星海．譽宴 (鱷魚恤中心)

營業中

休息中

好耐無係酒樓食晚飯，今日就同爸爸一齊去譽宴食返個二人餐😋。不竟譽宴本身係做中式酒宴、婚禮，我都好耐冇食飲宴菜式，今次叫嘅二人餐就啱晒。譽宴晚市以1.5米距離隔檯，冇隔板，空間感大增。除咗有長魚缸🐡外，仲可以望到正觀塘地鐵站🚉，充斥市區嘅特色。店員會先俾一大盤熱水你洗吓餐具。二人餐 $468位 （已加一）燒味拼盤雖然係例牌，但份量都好多。有油雞、燒鴨、叉燒同辣海蜇，油雞雞肉滑身，燒鴨脆皮香口，叉燒比較瘦(健康)，我覺得可以肥少少🤏😂，海蜇爽口。黑蒜螺頭燉雞湯燉湯好多料，入邊除咗有一大粒黑蒜頭之外，仲有螺頭肉、雞肉同大大件豬肉😆。一打開燉盅時，已經聞到好強嘅黑蒜香味，加上湯色呈黑蒜色，我未影相已經忍唔住飲咗兩啖😂 飲落去黑蒜味濃，甜甜哋，而且燉湯唔油膩，平時一般都比較少有黑蒜湯。所以，呢個燉湯值得推介，特別如果你鍾意食黑蒜。玉環鮑魚盅其實佢係鮑魚再加玉環(節瓜)，格外矜貴。鮑魚汁唔會太鹹，鮑魚大概都係冧身，玉環都煮到入味軟身😛。西施蛋白蝦球呢份蛋白蝦球份量都好大份，有好多蛋白。蛋白滑溜，加埋茨汁更滑身。蛋白上仲有一大粒蝦球，蝦球🦐彈牙好食。福建炒飯福建炒飯份量係一般正常嗌炒飯嘅份量，好大碟

位於APM 隔離的駱駝漆酒樓都幾多~今日興之所至好想食龍蝦🦞就去左譽宴😛澳洲龍蝦🦞寧舍唔同超大隻而且肉質彈牙😛芝士焗惹味但唔覺溜😋😋再配埋伊麵底簡直絕配💕再點左個老火湯補下😎一d味精都冇。。。飲左兩碗都唔會口渴涼瓜炒蛋、燒味拼盤(有x燒、燒腩仔好脆口、c 油雞同海浙) 、咕嚕肉同黃金炒飯🥰炒飯入面加左咸蛋黃好好味再加埋脆肉瓜都係我至愛😘下次要再encode澳洲龍蝦真係好好味~一試難忘

平時都有去觀塘 #譽宴 飲茶🫖，每次都係食 #點心，小菜都係第一次。今次選擇午市套餐，有點心拼盤、脆皮燒腩仔、豐料老火湯🥣、杭州香醋一口骨、福建炒飯同精選甜品。基本上全部餸菜都唔錯，我特別喜愛以下幾款☺️#點心拼盤：有蝦餃、燒賣、潮州粉果🥟同糙米糕。全部都很好味，#蝦餃 皮薄多爽口蝦肉，保持一貫水準👍。糙米糕甜甜地，食落很香糙米味我鐘意。#脆皮燒腩仔：肥瘦適中，層皮又夠脆😋#杭州香醋一口骨：每舊骨外層鬆脆，酸酸甜甜，有醋味但不會過酸很啱我。#豐料老火湯：青紅蘿蔔🥕煲豬骨湯，很足料又夠清甜仲有 #福建炒飯 🍛 同 #甜品，豐富到我同朋友都食唔晒😆。整體環境舒適，食物味道不錯，下次會再去飲茶🍵

觀塘搵到間酒樓有室內同室外嘅枱可以比茶客選擇，我地個日陰陰天小小風唔太曬更係選擇座室外啦。脆皮燒腩仔真係我嘅至愛，個皮燒到脆卜卜一口一啖.正點心拼盤真係啱晒我地兩個人飲茶嘅人叫，每款兩粒樣樣試吓蝦餃、燒賣就更有，最特別係件白糖糕師傅整得好好味😋豐料老火湯用足料去煲一d味精都冇唔錯。杭州香醋一口骨酸酸甜甜咬落去脆脆的好開胃，值得推介。福建炒飯用足材料去炒，大大碟。甜品有紅豆沙大大粒紅豆好香陳皮味唔太甜正。

