星海．譽宴 (鱷魚恤中心)

營業中

休息中

呢日來到觀塘嘅譽宴·星海，非常哋好彩可以坐到室外座位，咁啱昨日有人舉辦了婚禮，可以沾D喜氣。陣陣清風吹來同朋友享用了一個開心的午餐。首先係點心拼盤和燒味拼盤，咁就有齊蝦餃，燒賣，潮州粉果和雜糧糕食喇，而燒味拼盤的海蜇鮮甜爽口，叉燒肥瘦相間，腩仔的皮就燒到脆卜卜。『脆皮咕噜肉』，『欖菜肉鬆四季豆』都係朋友點嘅，話零舍好味，食極唔厭喎，當然唔係叫你日日食，餐餐食吖，如果日日食，山珍海味都冇味啦，你話係唔係？？咕嚕肉食得多，但脆皮就好似第一次食，趁熱食好好味，但始終冇可能一次過食哂，凍番D食都keep到脆皮，犀利。‌『乾隆石鍋炒飯』就係我點，事關D朋友係『無飯不歡』一族，咁呢個粒粒分明，又健康唔多油的炒飯就啱哂啦，又有唔少瑶柱粒同種蔬菜粒混埋一齊，不太乾下太濕的口感啱啱好。

觀塘區返工既我 成日都同同事去鱷魚恤搵食 平時下午飲茶就飲得多 晚餐真係比較少幫襯 今晚難得同事無飯食 就兩條友走去酒樓食下晚飯😜 .擇左間「譽宴.星海」，平時飲茶時間呢間好爆 估唔到晚市都幾多人幫襯 酒樓黎講算幾靚同有裝修(可能主打做wedding) 食物方面都係個d酒樓小炒 .▪️脆皮燒乳鴿 香脆乳鴿外脆內算嫰 夠juicy 唔會太乾身 鹵汁夠入味 .▪️黑蒜螺頭燉雞湯黑蒜味超重👍🏻燉湯黎講好足料 有雞肉 螺頭 黑蒜 雞腳 好補又健康 .▪️杭州香醋一口骨排骨用一字排 首先炸過之後再淋香醋汁上面 炸粉夠脆 加完汁都唔會淋 份量幾足💪🏻.▪️黑椒金薯牛仔粒除左薯仔同牛仔粒 仲有洋蔥杏鮑菇襯埋 黑椒味濃 牛仔粒都唔少 唯獨係太油(可能因為牛既油脂太勁) .▪️乾隆石鍋炒飯今晚既重點 炒飯有蝦 魷魚 瑤柱 帶子 生菜 口感豐富 呢個有點多😅4-5個人黎share會較好 欣賞佢石鍋上碟 可以keep著一直熱 .晚飯有糖水送 今晚就得紅豆沙擇 送既糖水不過不失 起碼唔會得個甜 紅豆都煲得算淋身😜

用家個人感受，不是打手！9️⃣0️⃣位置，近地鐵，易揾。9️⃣0️⃣裝修，乾淨，坐得舒服。8️⃣0️⃣招呼，下午茶時段14:00開始，等左10分鐘可入坐，員工都算有禮貌，落單上菜都快及準。6️⃣0️⃣正正常常無驚喜，點心拼盤$55，牛肉$13.8，紅豆沙$10.8，蟹粉小籠包$28x2，春風得意腸$39.8，甜心鼠24.8，燒腩仔$58得10粒_又乾又硬，鹹水角$13.8，腐皮卷$30.8，棉花雞24.8，茶$7x2。7️⃣0️⃣CP值，2個人，下午茶時段，加一後$376，每人$188，可以有更好選擇，尖沙咀有啲靚酒樓或酒店中菜做緊點心放題，，有灌湯餃有帶子，都係埋單每人$200，所以應該唔會再去。

是日約咗朋友食晚飯，由於唔想諗食咩，所以拜託友人選擇。結果佢隨便揀，晚市兩個人竟然黎咗呢度…由於人少，叫小菜的話好似唔叫得多，同一樣嘢又要食好多，結果叫到好似叫LUNCH咁，要咗福建炒飯同埋翡翠苗。由於疫情關係，晚市唔算好多人，所以嘢食都上得快。先上翡翠苗，望落唔差，食茖都唔想太腍，不過有時有渣，要多D時間食，幾襟食。福建炒飯比想像中好，其實菜單上佢仲有兩個字係前面，但我唔記得了。真係相當好味，好味在於佢好多料，帶子、肉、菇、蘿蔔、翠玉瓜等等一大堆…真係食極唔厭。雖然主要食飯都係吹水，但都分咗心去講下條炒飯，值得一試。

