手拉麵小廚

營業中

休息中

一日途經此處，反正未吃飯，看見是小人喜愛的上海店子，一於入內一闖。環顧四周，很多枱都有小籠包，小人本著不要執輸的精神，當然要來一客。一籠五個的小籠包，跟坊間不同的是超級大粒，單是看著已令人食指大動！一口咬下，皮不是特別的薄，亦無需講究多少個摺，只要足夠盛著裡面爆多的湯汁已然足矣，此外肉球餡更是入味非常，啖啖滋味！再來的羊肉湯拉麵同樣精彩，羊肉片片柔嫩，卻又不會很肥。重點是拉麵本身，煙靭度一流，條條粗幼不一，完全是手拉的証明，水準甚高！天氣稍涼，吃一頓滿足的熱食回一回暖，特別舒服。

又係去到邊食到邊，當然要搵🔥最人氣嘅餐廳🍴。見到一間燈光猛烈嘅大招牌「手拉麵🍜」已經好清楚，目標明確！店舖細小全手工製作嘅上海料理，肯肯定要入去試😋———————————————————————————🥢蔥爆牛肉炒拉麵🍜💬超好味😳，牛肉🐮超爽滑，拉麵手拉更見彈牙，又夠鑊氣，意想不到咁令人回味無窮😳.🥢招牌小籠包💬大大粒嘅小籠包唔算皮薄，但唔薄嘅原因係為左裝滿到爆嘅湯汁💦，堅係正到不得了😅.🥢花雕醉雞🐔💬沒想到一碟醉雞有咁多，酒味未算淡，但雞確是相當相當之滑，果然臥虎藏龍😱

放工突然好想食小籠包！上網搵搵就搵到呢一間喺新蒲崗嘅舊式小店，眼見師傅喺玻璃窗即包小籠包就知道新鮮熱辣😚～～/🥢招牌小籠包 5隻 $45真係睇得出即叫即整仲噴曬煙，小籠包真係要熱辣辣先好食😋，小籠包比坊間一般大隻，略嫌皮比較厚左一點點🤏，但肉汁咬開滿瀉～湯比豬肉餡更多😲，食嗰陣真係要小心辣親嘴仔🤩，呢個價錢絕對值得encore🤘🏻！/🥢豬扒擔擔拉麵 $55呢到擔擔麵都好多人推薦，豬扒有驚喜醃得好入味，唔會好厚粉，湯頭除咗花生醬味食得出有些少麻辣感覺，辣得過癮😛手打拉麵粗幼不一食落一般般，唔知係咪煮得過火麵質有點糊😗/🥢雞絲粉皮 $44味道中規中矩，粉皮夠冰凍爽口，麻醬味偏濃略嫌雞絲有點少～/🥢酸辣湯雲吞 5隻 $55酸辣恰到好處，加些少胡椒粉更惹味，估唔到雲吞相當大粒，咬開係白菜豬肉餡料，相當豐富👍🏻/食完出嚟已經排晒長龍🙀，睇嚟都幾出名～性價比係唔錯算係抵食好味😋，會為咗小籠包而嚟🤣

這店坐位很少，裝修簡陋，門口可清晰見到兩名師傅在拉拉麵和包小籠包，食物是五星美食，因為包含了師傅的匠心，有機會來新蒲崗一定要試下小籠包必點，即叫即做，新鮮熱辣，這裡的小籠包比一般大隻，近乎有點似灌湯餃的size但都是一般價錢，所以非常抵食！最重要是它大得來仍保持皮薄饀靚多汁吃時記得慢慢享用，避免燙傷豬扒擔擔麵都是這裡的推介，湯有輕微麻辣，頗過癮，豬扒鬆香，醃得好好味最後要重點重點重點推介是葱爆羊肉炒拉麵，真係超好食，醬汁完全融入每條新鮮手打拉麵之中，不會太油膩和太濃味，羊羶味剛好，食得出材料新鮮不到5分鐘就清碟了，有衝動想叫多一碟，但為了身形著想，還是辛苦地忍住了

