手拉麵小廚

營業中

休息中

新浦崗是處邊沿地方，雖有工業區卻不像觀塘車水馬龍。自九十年代工廠開始北移，這區亦顯得冷清，但卻不乏好味食店。手拉麵店是我心儀食店，它沒有華麗装修，集合京川滬麵吃飽點為一身的務實小店。今天因工事經過新蒲江，當然要入內一試久遺了的味道。因這裡食物份量不少，我一個人只點了小籠包和豬頸肉担担拉麵(平常只吃豬扒担担麵，今天想轉口味)))))]本人愛在非繁忙時間來吃，因麵與小籠包幾乎是同步來。若在飯餐時間來，有可能差不多吃完麵才到小籠包，那就有點怪。冒著熱氣的血紅湯頭衝擊雙眼，不要被血紅湯頭嚇倒，因各客人味蕾構造不同，所以湯只是微辣，若嗜辣的枱頭那樽辣椒油才是主角。麵是自家制，咬口適中，湯裡有炒過的芝麻，炸菜和花生碎，再加點辣椒油連渣伴著湯頭和麵入口，湯的厚度，麵的咬度，辣的勁度衝著你的味蕾直入腦神經，當吃麵後，感覺到像有股辣氣，從胃裡湧向丹田散發汗線，真的罪過罪過，可惜豬頸肉煮得過火了，少了豬頸肉特有的爽脆感，是整碗麵的敗筆，下次還是吃豬扒担担麵。小籠包是這鎮店名物，它沒有尖沙咀十八個摺的小籠包那種精緻，我較愛這裡的粗獷，吃得自在，這裡的小籠包每顆份量不少，最好用匙托包送入口，我的習慣将小籠包

由sai kung 出返市區，塞車塞到7:15 已經無堂食，快快買外賣回酒店醫肚，再沖涼瞓覺要了小籠包，一盒5隻，多汁鮮甜，比一般的大一半，幾抵食的。必點次次都會食。肉餡夠肥又多汁，皮薄摺得細，$45 5隻真係signature 蝦米奶油律白，個湯就唔太cry ,但律白煮得夠腍身，而且蝦米碎帶出了股鮮香同增奇口感，不錯吃呢，而且只是$45 好抵食另外要了份皮蛋豆腐，切成一樣大小，落了好多麻所食落聞落都勁重麻油香，但油太多好快就滯住頂胃了

間唔中都會好想食小籠包個啲上海嘢，知道新蒲崗有間出名又平又好食嘅上海舖，所以就專程去試吓😍~🍁 豬扒担担湯拉麵 ($55)担担湯底雖然好紅，但淨係啲啲微辣，而且仲有淡淡嘅花生味💁🏻‍♀️由於係手打拉麵，所以麵條粗幼不一，拉麵滑溜，口感唔錯，而豬扒好惹味，層皮炸到好脆，肉質就好淋🤤~🍁 招牌小籠包 ($45)小籠包有5件大大件，即叫即整，包皮都算幾薄身，趁熱食個時要小心燙口，因為真係爆晒汁😍唯一缺點就係肉餡量偏少🤔~🍁 雞絲粉皮 ($44)雞絲粉皮一直都係大愛，見唔少人都推介，就梗係要試下🤤花生醬味濃郁，味道有啲啲甜，因為太餓結果唔洗幾分鐘就KO咗呢碟冷盆🤣~本身仲想試埋豆沙鍋餅，但已經賣晒，唯有下次請早啦😭

為左搭啟德線， 順手試出晒名小籠包。離啟德站都唔近， 要行15分鍾左右， 我地到個下都差唔多2點都但好多客人。小籠包： 皮薄多汁，但肉比較少。應該係即叫即蒸， 我地等左10，15分鍾先上枱。豬扒担担麵： 碗麵好香，拉麵係手打，粗幼不一。豬扒野味但太淋。酸辣湯雲吞：菜肉雲吞大粒好味， 但湯太辣同咸。飲唔晒。侍應服務好好， 食食下有1家人黎到， 佢特登安排坐卡位。 到我地走個下， 我地幫手執1執好d碗， 姐姐都叫地唔好掂， 話佢有帶手套執， 費事整污穢我地。

手拉麵小廚，惹味回鍋肉，豬肉爽口不肥，醬汁可以多吃一碗白飯，必試。可能係全港最好味的小籠包，皮薄多汁，應該不是用汁來形容，而是用一泡湯會比較貼切。無食過唔好話去過手拉麵。必食。醉雞 - 酒味恰到好處，杞子帶微甜，正。羊肉湯拉麵 - 羊味十足，湯頭甜且濃，麵質較淋，可能放久了才吃。

