新匯聚餐廳小廚

營業中

休息中

食得多西餐、日本野，有時都會幾掛住正宗港式小炒。餐廳除左小炒之外，最欣賞就係有湯飲，上班族好少有湯飲架嘛。桃膠雪蓮子湯，真係好「膠」好滋潤既感覺。味道唔錯，飲完真係有醒神啲生津既感覺。仲有湯渣食架～跟住想食個炒菜，老細大力推介啫啫通菜，一上黎有聲有畫，炒得有鑊氣冒晒煙，炸炸聲，好香口，通菜又唔會太老！係白鱔！一個字，嫩滑，豉味唔會太重太咸，只可惜人多，每人只食到兩件。。唔夠喉！香口野，外脆內軟，豆腐好滑～

又係OT 日 即興叫朋友同我食飯咁鍾意新匯聚既我緊係帶佢黎啫啫芥蘭煲 每次都會叫 仲有叫炒羊肉今次再試左個新野手撕雞！呢一個個手撕雞 一上到黎有青檸 我都係第一次見第一次食。 初頭諗住 嘩咁怪 點知一試又係出奇地夾 好食！另外！好值得推介有氣鮮檸蜜 呢個野飲係梳打水加菜蜜咁樣個個朋友飲過都喜歡🤗🤗

食得燒肉打邊爐多，都要支持下正宗港式菜既！是日OT，黎左食呢間小廚，其實已經第二次食，好掛住佢個白鱔@@蜜糖薯仔牛柳粒:薯仔炒得好爽口外脆內軟，入口即爛，惹味又夠鑊氣！另外牛肉亦好香口，唔軔亦唔會炒到老晒，好味！咸豬手:睇到我流哂口水，又係外脆內軟，皮烤得好脆但唔係乾爭爭，入口卜卜聲！皮下既豬手肉好鮮嫩，粉紅色咸咸地！估唔到配個芥辣沙律醬又別有一番滋味！豉汁蒸鱔:好回味，鱔好新鮮，佢唔係出面大大舊咁蒸，切到薄薄到，易咬啲！啫啫通菜煲:十分夠火喉，加埋啲蝦米，辣辣地又香口，超正！老闆仲特別推介左杯檸密梳打，好好飲

係咪好少係lunch 据扒呢？？食得甘豪都只不過60蚊！如果唔係朋友帶我黎，我都唔知有呢度甘大既餐廳食扒仲要係甘大份甘抵食！樓梯行上去新匯聚，好大間餐廳，全場爆滿，張張枱都有客据扒，氣氛好熱鬧！我朋友都叫左鐵板西冷牛扒HK 60, 再加白飯HK 5 。我笑佢大食，佢話呢度好豪氣，俾好多黑椒汁，送飯一流唔好㗰！我就選擇左越式金邊粉 HK 40，貪佢用牛骨湯底，有啖湯水飲，好有誠意。金邊粉可轉河粉，另選擇两種餸，我選擇左牛腩片同豬扒。其實都好想食雞翼，不過算啦，無得選三種，雞翼唯有留下次食。两個食肉獸等大餐時，叫左有汽檸蜜汽水。感覺上可以消消肉食既罪惡感。另天氣開始熱，金桔夠降温。金邊粉到左啦，好大碗！個湯底唔係味精湯，飲得出係用鐘數煮成既肉湯。唔錯。牛腩片好大塊，除有整片牛腩肉之外，仲有邊邊既位置，成個牛腩咬落去好滑，夠牛味。豬扒都唔錯，香煎過嘅肉質屬柔軟嗰隻。金邊粉粉量好多，男仔食都夠飽！朋友既西冷份量都好勁，好正！店員無問我地幾成熟，已經醒目地做左六成。塊扒好靚，煎香左個皮，啖啖肉，黑椒汁做都唔係太辣，温和型果種。我搶左两舊黎成，肉厚，呢個價錢真係好抵食！另外佢個薯角，我都要一讚。用

食得多邊爐，間唔時都整返個大排檔，而家買少見少，好食嘅就更加難搵又同班同事嚟到觀塘搵食，相信觀塘就畀我哋食哂，一入師傅已經熱情招待，真係有以前牛下嘅feel。先叫薯仔牛柳粒，唔係廢話，薯仔好有薯味，唔係入口即爛，惹味又夠鑊氣！另外牛肉un左少少但薯仔贏哂！正！第二當然try try秘製咸豬手個皮唔知係烤定炸整得勁好味，入口勁脆！但入邊嘅豬手肉又唔會un，唔知以為食緊乳豬well done！最後都叫左隻芝麻雞，外皮有白芝麻包住，好似脆左，皮都好薄，雞胸肉唔鞋！總括嚟講，絕對有街坊風味之餘，又不失水準，下次ot又可以再食！

