手拉麵小廚

營業中

休息中

今日lunch同事帶咗我哋去呢間手拉麵小廚食上海嘢，佢話呢間餐廳好出名，仲上過電視，咁我哋就去排吓啦。餐廳門面都幾細，入面都好窄好多人。而且最大嘅枱都只可以夾硬坐到4-5個人，普通卡位亦都比一般嘅細，坐得唔係太舒服。我叫咗個豬頸肉擔擔麵，要等5-10分鐘先上枱。咦，外表睇落又幾吸引喎！紅色嘅湯底，加埋面頭嘅芝麻，好香！食落都唔錯，豬頸肉有少少脆，份量都好大碗。對得住個價錢😋！我同同事們仲一齊叫咗個小籠包食，小籠包係餐廳自家製嘅，保證新鮮。入面嘅汁都算多，不過個皮就略嫌厚咗少少。總括黎講，呢間嘅CP值都算高，但可能係期望太高嘅關係，我覺得唔係太值得花時間黎呢度等位食。