捌壹壹 (蘭芳道)

營業中

休息中

之前已經好想試呢間人氣川菜店😎估唔到最近811喺銅鑼灣開分店，即刻約埋朋友一齊食好西🔥🐟<必食冷鍋酸菜魚> $238一開始唔明「冷鍋魚」同火鍋有咩不同，原來係魚鍋已經一早加熱咗，唔使上枱先黎加熱，就避免咗再加熱時弄碎哂些魚肉🥳保持到魚肉嫩滑肉質，同埋成鍋魚肉的營養同埋精華都不會流失，而且食完魚之後仲可以加湯繼續打邊爐添😋講返呢個例牌既酸菜魚先，叫左微辣，酸菜魚湯底偏酸麻好開胃❤️真係好啱夏天食🤩本身成個冷鍋份量都好多，有好多薄魚片，口感滑溜之餘，肉質又鮮甜。冷鍋入面仲有好多配菜，例如豆芽丶萵筍丶酸菜同埋寬粉，整體味道非常好食又夠飽🤤<炸小饅頭>（六粒）$54小饅頭炸到金黃色，好吸睛！咬落去外脆內軟，點埋煉奶食簡直一流😆<黑糖糍粑> (細) $42黑糖糍粑係來自四川嘅街頭小食，用糯米做成嘅，炸左之後口感煙韌，有些似食開既年糕質地✨上邊灑咗些黃豆粉，再沾上黑糖，真係又甜又惹味呀🥰🍵<綠茶蛋糕> $29蛋糕上面有兩舊草莓，雪糕味道比較結實，整體味道偏甜，解膩一流👍🏻

預早訂咗枱8:00，7:50到，然之後佢話要重新再等過，因為有另外兩組客人早我哋5分鐘到，已經入咗去。結果話起碼要再重新等過三張枱….我哋冇遲到反而早到，仲要專登book定枱，得啦同我哋講而家要重新攞飛等位，仲要差唔多全部都係啱啱坐低，咁我一早book枱嘅意義喺邊??好失望，見到佢開張想試吓結果失望而回…..

呢一間係旺角嘅酸菜魚 真係超大鍋 好抵食🤑魚肉嘅份量超級多🐟每一塊都好厚身 而且肉質好嫩滑 又鮮甜😍鍋底下面仲有超多薯粉同其他配菜✨湯底酸辣度啱啱好 啲配料索晒啲湯 惹味又開胃🌶

呢間川菜餐廳主打冷鍋酸菜魚，特別之處在於上枱時唔使點火就即刻食得，避免用打邊爐方式煮滾令魚肉變老🐟 另外餐廳亦提供多款雞煲🐔 水煮魚💙 火鍋魚🍣 重慶麻辣香鍋🍲 特色小菜🥦 涼菜🥘 小食🍧 特飲等等😝 款式眾多，價錢合理，環境舒適，適合一家大細過嚟用餐～ 🐠 必食冷鍋酸菜魚 $238果然係招牌菜😍 魚肉厚身嫩滑，啖啖肉，夠新鮮而且冇碎骨，超級正❤️ 搭配大大件嘅酸菜、金菇、爽口嘅芽菜同煙韌彈牙嘅寬粉！每款配料都吸滿酸酸地嘅湯汁，食落去好開胃又有咬口，撈飯一流🤣 整體份量充足，性價比甚高，極度推介🥰 🐮 蔥爆牛肉 $75 超有驚喜！估唔到喺川菜餐廳叫京滬菜都可以咁好食😌 牛肉滑嘟嘟，夠juicy而且唔油膩！洋蔥份量十足，好有鑊氣😚 蔥香味突出，同醬汁味好match！絕對值得一試嘅小菜😇🍊 柚子梳打$36欣賞佢哋嘅柚子、梳打同冰🧊係分開上！酸酸甜甜咁好開胃而且好解渴，夏天必叫之選😋

