麼堂皇但有室外空間很舒適呢！我們點了套餐，食物都分開上的，比較衛生！點心拼盤點心拼盤適合兩位，有時分開叫三件四件試不了太多。燕麥糕、蝦餃、潮州粉果及蟹籽燒賣皇各兩件。第一次吃燕麥糕原來有點煙韌，微甜。另外幾款都夠足料，不錯。 燒味拼盤海蜇微辣，爽脆，好開胃！腩仔皮夠脆，肉質夠嫩夠厚身。叉燒蜜糖味香，夠腍身。豐料老火湯一份例牌湯份量也不少，大概有七碗。猴頭菇及雪耳滋潤，較清淡，不錯。杭州香醋一口骨一口骨夠脆，香醋入味酸酸的，很香口，又不會太多骨，不錯！乾隆石鍋炒飯炒飯夠粒粒分明，味道不錯，還有很多貝柱。放在石鍋內真的吃到最後也是暖暖的呢！椰汁糕最後再來椰汁糕，上面的啫喱夠彈牙，甜甜的，完美！