觀塘工廈「餓」虎藏龍，今日來到新匯聚，試試午餐如何。餐牌選舉眾多，由日式咖哩、鐵板均有提供。 點了鐵板燒春雞配豬頸肉，跟飯連飲品。 半隻燒雞雞肉算香滑，外皮夠脆；豬頸肉份量亦多，香脆彈牙。 白飯亦粒粒分明。最吸引還是跟餐蜜糖梳打，清甜醒胃。綜合餐廳環境、服務態度、價錢和食物品質四大評分準則，推介指數有7.5分（ 10分為滿分）。

今日有點忙，同朋友去了一間工廈中的大排檔食個快lunch，十二點半店舖已經坐滿了九成食客，所以快速30秒便叫了一客咖喱炸豬扒飯，以免要等。賣相不錯，好大碗飯，由於太快唔記得叫小飯！採用珍珠米，入囗煙靭。炸豬扒都幾香脆，有兩大塊，份量十足！似日式咖喱，有紅蘿蔔粒，完全唔辣，帶點微甜，如果可以多一點咖喱汁就好！是日特飲是蜜糖梳打，味道入口似菜蜜，偏甜，但梳打加蜜糖都等一次試，幾特別！店員態度都幾好，上菜又快。原來晚上還有海鮮小菜供應，下次可以試試。

觀塘區帶好多工廠餐廳有一次我同事帶我去新匯聚 一食就愛上呢間野 入面基本上無野你會覺得唔好食唔食蓮藕既我 試左佢既藕餅後 即愛上！我介紹比所有朋友 個個都讚另外！佢個啫啫芥蘭煲又係必食既菜式！價錢合理 夠哂大碟！仲有糖水送建議唔好walkin book定台會好d

今晚友人約食飯，自搬屋後，山長水遠過黎觀塘，究竟呢間新匯聚餐廳小廚有咩咁特別，要小妹山長水又遠咁過黎食飯話說友人book左呢間新匯聚，位置都算方便，港鐵觀塘廣場出口一出轉左就見到……個招牌，上一層樓梯直達，易揾！餐廳位置一眼睇晒大約20張枱度，其中四張大枱，坐到12人，其他係中枱，小妹友人book左唔夠7點，無咩人，小貓三四隻，唔通呢度係個伏？人未齊叫返個小食先，自家鹵水鴨舌同雞翼尖，滿滿嘅一小碟，比嘅外面地舖嘅份量為多，鹵水清香撲鼻，鴨舌肉質爽口彈牙，鹵水汁融入鴨舌咸淡分明，配一口啤酒簡直係男人嘅浪漫終於人齊，友大發板，佢極力推薦呢度嘅杏汁豬肺湯，老老豆豆，聽就聽左好多年，阿媽都一定唔會煲話功夫好多，終於有機會知道係咩味啦～呢度係自家磨嘅杏仁，再加上啤水啤到天光嘅豬肺湯，果然名不虛傳，小小嘅湯盅入面包含半隻雞，瘦肉，潔白嘅豬肺，真係何其足料，奶白色嘅湯入面包含雞嘅清甜，豬肺嘅滋陰，瘦肉嘅鮮甜，杏仁嘅清香，小妹同友人要爭相添飲，大盅都係300大元，夠9個飲有突，抵到暈！呢個黎自元朗嘅黃油大烏頭，實的的又有嘅魚肉唔會鬆散，咬多两咬口感極佳，沾小小豆瓣醬，咸味能帶出魚肉嘅鮮味，值得一讚！酥

食得多西餐日本菜，偶爾會想揾返童年同屋企人去大排檔「炒返兩味」嘅回憶，廣東炒小菜，食嘅係鑊氣係風味，更係種熟悉嘅人、情、味！| 薯仔牛柳粒 |薯仔炒得好爽口，唔係炆到好稔身，入口即爛，但油泡過後再快炒，反而惹味又夠鑊氣！另外牛肉亦好香濃，唔「un」亦唔會炒到老晒，正！ | 秘製咸豬手 |外脆內軟，皮烤得騷脆，入口卜卜聲！但入邊嘅豬手肉又好鮮嫩，粉紅色十分誘人垂涎！ | 芝麻雞 |同豬手一樣，外脆內嫩，外皮潵上白芝麻，香味更形突出，皮好薄，但就略嫌雞肉太少亦太肥，冇乜肉食！哈哈～ | 椒鹽豆腐 |餐廳喺烤焗同煎炸野家面都好出色到家，呢款椒鹽豆腐睇落簡單，但製法卻唔簡單，炸皮要薄，豆腐熟而不老，新匯聚就做到！個皮目測近乎得1mm，咬落豆香四溢，外脆內嫩滑！真係我食過最正弓嘅椒鹽豆腐！

一條舊街，一條石屎樓梯，一望親切嘅裝修，原來係金利來老闆，佢張金利來定咗比人，諗注退休！年半後覚得好悶，所以搵咗宜個地方再聚！酥炸德國咸豬手好乾身，話梅骨其實係糖醋猅骨（腩排）之不過唔用檸檬用話梅，味道唔錯😋！四川辣之雞😋😋😋😋(宜間叫小辣已經有汗珠係唇上啦！食完有糖水送！ 酥炸咸豬手😋 話梅骨😋 辣子雞(小辣)😋😋😋😋😋 糖水