仲記得之前夜晚嚟食晚飯，幾個人嚟食，感覺都算唔錯。餐廳非常衛生，拎住一大盆熱水俾我哋，就係為咗俾我哋用熱水去洗乾淨啲碗筷。之後我哋叫咗黑蒜螺頭燉雞湯，平時飲燉湯，都係飲開紅蘿蔔或者淮山煲杞子之類型嘅湯，黑蒜頭燉湯都係第一次，自己平時雖然都鍾意食黑蒜頭，但係用咗佢嚟燉湯之後，感覺味道冇咁強烈，反而飲落幾舒服，飲完之後個人都好精神。個湯甜甜的，裏面亦都有排骨，感覺不錯。之後嚟嘅就係一碟乳鴿，乳鴿外皮燒得香脆，加埋淮鹽一齊食，肉味就更加突出。再之後就係杭州香醋一口骨，酸酸甜甜的醬，配上炸得非常香脆的骨，如果配埋白飯一齊食的話，就更加開胃。再之後就係黑椒牛柳，黑椒牛柳炒得非常香，大火爆炒之後，牛肉的肉質依然好鮮嫩，再配上非常香的黑椒汁，攞嚟送飯的話非常一流。之後我哋亦都叫咗一個乾隆石鍋炒飯，平時去餐廳食飯，炒飯都好快凍，就變咗唔夠鑊氣，但呢個石頭鍋飯長期都保持住炒飯處於一個非常熱的狀態，而且佢嘅用了亦都好足夠，有蝦米、蛋白、蔬菜、同埋其他肉類，感覺成個鍋飯都好豐富。最後甜品我哋亦都叫咗個椰汁糕食，甜甜的，不錯。

今日突然間好想食中式美食，又唔想去啲屋村酒樓食，於是就去咗觀塘鱷魚恤中心2樓嘅譽宴・星海食晚飯。譽宴・星海環境舒適，侍應嘅服務周到。蔥花海蜇首先食個屬於冷盤嘅風味小食蔥花海蜇。份量算係合適，海蜇夠哂味，而且又夠涼爽。足三両紅燒煲仔翅即場用gas爐煮熱，跟住將牙菜放入煲仔翅，再加入紅醋，美咪嘅足三両紅燒煲仔翅就完成喇。足三両嘅翅，有成兩大塊，每塊都有成隻手掌咁大。依個紅燒煲仔翅，食、色、相都可以話係滿分，仲環做緊震撼價$168就食到，真係物超所值。桂花蟹肉炒粉絲依個係其中一道我好中意食嘅中菜菜式。桂花炒粉絲，通常都會係蟹肉、或者瑤柱，而我就比較中意蟹肉，所以見到餐牌有，好多時都會點嚟食。杭州香醋一口骨香醋一口骨同糖醋排骨相似但唔一樣，啡啡黑黑、酸酸甜甜、醋味濃。一口骨外表炸到香脆，內裡肉嫩Juice，好味到停唔到口。金銀蒜蒸勝瓜勝瓜以角切形式，再加入生蒜蓉同炸蒜蓉一齊蒸熟。非常之香嘅蒜蓉味。乾隆皇石鍋炒飯乾隆皇石鍋炒飯有鮑魚汁、帶子粒、櫻花蝦、瑤柱碎同埋火腿茸。賣相稍為普通，是實上係一個內有乾坤，個非常之足料嘅石鍋炒飯。飯料炒到粒粒分明，每一口飯都有鮑汁嘅鮮味。炒飯炒起後再放入石鍋，一嚟

之前係銅鑼灣間【譽宴】飲過，質素好好原來觀塘都有一間，係鱷魚恤幢大廈，仲有好多人飲茶兩個人lunch就去左飲茶，等左一陣位🔶燒味拼盤有蜜汁叉燒、脆皮燒腩仔、海蜇，每一款都好味開胃🔶點心拼盤有蝦餃、燒賣、粉果、白糖糕，熱辣辣出爐好好味，蝦餃&粉果個皮都好通透又煙靱，另外個白糖糕都好軟熟又唔會太甜，出面好少食到👍🏻🔶脆皮咕嚕肉份量都幾多，啲肉無骨，好方便我，而且真係外脆內軟，必食👍🏻🔶欖菜肉鬆四季豆本身對四季豆無咩好感，但呢一道菜令我改變感覺，原來四季豆都可以好好味，佢欖菜肉鬆個味令四季豆好入味，而且肉鬆都多，撈飯一流😋🔶乾隆石鍋炒飯兩人份量都多，可以裝到4小碗，好抵食炒飯入面仲有乾瑤柱、青瓜、雞蛋，炒到粒粒分明😍🔶甜品：紅豆沙紅豆沙同樣好味，紅豆好淋身湯水唔會太稀，可見係老火煲出嚟

