德興隆

營業中

休息中

一個凍豆腐花 一個熱豆腐花都好好味....好香豆味不過熱ge就比較滑凍ge佢會幫你加埋糖水, 唔要ge要同佢講呀姐幾nice, 下次要黎try埋鍋貼同埋包!!!!

因為甚少去北角，查openrice 搵食搵到黎~一見係傳統豆腐店，相信味道唔會差得去邊，每款都好想試！外賣買左一支豆漿、$10 四隻鍋貼、$10 四件煎豆腐、豬肉包一蒸一煎，等豆腐時見牛肉包幾靚，又買一個。咁多野食只係$37 最好食包括牛肉包、蒸豬肉包同煎豆腐。煎豆腐有一塊薄薄魚肉，魚肉同豆腐一夾分離，魚肉味道普通，但塊豆腐好滑又有豆香味。至於煎豬肉包味道一般，個底煎到太硬咬唔到。鍋貼痴住左外賣紙袋，食時爛哂皮 再去北角會黎呢度堂食，我未試豆腐花同埋買腐乳

食左豆腐花, 豆漿, 牛肉包, 鍋貼。牛肉包好好好味！最好味就係層皮，可能因為麵粉新鮮，個包本身好好味。原來我唔係唔鐘意食中式包，只係之前係酒樓食果叉燒包個包唔好味..呀媽咬左個包一啖，隔左兩日同我講有少少掛住個牛肉包..(哎...點解有d食評會嫌個皮厚架...)豆腐花都好味，食落好靚好滑豆漿都係，好好飲我本身唔係好鐘意食鍋貼，對個鍋貼冇乜特別感覺。環境好得意，店裡面見到製豆腐既木架，仲有好多麻包袋寫住45kg，唔知係黃豆定係麵粉。仲有個陳年菜館牌照、陳年豆腐花poster。見證歷史既店舖，唔係人工裝修可以扮出黎。

雖然分店會坐得舒服些, 但我經過了分店門口, 來到位於街市的舊舖, 因為總覺得舊舖的質素會比較有保証.原來只有分店有下午茶餐供應, 但都沒所謂, 因為價錢只是便宜些少. 我一口氣就點了2隻鍋貼, 1個生煎牛肉包, 2件煎豆腐及1杯凍豆漿. 鍋貼的皮很厚, 亦很韌, 不脆, 不熱, 沒有饀汁, 惟一可取是鍋貼裡面被饀肉塞滿了, 不過唔知饀肉在製作過程中加了些甚麼, 覺得欠缺了肉味.正所謂一皮還有一皮厚, 牛肉包的皮比起鍋貼皮還要厚二倍, 一樣的韌, 沒饀汁, 不脆, 微暖, 包中間被牛肉饀塞滿, 但份量就太少, 而味道就很濃. 煎豆腐就欠了應有的豆味, 而豆腐面的魚肉就因為太薄而吃不清楚它的味道.至於凍豆漿, 都是沒有豆味, 味淡, 微凍. 在大熱天時又沒有冷氣的環境下, 欠缺了夠凍的飲品, 真有些失望.吃完這一餐, 有點兒懷念著與這老字號價錢差不多, 但質素就好好多的另一鍋貼店.

細個係果頭返學, 由細幫襯左到大古色古香嘅門面, 仲有個石磨放係天井....好古董哦食物方面選擇唔多, 都係包點、豆腐花、豆漿豆花真係無得頂....滑滑滑鍋貼嘅皮有d厚, 但味道唔錯做下午茶一流!!

拜祭完母親於舊居一帶流連，看見它便想起有多個好評，晚飯前來些小吃亦無彷。兩杯豆漿，兩件煱貼，生煎牛肉飽一個。豆漿淡口，豆味不濃質地薄，這也好，不會頂肚。牛肉飽未吃完已上下分體，肉味一般皮痴牙。煱貼底好脆，肉稍欠汁水皮一樣痴牙。怕熱的食友注意：這等懷舊老店不設空調，只用吊扇。看牆壁的告示、牌照等，相信有三四十年歷史了。

1月30日, 喺馬寶道睇完一輪樓之後, 又熱又攰, 最好就坐低食下野飲杯野~ 又平又正, 我地去咗食我最愛鍋貼首選嘅德興隆, 喺正馬寶道街市入面, 好近!::: 鍋貼 x 2::: $5超級正! 唔單止係佢價錢平, 仲因為佢地真係好用心機做~! 鍋貼係keep住煎熱嘅, 好過d乜乜鍋貼大王啦, 仲幾大隻添~ 可以用皮厚肉滑黎形容, 裏面嘅豬肉半肥瘦, 一咬落去真係有肉汁爆出黎! 皮底仲煎得少少燶好脆十分香口, 再點少少醋真係十分惹味~ 不過少食多滋味, 食2-3隻就好滿足!::: 凍豆漿 ::: $5豆漿十分冷凍, 飲落十分解渴, 豆味充足, 豆類製品一般都係水準之作~::: 凍豆花 ::: $7睇樣都已經feel到有幾滑! “畢”一羹入口, 夠凍~ 又濃豆味~ 糖水甜度啱啱好! 望下碗中嘅豆腐花, 一層一層嘅細緻質地, 吹彈可破. 又軟滑又清甜~ 呢種味道係其他地方搵唔到!食完今次依然覺得係食鍋貼首選! 德興隆已經屹立北角幾十年… 舖頭被其他街市檔口遮住, 要留心d先搵見到~ 不過舖面大部份裝修都無更改過, 份懷舊味應該唔難搵. 叔叔嬸嬸們每日就係咁努力做豆腐賣豆腐. 日頭開得早,

