康瑞甜品

營業中

休息中

食完深水埗文記，2條友再食個朋友介紹的康瑞甜品。一去到，好Q多人，不過好在，D人食得快走得快，好快入到去。入到去，睇過餐牌，望過價錢，即刻覺得好抵，20-25$，仲平過我樓下沙角間天鵝湖。重點係味道，甘我試曬兩種 1）凍特式仙草2）凍腐竹蓮子 特式仙草的奶香的確真係幾好，配撘芋圓丶小丸子等都冇話味道好奇怪，係一個好好嘅選擇。至於凍腐竹個碗，腐竹香吾香滑，見人見至。我個人覺得同出面差不多，重點係蓮子味道幾耐，幾鐘意食，糖水的甜度適中。整體而言，仙草個個係性價比係高，腐竹個個一般般冇咩太特別，不過都好過只係食滿記嘅。同fd排隊食ok嘅，但未至於會話朝拜甘款。感覺就吾會好似話白咖哩豬你一定知道講緊沙嗲王甘囉。

早排黎試過特式仙草百配，今次就試下香滑腐竹蓮子配蛋（可以將蛋轉做芋圓、地瓜圓、小丸子）腐竹細細塊，好滑，配上芋圓、地瓜一齊食，非常有口感。糖水不會太甜，非常適合女士食，食完都覺得個人滋潤左

吃完晚飯後, 便到了這裏買糖水回家吃。我點了特色仙草百配芋圓、地瓜圓、小丸子。回到家時, 糖水還是暖笠笠的, 所以趁着還是暖暖的, 便打開來吃。裏面的鮮草質感爽滑, 甜甜的。很喜歡仙草配上芋圓, 煙煙韌韌的, 芋圓、地瓜圓和小丸子提升了整體的口感。仙草的份量很多, 底下配上很多配料, 很足料呢！吃的時候, 有時已經分不清自己是在吃芋圓、地瓜圓, 還是小丸子, 總之就是煙煙韌韌, 有咬口, 不會太過甜膩。不過, 吃完整碗糖水, 都幾飽肚的, 下次可能要和其他人一起分享。

夜晚食完飯，朋友推介呢一間甜品鋪食嘢，佢哋強烈推介我要試吓呢度嘅芋圓地瓜圓，所以我叫咗個綠豆沙配芋圓地瓜圓同小丸子。綠豆沙唔係好甜，綠豆煮得好腍之餘仍然保持到一粒一粒，食落個感覺好清新，配料方面，小丸子係好細粒嘅冇餡湯圓仔，芋圓就係灰色方形，食落好煙韌，由於我係食綠豆沙，味道比較淡，所以食得出有少少芋頭味，而地瓜圓就係黃色嘅，食落同樣咁煙韌，細細品嚐就會發現有少少番薯嘅甜味，對於本身好鍾意食煙韌野嘅我來講，呢度確實好啱我，飯後食亦唔會太甜太heavy，大家不妨你一試。

细佬知道我钟意食芋圓，推介深水埗“康瑞甜品” 比我。但營業時間下午4点，所以趁今晚返通宵，决定揸車去買返公司，順便買埋比其他同事一齊品嘗。店內款色吾多，但我十点半去刭已高朋滿座；店外仲有好多人排隊買外賣。幸好我一早打定去落單，去刭就可以直接有得拎。自己要左最出名嘅特色仙草百配(配芋圓、地瓜圓、小丸子、紅豆、薏米及仙草)，芋圓地瓜圓均非常煙韌，地瓜圓地瓜清甜，價錢不過$25食過真係好味😋👍🏻，連同事都大讚。

打完邊爐已經好飽，朋友們即興話要食康瑞甜品！於是我地就由長沙灣行去深水埗。去到門口已經10點半，但外面排隊想食芋圓的人都真係唔少！！！我地大概等左15分鐘就入到去，就唔算太耐。同埋甜品的選擇都幾多！有凍有熱。 我地叫左2個薑汁芋圓，一個仙草芋圓同埋一個椰汁西米露芋圓。每款都係25蚊！好低食。我呢D養生派當然就係食熱的（薑汁芋圓），薑汁好有薑味！但唔啃！認真做得唔錯。食完又暖粒粒的感覺。25蚊！但芋圓的分量好多，但認真芋圓和地瓜圓就無咩芋頭和地瓜的味道，不過勝在夠軟糯！QQ地有咬口，過下口癮係不錯的。

其實上網都睇過幾次介紹呢間康瑞甜品 都大概知道係平靚正嘅芋圓甜品 但係真係冇咩機會行到去嗰個位... 今次咁啱真係幾好彩散步散左佢個位 先見到原來康瑞甜品就係前面... 就入去試吓啦😂😂😂入到去有幾種好出名嘅可以俾你揀啦 有仙草亦都有蓮子白果腐竹糖水 亦都有椰汁西米露紅豆沙綠豆沙等等唔同款 跟住有幾款係可以配小丸子地瓜圓同埋芋圓 亦都可以揀熱同凍👍🏻都唔駛等好耐呢就有得食啦 食落呢真係好好食 仲好食過深水埗其他部份嘅甜品鋪 而價錢亦都平過其他甜品鋪🤣 所以真係性價比好高嘅一間糖水店嚟㗎👍🏻

