手拉麵小廚

營業中

休息中

🤔羊肉湯拉麵 湯底顏色濃郁，睇落幾惹味，但係羊肉湯同埋羊肉都好大浸羶味。可能鍾意食羊果浸酥味嘅朋友會鍾意？我就麻麻哋啦。👌🏼醉雞 花雕酒嘅味道幾濃郁，又有甜甜地嘅感覺，個汁整得幾好味。但係雞就唔算係特別滑。招牌小籠包 嚟嘅時候嚇一跳，咁巨大嘅小籠包！應該叫係小湯包先啱佢個size ! 食落都真係好多汁。味道唔錯。整體來講，大部分食物都味道正常okay，除左羊肉拉麵對我來講太騷，但又未至於好食到會返食。食物： ★★★☆☆ 環境： ★★☆☆☆推介度：★★★☆☆

舊式老店，坐位唔多，坐得比較窄，星期日午市所以多人等位1）花雕醉雞：鷄夠入味而且夠滑，酒味濃2）豬扒担担湯拉麵：拉麵爽滑，豬扒醃醃得幾好味，煎得夠香，湯底有啲辣 （因為我淨係可以食到B B辣))，唔係我鐘意嘅花生麻醬湯底有啲可惜3）招牌小籠包：皮薄多汁好好味 ，我一向唔鍾意食小籠包，試咗一隻，真心好👍4）羊肉湯拉麵：拉麵爽滑，羊肉湯羶味都幾重，唔係我鐘意嘅味道5）豆沙鍋餅：唔係好甜，豆沙餡太少，餅底麻麻哋

以前成日同屋企人食京川菜、小籠包，今日❤️心血來潮❤️就同朋友黎左新蒲崗的手拉麵小廚，office 放飯時間，我地等左大約5-10分鐘就可以入座。食京川滬菜又點小得經典 - 雞絲粉皮 呢，初初以為冷盤小食細細碟，點知同一個主食份量無分別😋，真係一個人食嘅話都夠飽。豬頸肉担坦湯拉麵 - 估唔到豬頸肉份量都唔少，都有大約10-12塊，每口都啖啖肉，而且佢燒得幾香，湯底味道不錯，不過略不夠濃郁，但整體水平不俗。最後當然唔少得 招牌小籠包 啦！呢度嘅小籠包一啲都唔少，係大籠包唷🤣，而且入面已經唔係肉汁，份量多到係湯汁😋，肉汁依然鮮甜經典，不過可能係大籠包，皮則略較厚。

已經不是第一次幫襯新蒲崗手拉麵小廚的午餐。首先，招牌小籠包大大隻，真是可以同包來形容，其外皮薄而不破，湯汁豐富，一咬下去就能感受到肉餡的鮮美和湯汁的溫熱。每一個小籠包都像是精心製作的藝術品，讓人忍不住一個接一個地品嚐。接著是豬頸肉担担湯拉麵，這道菜的湯底醇/濃厚，帶有一點點的辣味和濃郁的芝麻香。厚切豬頸肉入口即化，與手工拉麵的彈牙口感完美結合。每一口都讓人感受到廚師對食材的尊重和對味道的執著追求。最係，這家店的特色是店前有師傅即場整手拉麵，可以觀看師傅的手勢。這家小廚的午餐不僅味道出眾，更展現了對傳統手工拉麵的現代詮釋。以這個價錢已經物有所值。

因為呢間餐廳，所以我專程黎到新蒲崗！！由於時間太早，所以我地營業時間前15分鐘已經喺門口度等開門😂 前面有對日本情侶仲早過我地。一入到去就即刻落Order!! 新鮮蒸起，出晒煙！入面好多湯汁，不過同平時既小籠包唔同，入面既肉唔係一粒而係比較鬆散，但都好好食！朋友推介呢個豬扒擔擔麵！ 係我最愛既花生醬味好濃時擔擔麵湯底！！ 豬扒啖啖肉，醃得好好食啊！！ 拉麵都好吸湯！ 唔錯唔錯！羊肉湯拉麵係先生食既，我試左一啖，我覺得湯底幾清甜，有羊味，唔錯。不過我先生就話覺得個拉麵有d粉，好痴牙。但我食擔擔麵既時候又唔覺，可能d拉麵質地比較配喺擔擔湯度掛？朋友話呢間既炒拉麵好好食,下次再去！！P.S. 我都知食呢d小店就唔好講咩服務態度，但有位阿姐既態度真係差到暈！！不斷喺度鬧d客，都唔知得罪佢d乜😂。 反而有個後生既哥哥仔態度幾好，仲好有人情味咁幫一個婆婆收定錢，因為婆婆帶左兩個外國返黎既朋友黎食飯，怕佢地爭埋單