為食妹👧🏻鍾意黎*譽宴*嘆茶🍵。裝潢係我鍾意嘅紫色🥰。點心拼盤～次次飲茶一定會點。兩個人share岩岩好。一人一件。可以試多幾款😛。豐料老火湯～青紅蘿蔔煲豬骨😍。飲完一碗又一碗。唔覺唔覺有六碗🥣。其實👉🏼👈🏻我好鍾意食湯渣架。記得清埋佢。北北正丫😍。脆皮燒腩仔～一層皮一層肥一層瘦🤩。塊皮脆卜卜。放耐咗依然脆口👏。杭州香醋一口骨～酸酸甜甜。一啖一口。攪到我食唔停口😂。福建炒飯～🐽仔話一定要有飯落肚先夠飽😅。

好耐無出去同同事飲茶12點幾到左譽宴拎位，等一陣先有得入座lunch 有優惠點心小菜個d燒味拼盤d 叉燒係熱辣辣，夠味又夠嫩身，一d 都唔柴，好食，只係肥左d燒腩仔夠脆口，肥同瘦都幾均勻海蜇就正常啦～～點心拼盤包左四款點心蝦餃食到蝦味幾出，皮唔算太厚燒賣正常水準粉果皮厚左dd, 但入面粉葛同花生比例都ok仲有燕麥糕口感都算軟熟咕嚕肉大大碟，完全夠四人份量肉肥瘦都均勻，唔會全肥膏甘，而且炸得夠脆，又掛到d 咕嚕汁，好食！！四季豆炒得乾身又夠香，超好送飯～～真係估唔到連d 小炒都甘有水準石鍋炒飯又係勁大兜上個陣仲勁熱，我地等左陣先撈，就有飯焦啦有飯焦既石鍋飯真係搶住食最後食埋碗紅豆沙，起沙得黎仲有d 粒粒紅豆食下，唔算太甜，簡直係完美句號午市全場爆哂甘滯，但姐姐上菜，收碟都好快手，仲問我地d 野好無食～服務真係唔錯

見好耐冇飲茶🫖，今日特意約屋企人去咗觀塘～譽宴•星海薈，嘆吓茶先！10點半鐘到達，原來都好爆場，攞飛等位大約二十分鐘入坐😌！最愛點～點心拼盤蝦餃，燒賣，粉果乜都齊👍🏻，但最好食的是米糕，味道好像白糖糕加點米香感覺，但口感就好鬆軟，加上剛剛蒸起，暖笠笠好好味😋😋！推介小菜～脆皮咕嚕蝦球大大隻的大蝦，炸粉薄身又不油膩，加上千島醬和菠蘿，酸酸甜甜又爽口，食晤停口👍🏻！ 除了點心，甜品外，11點後重可以點小菜，炒飯，燒味和湯品等等．．．

午餐時間座無虛席，見到紫色佈置好高貴，環境好寬敞，可以同人坐耐啲吹水幾款點心都好好吃，燒賣結實有肉味、蝦餃外皮透亮、餡料鮮香爽口，粉果口感豐富， 糙米高比較啖味~燒味拼盤有人人至愛的燒楠仔，皮卜卜脆，肥瘦相間！叉燒半肥瘦，脂肪比例岩岩好。仲有海哲當小食都不錯👌🏻👍🏻脆皮咕嚕肉甜酸醬調得酸中帶點甜，好味不嗆喉😚肉不會乾身而且炸皮係緊緊包着豬肉，不會剝落😎😎欖菜肉鬆四季豆我媽也常常煮的家常小菜😌四季豆顏色青綠，肉碎幼滑，欖菜唔會太鹹。乾隆石鍋炒飯10分霸氣嘅名稱！啲飯食到最後會好似煲仔飯咁~ 喜歡吃飯焦嘅人有口福啦！加入好左元貝、乾瑤柱、翠玉瓜等，上乘的配料，比平時嘅瑤柱蛋白飯更有鮮味！紅豆沙盛得滿滿的~大量的紅豆，非常濃淍，如果再煲到多啲沙的口感會更好☺️上菜嘅速度好快！食物都好夠熱辣辣🥰今次用餐係愉快嘅😍

呢日同屋企人飲茶，平日佢地都幾中黎呢度~因為佢地中意呢境地方夠大，可以坐得舒舒服服：）而我就中意一盎兩件，飲啖茶就等食點心！！！我地要左一份點心拼盤~有齊平日飲茶必食既蝦餃燒賣：）燒乳鴿皮脆肉嫩，推介！！！！沙拉蝦球都好出色~大大粒既蝦仁既爽又彈，份量都唔少：）屋企人就中意食家常燒豆腐~除左嫩嫩豆腐，仲有肉絲、什菌同小玉米等配料味道清而不寡；）仲有一碟黃金海皇炒飯~飯粒炒得乾身分明，仲超有鑊氣添！！！最後仲有甜而不膩既紅豆沙♥♥♥