窮遊香港-質素可比鮮芋仙.話說加姐知我去深水埗指明要我去買呢間既芋圓我1545去到原來開1600....（想食要注意啦）.即刻同大家試試呢日叫左⭐️仙草百配芋圓$25仙草 芋園 地瓜圓 紅豆 薏米 西米仲有‼️珍珠（‼️堂食會大碗d)呢碗野我搵唔到負皮位👍🏻食落芋圓彈牙煙韌唔粉👍🏻紅豆唔硬 小小起沙👍🏻仙草 普通啦 冇咩味都係滑滑地咁但食食下有粒勁彈牙 唔粉既望下係咩黎啦 細細粒黑色既👍🏻原來係珍珠 做得好過好多台飲店👍🏻加埋奶 整體配合 超好$25超抵食既小店⭐️極力推介.#康瑞甜品地址：深水埗荔枝角道323號.⭐️評分：味道：4.5/5 環境：-/5服務：-/5 衛生：-/5抵食：4.5/5

新工作轉了在深水埗區後，覓食更容易。這天放工後想吃甜品輕鬆一下，就去了康瑞涼茶。6時多不是小店的peak hour，所以不用等位就可以內進了，記得第一次來（當時還是舊舖）的時候，排隊都已經等了45min呢！一坐下，我已經下單，目標很明確，就是康瑞的招牌－－特色仙草百配（$25)！一碗有齊芋圓、地瓜圓、小丸子、仙草、珍珠、西米露、薏米、紅豆，口感豐富，芋圓和地瓜圓依舊有嚼勁，煮得軟硬適中，但味道比以前略淡。仙草保持水準，質感滑溜，入口甘甜。紅豆亦煮得軟綿，配上不同口感的珍珠和西米露，仍然好味！整體甜度也非常適中，不會太甜。雖然配料沒有以前般足料，但在香港這個年年加租的地方，一碗糖水的價錢卻多年不變，實在不易啊！尤其當珍珠奶茶賣緊$30一杯時，一碗可以堂食的糖水仍然賣緊$25，實在非常佛心！

食完晚餐，一行四人過黎食個甜品先！未行到過嚟已經見到很多人在門口排隊原來有些人是在等外賣的但有些人是在等位的！大概等了20分鐘才有位，我諗如果兩個人黎會比較容易有位！價格算平！抵食！鮮草百配-份量多椰汁西米-相對份量較少，但椰汁好香好味！外賣左個薑汁，原來有蛋花！薑汁味濃！好味！

仲記得一兩年前呢間仲係中醫舖開檔既糖水舖可以叫做芋圓始祖, 雖然位置好少但係真係超級大熱, 自從搬左舖之後反而食少左, 因為宜家間間糖水甜品都有芋圓, 有比較之下, 康瑞又變得比較普通。MENU仲係無乜點變, 必食既都係仙草百配啦, 不過我覺得芋圓無之前咁好食, 宜家得個Q彈, 帶少少厚實既感覺. 同埋無乜味, 不過仙草同埋意米紅豆果D夾埋一齊食, 個糖水本身實好食既!另外呢個紅棗雪耳芋圓又係好普通, 似係屋企都整到既質素, 同埋呢到既糖水都偏甜。

上星期去左深水埗康瑞甜品食芋圓, 已經唔係第一次食, 基本上去開果都忍唔住去食, 不過通常9點後排隊嘅人就會非常多, 不過我就算要外賣都忍唔住要去買來食!今次叫左個個人最中意嘅特式仙草芋圓, 仙草好似涼粉咁好香好好食, 加上佢每一碗都有足芋圓, 小丸子,地瓜圓, 仲有西米同紅豆, 好大碗份量十足, 食完飯再去食甜品有時都未必食得哂成碗!另外仲share試左個椰奶紅豆沙配芋圓, 紅豆沙唔會太甜, 反而好香椰汁味, 加上芋圓同埋其他材料嘅配搭好新鮮, 第一次食紅豆沙+芋圓估唔到咁夾!P.S. 深水埗地鐵站C出口最近, 穿過街市行大約10分鐘左右); 堂食要早少少去排隊, 特別星期六日, 因為會好多人排隊!

早幾日試過葵芳既芋圓，滿足唔到。今次上網睇推介話尼到好食又抵食。所以又同老婆食完飯，行黎買外賣返去食。其實25蚊都叫正常價，因為佢碗野都幾大碗。先講我叫左既係西米露芋圓。西米路好淡，感覺係花奶溝糖水就算（可以既唔好揀）。講返主角，芋圓同地瓜圓正常咁，地瓜圓都有味。係芋圓冇咩味！小丸子就就正正常常。老婆要桂棗雪耳，唔太甜同埋唔係好夠熱。其他野同我個碗冇分別。整體正正常常，未到話必食。如果經過想食既 可以入去既。

由舊舖食到新舖，幾乎每次去深水埗都會去食康瑞。 今次揀咗夜晚差唔多十點先黎食 ，只係等咗五分鐘就有得入座，時間啱啱好。食得最多次嘅，一定係特式仙草百配， 以佢嘅質素從來冇下降過。 大大碗甜品有齊仙草、芋圓、地瓜圓同薏米，加埋奶配搭一絕。康瑞嘅芋圓同地瓜圓都係自家製，食落特別煙韌同埋有口感。 亦都有別於出面其他舖頭，康瑞嘅仙草食落特別滑，唔會有好淡口嘅感覺。而仙草百配嘅糖水比例都啱啱好，食落唔會好甜。一定要加奶

食完飯想食甜品康瑞係深水埗區嘅首選因為已經食過不下十次其中原因係因為真係好抵食平靚正我通常食開1號☺️☺️☺️25蚊有咁多料真係好抵我最鐘意係佢地啲仙草！！係好清新嘅感覺！唔會話好實其次係芋圓地瓜圓！超有𡁻口！！！芋圓有芋頭味😂地瓜圓又有蕃薯味！🤣好正！因為之前食過其他地方係無乜味架！幾靚😍仲有啫喱都好出色！口感特別，同埋係種好香嘅香味！有朋友唔多like, 但我就幾鐘意睇下幾靚😍😍😍可以話呃like一流哈哈！