手拉麵小廚

聽人介紹話喱間擔擔麵好好味 特登嚟到新蒲崗 係一間小店 揀咗：四川擔擔湯拉麵 哇 食第一啖已經唔想食落去 啲麵質好唔掂 淋到好似擺咗好耐咁 亦唔似自己手拉 似現成貨 係湯底叫做正常發揮 唔太辣亦有啖啖蔴醬香 個樣賣相唔差 但一定唔係出色到可以遮蓋淋麵嘅缺點 實在太失望 我真係唔明好味在邊蔥爆羊肉配飯 送熱飲 喱個蔥爆羊肉飯 只能叫普普通通嘅發揮 喺喱個地方食喱味餸 完全不值 蔥爆唔夠香口又唔夠穫氣 羊肉帶點羶味 極其量叫做有煮家飯嘅感覺整體而言 喱間鋪又窄又細 坐得勁唔舒服 仲要加埋喱啲嘢食嘅質素 真係唔需要試 我眼見好多枱都係叫小籠包 可能喱度其實係出名佢呱 但論性價比 我又覺得唔值 …查看更多

新蒲崗手拉麵小店好受街坊歡迎！行過門口已經見到師傅人手打麵，今次去特登為咗名物大大隻爆汁小籠包!—— 小籠包 (五隻）$57招牌必叫！皮薄餡多！比坊間食嘅更大隻🤩接近一隻手掌嘅size‼️一啖咬落去湯汁爆出嚟，超熱辣辣！清甜勁多汁😍雖然$57五隻少貴，但都真係高質！—— 豬扒擔擔麵 $67麵條粗幼均勻，咬落去煙韌彈牙，可惜湯底好重胡椒味，花生香就好淡，豬扒炸得啱啱好外，但真係超級鹹🤢再配埋個麵掛埋胡椒味湯，真係成口又鹹又剌激🤢🤢📍 手拉麵小廚 (新蒲崗)新蒲崗衍慶街48號衍慶大廈地舖▫️▫️▫️▫️▫️▫️▫️▫️▫️▫️▫️▫️▫️🌟推薦指數：7/10 …查看更多

今日喺新蒲崗，試咗一間叫「手拉麵小廚」嘅小店，專門做手工拉麵同埋小籠包。店舖位於繁忙嘅街區，裝修簡約溫馨，帶點日式風格，門口已經聞到陣陣湯頭香味，令人迫不及待入座。店員服務周到，介紹菜式時好專業，推薦咗佢哋嘅招牌拉麵同小籠包畀我試。首先試咗拉麵，麵條係手工拉製，彈牙有嚼勁，掛湯能力強，每一口都吸滿湯汁。湯底選擇多樣，我揀咗豬骨湯，湯頭濃郁鮮甜，唔油膩，配上叉燒、蛋同埋青菜，味道平衡。叉燒入口即溶，肥瘦適中，絕對係水準之上。拉麵份量足夠，食完有飽足感，適合午餐或晚餐。但最出色嘅，絕對係招牌小籠包！外皮薄薄透光，內餡鮮肉汁多，咬落去熱騰騰嘅湯汁爆出嚟，肉餡鮮嫩多汁，調味恰到好處，帶有淡淡薑味解膩。每一籠都蒸得剛好，唔會太濕或太乾，食落真係一絕，感覺比好多知名店舖都要好。其他小菜如餃子同埋涼拌菜，都新鮮可口，增添咗整體體驗。價錢方面中規中矩，拉麵一套$60起，小籠包一籠$40，性價比高，唔會覺得貴。唯一小缺點係座位唔多，高峰期可能要等位。但整體嚟講，手拉麵小廚嘅手工質素令人印象深刻，尤其小籠包係必試項目。下次會再嚟試埋佢哋嘅辣味拉麵！總分：9/10！…查看更多

上海菜館小籠包爆汁警報💥唔講唔知！原來喺上海菜餐廳都可以食到驚為天人嘅豬頸肉？今日同大家分享一間隱世高質小店～一入門口已經聞到濃濃嘅小籠包香氣，即刻衝去點咗招牌小籠包同豬頸肉米線！咬開小籠包瞬間——湯汁簡直係火山爆發級🌋！雖然偏鹹少少但鮮味爆燈，皮薄餡多做到「湯包合一」境界，食到咀角流油都忍唔住瘋狂encore！至於個豬頸肉米線⋯⋯哇！真係「肉不可貌相」！豬頸肉煎到金香脆口，咬落去「咔哧」聲仲清脆過iPhone新提示音📳！肉質彈牙得嚟又juicy，醃料完全滲透每絲纖維，拌住滑溜米線同清甜湯底，簡直係「飽到上心口都堅持清碗」級好食！最感人插曲～食到一半突然醒起架車泊咗喺抄牌黑點🚨！衝出去睇之際，原來店員哥哥早已暗中幫我昅實，見有交警巡邏即刻提我移車！真係「人間有愛」到想頒個好人獎俾佢～如果唔係呢個神助攻，今餐隨時變「天價飯局」（諗起都肉痛啊！）。總結：呢間絕對係「味力與人情味並重」嘅寶藏店鋪～後續已經約實班friend再去掃menu！大家如果去試的話，記住「車泊穩陣，包食安心」啊～😉…查看更多

聽講呢間好受歡迎，星期六6點都要等左10分鐘左右，餐廳環境比較細，2個人坐卡位係要搭枱，張枱都有啲細。特登黎到食小籠包 ($57)，一籠5個，師傅一路包一路蒸所以要稍候嘅。咬開個皮瞬間湯汁豐盈，不過整體味道未達預期驚豔，一咬啲餡有啲鬆散。以呢個價位嚟講，性價比略為普通。另外叫左個雞絲冷麵 ($58)，成碗麵份量都好多，大量青瓜絲，鋪滿濃郁麻醬嘅雞絲，麵質算彈牙爽口。豬扒湯拉麵 ($58) 湯底溫和略欠層次，豬扒乾身唔算油膩，麵質軟硬適中，同冷麵都係同一種麵，純粹填肚ok。加左$10要豆漿，以為係自家製，原來唔係😂…查看更多