嚟親新蒲崗都一定會去食因為佢嘅小籠包真係世一皮薄又夠多湯汁每隻上枱時都脹卜卜睇見都流口水🤤🤤當然仲有佢嘅拉麵麵好滑料好多湯底正👍🏻👍🏻個人嚟講最鍾意係豬頸肉擔擔麵🤤個豬頸肉整得好香口好好味🤤十個讚👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻不過嚟得就唔係求個環境舒服見有食評批評要搭枱其實間舖咁細同埋響呢啲小店都預咗要搭枱㗎啦如果真係介意坐得好逼夾就真係唔好嚟喇

#MC帶你去新蒲崗依間係小編私心推薦比大家，因為佢嘅小籠包最係好出色💯比得上香港數一數二！食過返唔到轉頭‼️🍽️ 招牌小籠包 $52真係新鮮即蒸，上枱後啲煙係好多，好熱♨️每枱必點嘅小籠包一籠有五大隻小籠包，每一粒都充滿曬湯汁，外皮夠曬薄，小心夾起無穿無漏汁😝一夾起湯汁多到令小籠包下墜！建議大家咬一咬、飲一飲啲鮮甜湯汁先😋再蘸薑醋，味道更好！暖笠笠嘅湯汁配上滑嫩嘅豬肉餡，一絕👍🏻👍🏻🍜 豬扒擔擔湯拉麵 $62擔擔湯底好香濃，濃濃花生嘅香味🥜帶淡淡嘅香辣🌶️又唔會太濃稠，豬扒已經係切好咗而且十分足料！肉質厚而十分有咬口🥩唔係用鬆肉粉醃好。依個拉麵有啲上海麵，麵質都幾彈牙。✨ 總結嚟得依間食店，可以所有拉麵、小食唔點唔嗌，但小籠包一定要點要嗌，如果唔係你一定會後悔💢.⭐整體︰9.0/10⭐食物︰9.5/10⭐環境︰7.0/10⭐價錢︰9.0/10.==============================📍 手拉麵小廚地址：新蒲崗衍慶街48號衍慶大廈地舖交通︰鄰近港鐵啟德站B出口==============================.#Ming_Course #hkfoodie #food

私大心推, 係我係香港食過最好食既小籠包🥢環境鋪仔細細, 等七張檯左右, 不過都唔會話坐得好逼👍🏻食物🥢招牌小籠包 HK$52師傅即場包好嘅小籠包, 新鮮熱辣, 睇相都見到多汁, 一黎到好即刻襯熱食啦🍜豬扒擔擔湯拉麵 HK$62擔擔湯好香濃, 豬扒勁香口🥢蔥爆羊肉炒拉麵 HK$65羊肉一定要食有酥味嘅!!! 唔食酥味咁不如唔好食羊..呢個炒拉麵一定夠晒味!完全個人喜好評分味道 ⭐️⭐️⭐️⭐️環境 ⭐️⭐️⭐️服務 ⭐️⭐️⭐️⭐️衛生 ⭐️⭐️⭐️抵食 ⭐️⭐️⭐️⭐️⭐️

很久沒有去的新蒲崗上海菜餐廳。貴為新蒲崗名物，小籠包的水準果然保持到，而其他菜式側看個人口味了。星期六的中午十二時，外邊已經需要等位。當然叫了一個招牌小籠包：皮薄湯汁多，連頂端的摺位也不會過厚，Size特大，比起外面連鎖式的上海菜CP值更高。另外叫了一個香辣牛肉湯拉麵: 牛肉是有醃製過的鮮牛肉，湯底偏擔擔湯，辣味不是太多，拉麵當然是手拉的面，粗幼不一但十分彈牙。京蔥羊肉炒拉麵: 有羊肉洋蔥， 京蔥，醬油炒拉麵，醬汁略嫌太鹹，非常濃厚，配飯比較好。

來到新蒲崗，除了Mikki 發現了排長龍小店上海菜必試小籠包，非常有驚喜，超大隻，而且湯汁超香濃，皮有點厚，但也非常好味另再叫了皮旦豆腐，與想像不同，但也不錯。點了一個香辣牛肉麵，湯一般，但麵質也很好🍜不知道是否手造麵，所以特別軟滑至於環境方面，由於係小店只有8張2-4人枱，晚餐時間排隊等了45分鐘；環境有點擠迫。服務方便，侍應姐姐都好有禮貌，不會趕住你走，所以不錯。會再幫襯，不錯的人工制小籠包小店。

