德興隆

營業中

休息中

由於太熱, 去到又無位, 所以只係叫左兩隻窩貼外賣. 豆腐花就唯有第下次咯. 講番隻窩貼先!! 嘩~~$2 一隻大大隻又好食!! 真係超值!! 打開個袋望到隻窩貼時第一個反應係無乜反應因為望落無乜特別, 同埋(口岩)(口岩)比海南雞飯失望完, 所以食呢隻窩貼前都唔敢再有期待. 點知一咬落去, yee? 有驚喜wor! 窩貼入面有汁, 甜甜地o甘幾好食, 個底又crispy, 唔錯! 仲要o甘平!! 一定會再去食過!! 下次要試埋其他食品先! ^^

豆花很滑, 但略為欠豆香.鍋貼很香, 好吃, 很平~~~~

要了一碗凍豆腐花, 豆花夠滑,但豆香稍嫌不夠, 味道普通, 熱豆腐花可能會好d.

可能我種e 豆花滑啦我覺得呢度普普通通重有d 污穢添

真係好難, 如果唔係之前search map, 找一天都找唔到. 但係d 豆腐花真係好好味.. 有質感, 比其他豆腐花實, 但係都好滑.. 個鍋貼都好好味.. 多汁.. 食左六隻.. 最勁係有一班c9係到等買豆腐...

沒有吹噓, 沒有gimmick, 卻屹立北角數十年, 自家製的豆花、豆槳, 不是廠房生產者可比. 豆腐花必定軟滑, 但有一股黃豆清香的就越來越罕見了. 他們的鍋貼、豬肉飽等, 我略嫌油膩, 但總有很多捧場人.每次來享用豆花, 看著已經掛在牆上幾十年的老廣告板, 都會拾起許多童年回憶. 勾起往事的豆腐花, 其他地方就不能找到了.

間野都幾難搵, 我在馬寶道行左三次先在街邊檔後搵到依間野, 但點解成6點鐘都坐滿人架!! 本來想食個豆花+窩貼, 但無得坐又唔想等, 於是改叫豆漿+窩貼加多個牛肉飽添豆漿唔錯幾好豆味, 但我覺得唔夠甜窩貼同牛肉飽熱辣辣又煎得香脆, 好好味下次有機會再黎食埋個豆花先

阿M 好鍾意食豆腐花，公司又係附近，一食完lunch 就會口痕腳痕落去買碗熱豆腐花黎食．價錢：細HK$6，大HK$9，外賣加HK$1；大既只係多細既一勺．食過好多間既豆腐花，除左銅鑼灣果間，哩間都算係有豆腐味既豆腐花．佢仲有豆漿，生煎包，鍋貼，豆腐賣，都唔錯架．．．

在我而言，吃了三十年有多，感情分當然搭到夠晒。不過除此以外，這裡也真的有其生存價值的。起碼在四周的每一件擺設，每一個標語，也是本地飲食文化遺產。在我們婉惜一間間老字號結業之時，這裡也有珍惜的理由的。在勝利小廚吃過海南雞，告別朋友後，還不用趕返公司，就一個人來吃碗豆腐花。這裡幾十年如一日，沒有冷氣，只有幾把舊風扇，著住西裝坐低，都不算很熱，起碼我還支持得住。起碼來得這裡幫襯的，或多或少都知道環境如何，等如去民園食麵，不會預左有冷氣嘆吧！例牌一碗凍豆腐花，加隻窩貼，差不多是每檯必叫的點心。豆腐花天天自家製，單是「新鮮」一項已是大晒。不算十分滑但幾有豆香，加點黃糖，敢說附近沒有其他舖頭比得上；窩貼煎得底部香脆，下午多人叫，流量快，自然新鮮熱辣。當然如果旁晚來，自然是吃「實的的」的「賣剩蔗」。有肉汁，餡亦美味，仍有水準。少年時是連吃十隻也面不改容，現在淺嚐一兩隻，懷舊一下，足矣。當然如果要吃飽，叫豬肉包；要再吃飽一點，叫埋牛肉包；再吃不飽，叫饅頭吧。幾蚊一件，全自家製，統統吃勻也不過廿蚊，經濟抵食，在那裡找？埋單7蚊，平到不得了，要試試舊舖之味，可以一試。我還是久不久都會再來的。題外話：幫襯了

