德興隆

營業中

休息中

上週末諗住去春央街街市買D料整泰菜，行經此處發覺這間豆腐老舖仲健在，二話不說就入去食碗豆腐花先。以前往呢度附近，由細食到大，大大話話都食左三十幾年，淨係睇墻上果張「隨地吐氮的廣告就知呢度好有歷史」。來這裡的都係街坊熟客仔多，因這裡位於街市中間，門面幾舊，加上無冷氣，好難吸引倒時下年青人幫襯。叫了涷豆花同涷豆漿，自家製夠新鮮，兼豆味濃郁；再來煎窩貼、豬肉包及牛肉包各一，窩貼底底脆卜卜，咬落有肉汁噴出，餡料亦鮮味，2蚊一隻簡直超值，個人覺得比眾多新派京滬菜館更好吃；豬肉包及牛肉包賣相完全不同，豬肉包四四方方而牛肉包是好似生煎包的，都好食；若然仲未夠飽可以食饅頭，兩蚊一個大到嚇人。食到飽一飽埋單只廿蚊左右，非常之平。呢度一帶都係戰前舊樓，真係唔知仲可以食幾耐，經過可以一試。