炸韮菜鴨血 這道菜的鴨血炸得非常脆，外層金黃酥脆，入口軟嫩，充滿著韮菜的香氣，非常開胃  酒糟醉雞卷 外層一片薄薄、不油膩又彈牙的雞皮，內餡包着兩種爽口又清新的蔬菜，配搭淡淡的酒香，好清新的味道，好食 爵士湯  湯底是龍蝦海鮮湯，超級香濃，入面很足料，有數塊花膠，還有很甜的蜜瓜，相當惹味！  花圖和牛寶盒  和牛肉做成的小盒子，賣相已經很吸引外層是輕微酥脆的腐皮，內餡則是嫩滑的和牛肉，味道香香辣辣的  花蜜咕嚕肉 有別於傳統的咕嚕肉，這道菜比較香甜，外皮酥脆的糖脆皮，內餡豬肉香嫩多汁，口感獨特，值得一試！  豆漿杞子素干層浸時蔬 這道素菜非常清爽，湯汁使用豆漿和杞子製成，配上浸泡的時蔬，味道清新，非常適合夏天食用。  花圖炒飯  配料有很多鮮蝦和和牛粒，飯粒炒得粒粒分明  宮廷玉璽 原來是紅棗糕，口感柔軟，紅棗的甜味非常濃郁，讓人感到非常滿足  店內的裝潢也非常溫馨舒適，讓人感到非常放鬆有別於傳統嘅中菜，裝修比較高尚，位置也較寬躺，尤其大門口很有氣派

呢個同朋友去咗九龍城呢間日式居酒屋食dinner，餐廳嘅環境好chill我哋點咗好多嘢食 首先有三文魚刺身，厚身又肥美下一道菜係兵庫縣油菜花活鏗魚沙律，鏗魚充滿油香，配埋油菜花，健康又好味 後點左安康魚肝，鵬魚肝質感厚實，配搭醬汁食好正 小食方面，點咗阿波美雞腿串同埋日本雞腎串，串燒落左啲辣粉調味，辣辣地，好惹味 松葉甲羅燒入面有蟹膏、松葉蟹肉、魚子、鵪鶉蛋等，好豐富 最後，食返碗熱辣辣既九洲拉麵就完美

接男朋友放工，順便在附近吃晚飯  品嚐了這間餐廳的多道菜餚, 包括壽司拼盤、生魚片沙律、豆腐野菜鍋和日式牛肉炒麵。   壽司拼盤有三文魚、拖羅和甜蝦壽司,魚生魚片看起來鮮度高,份量也很足。飯的甜味剛剛好,魚也很鮮,口感和味道很平衡😋   生魚片沙律有多種生魚片, 有三文魚、吞拿魚、帶子和蛋等，魚生材料也很新鮮,蔬菜比魚片的比例也令人滿意👍🏻   豆腐野菜鍋 是一道健康可口的菜餚 厚厚冬菇和香甜的娃娃菜浸在淡味昆布高湯中，配搭吸索了高湯的豚肉片，很惹味🤤🤤   日式牛肉炒麵 有炒牛肉片，豆芽、青蔥和海量本魚片，味道很豐富，個人很喜歡這道炒麵，保留到拉麵的口感同時，又不會過於油膩🥰🥰  
下次會再光顧，試試串燒和丼飯

今晚慶祝生日，本身喜愛吃肉，預約了這間專售宫崎和牛的餐廳
點了價位998的宫崎A5櫻花牛極上燒肉套餐，可以用app下單超方便，又有專人幫手燒
首先上了和牛拼盤，匯集了不同部位，有肩里肌、肩口肉、五花腩、牛肋肉，店員建議我們先吃比較深色的部位，配上櫻花鹽進食，帶出濃濃的牛味，感覺超爽！粉嫩的肉比較重油脂，可以與較少油脂的部位間接吃以避免過量油膩，亦可別到有肉香味變為油脂香的轉變。 普遍部位大概燒至五至七成熟就可以，不過店員會幫手處理，全程只需負責吃就可以，不用動手，亦不用擔心燒至過熟。 其他菜餚亦相當美味而富有特色 蟹味噌甲羅燒 淮山松葉蟹肉、胡麻豆腐菠菜沙律
黑松露餃子 柚子、抹茶雪糕
3.6牛乳奶凍

呢日放工之後同朋友去咗尖沙咀食dinner，我哋去左呢間壽司店，餐廳細細間，好似去咗日本咁嘅感覺。呢度用QR code落單，好方便。 海之幸盛合 $158 呢個壽司拼盤有五件壽司，分別係海膽、帶子、甜蝦、牡丹蝦同埋象拔蚌壽司，好高級。啲魚生都非常新鮮，件件都好鍾意，象拔蚌嘅口感結實。牡丹蝦大件又鮮甜。帶子好厚身！仲有我至愛嘅海膽。 三文魚籽海膽大滿足(迷你丼) $99 作為海膽嘅粉絲，當然要點返個海膽丼飯啊，呢個迷你丼細細碗，上面鋪滿左肥美嘅海膽同埋三文魚子，好吸引。