7月28 日19:00替大魔怪在北角辦完事後，便一試這老店。要了凍豆漿和牛肉飽。凍豆漿：有豆味而不會過甜。牛肉飽：幾大個，皮極厚，有1cm，底極硬，欠牙力者，千萬不要試，餡料咸。因沒裝冷氣，在夏天這店環境頗差，我邊喝豆漿邊流汗，最後進入體內的水份，可能僅餘2/3杯。我的直覺，這店如不改進，必被淘汰。

在北角返工, 有時都唔想大碟飯咁食有小食就最好第一次去呢間懷舊豆腐店食野, 食物類型不算多有牛肉飽, 豬肉飽, 煎餃, 豆花, 豆漿一個豆花, 幾隻餃又可以當一餐, 唔錯架!

其實除左豆腐花同窩貼係幾正之外，呢度的辣椒腐乳都好正，買返屋企用來炒蛋一流！又坦白講，佢的豆腐花唔係成日都能做到咁滑，但食左咁多年，感情分是加了不少，所以好多時三十幾度都坐低整碗涷豆花的。

今日咁岩行過呢頭，醒起呢度有人讚老字號兼好食，於是就係度買外賣試下。鍋貼同豬肉飽個底真係夠脆，鍋貼仲咬落有肉汁噴出(其實應該係油黎啦)，幾掂!不過個皮如果再薄d會好d，尤其是豬肉飽，但係兩蚊個已經咁好食又唔可以苛求咁多的。豆腐花同豆漿就有少少失望，豆花稍嫌唔夠滑，而豆漿就飲到有少少渣同淡左d，跟我在灣仔街市已結業的豆腐花鋪(叫什麼名字呢?食左咁多年都唔知，想來都有d羞?)吃到的還有一點距離。可惜那邊的已經結業了，想吃也吃不到。其實今次除左想試下呢度d豆腐花有幾出名之外，仲想睇下食唔食得番灣仔街市那邊的味道。可惜都係食唔番了，真的很懷念呢......p.s.我買外賣既原因係成間鋪頭逼爆人，搭檯都坐唔到。顧客由20歲到6/70歲不等，誰說難吸引時下青少年光顧佢?我諗就算我未睇過呢度既食評，行過見到那一大籠鍋貼+豬肉牛肉飽已經想走去買番個了~

上週末諗住去春央街街市買D料整泰菜，行經此處發覺這間豆腐老舖仲健在，二話不說就入去食碗豆腐花先。以前往呢度附近，由細食到大，大大話話都食左三十幾年，淨係睇墻上果張「隨地吐氮的廣告就知呢度好有歷史」。來這裡的都係街坊熟客仔多，因這裡位於街市中間，門面幾舊，加上無冷氣，好難吸引倒時下年青人幫襯。叫了涷豆花同涷豆漿，自家製夠新鮮，兼豆味濃郁；再來煎窩貼、豬肉包及牛肉包各一，窩貼底底脆卜卜，咬落有肉汁噴出，餡料亦鮮味，2蚊一隻簡直超值，個人覺得比眾多新派京滬菜館更好吃；豬肉包及牛肉包賣相完全不同，豬肉包四四方方而牛肉包是好似生煎包的，都好食；若然仲未夠飽可以食饅頭，兩蚊一個大到嚇人。食到飽一飽埋單只廿蚊左右，非常之平。呢度一帶都係戰前舊樓，真係唔知仲可以食幾耐，經過可以一試。