呢間小店由中學年代幫襯到宜家，每次經過新蒲崗都會嚟食晚餐，適逢朋友話想食小籠包，就帶佢嚟試下啦！店內座位唔多，等左5分鐘就有位。呢個係每次都必點嘅招牌小籠包，一籠有五隻，即叫即蒸，上到枱仲出煙架！每隻都肉汁十足鮮嫩，肉餡鬆軟，讚👍🏻雞絲粉皮嚟講就中規中矩，醬汁嘅麻醬味偏重，而且雞絲嘅量略嫌有啲少🍜最後到重頭戲羊肉搶湯拉麵，羊肉脂肪比例唔多，所以唔會好膻，瘦肉絲帶筋，略有咬口。至於佢個湯底味鮮而不膩，平時唔飲麵湯既我都忍唔住飲咗幾啖😋👍手打拉麵粗幼不一兼彈牙，配上津白絲食落口感豐富👍🔅小知識分享：羊肉入面既左旋肉鹼(L-Carnitine）有助身體燃燒脂肪，適量食用會越食越fit嫁！總結：佢既招牌小籠包似上海小店既味道，夠晒正宗。至於手拉麵都值得一試，論上海菜佢係［價廉物美］既💯

依間新蒲崗小店真係要推介 小籠包 多湯多汁個包皮又唔易穿 $42/5隻 CP值勁高怕肥叫左酸辣湯雲吞 好足料 🥰雞扒手打担担麵 個麵不俗 但個湯底唔似平時食開的担担麵注意⚠️：新蒲崗小店位置不多，都要等一陣間，當然衞生情況唔可以要求太多，食左三個小籠包飽左7成。

新浦崗是處邊沿地方，雖有工業區卻不像觀塘車水馬龍。自九十年代工廠開始北移，這區亦顯得冷清，但卻不乏好味食店。手拉麵店是我心儀食店，它沒有華麗装修，集合京川滬麵吃飽點為一身的務實小店。今天因工事經過新蒲江，當然要入內一試久遺了的味道。因這裡食物份量不少，我一個人只點了小籠包和豬頸肉担担拉麵(平常只吃豬扒担担麵，今天想轉口味)))))]本人愛在非繁忙時間來吃，因麵與小籠包幾乎是同步來。若在飯餐時間來，有可能差不多吃完麵才到小籠包，那就有點怪。冒著熱氣的血紅湯頭衝擊雙眼，不要被血紅湯頭嚇倒，因各客人味蕾構造不同，所以湯只是微辣，若嗜辣的枱頭那樽辣椒油才是主角。麵是自家制，咬口適中，湯裡有炒過的芝麻，炸菜和花生碎，再加點辣椒油連渣伴著湯頭和麵入口，湯的厚度，麵的咬度，辣的勁度衝著你的味蕾直入腦神經，當吃麵後，感覺到像有股辣氣，從胃裡湧向丹田散發汗線，真的罪過罪過，可惜豬頸肉煮得過火了，少了豬頸肉特有的爽脆感，是整碗麵的敗筆，下次還是吃豬扒担担麵。小籠包是這鎮店名物，它沒有尖沙咀十八個摺的小籠包那種精緻，我較愛這裡的粗獷，吃得自在，這裡的小籠包每顆份量不少，最好用匙托包送入口，我的習慣将小籠包

由sai kung 出返市區，塞車塞到7:15 已經無堂食，快快買外賣回酒店醫肚，再沖涼瞓覺要了小籠包，一盒5隻，多汁鮮甜，比一般的大一半，幾抵食的。必點次次都會食。肉餡夠肥又多汁，皮薄摺得細，$45 5隻真係signature 蝦米奶油律白，個湯就唔太cry ,但律白煮得夠腍身，而且蝦米碎帶出了股鮮香同增奇口感，不錯吃呢，而且只是$45 好抵食另外要了份皮蛋豆腐，切成一樣大小，落了好多麻所食落聞落都勁重麻油香，但油太多好快就滯住頂胃了

間唔中都會好想食小籠包個啲上海嘢，知道新蒲崗有間出名又平又好食嘅上海舖，所以就專程去試吓😍~🍁 豬扒担担湯拉麵 ($55)担担湯底雖然好紅，但淨係啲啲微辣，而且仲有淡淡嘅花生味💁🏻‍♀️由於係手打拉麵，所以麵條粗幼不一，拉麵滑溜，口感唔錯，而豬扒好惹味，層皮炸到好脆，肉質就好淋🤤~🍁 招牌小籠包 ($45)小籠包有5件大大件，即叫即整，包皮都算幾薄身，趁熱食個時要小心燙口，因為真係爆晒汁😍唯一缺點就係肉餡量偏少🤔~🍁 雞絲粉皮 ($44)雞絲粉皮一直都係大愛，見唔少人都推介，就梗係要試下🤤花生醬味濃郁，味道有啲啲甜，因為太餓結果唔洗幾分鐘就KO咗呢碟冷盆🤣~本身仲想試埋豆沙鍋餅，但已經賣晒，唯有下次請早啦😭