最近見811喺銅鑼灣開咗新分店，諗起好耐無食過酸菜魚，見幾近公司就搵左日收工去晚餐。地址係利園嗰頭，經銅鑼灣地鐵站希慎廣場出口行過去都係5分鐘內距離，唔使擔心天時暑熱未食已經出咗一身汗。-🔸冷鍋酸菜魚 $238一場嚟到毫無懸念必點811名物冷鍋酸菜魚。同好多人一樣，見到冷鍋第一下反應就係凍食酸菜魚咁得意？！原來冷鍋意指食物上桌時已煮熟，無需再加火烹調，好處是不用怕邊滾邊食魚肉會過老。常規款酸菜魚係2-3人份量，多人食都可以簡個大少少嘅4-5人份量。第一次食怕高估食辣能力，穩陣起見簡左BB辣，感覺唔錯唔會太刺激。魚肉嫩滑，份量不少，配菜有海量芽菜、酸菜、金菇、寬粉，想再加其他配菜都可以另外再單點。-🔸香油海蜇 $48幾重麻油香，撈埋青瓜絲一齊食清新爽口。-🔹芒果沙冰 $45沙冰係消暑良物，呢到仲要大大杯幾抵飲。-🔹鮮果冰茶 $46除咗最大路嘅橙同西瓜外，罕見地加咗青檸、藍莓、紅肉火龍果幾特別，唔太甜好解渴。

捌壹壹嘅冷鍋酸菜魚好出名，相信好多人都食過🤞🏻今次我就想試下重慶麻辣火鍋魚刺激下個味蕾🌶重慶麻辣火鍋魚 小辣 $318原條青江魚，份量十足呀！烤魚開邊，有輕微油炸過，相當之香口，配料仲有金菇、豆芽、青瓜片及豆卜，全部都好索汁🤤小辣食落好夠味，又麻又辣，爽呀！呢隻魚真係啖啖肉，魚肉非常之嫩滑又少骨，啱曬我😍兩個人食完條魚都飽啦，正呀！總結💕餐廳環境舒服乾淨，麻辣火鍋魚好食😋要讚下佢嘅抽風系統幾好，冷氣都好足夠！見到餐牌食物種類選擇都好多，下次想試下佢啲串燒😍而家openrice book位仲有折㗎，相當抵食🫶🏻

本身勁鍾意食酸菜魚😳之前已經食過呢一間旺角分店，依家銅鑼灣都開咗，咁就可以食多啲。必食冷鍋酸菜魚 總共有四款辣可以揀由Bb辣到大辣🌶唔食辣嘅朋友仔都唔使驚，可以走辣。我哋揀咗小辣，本身我同朋友仔其實都幾食得辣，但係天氣熱唔想食咁勁🤣🤣🤣酸酸地幾過癮，魚質非常嫩滑，魚嘅份量好多，而且好入味，配菜有闊粉、大荳芽菜、萵苣、金菇。湯感覺唔算太肥膩，可以飲少少。餐廳仲有提供打邊爐配料俾大家，大家可以食完酸菜魚加湯就變咗打邊爐。因為我同朋友仔兩個人，食唔到咁多嘢所以就冇試🙈🙈下次多人啲可以試吓！除此之外仲叫咗回鍋肉，比我想像中香口，腩肉炒得乾身，接近微脆狀態，好惹味。配料有蔥、青椒🫑有少少辣味，但鹹咗啲啲，所以一定要加個白飯送飯食😎😎😎咁樣拉勻返就好好味啦！我朋友食到停唔到，食左勁多飯。

見佢新張開業八折就即管試吓啦😜 一入到去本身張二人枱就喺餐廳最後嘅位置，隔離好多人，好迫，同隔籬枱實在太近喇😞 之後我哋要求掉位，就掉咗去四人枱嘅卡位😌 即刻當堂闊落晒，有返心機食嘢😌 呢間餐廳冷氣亦都好足夠, 可以放心打邊爐! 🤣之後就梗係試吓佢個冷鍋酸菜魚💕！因為夏天實在太熱啦唔想打邊爐，點知佢上到枱都仍然keep到個溫度☺️ 因為唔係好食得辣嘅關係，就叫咗BB辣 😊 我覺得可以再辣多少少咁就Perfect🤪 酸菜魚真係要講一講啊 🚨個魚肉超級滑🥰🥰🥰 仲要一條骨都冇添! 全程可以放心食😌 個鍋入面仲有好多芽菜同酸菜，仲有啲水晶粉添😌 份量一定夠兩個人食!! 個湯亦唔會太酸，成個酸菜魚都好balance，做得好好💕 簡直係 💯!