又係搵食時間 今晚同老友搵食搵到工廈去工廈中的大排檔 大 另一番風味😌😌 招牌話梅骨 上枱時已經香噴噴外層先炸到香脆 再沾上獨有醬汁 十分惹味話梅骨入口依然保持肉質juicy👍🏼👍🏼豆豉鯪魚炒油麥菜 油麥菜十分爽甜不過略嫌豆豉鯪魚太少⋯ 蒸筍殻魚 魚味香濃 肉質嫩滑鮮甜👍🏼👍🏼👍🏼

觀塘有不少小店，有一些則是在工業大廈內，不過這一間似是菜館，而最吸引我一試的，卻是這裏的下午茶餐，因為真是非常便宜呢！甫進店，便見到如快餐店一樣的點餐模式，收銀姐姐得知我想點2個下午茶餐，都很主動推介我可以「吃飽點」的餐！因為沒有吃午餐，而且下午茶食物非常便宜，今次一於點2個餐吧！買過票，就找個位置坐下，等候店員送上食物。首先送上兩杯飲品，第一杯是「是日特飲」（不用加錢）—檸檬蜜，非常甜。2個餐有2杯飲品，第2杯是熱奶茶，有點似是茶包沖的，有點澀，不夠特飲好。首先上雞翼湯河粉（$26）—雞翼是半煎炸的，不算油膩，但炸過的竟然放在湯上，但吃起來是凍的……只好再放在湯上浸熱吧，而且肉有點硬，不是新鮮炸的。河粉很大碗，湯底很少味精味，似是雞湯吧，河粉因此也有點味，不致太淡。吉列炸蝦（+$5）+炸雲吞（+$5）—炸蝦一般吧，不算「啖啖蝦味」；炸雲吞有驚喜，雲吞有肉汁，炸得也夠脆，加$5就有了，抵食！點的第2個餐是一口西多士配朱古力醬（$18）+炸薯條（+$5）。每個餐可加配2樣食物，我點2個餐只加配3樣好了，免得吃不下……炸薯條—是波浪薯條呢！配上西多士是不錯的選擇，但炸得不算脆。一口西多士配

跟一些朋友相聚，大家建議去新匯聚餐廳小廚，就是位於觀塘區的工廠大廈內，聽說很有名的，以前是牛頭角下村的餐廳。首先必試的有杏汁豬肺湯，要了一個細size，大約可分八碗。杏味就是清淡的，不會過重，至少不愛杏味的我都覺得可以接受。好喝！湯料可以沾醬油來吃，因為已經煲到沒什麼味了，而豬肺很嫩滑爽口，洗得很乾淨，可以放心吃。還有點了男人的浪漫，豆腐火腩炆頭腩，豆腐是台式豆腐，比較硬身，不會一碰即散，頭腩炆得入味，愈大片魚皮黏著魚肉就愈好吃，夠惹味！大力推薦這餸！！ 再來要了一客避風塘茄子，就還好。因為我曾經吃過水準更高的，至於新匯聚的避風塘茄子就炸粉厚，蝦滑又釀得不夠多，茄子偏小，就欠一點水準，難委我還那麼期待。而蜜糖薯仔炒牛柳粒，就甜味不足，有點過咸，幸好牛柳粒炒得香口，外身煎得酥香，內在又保持到肉汁。由於朋友經常來吃，就懂叫新匯聚的secret menu，來了一杯「有氣」。超級特別的飲品，像有氣的柑桔檸檬，反正就過癮又好喝。如果你遇上筍殻魚有貨，記得一定要落order，朋友們都大讚！我們一行四人，人均$120，很合理的價錢！不錯！不妨多去工廠大廈尋找美食吧！豆腐火腩炆頭腩。避風塘茄子。蜜糖薯

中午朋友話帶我去食鐵板,一去到先發現如果幾年前都幫親過!上次係食牛扒,今次就決定食下其他!唔想食鐵板都有好多選擇,比飯堂既飯種類多得多!最後決定食鐵板吉列原條龍利柳 ><鐵板吉列原條龍利柳$55 嘩一送上黎見到超大條魚柳,心諗真係好抵食!龍利柳仲大過我塊面多多聲~食落吉列原條龍利柳好香脆甘香,炸得岩岩好,唔會話好油入唔到口。個蒜茸汁都幾出色,唔會話太咸!薯菜份量都多,味道都唔錯,用黎送魚柳食一流!凍有氣鮮檸蜜 (連埋送)第一次飲有氣既檸蜜,飲落似梳打水,但飲飲下會飲到個底既檸蜜~檸蜜甜甜地,配埋有氣既感覺,幾特別!不過女仔黎講,呢個份量真係超多。好彩我好大食,但食完真係好飽xd