為左搭啟德線， 順手試出晒名小籠包。離啟德站都唔近， 要行15分鍾左右， 我地到個下都差唔多2點都但好多客人。小籠包： 皮薄多汁，但肉比較少。應該係即叫即蒸， 我地等左10，15分鍾先上枱。豬扒担担麵： 碗麵好香，拉麵係手打，粗幼不一。豬扒野味但太淋。酸辣湯雲吞：菜肉雲吞大粒好味， 但湯太辣同咸。飲唔晒。侍應服務好好， 食食下有1家人黎到， 佢特登安排坐卡位。 到我地走個下， 我地幫手執1執好d碗， 姐姐都叫地唔好掂， 話佢有帶手套執， 費事整污穢我地。

手拉麵小廚，惹味回鍋肉，豬肉爽口不肥，醬汁可以多吃一碗白飯，必試。可能係全港最好味的小籠包，皮薄多汁，應該不是用汁來形容，而是用一泡湯會比較貼切。無食過唔好話去過手拉麵。必食。醉雞 - 酒味恰到好處，杞子帶微甜，正。羊肉湯拉麵 - 羊味十足，湯頭甜且濃，麵質較淋，可能放久了才吃。

今日lunch同事帶咗我哋去呢間手拉麵小廚食上海嘢，佢話呢間餐廳好出名，仲上過電視，咁我哋就去排吓啦。餐廳門面都幾細，入面都好窄好多人。而且最大嘅枱都只可以夾硬坐到4-5個人，普通卡位亦都比一般嘅細，坐得唔係太舒服。我叫咗個豬頸肉擔擔麵，要等5-10分鐘先上枱。咦，外表睇落又幾吸引喎！紅色嘅湯底，加埋面頭嘅芝麻，好香！食落都唔錯，豬頸肉有少少脆，份量都好大碗。對得住個價錢😋！我同同事們仲一齊叫咗個小籠包食，小籠包係餐廳自家製嘅，保證新鮮。入面嘅汁都算多，不過個皮就略嫌厚咗少少。總括黎講，呢間嘅CP值都算高，但可能係期望太高嘅關係，我覺得唔係太值得花時間黎呢度等位食。

一向都好鍾意食手拉麵小廚嘅小籠包，今日專登走去食。佢地小籠包真係冇得輸。不過，去完呢一次之後，我估疫情未完之前都未必會再去喇。因為佢地太多職員唔戴口罩。最近揀餐廳，都必定望下啲職員有冇戴口罩先。今次去手拉麵都有望，見玻璃房入面個叔叔有戴，就安心入去。點知入到去就見到阿老細同個廚冇戴罩。到臨走時數一數，得2個好乖有戴，3個冇戴。希望佢地為客好，為自己好，都可以戴返個罩啦！ 我仲想再嚟食呀！

星期日特登同朋友去新蒲崗食美食，見openrice多人話呢間好食就去試下。舖頭雖細細間，但晏就時間都好多人食，好彩唔洗要排隊等。坐低就即刻叫左小籠包、雞絲粉皮同雲吞。雞絲粉皮⭐️⭐️⭐️⭐️上枱睇落就已經流晒口水🤤，鐘意佢好多汁亦重花生醫味，比出面食既甜多小小。雖然都好食，但如果要比較，我認為上海姥姥既味道好食d招牌小籠包⭐️⭐️⭐️我本身系最期待個小籠包的！點知期望越大失望越大🙁 佢唯一既優點真係好多湯汁，但整體餡的味道較淡，而且佢層外皮唔滑仲有小小怪味。我出面飲茶食開個間的小籠包仲好味個佢😭😭8隻菜肉雲吞⭐️⭐️⭐️⭐️食呢碗雲吞有家的味道，皮薄餡足，味道唔錯

位於新蒲崗嘅手拉麵小廚可謂我嘅飯堂之一，佢出名價廉物美，吸引唔少街坊嚟食。.平時我鍾意食羊肉麵，呢日特登試吓雲吞麵。.雲吞皮薄餡靚，而且每隻大細差唔多，仲係新鮮包起。.每次食都見到師傅不停咁樣包雲吞同埋小籠包，睇得出佢哋嘅食物有幾受歡迎。.呢款雖然清淡但係一啲都唔單調，每一口都食到蔬菜嘅清甜，同埋有層次嘅湯底。