最近天氣好熱 成日都好似冇咩胃口一直心思思好想食下酸辣野見到呢間新開嘅酸菜魚好似幾吸引於是的起心肝book咗去食 揾返我嘅食慾😝******************************食物s: ✨必食冷鍋酸菜魚 (小辣) ($238)呢個就係我一心想食嘅酸辣野❣️酸菜魚成鍋上枱 已經較到適合可以即食嘅温度我哋叫左小辣 食落唔會覺得好辣 酸度、麻度同辣度調較得恰到好處除咗有大量花椒、八角外仲有好多芫荽調味 好香呀😍魚嘅份量俾得好大方 隨便一撈已經滿勺都係仲配有大量大豆芽菜、金菇同寬粉去骨魚片食落鮮甜幼嫩 好滑身😝酸菜係我鐘意嘅味 少少酸唔會咸索咗湯底變左麻香味十足 寬粉口感煙煙韌韌 好有咬口酸辣湯底唔會太油 食魚肉時偷飲少少都幾滋味👅呢碟個份量完全係可以3個人share㗎🤗✨皇牌口水雞 (小辣) ($92) 上枱時見佢紅噹噹 以為會好辣其實都係小辣個level嚟 都食到嘅雞肉份量正常 沾滿辣汁面上鋪滿大量芝麻同葱花食落好嫩滑 帶有麻辣香味整體感覺都幾好食✨麻辣海哲 (小辣) ($48) 呢味作為餐前前菜最適合不過❣️海哲非常爽口 第一啖有驚艷到因為真係好耐未食過咁爽口嘅海哲喇索晒啲辣汁一

我第一次食呢間既時候係旺角，當日都係同同一班人😝剚隔幾年，依家係銅鑼灣有埋分店，收工去食都方便啲🧳雖然過左轉左地方食，但今餐同上次一樣好深刻，甚至我覺得啲野食更有火喉鑊氣🔥。🐒冷鍋酸菜魚(大)💰$348本身諗住嗌個細，但店員見我地多人就推薦我地食大，好彩有聽講🤪如果唔係實後悔！勁好食😋夠酸配料又多，入面除左有萵苣之外仲有金菇，娃娃菜重點係❗️寬粉❗️好煙韌❤️。🐒麻辣肥腸💰$62🐒麻辣脆耳💰$62呢2個都係涼拌，嗌左小辣都有番咁上下料到🌶但調味方面就主要係辣油既味道。🐒蒜蓉炒生菜💰$75🐒干煸四季豆💰$78🐒辣子雞(半份)💰$118🐒農家小炒肉💰$88本身只係嗌左辣子雞同炒生菜🥬但係真係太出色，嗌左人頭飯清哂啲餸就再嗌多2碟黎送飯🍚呢幾碟小菜真係碟碟都夠哂鑊氣，調味都無得彈🥢。🐒黑糖糍粑(大)💰$54之前黎呢到食過已經覺得糍粑一流，今日再訪緊係唔可以錯過啦🔄食呢個一定要趁熱食，咁先食到佢個外脆內軟既口感，黃豆粉同黑糖一定要沾滿🤩咁先食到佢最完美嘅時候，對呢碟野既尊重🫡。如果而家經OpenRice訂座，係唔同時段都有唔同折扣，最多有6折🤩好似我地咁幾個人夾，一人百幾蚊就嗌到成抬野💃🏻