今日同frd黎試呢間，係俾佢既酥皮麻辣芝士雞煲吸引！好特別～ 佢有個套餐叫晚市SRF極黑和牛海鮮大滿貫，包一個煲或者烤魚，再跟火鍋，超多野食！ 酥皮麻辣芝士雞煲，好簡辣度，我地簡左小辣😙 份量都幾多，十幾舊雞都多肉，食落好足料～個汁夠惹味，芝士又麻辣咁，跟飯應該超岩，但我地要留肚打邊爐，當然唔會食咁飽肚，撈左啲酥皮入去，索晒啲汁都好好食 湯底都特別，有牛奶鍋簡，感覺好養顏 會跟一個牛肉同海鮮拼盤 牛肉種類都幾多，每款食落都幾鮮嫩多汁，最緊要牛脂分布均勻，牛味香濃，最推介澳洲m4和牛同極上黑安格斯牛小排 海鮮都多種類，我最鐘意係個鮑魚，煮完之後口感爽滑、味道又清甜😋😋😋

今日係附近做完運動之後食lunch 見到呢間啲lunch sets都幾吸引, 好多學生嚟食，好彩我哋唔使等好耐都入到 入面裝飾都幾有氣氛 每人會送一個魚餅湯，清清甜甜，入面有一整塊魚餅 叫左牛肉拌飯套餐 好似石鍋拌飯，有芽菜、蘿蔔、青瓜同太陽蛋，牛肉肥瘦適中，加上調過味，就咁食都好惹味，加埋韓式辣椒醬撈埋好好食！ 牛肉泡菜薯條 大大份好足料，鋪滿晒泡菜、芝士、牛肉同蔥絲，味道超豐富。薯條係啱啱炸起，熱辣辣又香脆 去骨雞配醬油大蒜、炒年糕，炸餃子和蔥絲 入邊咬到真材實料嘅雞肉，唔會得炸粉，肉質都算鮮嫩多汁，醬汁香香甜甜，加埋蔥絲中和左炸雞嘅油膩

已經係第二次到訪呢間餐廳😍😍餐廳環境就舊好有氣氛 今次叫左啲之前無試過既小食 CRAB MEAT TORTILLA蟹肉奄列 已經切開4份，方便進食🥰 入面少量細番既軟蟹骨，食得出係真材實料既蟹肉，蛋唔會煎得太乾，同埋味道都幾香甜 CHICKEN LOLLIPOP馬蕯拉炸雞髀仔 雞髀仔睇落炸得好乾咁，但入面既雞肉係超嫩滑多汁！味道都好特別，酸酸辣辣好開胃，仲有跟青綠色嘅醬汁同好似薯片既薄餅，好惹味 BB 魷魚，墨魚，大蜆墨汁燴飯 呢個係上次都食過，今次再點，因為真係好好味！海鮮好新鮮，尤其係大蜆，鮮甜同有海水既清新。另外個飯好入味，墨汁香蒜同海鮮味都好豐富，再食都覺得好正！

前排行街見佐敦新開一間鐵板燒，咁啱今日又經過就決定試下。我朋友麻麻刺身，所以就叫咗個primer omakasa, 我地叫咗兩個set，都有兩品海鮮同一品肉類，同埋仲叫咗支梅酒 前菜 海鮮我地叫咗鮑魚、扇貝、帶子、東星班。 如果想食重味少少可配埋呢個蝶豆花鹽， 我個人覺得原本嘅鮮味已經好好食，我尤其鍾意帶子，外脆內軟。 肉類我地一個叫咗牛，一個叫咗雞。 我覺得牛比較出色，配埋特製嘅山葵同埋鹽，非常好食， 仲可以配蒜片。 炒飯非常香，蝦好彈牙 環境方面，座位數量唔太多，有興趣嘅可能訂定位會好啲。

朋友介紹呢個地方俾我，環境似樓上酒吧，最特別係有120分鐘生蠔放題！$300幾任食生蠔感覺都易回本 有黑糖麵包、煙三文魚同餐湯做前菜😛 煙三文魚同黑糖麵包幾夾，麵包煙煙韌韌有口感，加埋清新嘅三文魚味道豐富 生蠔一次會有12隻，仲有啲蝦同螺，都幾豐富，每隻生蠔嘅大細都幾平均，有一個女仔嘅手掌咁大，味道都幾鮮甜，食晒12隻完全無難度😛😛 每個人都可以叫一款主菜 我叫左紐西蘭羊架，本身都無咩期望，因為都知道主角係生蠔，但估唔到味道都幾惹味😋😋 肉味香濃而口感夠嫩，仲幾juicy! 朋友叫左牛扒🤤🤤