今日lunch同事帶咗我哋去呢間手拉麵小廚食上海嘢，佢話呢間餐廳好出名，仲上過電視，咁我哋就去排吓啦。餐廳門面都幾細，入面都好窄好多人。而且最大嘅枱都只可以夾硬坐到4-5個人，普通卡位亦都比一般嘅細，坐得唔係太舒服。我叫咗個豬頸肉擔擔麵，要等5-10分鐘先上枱。咦，外表睇落又幾吸引喎！紅色嘅湯底，加埋面頭嘅芝麻，好香！食落都唔錯，豬頸肉有少少脆，份量都好大碗。對得住個價錢😋！我同同事們仲一齊叫咗個小籠包食，小籠包係餐廳自家製嘅，保證新鮮。入面嘅汁都算多，不過個皮就略嫌厚咗少少。總括黎講，呢間嘅CP值都算高，但可能係期望太高嘅關係，我覺得唔係太值得花時間黎呢度等位食。

一向都好鍾意食手拉麵小廚嘅小籠包，今日專登走去食。佢地小籠包真係冇得輸。不過，去完呢一次之後，我估疫情未完之前都未必會再去喇。因為佢地太多職員唔戴口罩。最近揀餐廳，都必定望下啲職員有冇戴口罩先。今次去手拉麵都有望，見玻璃房入面個叔叔有戴，就安心入去。點知入到去就見到阿老細同個廚冇戴罩。到臨走時數一數，得2個好乖有戴，3個冇戴。希望佢地為客好，為自己好，都可以戴返個罩啦！ 我仲想再嚟食呀！

星期日特登同朋友去新蒲崗食美食，見openrice多人話呢間好食就去試下。舖頭雖細細間，但晏就時間都好多人食，好彩唔洗要排隊等。坐低就即刻叫左小籠包、雞絲粉皮同雲吞。雞絲粉皮⭐️⭐️⭐️⭐️上枱睇落就已經流晒口水🤤，鐘意佢好多汁亦重花生醫味，比出面食既甜多小小。雖然都好食，但如果要比較，我認為上海姥姥既味道好食d招牌小籠包⭐️⭐️⭐️我本身系最期待個小籠包的！點知期望越大失望越大🙁 佢唯一既優點真係好多湯汁，但整體餡的味道較淡，而且佢層外皮唔滑仲有小小怪味。我出面飲茶食開個間的小籠包仲好味個佢😭😭8隻菜肉雲吞⭐️⭐️⭐️⭐️食呢碗雲吞有家的味道，皮薄餡足，味道唔錯

位於新蒲崗嘅手拉麵小廚可謂我嘅飯堂之一，佢出名價廉物美，吸引唔少街坊嚟食。.平時我鍾意食羊肉麵，呢日特登試吓雲吞麵。.雲吞皮薄餡靚，而且每隻大細差唔多，仲係新鮮包起。.每次食都見到師傅不停咁樣包雲吞同埋小籠包，睇得出佢哋嘅食物有幾受歡迎。.呢款雖然清淡但係一啲都唔單調，每一口都食到蔬菜嘅清甜，同埋有層次嘅湯底。

早有聽聞呢間鋪頭嘅小籠包好好味，終於今次放假可以去一試啦！地理位置上不近地鐵站，好彩朋友熟路所以就唔使左搵右搵。店內位置不多，特別係午餐時間所以需要同人搭枱。終於食到呢個好出名嘅小籠包啦，一上枱仲係熱辣辣，果然同傳聞中一樣咁好味，入邊仲係好多汁，而且包嘅皮亦不算厚，係$42有五隻來講算係好高質素。呢個豬扒担担湯拉麵$52亦幾有驚喜，豬扒炸得啱啱好，有啲外脆內軟，而且個湯底亦都唔會太重花生醬味，否則加埋啲麵成個感覺會好濟！個午餐都只係食咗$80左右，絕對係高質街坊食店！

本來想食附近出名嘅窩夫三文治，不過太多人排隊，所以諗住食附近嘅餐廳就算，行行吓經過手拉麵小廚，細細嘅鋪頭，都有六七個人排緊隊，等左十幾分鐘就可以入鋪頭。之前電視節目有介紹過呢度嘅手打拉麵好好食，我哋兩個人叫咗一人一碗羊肉湯拉麵，一籠招牌小籠包，一份菜肉雲吞。拉麵好快就上枱，啖湯充滿羊肉嘅鮮味，一啲都唔膻，配菜仲要好足料，有好多菜同埋羊肉片，食到最後都仲有。而拉麵就食得出唔係機打嘅，因為佢好彈牙好爽。食食吓拉麵，招牌小籠包同菜肉雲吞都上埋，一見到個小籠包忍唔住要即刻放低手上嘅拉麵，個小籠包好大粒，小籠包入邊充滿湯汁到連一個湯羹都載唔晒，記住要攤凍少少先好擺入口！另外菜肉雲吞都好有驚喜，雲吞皮好滑，鮮肉有好多汁，同招牌小籠包不相伯仲！今次總算不枉此行特登嚟新蒲崗覓食