之前禮拜嚟呢度同屋企人飲過茶，今日就試埋呢度嘅dinner先！環境好新淨好舒服，高檔設計仲好啱婚宴擺酒，絕對夠grand同high level!豐料老火湯係雪耳木瓜豬骨湯，骨膠原重，養顏又護膚。個湯好足料，好似屋企嘅感覺！燒味拼盤經典之選，最鍾意佢嘅叉燒，半肥瘦啱啱好。而且味道都教得好好，keep fit都唔驚會浪費quota! 脆皮咕嚕肉係經典粵菜之一，真係好脆皮好好食！酸甜汁開胃可口，咕嚕肉彈牙爽口，我忍唔住食咗好多舊❤❤夾埋菠蘿係絕配！涼瓜肉鬆煎蛋角好似苦瓜炒蛋，如果肉鬆可以多啲會更易食得出~黃金海皇炒蛋好好味，絲苗米好細滑，高質炒飯加埋蝦仁干貝好鮮味！最後紅豆沙作結，加咗香草好香，熬得好正，好滿足！

好耐無飲茶，今日想食吓點心，一於去食吓先！🥢春風得意腸近年飲茶必食，外層腸粉軟滑，裡面餡料有咬口，加上鬆脆嘅油炸鬼，食到唔停得口呀🥢金沙炒鮮菌黃金四季豆就食得多，原來咸蛋黃炒翠肉瓜同雜菌都好夾👍🏼👍🏼蛋黃炒到起晒沙，每一啖都食到濃濃咸蛋黃味，私心推介😍🥢蟹籽燒賣王一向都好鍾意食燒賣，呢到嘅燒賣大大粒，食落爽口，又係必食之選！呢間譽宴裝修好新淨，坐得舒服，侍應都好有禮貌；而且地點方便，已經成為我飲茶嘅首選酒樓👍🏼

譽宴 星海觀塘店，成楝大廈都是酒樓呢間裝潢是走高貴典雅風，有氣派，是一間較華麗的酒樓。❤️食了2人套餐，有菜有飯有湯有甜品，好豐富好滿足，食物都好好食，食了好多食物，首先食燒味拼盤(蜜汁叉燒、 爽滑海蜇、 脆皮燒腩仔)，很爽口鬆脆，可以自己食曬1份yeah😆之後飲了黑蒜螺頭燉雞湯，很夠火喉很清甜，很易入口，好滋潤養生。另外，講到其中一樣我很鐘意食的杭州香醋一口骨，酸酸甜甜，好開胃醒神，食唔停。黑椒金薯牛仔粒又係好入味，粒粒都是精華，薯仔配菜吸左d味都好正。至於炒飯不是一般的炒飯，是名為乾隆石鍋炒飯，用石鍋呈上，好香好惹味👍🏻最後配以香甜好味紅豆沙 ，真是滿足的一天。食到好飽，帶左少少飯同牛仔粒比屋企人食，人人都讚好呢。❤地址：觀塘開源道79號鱷魚恤中心2樓 （好近地鐵站）APM B1出口

今日同媽媽出開嚟觀塘做完要處理嘅事情之後就嚟呢度食午餐醫肚媽咪話之從疫症之後好耐都無食過中菜😂帶位姐姐俾咗個靚位我哋坐個玻璃旁嘅位置對住個户外証婚場地食嘢胃口都好啲😌好快就有嘢食先嚟嘅係個中湯煲湯熱到出煙正！霸王花煲豬踭 仲有好多紅蘿蔔同粟米佢寫係老火湯飲落都好甜我仲食晒啲霸王花😂夠高纖成煲湯分到4碗有多幾抵飲🤤之後上枱嘅就係香醋一口骨望落賣相好靚食落唔會太韌醋味濃又唔會過酸 好開胃秒速清碟之後再嚟嘅係脆皮燒腩仔望落肥瘦相間好吸引咬落啲皮仲要非常脆！半肥半瘦唔怕食兩嚿就膩咗基本上食唔停口😂之後就係個點心拼盤整體水準都唔錯但最令我印象深刻就係個燕麥糕同蝦餃燕麥糕微甜感覺已經非常健康咬落仲幾煙韌個糕好有彈性係好少見嘅口感至於個蝦餃皮唔算厚入面嘅蝦同豬肉比例恰到好處推介！食到呢度其實都7成飽但個福建炒飯望落咁靚仔又無理由唔食😂於是就潷咗2啖食吓啲飯粒炒得好爽身 粒粒分明又唔油料又足勁多蝦仁如果唔係飽到上心口真係想食多2碗不過我哋無浪費！拎咗個外賣盒打包聽日再嘆過😂最後係個紅豆沙足料無溝水紅豆大大粒 起晒沙食埋呢碗就10成飽了-總括今餐都幾滿足侍應姐姐們好主動過嚟潷湯收嘢讚！午市都幾多人@@拎

