手拉麵小廚

營業中

休息中

去新蒲崗搵健先生lunch，見呢間小店有擔擔麵就想試下我叫左雞扒擔擔麵($52)好好食湯底麻得嚟唔太辣，岩我呢啲只能淺嚐辣而又好鐘意花椒味嘅人。雞扒唔乾多汁，好香好味👍🏻麵身軟硬適中，掛湯能力不錯👌🏻我覺得一碗麵佢會俾一棵菜其實係好好我相信我會為左個擔擔麵再幫襯👍🏻👍🏻👍🏻健先生就叫左回鍋牛肉炒拉麵 ($52)以一個男人嘅午餐份量就有點少，健先生話佢食完成碟都未夠食飽😭 牛肉好味，麵有點淋，最差嘅係佢成碟麵都太油喇食完後，碟上剩下嘅油誇張到下次再返黎食，但我諗我都係會揀其他餸嘅擔擔麵🤪

禮拜四咁岩要去新蒲崗果頭，女朋友之前一早話想去試呢間手拉麵既小籠包。所以就順理成章去左試啦🤩地方係新蒲崗入面唔算難搵，平日7點半去到已經再等位啦，但好彩好快有得入～ 環境都好乾淨，卡位既話就更寬敞！一黎就即刻嗌左遠近馳名既小籠包！一場黎到係必須試呢個小籠包！一食落去。哇啲湯汁爆晒出黎！估唔到咁多汁！又熱辣辣。味道好正鮮甜無比，而且包得好好做到皮薄餡靚，好快就已經清左一籠！仲嗌左豬扒擔擔麵。個豬扒開正我口味！正常厚度亦好有豬味，非常香口。擔擔麵都算辣辣地好惹味！另外仲嗌左雞絲粉皮，呢個就正正常常不過不失～都好大碟下既最後都係忍唔住，一人嗌多一籠小籠包先走！食左咁多野咁滿足，每人都係110蚊炸，值得入黎食😋😋

繼畢業後第一份暑期工就好耐無來過新蒲崗 住係附近嘅朋友強力推薦呢間嘅小籠包 講到咁點可以唔試下 舖頭有點細但都容納到20個人左右 人多地小所以我地都等咗一陣🥢招牌小籠包 $48@5勁大粒勁多汁好juicy😋😋大家記得一定係夾住最上高嘅位置先唔會爛 成隻擺落口果下真係無得頂🥢豬頸肉拉麵 $45🍜啲豬頸肉煎得好脆 啲麵係手打嘅好彈牙 好多人都會外賣買返去🥢蔥爆牛肉客飯 $52真係勁多蔥 啲牛肉都好滑下次可以再試其他食物🍜

雞絲粉皮份量多 粉皮夠薄夠滑肉唔會過老 加埋花生醬一流.小籠包一點都不小皮薄饀靚 湯汁多到很滿足功夫絕對比出名的店好 又不貴.回鍋牛肉炒年糕 剛剛好不會太辣哈哈 有點像乾炒牛河 但不算油甜甜的豆乾 煙韌的年糕 嫩滑的牛肉十分滿足 配白飯也可以.羊肉湯麵🍜清甜不羶 陣陣的酒香可惜麵煮得有點淋 上次的口感比較好整體依舊好吃 希望更多人支持小店

耐咗一排無食就突然好想去食呢間鋪唔算大間揀錯放工時間食既話 要排好耐隊唔係講笑我揀時間去唔洗排仲要有卡位坐添第一時間坐低唔洗諗叫個雞絲粉皮同出面唔同係佢啲醬汁我覺得撈埋食好香涼拌易入口同埋好開胃雖然有少少貴之後再整個小籠包都係其中一道吸引勁多人去既原因因為佢真係又大又多汁我會先食上面個頂再倒啲醋再一啖啪落口完美爆發係口入面（小心熱品質保證 所以價錢我覺得合理最後叫得做手拉麵梗係要食手拉麵面口感小硬身係我自己比較鍾意呢啲睇大家個人口味雞扒好大份做到基本外脆內軟要求其實佢唔差 只係小籠包同粉皮我太鍾意所以無點覺得佢特別好食但係佢個湯其實好好味大家不妨下次食面先因為我食到個面已經有啲飽比唔到咩意見

