捌壹壹 (蘭芳道)

營業中

休息中

之前聽朋友介紹過呢間酸菜魚表示個湯底濃郁無比，我發現到原來佢喺銅鑼灣都有分店😚好彩質素有保證！住港島附近嘅你可以幫襯呢間分店👍🏻-✤ 必食冷鍋酸菜魚 $𝟐𝟑𝟖呢度嘅酸菜魚個湯底超級濃郁👍🏻就咁當湯飲都完全冇問題！魚塊數量超級多，切得厚薄適中，鮮嫩無比！魚肉最怕會霉但呢個完全唔會👍🏻配料都好豐富：酸菜、芽菜🦷、萵筍片等等。✤ 炸嚮鈴 $𝟑𝟖湯底叫咗小辣，攞嚟浸響鈴就最適合不過👍🏻✤ 凍豆腐 $𝟑𝟖一早就落定晒啲索晒所有湯汁☺️豆腐紋路分明，索汁程度1000，必點！✤ 香油海蜇 $𝟒𝟖夏天嘅時候天氣咁熱，一定要叫少少比較消暑嘅菜式，呢到菜麻油味道濃郁、海蜇爽口！配合少量青瓜絲鋪底好清新🥒✤ 冬瓜茶 $𝟏𝟖叫咗普通罐裝冬瓜茶，已經有台式飲品嘅味道😉

呢間嘅旺角分店一向都幾多川菜迷幫襯，今次試試銅鑼灣新店，裝潢同一般川菜店唔同，走文青同大自然風之餘，卡位都幾多。整體座位舒適闊落，非常企理。平時酸菜魚就食得多，冷鍋魚真係第一次聽，原來係指無需加火都保持到食材溫熱嘅做法。自知唔太叻食辣，今次先試吓最弱嘅bb辣，估唔到都好夠味，又食到少許辣度刺激一番。酸菜魚用冷鍋做法後的確做到肉質嫩滑唔乾身，入口溫度適中，魚香同酸度並重。魚片雖然唔算好大塊，但勝在份量夠多，仲有大量芽菜同金針菇配菜，另有少量滑捋捋寬粉，兩人分享都夠滿足。招牌水煮肥牛餐 $85除咗冷鍋酸菜魚，當日仲叫多一份午市套餐、一份甜品同一杯特飲，每款套餐都會連白飯一碗同熱飲一杯。水煮肥牛套餐我都係選擇bb辣，水煮菜式比起酸菜自然會更辣，但當中嘅肥牛同寬粉都更惹味。油辣香同牛香配合得幾好，送飯一流，性價比都算唔錯。跟餐飲品就揀咗熱菊花蜜，面層加入幾朵小菊花，花香四溢。入口甜度稍高，但個人而言係幾鍾意，潤喉之餘仲幾解辣。黑糖糍粑 $42/細食川菜我總係鍾意叫糍粑或者冰粉作結，今次嘅黑糖糍粑小巧可愛，炸衣唔會過厚，糯米口感尚算不俗。而黑糖係帶有鹹度，鹹甜味加上糯米感覺幾得意。凍峰蜜蘋果茶

朋友勁愛酸菜魚，喺佢多番推介下試咗呢間叫「捌壹壹」嘅酸菜魚。朋友經常幫襯佢嘅旺角店，最近銅鑼灣店新開張，餐廳位於蘭芳道，見今日去開附近行街順便去試吓先。🐟🐟開頭擔心天氣咁熱，食酸菜魚唔知會唔會太激，原來係絕對冇問題。試咗佢嘅必食冷鍋酸菜魚（$238），味道酸酸辣辣，好開胃呀。分量十足，除咗有魚之外，仲有酸菜、金菇、芽菜同寛粉，入口好富層次感。🌶🌶尖椒皮蛋（$45）- 用咗溏心皮蛋，賣相已經好吸引，配以蒜粒同埋辣醬（唔係好食得辣嘅我哋要咗微辣），好開胃醒神嘅小食。🥒🥒麻辣海蜇（$48）- 麻辣味好香，冇尖椒皮蛋咁辣，但麻油味好出色。海蜇好爽口，仲有青瓜，好清新嘅小食。🍐🍐飲品要咗蜂蜜雪梨茶（$28），好有誠意地放咗切碎咗嘅雪梨響入面，連埋蜂蜜，好解渴同消暑。見餐廳有午市同下午茶套餐都好抵食，環境及食物質素都好好，絕對會再幫襯呀。

主打酸菜魚、正宗重慶麻辣雞煲、泡椒雞煲，其中以冷鍋酸菜魚及重慶麻辣火鍋魚仲要係鎮店之寶😎成日都想試呢間新派川菜店，之前喺旺角長期排隊.. 都未食到，剛剛喺銅鑼灣新開，可能未有太多人知，見有位就唔駛諗，今晚就食你啦😍🐟必食冷鍋酸菜魚 $238最馳名招牌冷鍋酸菜魚，湯窩不算太酸，酸菜魚份量多，魚片厚身肉質滑，非常新鮮，仲有好多配料，薯粉、芽菜、酸菜..夫妻肺片 $72雖然細細地但係份量都幾多，麻麻辣辣好開胃👍🏻乾煸肥腸 $118呢個我非常喜歡，非常香口，送酒一流🍻，唔好俾佢啲辣椒呃到，其實同辣子雞差唔多，純粹係香口，唔會太辣的😜