星海．譽宴 (鱷魚恤中心)

營業中

休息中

鱷魚恤中心咁多酒樓，我都試過唔少，之前試過譽宴•星海午市覺得唔錯，呢日就同媽咪嚟食晚飯。呢間酒樓應該都係以婚宴為主，場地裝修得好優雅浪漫，天花有大量閃閃裝飾，營造一片星海嘅效果。⭐️餐前小食一坐低，侍應好快手就set好位，上埋熱茶同香脆花生。花生咸香十足，脆卜卜，食到停唔到口。⭐️燒味拼盤(叉燒、燒腩仔、海蜇)叉燒半肥瘦，蜜汁香甜；燒腩仔外皮香脆鬆化，肉質肥瘦相間，比例適中；海蜇好彈牙，口感爽脆，味道略帶微辣。⭐️花膠元貝燉螺頭燉湯好正！湯底好清，味道濃郁夠火候，花膠元貝好腍身，元貝大大粒，味道好突出，仲有螺頭，瘦肉同雞非常足料，啱哂而家冬天飲，非常滋補，連媽咪都大讚。⭐️西蘭花炒帶子蝦仁西蘭花翠綠爽口，蝦仁大大隻鮮味彈牙，帶子鮮甜嫩滑，仲好有鑊氣！⭐️西施龍躉球龍躉肉結實有彈性，口感嫩滑，龍躉皮煙煙韌韌，食落感受到濃濃嘅骨膠原。龍躉下面嘅蛋白索哂龍躉既精華，滑溜鮮味。⭐️乾隆石鍋炒飯石鍋熱辣辣，裡面嘅炒飯好香，飯粒乾身，炒至粒粒分明，入面餡料仲有小元貝，鍋底有少少飯焦，非常香脆！⭐️精選甜品紅豆沙，煲到起哂沙，好正！