捌壹壹 (蘭芳道)

香港食酸菜魚，必定會食呢間！呢個酸菜魚又大份，魚嘅份量又多，配料亦都好足，簡直係我香港酸菜魚心目中Number one🤩🔹冷鍋酸菜魚 (例牌) $258首先魚嘅份量好多，食極都仲有好多魚，魚片亦都切得好厚，啖啖肉，完全冇骨🤤配料方面好多酸菜、厚嘅紅薯粉、金菇、黃芽白同埋萵筍。🔹黑糖糍粑 (細) $42黑糖糍粑係必叫，佢嘅糍粑做得好軟糯，再加埋啲黑糖一齊食，甜甜地，正😍🔹鮮果冰茶 $48食酸菜魚點都會叫一杯水果茶，我同男朋友兩份飲，入面好多生果，但其實都已經冇乜生果味。呢個冰茶可以叫少甜，幾Fresh幾新鮮😋…查看更多

食物：酸辣粉個湯底係醋味，完全唔係酸辣粉應有嘅味道，叫咗中辣都唔辣。酸菜魚中規中矩，冇乜特別，某app上面啲好評唔知點樣嚟🤷‍♀️服務：男侍應態度比較差，我問佢下午茶係咪八折，佢背對我，望都冇望，就咁擰頭，明明係下午茶時間，餐廳只係得幾個客都唔忙😅女侍應服務態度比較好 。一開始嘢食又送錯枱，然後叫酸辣粉又送咗個粉面嚟。銅鑼灣有更多更好嘅選擇🙏…查看更多

在捌壹壹享用的晚餐令人難忘。重慶麻辣雞煲的香氣撲鼻，雞肉鮮嫩，選了小辣，麻辣味道突出，讓人一口接一口。搭配的香料和蔬菜增添層次感，讓整體味道更加豐富。干鍋花菜臘肉一向係我最愛，花菜脆嫩，臘肉鹹香，兩者融合，但略淡，唔夠乾身。環境舒適，服務親切。串燒方面，紅柳羊肉風味濃郁，手打牛丸彈牙，魷魚鬚則口感鮮脆，配酒一流(但我倆都沒有點)。蜂蜜雪梨茶和石斛竹蔗茅根水清新解膩。店員話，平日午市較旺, 晚市人流一般般。雖然晚市好靜，但食物的質素絕對值得一試！…查看更多

外賣麻辣雞煲一份 加左三款配菜1. 手打墨丸2. 萵笋3. 嚮鈴買完外賣就上的士，冇對清楚，心想已經覺得不妥，點解只得兩個熱辣辣放滿湯的盒？唔通漏左冇俾配菜？試問點會諗到呢間餐廳會將所有配菜加入雞煲! 嚮鈴喎，係咩玩法？致電餐廳詢問，佢竟然話如果想分開要特別備註，我真係未試過外賣雞煲叫嚮鈴係會放入湯俾客。你堂食會幫我加嚮鈴入湯嗎？點解覺得分開放係特別要求？萵笋放入窩搞到冧晒發黄 夾起我仲以為係薯粉手打墨丸 知唔知咩叫“手打”？另外，睇下張圖，會以為我叫左豆卜鍋，豆卜多到夾起有一大湯碗！餐廳要用心做!…查看更多

回鍋肉（小辣） $88回鍋肉用料扎實，選用左肥瘦相間嘅五花肉。無論係肉片、洋蔥定青椒都炒得入味，肉質帶有微微嘅焦香，味道非常豐富。辣度啱啱好，唔會太刺激，食落去好惹味！配埋白飯($13)一流！🤤巫山紙包魚（原條青江魚） $338推薦🤩 首先喺香港好少食到紙包魚，仲要呢條原條青江魚有兩斤，好足料！食呢個菜預咗要少少時間，因為紙包魚會成條上，喺我哋面前蒸幾分鐘，蒸完店員就會幫手炒醬。同埋條魚好厚肉，俾啲時間佢熟左，更加好食😋 芫荽同蔥會分開上，如果唔食嘅可以同店員講，不過覺得加咗再香啲，然後芫荽同蔥可以擺埋一邊唔食。紙包魚打開一瞬間已經聞到好香嘅味，魚肉非常嫩滑唔老，冇腥味，魚肉容易起骨，調味係標準川味風格，麻辣鮮香兼備，辣度適中（我哋叫咗小辣）唔過火，魚肉吸滿左濃郁的湯汁精華，每一口都好惹味，連埋厚身魚肉，口感一流☺️ 小tips, 因為魚身上嘅辣椒會越煮越辣，所以如果唔係好食得辣，一開始就將啲辣椒擺去側邊，咁之後嘅魚肉就唔會太辣☺️凍檸檬茶（少甜少冰） $21店舖好貼心有水提供，不過辣得滯，飲吓凍檸檬茶都要嘅🙈 佢嘅檸檬茶茶底幾香濃茶香味，非常解辣😙結論🫰店員友善，煮魚會幫手同介紹🫰紙包魚出色！🤩好味度：8.5/10CP值：8.5/10…查看更多