今晚收工近近地同🐽🐽去咗鱷魚恤中心譽宴食晚飯！食前指定動作！消毒吓啲杯杯碟碟先！最緊要食得安心😆燒味拼盤油雞、燒肉、叉燒、海蜇。食燒味梗係要夠火喉夠入味！海蜇辣辣地好嘢味！油雞叉燒夠哂入味😋燒肉仲脆卜卜！正👍黑蒜螺頭燉雞湯黑蒜好有益，個湯甜甜地好好味d 湯料燉到淋哂岩哂我呢啲無牙佬！玉環鮑魚盅鮑魚好淋又入味食到我地舔舔脷😋西施蛋白蝦球隻蝦好爽口！蛋白配埋個茨好夾！福建炒飯好多料！好大碟我地兩個食完都飽哂😆甜品大粒紅豆沙😋

每年生日，總會在不同嘅朋友出嚟食飯， 朋友眾多， 生日就好似生日月， 生日月份每星期都出嚟食兩三餐飯。食得多唔同菜式， 最懷念嘅總是係中菜😍😍。 最鍾意譽宴星海系列中菜廳， 除咗環境舒服， 仲有特別精緻菜色。觀塘星海， 地點方便又近apm， 行完街過呢就啱啱好。燒味拼盤叉燒用梅頭肉淋滑入味。 細細粒嘅燒腩仔，外皮鬆脆可口， 肥瘦均勻唔肥膩， 配埋芥辣食就更加好味。 我最鍾意就係食海蜇， 爽口彈牙淡淡嘅芝麻香， 少少酸酸地好開胃。黑蒜螺頭燉雞湯養生黑蒜湯， 清甜潤喉順滑， 燉過的黑蒜 散發著天然的甜味， 湯頭味道紮實， 濃郁美味。杭州香醋一口骨排骨炸至鬆脆可口， 再用特別調製嘅香醋醬汁， 緊緊地包圍著排骨， 酸酸甜甜惹味醒胃😋😋黑椒金薯牛仔粒我就最鍾意食牛肉， 牛仔粒份量充足， 肉質淋滑肉味濃郁， 黑椒香香辣辣， 再配上蜜汁， 香口又美味。乾隆石鍋炒飯新鮮熱辣又如煲仔飯一樣， 石鍋夠熱可以燙出香口飯焦， 炒飯爽口彈牙， 配水美味帶子， 新鮮甜美。紅豆沙再來一碗熱辣辣，香濃嘅紅豆沙， 作為生日飯嘅完美句號。😊😊

希望《觀塘鰐魚恤中心分店》的高級經理能說到做到，認真檢視今天21-06-2020中午，該分店的三名員工催促客人結帳的方式和態度。該分店的食物味道和質素是不錯的，點心精緻和廚類食物出品都是好吃的。但對於該分店的員工服務態度及方式真的不敢恭維。是個別員工個人的問題或是該分店的服務水平一向如此，我搞不清楚也不好説，我也只能向該店的主管如實反映。這頓午餐我個人認為只能飽腹，還免費送你一肚子氣，物不所值。

鱷魚恤中心成棟都係酒樓, 平時同媽咪去飲茶都大把選擇, 前排食開個間酒樓執左粒, 上OPENRICE睇下有咩好食, 見到譽宴個午市好似好正咁, 今日放半日假同媽咪去嘆下茶!豐料老火湯 用瓦煲完煲上既青紅蘿蔔雪耳豬骨湯, 好耐都冇去過咁有SERVICE既酒樓, 店員會幫手分埋湯同隔渣~~ 個湯好清甜, 一飲就知冇味精, 而且一煲可分到5至6碗, 而瓦煲因為比較保溫, 唔飲既時候蓋番個蓋, 隔左陣都仲可以飲到熱湯燒味拼盤有叉燒, 燒腩仔同埋涼拌海蜇. 涼拌海蜇彈牙又開胃~ 叉燒偏瘦但口感一D都唔柴, 幾軟腍, 當中最中意係燒腩仔, 一口一粒, 皮位脆卜卜而且肥瘦相間, 香口非常! 點心拼盤飲茶必點既蝦餃同燒賣, 蝦餃皮薄又煙韌, 塞左滿滿既蝦餡, 超飽滿令人滿足! 燒賣食落幾彈牙唔會好鬆散, 不錯。潮州粉果亦大大隻好足料, 食完真係開始有D飽~~ 其中最特別既係穀麥糕, 第一次食, 味道清清甜甜帶淡淡穀麥味,  好中意佢既口感, 煙煙韌韌又Q彈, 直情想食埋媽咪個舊杭州香醋一口骨好中意佢既香醋汁, 偏杰身但又唔會一大PAT咁, 均勻地包住每一粒一口骨, 醋既味道醇厚香甜一, 加上微脆既排骨