今日心血來潮想食中菜，就揀左間華麗又得體既地方食餐好既慶祝下啦，環境好好坐得好舒服，唔會有好似平時酒樓又嘈又迫既感覺，裝修新派❣️上湯澳洲龍蝦伊麵一上枱出哂煙，仲聞到好香呀，有好多伊麵墊底，份量十足。伊麵吸收哂龍蝦既精華好好味，龍蝦用上湯煮，保留龍蝦嘅鮮味，而且好彈牙，真係食唔停手，連D 腳都好厚肉，一定要趁熱食，唔好浪費呢碟高質美食❣️燒味拼盤拼盤由叉燒、燒腩仔、鴨胸、海蜇組成，每款都有D 可以過下口癮，燒腩仔個皮好脆口，海蜇好好味有麻香，鴨胸味濃但又唔肥膩❣️黑蒜螺頭燉雞湯一睇湯既顏色就知好濃同足料，燉既時間無番咁上下都做唔到呢個水準，就連湯渣都仲好有味，黑蒜有幾咁健康應該都唔駛多講❣️玉環鮑魚盎一人前名貴節瓜盅，鮑魚質素當然有番咁上下，鮑魚夠大粒可以切細慢慢品嚐，食落口軟腍煙韌，口感好有彈性同無渣，真係一份錢一份貨❣️西施蛋白蝦球蝦大大粒好彈牙，仲有D 海鮮甜味，蛋白係好實在，可以好好填飽個肚❣️福建炒飯炒飯炒到恰到好處夠哂乾身又有蛋花，茨汁撈飯味道夠曬濃味，又多餸，仲有蝦仁添❣️馬豆糕好豐富既晚餐，雖然已經食到好飽，但甜品點都要食既，食件馬豆糕解一解膩，味道又唔會太甜，為呢餐劃上完美句號

復活節好活動😇難得屋企人都放假，一家大細當然係飲茶🍵啲師奶話依間酒樓出面有露台，好好風，仲要整得好靚下🤣所以同左屋企人一齊朝聖😃.🔆點心拼盤咩都有，唔洗怕唔知簡咩好😂有粉果燒賣同蝦餃，蒸糕🤗飲茶點少得點心🥧呀😂.🔆脆皮燒乳鴿細細隻，一人一件岩岩好😸仲要好入味.🔆沙拉蝦球成碟都係蝦，配合埋菠蘿🍍酸酸甜甜😸好開胃，啲蝦仲要無殻同炸過😋我仲要好中意食千島醬，岩晒我胃口.🔆家常燒豆腐少少🤏辣，仲有好多配菜😇有木耳，簡菇，白木耳等等，一碟都唔細下，夠用黎送飯.🔆黃金海皇炒飯下次再黎都想再叫依碟❗️大推😃炒飯入面有埋咸蛋黃，好惹味🤗蝦仔既數都好多，仲拎埋啲翠肉瓜去炒😃

-譽宴•星海🍽-之前黎過飲早茶已經覺得依間既點心幾特別👍今日咁岩經過就諗住試下佢其他中菜🤣-二人晚餐 （每位$328）🥢 黑蒜螺頭燉雞湯本身對個湯冇乜期望😂因為之前試過食黑蒜覺得陣味同口感都好難食🤢但出其地依個湯完全冇個陣味🤤反而好香濃好甜而且仲好足料👍-🥢 杭州香碏一口骨小編一向都好鐘意食酸酸甜甜既骨😋外面炸到好酥脆，炸粉處理得岩岩好👍肉質一d都唔鞋口👍-🥢 脆皮燒乳鴿唔好見佢細細隻以為好少肉😂其實佢真係啖啖肉🤭個皮燒到好脆但唔會覺得好油膩👍-🥢 黑椒金薯牛仔粒雖然牛仔粒都係唔鞋口😂但我小編覺得味道係普通黑椒味所以冇乜特別😂如果薯仔粒可以炸脆個外表先炒會仲正🤣-🥢 乾隆石鍋炒飯炒飯係完全粒粒分明👍一上菜既時候石鍋係熱辣辣😙所以底部係燒到有飯焦🥰一啖脆卜卜一啖軟棉棉既飯食落口真係好正❗️-🥢 馬豆糕 （精選甜品）-🥢 上湯澳洲龍蝦伊麵🦞見到枱枱都食龍蝦伊麵😂所以忍唔住散叫左😂同平時食開既芝士龍蝦伊麵好唔同😛以為上湯會相對清淡😆但一入口係勁香牛油蒜香味🤤龍蝦肉又勁多食極都有🥰必食❗️-🌟評分:🏅🏅🏅🏅🏅🏅地址: 觀塘開源道79號鱷魚恤中心2樓