難得去開新蒲崗，一早上網睇定有咩平靚正餐廳。我一向鍾意上海野，見到呢間comment 唔錯，就決定試吓。鋪頭細細，小店一間。坐低叫咗個小籠包，羊肉麵同雲吞。先上枱嘅係羊肉麵，羊肉份量定唔多，但都OK，面嘅湯底算係中規中矩。跟住上枱嘅係小籠包，呢個我真係嚇咗一下。平貴小籠包我都有食過，通常做得冇咁好嘅小籠包個皮好厚，但呢間嘅出品我都係第一次見。皮嘅厚度適中，但小籠包成個變咗樣，好似壓扁左咁，只係見到好多湯喺度，咬開嘅時候啲肉已經上晒變咗肉碎，呢個真係食咁多間都未見過。奇怪在望入廚房個師傅年紀應該好大，好有經驗，懷疑啲小籠包係咪佢出品....雲吞普普通通，用料OK。職員服務亦都正常，但係個小籠包絕對令人失望。

男朋友住黃大仙，對新蒲崗一帶嘅美食瞭如指掌。呢日佢帶我嚟到新蒲崗嘅手拉麵小廚，話我一定好鐘意食佢地嘅羊肉麵，咁就信下佢啦！星期六十二點半嚟到，好多人呀！估唔到呢間餐廳會有咁多捧場客，又見到師傅一路即製小籠包，自然好有期望。入到去即刻叫咗兩個羊肉搶湯拉麵，五個小籠包。好快就有小籠包食。皮薄、餡靚、多汁。男朋友話好食過上海嘅南翔湯包。我本身唔鐘意食小籠包，但都覺得幾好食。食完就到主角羊肉搶湯拉麵。羊肉切到一片片，有咬口又唔會硬，同切絲嘅娃娃菜一齊吸晒啲湯，完美呀！麵煮得啱啱好，保留到口感。一大碗嘅拉麵，十分鐘就食完。價錢唔平不過值呀。

點咗酸辣湯比較齋冇乜料、小籠包即蒸夠哂滾熱辣，仲有個師傅响廚窗拉吓拉吓吸引到眼球、回鍋肉粗炒夠傳統味濃多油，整體只能夠講不妨一試，但論地段坐位擠迫度不值這價錢！

行經新蒲崗見到呢到有間隱世上海小店！想食咩上海菜色呢到一一有齊，樣樣都好吸引好想試哂佢，但一定要試既一定係呢到既小籠包，因為呢到既小籠包真係好有水準！「小籠包」$42/5隻，皮薄餡靚又多汁到爆，豬肉唔會太肥唔會太瘦，湯汁超級多味道一流！仲有呢到既「口水雞」$75 都唔錯，夠辣又嫩滑！不過份量少了點！今次試左佢地既「香辣牛肉湯拉麵」$45牛肉鮮嫩又多又大片，份量大大份，唔錯唔錯！下次想要試埋佢地呢到個炒年糕！

週日晚上等待接近二十分鐘，之前經常造訪嘅餐廳。門外有師傅拉麵同整小籠包。店外排隊等侯嘅人真係好多。在門外已經要求點埋餐，先進入餐廳。小籠包$42 (5隻)呢個係唯一仍能保持水準的。小籠包飽滿，湯汁味濃足夠，肉餡夠味。四川擔擔麵$42麵質依然彈牙爽滑，可惜湯底過分偏酸，而且無之前嘅湯底濃郁!都幾失望。回鍋肉炒年糕$52呢碟份量少得非常驚人，真係比食任何一次還要差，而且食落完全唔入味。可能兩碟年糕一齊炒而造成。無諗過幫襯開嘅落差甘大,好失望。