下午去左食, 又係時候寫返d野啦豆腐花又滑又香, 豆漿都好正.鍋貼夠大隻, 又多汁, 一次過叫左6隻呀,

以前(即小時候)豆花是最愛的甜品,但隨年紀漸長,能吃的東西漸多,也漸漸遺忘了這美食...來到這裡,享受的不只是食物而已,還有那強烈的懷舊感~點了豆花,豆漿和鍋貼,本來還想多要個牛肉包的,可惜已售罄了...唯有下次再來吃吧...豆花和豆漿是他們堅持自己磨豆而成的,所以不單豆味重,仔細喝還能喝出豆渣啊~豆花則是滑溜滑溜~一吃就滑到喉嚨去~鍋貼保存了以前為了溫飽而把皮弄的厚厚的特色,肉汁很多,非常juicy啊~現在能用$20吃得飽飽的地方已經不多了...希望這一間店不會在一片舊區活化,市區重建的聲音下消失吧!

These were some of the best buns and wonton i tried in hong kong! little hole in the wall place, with apparently the same ladies minding the fryer for 55 years. they even have one of their old advertisements from 1955! i randomly found this place and went back 3 times. also nice soy pudding, hot or cold. not to mention CHEAP CHEAP. amazing!

天雨關係，懶得行太遠，於是來到這家傳統老店吃晚餐。叫了三隻鍋貼、一個煎牛肉飽、一個煎豬肉飽。($2.5 x 3 + $3.5 + $3.5)鍋貼很好吃，個底煎得超級香脆，肉汁很美味，而且很大隻。煎牛肉飽和煎豬肉飽個皮太厚了，不過勝在內裡的料是細心製作的肉餅，有梅菜啊、肉啊，吃上去咸咸香香的，而不是一般店裡賣的包住肥膩碎肉的「翻叮」冷藏飽。這東西超飽肚，胃口不大的女生，不建議兩件一起吃……埋單 $14.5 飽到爆肚，差點食唔晒，早知就叫少點！臨走前叫多一杯冰豆漿，味道不會甜過頭，夠香滑，下次行過一定來番杯。($5)不論價錢還是味道都比書店街的那家豆漿店好啊。ＰＳ怕肥又怕油的人，除了豆漿和豆花，建議甚麼都不要叫。煎的東西，預左有油啦！

17/8/09(一)經過吃碗豆腐花，照例只加黃糖，很想吃出它的原味，自從在北角也吃到公和的豆腐花，有比較下，覺得今天的豆腐花不夠滑也不夠豆香味。這裏在和富道的分店，還未去過，一定會去試的。至於舊店，那份懷舊的味道和街坊小店獨有的人情味，仍會吸引我來的。

在炮台山處理完一些事，漫步走向北角，看看有甚麼好吃的；忽然想起，德興隆的豆腐花聞說不錯，就走去德興隆。味道其實有點令人失望：豆腐花沒錯是滑溜得很，可惜豆味實在薄弱得可憐；唯那糖水調較得不錯，遷就了這薄弱的豆味而調至少甜，吃起來倒也令人舒服。煎釀豆腐的豆腐，許是硬豆腐的關係，豆香稍強一點，加了清鮮的鯪魚肉，比豆腐花可口。不過，最吸引的還是店內的人情味；甫坐下，已經有位婆婆熱情地招呼，煎釀豆腐送上時還不忘提醒有鼓油可醮；熱情得來卻絲毫不令人感覺厭惡，反而很溫暖窩心。要數人情味，相信德興隆是我光顧過的，第一。

朋友是北角地膽，由他帶領下走進了馬寶道街市內的德興隆。走進這豆腐花店時已是晚上七點半鐘，店主一家正在用膳，一邊吃飯一邊招呼我們，喜歡這種街坊式的親切感。這裡裝修可說是相當平實，每一角落也散發著古老的氣息，衛生不差，卡位亦頗舒適。由於其後有飯局，只是淺嚐窩貼 ($2.5 / 隻) 及凍豆漿 ($5)。窩貼由於不是新解煎起，已放在鐵窩上一段時間，窩貼皮說真的是有點韌，但內裡餡料出奇地肉汁豐富，下次要早點來吃個夠才行。至於豆漿，入口夠凍絕對解渴，而且內有豆粒，傳來陣陣豆香，絕不會稀如水，味道比附近以天然作賣點的『天天鮮豆漿』好上十倍。對德興隆的豆類食品有興趣外，店內更提供牛肉飽、豬肉飽等小吃，雖未知質素如何，但心底裡倒想試試，新鮮煎起的點心應該不會令我失望吧！

熱豆漿 － 無豆味的. 凍豆花 － 無香味, 無豆味, 畢得超厚. 但有啲滑的,　煎窩貼 － 窩貼皮厚到.... pork meat 其實係肥膏．皮還算ｃｒｉｓｐｙ，　但唔好味．煎豬肉包－皮又係超厚．超硬到爆！肉普通．　　但便宜的．下次，試公和荳品廠先．