銅鑼灣新開川菜，好食既野，就係要share。原本想搵串燒店，串燒當然食重慶口味最惹味。最後揀咗呢間除咗有我想食既串燒，仲有其他鍋類，咁我就揀咗 “冷鍋麻辣魚”小辣，小辣都食到我噴火龍咁，平時我食開5小辣，你明我明啦！麻辣魚份量足，夾極都仲有好多魚，魚夠滑。另外叫咗麻辣肥腸，朋友唔係好食內臟，都話好食。仲有烤牛肉串（好味），羊臉肉串（有肥肉的，好味），唔夠喉之下，又繼續叫咗麻辣牛展，烤蒙古小腰串（中意羊既，必叫，一定要叫，我唔記得影相😅😅🥹），牛仔骨有2件，食咗先記得影😅（師父重手左，落多咗鹽）最後叫咗黑糖糍粑，細既！2杯Asahi 1杯藍莓沙冰。食到咁，滿足晒啦😂😂

#chuchu食在銅鑼灣📍 捌壹壹之前經過旺角嗰間已經好想試，點知好多人等位，嗰日接🐷仔收工，見銅鑼灣開咗分店即刻去食，冇同🐷仔食過酸菜魚！呢間menu除咗水煮魚，仲有重慶燒烤，不過🐷怕熱氣你哋幫我試！酸菜魚唔錯，不過其他小炒仲有驚喜！—————————————————————❣️ 冷鍋酸菜魚 $238 雖然叫冷鍋，但原鍋上枱時係熱辣辣！唔洗加熱就可以食！今次正常份量2-3人食，如果多人加大都係$338！嗌左bb辣，上枱已經聞到酸菜魚香味，花椒味好香😍 酸菜唔咸亦唔會過酸；去骨魚肉好滑又唔腥，份量都幾多，湯底唔會油膩，酸度剛好，加上麻愈食愈過癮，不過bb辣真係唔夠，下次可以試小辣！配料仲有寬粉、芽菜、萵筍、同小量芫茜。食完酸菜魚更可加湯打邊爐.❣️牛栢葉 $52變打邊爐，都幾大碟，但係配料黎講就偏貴喇！.❣️ 酸辣炒土豆絲 $75好食！好有鑊氣！酸酸辣辣，好開胃！土豆絲炒得好爽又入味，而且份量絕對唔係普通小菜份量，不過🐷仔好食到話想叫多碟.❣️ 少爺炒飯 $88應該冇乜人咁癲，🐷仔叫咗碟飯，我哋得兩個人，我食左兩啖就已經飽左，不過有驚喜！飯粒炒得好乾身，有豆腐乾、爽口彈牙嘅蝦、午餐肉，仲用左花

之前喺旺角食過幾次「捌壹壹」食過返尋味😋 主要是食川菜，佢哋冷鍋酸菜魚同泡椒雞煲都好出名。介紹過朋友去食都無怨言仲話正添🤤依家喺銅鑼灣蘭芳道開咗分店啦！🎉🎉唔使在旺角成日要等位排長龍同感覺都比較擠迫。新店座位與座位之間有距離，新裝修當然舒適好坐又乾淨。以往都係食泡椒雞煲，今次就試吓冷鍋酸菜魚😋仲有不得不提，銅鑼灣分店服務一流，店員殷勤有禮，食完有種賓至如歸嘅感覺🥰💕必食冷鍋酸菜魚 $238冷鍋意思係上枱時酸菜魚已經煮好合適嘅程度，可以即時食用。食酸菜魚點可以唔辣，最正是有BB辣揀，啱晒食唔到好辣嘅我。這個酸菜魚份量十足，配以大量魚片、酸菜、寬粉、大豆芽、金菇等。花椒和泡椒香味濃郁誘人，魚肉入口滑溜啖啖肉，吃起來鹹香開胃，味重不膩，酸度剛好，夏天享用食慾大開，美味過癮🤤寛粉亦是酸菜魚嘅靈魂，吸收左酸菜魚嘅湯汁，爽口好吃😋💕皇牌口水雞 $92四川名物口水雞都有BB辣揀真不錯啊！亦都有驚喜，配以大量芝麻同花生，調味恰到好處，麻及辣兼備，鹹甜得宜，就算紅油多，也不覺過於油膩。雞肉嫩滑，夠新鮮，食完一件接着一件再食不停，大推👍🏻💕麻辣海蜇 $48愛吃的一道涼拌菜，有嚼勁又帶脆感的海蜇，調味剛好，