今次己經唔知第幾次食，都算常客，上海野黎講都叫幾有特色，每次去都OK多人，大多都係街坊生意。不過呢間人氣其實幾高，大部分推介新蒲崗美食都總有佢份。平時我每次都會叫雞絲粉皮，幾乎上海野必食，呢間用番傳統麻醬而且青瓜夠多，我中意﹗（因為而家有部分店用左日本胡麻醬，成件事會好唔配）﹗咁今次就試左佢個羊肉搶湯拉麵：10分俾7分，羊肉味係有，都幾香，由湯既顏色可以知道都幾濃郁。又有菜配，食落冇咁滯，又加左啲爽脆既口感。而酸辣湯麵配料足，但就偏酸，唔夠辣，冇咁刺激過癮，不過我本身唔太食到辣就OK，如果中意食辣就可能真係爭啲

今日和幾個朋友運動後在附近找一間餐廳食飯，這間餐廳店子雖然位置比較隱蔽，但人氣也很高的，聽說這裏的擔擔麵和小籠包是很多人點的，所以我叫了一個三絲擔擔面和一個麻辣擔擔麵，先講這兩個擔擔麵它的配菜也好豐富麵質也非常彈牙加上他的醬汁亦有好香醇嘅花生味道和麻醬汁還帶有一點點辛辣，食下去味道非常之好還有一個小籠包，這個小籠包外皮是非常之Q彈，這個包之湯汁非常之鮮味還有內裡的肉球亦非常有肉味，這個小籠包我給予滿分。

前陣子朋友請了我來這邊吃上海菜點了招牌的湯汁小籠包皮薄多汁唯一改善之處是肉比較散一點另外還點了雞排擔擔麵份量挺多的、不過味道偏油和咸中規中矩吧偶爾吃一下這些特色小店還是不錯的

早排睇電視介紹依間小籠包，見到就超想食，同幾個朋友即刻黎試下。勁多人，不過都排得快，等左一陣就入得門口可以睇到師傅表演，起碼睇得出乾淨先。仲記得電視有講話小籠包要22接先最好，我地仲企起度睇主菜出黎啦，超大件小籠包，啲皮勁薄勁多汁，好似飲緊湯咁我仲叫左個雞扒拉麵，估唔到好好味喎，以為拉麵係精髓，原來塊扒最正，內軟外脆，一流！同埋叫左支豆漿咁，依支就一般啦，對比之前既就無乜驚喜。整體好正！仲要好平，力推。

今日放假，諗住同太太去試吓呢間好多人講到冇得輸嘅平民上海拉麵店，第一次去就留下唔係太好嘅印象，攪到連相都唔想影 話說今日下午四時多去到，可能唔係食晏時間，一去到等左幾分鐘就有位，坐低先叫左個所謂必食嘅小籠包同叫左個豬扒擔擔麵，見到有幾枱其他食客食緊酸辣雲吞，見個樣幾靚，所以再叫多個酸辣雲呑，知道呢間野啲食物係即叫即製，所以預咗係要等，等左大概15分鐘左右，小籠包到先，一籠有5隻，第一眼望落個樣好正路，但係望真啲唔知係咪我黑仔，5隻小籠包有3隻應該上枱前就已經穿左，得返兩隻仲見到係湯汁飽滿，望住呢籠小籠包，呢一刻心情已經打左個折，到食落去嗰刻，完全冇驚喜不特止，感覺上海3x9仲好食過佢，雖然冇穿嗰隻真係湯汁飽滿同埋都幾有鮮味，但係個肉餡好(嚡)，成個小籠包比個咁(嚡)嘅肉餡扣晒分 跟住到個豬扒擔擔麵嚟到，望落個樣又係好正路，我仲食緊小籠包，所以叫太太先試吓個麵，我望住太太食麵個樣好似有啲唔對路，問佢咩事，太太竟然話個麵係凍嘅，我開始都唔係咁相信，佢食左一啖成碗麵推過嚟話唔想食，冇辦法，佢唔食我唯有自己食啦，食第一啖，碗麵真係凍冰冰嘅，連暖暖地都講唔上，真係凍㗎，個拉麵