今個月未去過飲茶，在APM覓食發現在旁邊的中心有分店，所以我們決定去吃東西吧,之前吃過其他分店已經覺得不錯😆。店舖環境與其他分店差不多，也是有星海的裝修，感覺舒適涼快☺。💥豐料老火湯，當天的是青紅蘿蔔湯，看到滿滿的材料就知用料十足。吃飯前先飲個湯，暖暖胃是個不錯的選擇🙈。這個湯味道甜甜的，一壼有大約4-5碗湯。💥點心拼盤，這個是二份量的拼盤，裡面有蝦餃/菜肉餃/燒賣/白糖糕。這幾款是傳統酒樓常見點心，我們間中也有點來吃。傳統中式點心的味道也不錯的，味道雖然簡單，但充滿香港情懷❤。💥脆皮燒腩仔，這個菜我們也喜歡吃的，是傳統的中式燒味。燒腩仔的外皮脆卜卜，肉質肥瘦適中。口感煙韌😆，用來拌飯挻不錯呢🙈。💥杭州香醋一口骨，上菜的時候已聞到很香的味道，賣相和色澤挻好的🤩。酸酸的醋配上口感脆脆的外皮，既滋味又開胃。肉質口感煙韌，還帶點油份在口腔散發著，整體味道不錯的🤤。💥 福建炒飯，這個飯用料十足，裡面有雞肉/蝦仁/帶子/菜心等等。面頭鋪滿醬汁，令到賣相更吸引😍。醬汁吸入炒飯口感濕潤，材料多多口感豐富🤤，吃完這個之後很飽。吃飽之後就是上甜品的時間，這次有紅豆沙和椰汁紅馬豆糕，兩款甜品甜而不膩😆，為

好耐沒有去譽宴飲茶， 今次去位於觀塘開源道的分店， 之前去過好多次環境和服務質素都滿意。 差不多三點才到達， 點心有叉燒包、山竹牛肉、鹹水角、棉花雞、點心拼盤、 蜜汁叉燒腸和椰汁糕。😁這類的點心即叫即蒸， 喜歡點心拼盤有蝦餃、燒賣、粉果和燕麥糕。蝦餃皮薄餡靚， 燒賣更是啖啖肉。 叉燒包一啖咬落去好香呀， 山竹牛肉軟腍入味， 棉花雞蓬鬆雪白的魚肚，吸收了鮮美的雞汁， 雞肉嫩滑， 美味。 蜜汁叉燒腸的腸粉皮薄好味， 甜品椰汁糕香滑，糕身唔易散，唯獨是鹹水角唔夠香脆。😋譽宴 • 星海午市和晚市都唔錯， 價錢相宜， 值得推介。😉

今日陪老闆去飲茶，老闆話佢好喜歡係去鱷魚恤中心2樓嘅「譽宴·星海」，想不到午市都座無虛席， 入座率都超過九成。酒樓裝修好好，每枱都有足夠的社交距離， 職員服務態度友善， 上菜時間也很快速，不用等候太長時間，合適上班族午餐時間不用太趕，有足夠時間享用午餐。今次老闆精心為我點選了點心拼盤、脆皮燒腩仔、豐料老火湯、杭州香醋一口骨、福建炒飯及榚點甜品。首先來一碟「脆皮燒腩仔」 燒腩仔腩肉一層肥一層瘦，層次分明，皮脆可口，很不錯。跟著是「點心拼盤」 有4款點心蝦餃、燒賣、 粉果同糙米糕。蝦餃皮薄餡料是彈牙的鮮蝦，燒賣也用了鮮脆爽口的蝦肉及豬肉組成，粉果一般中規中矩，而糙米糕微甜，口感結實。「豐料老火湯」是日是紅青蘿蔔煲豬骨 ，超大煲夠以裝滿6碗，而且湯料十足，湯清味甜，而且仲好滋潤。「杭州香醋一口骨」 入口酸甜酸甜的， 很開胃配飯一流。「福建炒飯」份量超多，飯也炒得粒粒分明及乾身， 淋上乾瑤柱、蝦 、草菇、紅蘿蔔、翠肉瓜及醬汁在炒飯上，口感相當豐富。最後甜品時間「椰汁及桂花榚」，椰汁榚有很濃的椰汁香，而桂花榚清甜，桂花味超清爽又不甜，的確很不錯。