𓏭 手拉麵小廚𓏭四川担担湯拉麵 $48一下單師父就會即場拉面所以麵質很彈牙是在其他擔擔面舖頭從未吃過的麵質超喜歡～湯底是濃稠的質地 充滿麻醬香還帶有些甜味 很好吃🥹🥹蔥爆羊肉炒拉麵 $62炒麵依然保持到彈牙的麵質羊肉超濃羊味﹗﹗喜歡吃羊的不可錯過﹗超大一碟 很飽 ʜᴀʜᴀ如果能少油一點更好🥹招牌小籠包 (5隻) $50每枱必點的小籠包一籠有五隻 每個都很飽滿又大個肉味濃郁又多汁 包皮還很煙韌🥹好吃(〃´ڡ`〃) 下次要試試炒年糕和小食(*ฅ́˘ฅ̀*)手拉麵小廚 (新蒲崗)新蒲崗衍慶街48號衍慶大廈地下

講起新蒲崗覓食，相信好多街坊都會推薦呢間小店俾您，老闆一直堅持以小本經營提供性價比極高嘅美食俾各位街坊，所以咁多年以來晚晚都會排長龍。🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️歲月如梭，好多呢類上海拉麵🍜小店都逃唔過時代巨輪嘅淘汰，好多上一輩嘅師傅都已退休，好似呢間堅持人手製拉麵嘅舖頭真係少之又少，而且呢間小店嘅味道絕對會令您食得出現今罕見嘅人情味。《招牌小籠包》(5隻) $48🥟仲記得初初第一次食嘅時候，嗰時嘅小籠包仲係賣緊30幾蚊，事隔多年，味道同份量一啲都冇改變過，依然係咁足料同大大隻！🥸小籠包嘅湯汁多到好似食緊灌湯餃咁，足足一湯匙，顏色偏淺，油分不算太多，味道清鮮，仲有肉的鮮甜味。豬肉餡料質感鬆化。小籠包外皮皺褶要工整統一，厚薄適中兼透光，即使咁多湯汁都唔會易穿。🤤《豬扒担担湯拉麵》$58小編覺得呢度嘅擔擔麵都幾濃味同幾辣🌶，可能因為辣椒油、花椒油比較重，反而芝麻醬花生醬🥜比例較輕，所以色澤方面亦都偏紅。榨菜粒、花生粒同肉碎麵唔少，令擔擔麵生色不少。🐷豬扒係炸嘅，好大塊，夠厚身夠Juicy，醃料好入味。至於拉麵條亦不得不讚，手工拉麵的確比較彈牙有口感，同機器製確係有好大分

🇭🇰手拉麵小廚·呢個我第二次食啦 佢係超級老師傅feel 而且嘢食唔錯😌😌·招牌小籠包$48 l 豬扒擔擔湯拉麵$58 l 雞絲粉皮$48佢個小籠包真係超大粒 入面超多湯 而且唔會話好膩 之後佢個皮薄得黎唔會好易爛 正😍😍佢個豬扒擔擔麵都好出色 個豬扒調味同肉質都好好 之後個湯底超濃郁 不過佢個麵就偏糊 可惜😢😢最後佢個雞絲粉皮都唔錯既 個粉皮好煙韌😎··📍新蒲崗衍慶街48號衍慶大廈地下

同男朋友都最愛呢間小籠包，所以經常會幫襯。今日咁岩係附近收工，唔使諗，即刻去食。過到黎新蒲崗已經640pm，好在唔使等位，但其實7點左右，出面已經有人等啦今次2個人，叫左一人一份招牌小籠包（5隻）呢款小籠包比平時食開既大少少，包到既湯汁就更多。皮，湯汁同肉既比例岩岩好，整體唔錯，暫時係我心中小籠包第一名😋另外，叫左1碗羊肉湯拉麵 share羊肉份量好多，但有少少so 味。湯好濃，充滿肉味，好在拉麵跟有唔少菜，可以平衡反羊肉味道。野飲方面叫左1豆漿 ，佢係支裝嘅，正常味道 不過不失。總之，呢間小籠包係最岩我口味大推

ғᴏᴏᴅɪᴇ ᴛɪᴍᴇ今次就食咗手拉麵小廚佢鋪頭唔大，一路都keep住滿座🤩招牌小籠包($44) 一籠有五個，粒粒都好大🥳皮薄多餡😍佢啲餡好多，湯汁都好多，一咬落去爆曬出嚟🤤肉都好大粒! 一定要試吓!四川擔擔麵拉麵($42) 佢啲湯好濃幾惹味，唔算好辣! 而且仲食到有少少花生味🥜麵既份量都幾多🤤好味👍🏻酸辣湯拉麵($47) 酸辣湯好足料，不過我就比較中意就咁飲酸辣湯😆佢兩款啲拉麵都好彈牙😋