好耐之前大台東張西望介紹過嘅餐廳，爆汁小籠包，上網睇翻原來係依間⋯⋯果然有驚喜呀🤩我叫左個豬頸肉担担湯拉麵($52)，同埋招牌小籠包($42/5隻)，未講食物之前。依間餐廳位置偏僻，唔係住附近同唔熟呢頭，可能需要少許時間去搵。🥱我係樂富行過嚟大概20分鐘左右啦。餐廳入面好少位，好彩去個時已經係下午茶時間，有得坐卡位，中午或者夜晚去嘅話應該好多人去排隊，走個時差唔多到晚市，出面開始要排隊，所以大家預好時間去食呀⋯⋯豬頸肉担担湯拉麵🌶($52)，價錢一般，豬頸肉算大舊而且有燒過，但係好”銀”，而且有啲凍，似係豬頸肉本身熟嘅放埋一邊，之後有人叫就直接放喺麵度，呢度扣左唔少分。雖然餐牌有個🌶但係唔係好辣，本身唔食得辣嘅我都接受到。麵幾好食，爽滑，份量適中，但係麵唔係好入味，但都係好食嘅⋯⋯招牌小籠包($42/5隻)，其實我都係為咗食招牌小籠包而嚟嘅，$42/5隻，平均都要$8隻，價錢中上，睇到依度可能心諗價錢唔值，睇埋可能你會唔係咁諗⋯⋯😉新鮮出籠嘅招牌小籠包，皮薄餡靚，一咬小籠包，即刻爆曬啲汁出嚟。🤔一口食曬又驚汁太熱，咬開一半又驚汁爆到周圍都係，只要用匙羹放一隻小籠包，然後咬開少少皮，見到

平日下午5點去到都滿座，幸好還有一張二人桌，遲來一步就要稍候了。店內略為擠迫，但不減客人，可見食物有多吸引！小籠包： 上次試過小籠包一試難忘，今次當然要再品嘗品嘗。觀察所見，差不多每一桌上都有一籠。這兒的小籠包比一般的大，皮不太厚，很多湯汁，一口下去極為滿足! 羊肉湯拉麵：拉麵非常有口感！羊肉分量不少，切得薄、略肥。湯非常鮮甜，我們忍不住差不多喝光！喜歡甜點的我當然要試試豆沙鍋餅，是不錯的飯後甜品！整體食物很不錯，會再光顧！

去完一田掃貨後，我記得有朋友之前特登駕車食依間上海菜館，個時佢話好多人排隊。可能咁岩當日係平日嘅關係，唔駛等位就可以入座，當然預左Ｄ位好迫而且又要搭檯。見到餐牌Ｄ野食唔貴，但因為我當日咳到死死下嘅關係，所以唔可以食Ｄ好刺激同辣嘅食物。所以我叫左羊肉湯拉麵$52羊肉份量都幾多，而且有羊膻味，鐘意食羊嘅我覺得唔錯。老公叫左蔥爆羊肉飯$55加豆漿$6比起我個碗相對失色D，冇乜羊膻味。小籠包$44（佢牆上寫住豬肉制品包括小籠包同豬肉雲吞要加$2）真係好多湯汁好juicy，不過層皮有點厚同埋d肉有d鬆散，咁遠黎到都值得一試嘅。食左$157，唔算好貴，如果唔多人排隊都可以考慮下。

手拉麵小廚為於新蒲崗不起眼的內街，是間樸實的小店，沒有最有利的地理位置，依然客似雲來，可見紅火的生意靠的是實力和口碑。在門口等候時，可從透明的櫥窗看見店內幾位師傅用心搓拉一團團麵粉，手工拉麵食的是師傅的用心製作和回味無窮的口感。羊肉拉麵沒有羊肉的蘇味，至於肉的香和嫩，即使平時受不住羊肉味道的人也可一試。擔擔麵十分足料，豐富的口感配上同樣手感的拉麵，啖啖是滿足幸福的感覺。雞絲粉皮，醉雞等同樣是必點菜式。對住在附近的我來說，手拉麵小廚是每週必到餐廳！