[ 捌壹壹 ]呢間餐廳主打食四川菜，招牌菜有酸菜魚、雞煲&香鍋等。上次晚市去旺角店門外係長長人龍，可見人氣極高🔥最近見銅鑼灣開咗新分店，menu仲加咗重慶燒烤，一於再食。😍✿ 冷鍋酸菜魚 🐟🐟 $238 （$338加大碼）呢個招牌菜雖然叫冷鍋，但原鍋上枱時係熱辣辣架！🤣唔需要再加熱就可以食！正常份量適合2-3人食。order咗小辣，上枱聞到陣陣酸菜魚香味，花椒味好香😍 酸菜唔咸亦唔會過酸；去骨魚肉大片而鮮滑，份量都幾多；湯底唔會油膩，酸度剛好，加上麻&辣味愈食愈過癮，都幾開胃。用嚟送飯一流，d湯仲可以飲埋😋😋鍋內配料仲有寬粉、芽菜、金菇、萵筍&芫茜。食完酸菜魚更可加湯變打邊爐。另外可選辣🌶/不辣，怕辣嘅朋友都可以食！✿ 重慶燒烤 🍢🍢銅鑼灣店限定😍 燒烤有肉類、海鮮、小食&素菜，加埋有超過40款選擇。今次就order其中兩款試試。烤厚切牛舌芯 🐮👅$42/2串烤雞腎 $28/2串兩樣都叫咗小辣，加埋辣粉烤得好香😍 串燒火喉剛好，有肉汁唔嚡口。牛舌芯好大舊，好滿足阿💕💕✿ 特飲鮮果冰茶 🍊🍉🍓🫐$46超大杯😂 食辣野解辣一流。茶味濃，但覺得可以甜多少少🤏🏻鮮果肉有士多啤梨、火龍果、西瓜，

原先係旺角開，衣加係銅鑼灣開分店啦！！ 銅鑼灣分店亦加入新元素，包括特飲、重慶燒烤等，一次滿足你幾個願望💕 😋 冷鍋酸菜魚 $238吾係講笑，呢個價真心值，佢魚既份量係2-3人都絕對夠食！ 考下大家知吾知咩係冷鍋呢？ 小妹原本以為係凍食，原來冷鍋係指廚師已經烹調最合適既熟度，保持魚肉既鮮嫩同嫩滑，每魚肉既營養同精華吾會流失，所以食落係件件夠滑！湯真係用魚熬製，所以係奶白色。煲底有萵筍、大豆芽、金針菇、老壇酸菜同寬粉，最中意每條寬粉都包裹住酸菜湯既酸同辣，非常惹味😍 Ps 食完啲魚可以轉做打邊爐，繼續用呢個惹味湯底繼續食！ 😋 尖椒皮蛋 $45好難得係餐廳食到糖心蛋既皮蛋！！ 會叫正粒粒皮蛋係金黃流心，加上醬汁配埋尖椒一齊食酸酸辣辣，非常惹味！ 😊 黑糖糍粑（細）$42食川菜另一期待係呢款甜品，有別於其他餐廳，呢度係用黑糖，相對比紅糖健康，食落會酸少少，不過一定要將成個糍粑浸滿哂黑糖先正！ 糍粑食落煙靭，不過再大少少會更加有口感！😊 雪梨梳打 $36欣賞係比一罐既梳打，加埋雪梨醬連果肉，好岩夏天咁熱既天氣！ 抵食程度：⭐️⭐️⭐⭐食物質素：⭐️⭐️⭐️⭐員工態度：⭐️⭐️⭐️⭐️環境裝飾：⭐️⭐️⭐️衛生情況：